|
دعوه للنقاش بخصوص كلاسيكو البارحة تفضلوا... حياالله اخواني عساكم بخير ولي فتره كبيره ماسجلت ولاشاركت لاحظت شي جديد البارحة في المباراه وخصوصا من لاعبي برشلونه بأنه مع كل سقوط لاعب تجد اقل شي ثلاثه لاعبين واولهم بويول امام الحكم يصارخون في وجهه ماعرف هل هذا تكتيك جديد او ماذا ....؟؟ بالنسبه لمدريد لاحظت امس ان الخشونه كانت اكبر من السابق او بالاصح الحماقه اكبر حتى التدخل العادي يوهم الحكم بأنه دخل حركه كراتيه هل هذا تكتيك جديد او ماذا....؟؟ باختصار مارأيك في تمثيليه واحتجاجات لاعبي البرشا وخشونه وحماقه لاعبي الريال ؟؟؟ بضيف شي اخر انا رأيي في حكم المباراه بأنه كان مهزوز وماهوب بقد مباراه مثل هذه ايش تقول انت ؟ |
ياخوي الطريقه هذي بكل مباراه نشوف لاعبين برشلونه يسوون هالشيء عشان يأثرون على الحكم وقراراته , وناجحه معهم 100 % , امس لاعبينهم تقل بزران اي فاول ينطلقون للحكم حتى الحارس يجي يركض خخخ http://i56.tinypic.com/v5ial2.jpg ههههههههههههههههههههه لا تعليق .. للمعلوميه موضوعك بيتقفل مع انه مالك دخل بتصير مهاوشات ولا تنسى فيه ناس ما تحب تعترف تحب تجحد دايم هههههههههههه |
أكيد اذا كان تكتيك الخصم الضرب والركل والرفس .. فلا بد أن تحمي نفسك وزملائك من هذه الهمجية واللتي كانت تدل على ضعف المنافس فنياً هذا ماحدث بالأمس بكل إختصار .. |
إقتباس:
ثاني شي الكل عارف حاليا ان برشلونه هو افضل فريق بالعالم بس السؤال ليش افضل فريق يتخذ مثل هذي التصرفات احتجاج ومحاوله التأثير على الحكم السؤال هل يحتاج برشلونه استعطاف الحكم ؟؟ |
إقتباس:
على كل صغيره وكبيره يحتجون منظر عادي بالنسبه للاعبي البرشا وبعدين لاتنسى اخوي ان في لقطه امس حصلت الي هي بوسكيتس يجري ويصدم في اربيلوا ويطيح ؟؟ شي غريب ابدا مباراه الامس ماكانت ممتعه مثل السابقات عموما اخوي شرفتني ونورتني يالغالي:d:d احس اني طولت:laugh::laugh: |
الله يبقيك دوم حيآك الله حبيبي :smilie47: ، :rose: صبحك الله بنور الهنوووف // اللي خـذت من الحور غآده :d في الجزء لأول من تسآؤلك ، ، ، فأنا اقول ... بالنسبه لإستنكآرك الأول حول لعيبة "البرشآ" يوم ينطون في حلدز الحكم < هذي كلها شد عصبي وحركآت لـ التأثير والضغط على حكم المبآرآة في قرآرآته سواء اللي في التو واللحظه او القرآرآت اللي رآح يتخذها لاحقاً ، واحيانن يكون معهم حق لكن موب بذا الطريقه انهم يندفعون عليه كلهم بهالشكل ومثلك خآبر الحزازيات والحمآس الزايد ضد الفريقين وغريمين . طبيعي يطلع منهم هاللتصرفآت ولو اني استغربها من لاعبي البرشآ لأنها بشكل مبالغ فيه اكثر. ، واللي قهرني بصرآحه بعد اكثر، دكة احتياط الفريقين مع كل خطا يقومون كلهم يحتجون بشكل غريب واحد ينط على الحكم المساعد ويعترض والبآقين يتناوشون فيما بينهم . / / ثآني حآجـه اللي هي ؟؟ ( خشونة لاعبي الريال والرعونة في التدخلآت والإلتحامات )؟ فأنا مستغرب إستغرآب شديد لدرجة إني فكرت اني اتابع مباراة ثآنيه غير كلاسيكو نصف نهآئي دوري الأبطال وانا اسمع اغلب "المدريديه" ينتقدون التحكيم بصراحه مباراة البآرحه بالتحديد، اشوف "ريال مريد" من انصآره الى مدربه الى لاعبيه هم آخر ناس يتكلمون عن التحكيم والإدعاء بالظلم لأن طرد "بيبي" اشوف يستحق الكرت الأحمر ودخوله كان على سآق "الفيس"كان متهور جداً وعنيف. نآهيك عن "مآرسيلو" وهو يدعس على ساق "بيدرو" + "مآرسيلو" وهو يضرب "بوسكيتس" في وجهه + "اديبآيور" وهو يضرب ويتعرض لـ "بوستكيتس" في وجهه. وكلها تستوجب الطرد . والحكم كان متغآضي وما ادري من كان المسؤل هو رجل الخط ام حكم السآحه في ذالك !! يعني في هالحالات وشلون يجون اغلب المدريديه ويتذمرون من التحكيم وانه كان ضدهم !!! شي وامر غريب الصرآحه. ، ، ، وسمعت تصريح ليلة البآرحه عن مورينهو انه يقول " اتمنى ان اخوض احدى مبارياتي ضد برشلونه ولو لمره واحده، دون ان يطرد ويقصى احد من لاعبي فريقي بالبطاقه الحمراء" ، بالله وش معنى هالكلام؟؟؟ يعني يخلون لاعبينك يقلبونها مجزره وحلبة مصارعه وخشونه وتبي الحكام يسكتون ولا كيف يعني !!!! والله شي عجيب وغريب مايدخل المخ، لدرجة اني يوم شفت خشونة لاعبي الريال اللي استمرت لأكثر من مباراة ، حسيت ان "مورينهو" موصي لعيبته بذا الشي. ، لذالك ارحموا عقولنا وخفوا علينآ شوي من التعصب اللي يعمي الوآقعيه ويقتل الحيآد والمصداقيه ، ورجاءاً اتمنى الردود تكون شامله على الوجهين صريحه لآيجي "برشلوني" عشانه فاز يخلي التحيكم على جنب ويسفهه ومايتكلم عنه. :d ، ترى الموضوع نآزل اليوم الثآني يعني حدة التوتر والعصبيه اتمنى انها خفت وتلاشت ونما عندكم الإنصاف في الرآي والردود. ، ، ، والله يستر من سيل الردود الجآيه . :cry: |
ما اقول الا الله يعين ,, كل بعد كلاسيكو بيطلع لك اشياء مدري من وين كأن أول مره نشوفها بالملاعب ,, !! |
اول شي لاعبين برشلونة لازم يحمون انفسهم من خشون مدريد بالله هذا لاعب لو الحكم صاارم شووي ما صارت المبارة ضرب اديبيرو يضرب بدون كرة وراموس بعد وانا معك ان الحكم مو قد المبارة |
انا لست برشلوني ولا مدريدي لكن الصراحه تقال آديبايور يستحق اكثر من أحمر أمس واستغربت جدا من لعب المدريد لأني كنت اراهن ان المدريد كان قادر على الفوز امس في ظل ظروف البرشا لكنهم بقيو منكمشين دفاعيا !! بالنسبة لتجمهر لاعبين البرشا عند الحكم فأنا لست مستغرب من هالشي نرجع للخلف سنتين لعام 2009 عندما حقق البرشا ابطال أوربـا وفوزة بتلك البطولة بالعامية (( ما طلعله ريش الا بعد تلك البطولة )) :) ومن بعدها اصبح الهياط البرشلوني يعم أرجاء العالم والكل يتناسى ان البرشا لم يصل للنهائي الا بفضل حكم مباراته مع تشيلسي والكل يذكر تلك المباراة و المهازل التحكيمية لصالح البرشا ولو كان التحكيم صحيحا ... فشيلسي كان سيهين البرشا بنتيجة تاريخية في تلك المباراة البرشا ما نسيو فضل التحكيم عليهم لذلك التجمهر حول الحكم في المباريات الكبيرة دائما ع العموم النهائي مانشستراوي برشلوني مانشستر سيعيد البرشا لمكانه قبل 2009 ويتسيد اوربا مانشستر من جديد :) |
البرشا مو اول مره يسوون هالطريقة،، طبعا انا مدريدي بس وربي اقول يستاهلون البرشا،، اما بخصوص خشونه لاعبين الميرنقي وطرد اخشن لاعب ب الوجود بيبي فهذا الشيء الوحيد الي طلعنابه بالمباراة يطلع حرة المدريديين شوي،، وبخصوص رأيك عن الحكم فأنا اوافقك بالرأي وغير انه كان مهزوز تراه يشجع البرشا ويتمنى الحصول على فانيلة ميسي،، بالتوفيق للريال بالإياب،، تحياتي لك اخوي ع الموضوع.. |
أذا كان الخصم يرفس ويركل ولاعبينك يتساقطون بالاصابات تقعد تتفرج ع الحكم لازم تجادله وخصوصا إن المباراه بملعبهم والجمهور واقف ضد الحكم بكل شيء يصيح هع هع هع |
أنا كنت أميل للبرسآ .. لكن رسيماَ و من هذآ المنبر .. أتبرأ من برشلونه :s2: عمومن عندي سؤآل تدخل بيبي إلي أخذ فيه كرت أحمر .. كآن فآول صح .. لكن المفروض ينذره الحكم شفوي أو على الأقل يعطي أصفر ثآني بعدين أحمر .. مو يجي من بعيد نآوي يعطي الأحمر .. > و مآ أقصد شي أبدن ترى :d بالمقآبل تدخل مآسكي كآن أعنف و فيه تهور و تعمد إذآء و مآ شفنآ كرت :s2: لمآ شآت سآق مدري منو بالظبط .. + كل دقيقه تقب هوشه و نوشف فآلديز يجي من بعيد بأكثر من مبآرآهـ على الأقل يستحق كرت و كرر هذه الحركه أكثر من مره فـ ممكن تتحول لطرد لكن مآ شفنآ شي :d بعد مآ تخلص الهوشه يجي الحكم و يوزع كروت على لآعبين الريآل و طآح الضحيه أربيلوآ الظآهر :s5s: و يشوف تشآفي :smilie47::cry: و بويول يأشرون على منو و هو يعطي كرت :d على فكره مآني مدريدي عشآن ادآفع ب‘ المقآبل شفنآ تدخلآت عنيفه من لآعبين الريآل تستآهل كروت لكن الحق ينقآل :rose: .. تقريباً النهآئي وضحت معآلمه .. بين المانيو :smilie47::smilie47: و البرسآ بإذن وآحد أحد مآ يطلع الكأس من بريطآنيآ :smilie47: |
سؤال / من متى هالجو المشحون بين الفريقين ؟ نعم روح المنافسة موجودة منذ اكثر من 100 عام لكن انا وجهة نظري منذ قدوم مورينهو للريال و نفسه واضح على اللاعبين و الشحن الواااااااااضح من جهته على لاعبينه من تصاريحه المعلنه و في غرفة الملابس اللي انعكست على ارض الملعب من الخشونة الزايدة لدرجة تقول كرة قدم امريكية او الركبي و لكل فعل ردة فعل فبدأ لاعبون البرشا بحماية انفسهم و لا عبينهم من الخشونة و الركل و لا اذكرك ما حدث من راموس في الكلاسكو الاول في الكابنو من ضرب متعمد لميسي و بيول و شافي بالله غسل و غير عقول لاعبين على قدر عالي من الاحترافية الى لعيبة شوارع بل اقل ؟؟؟؟؟؟ |
هههههههههه هذا برشلونه كعادته اذا حجرررله فريق بقيادة مورينهو والمبدع بيبي او اي فريق آخر استعانوا بالحكم كعادتهم وتجمعوا عليه بعد اي خطاء حتى لو خطاء طفيف لتشكيل ضغط علي الحكم وتلقائيا يقوم الحكم بطرد نقطة القوه بالفريق الخصم مثل طرده بيبي الغير مستحق وشي طبيعي يبدع ميسي ويسجل بعد خروج اللي وقفله بالمرصاد الصخره بيبي وسبق ان نجح برشلونه بخداع الحكم بمثل هذه الحركه امام ارسنال وتشلسي والانتر وبتشوفون برشلونه بالنهائي سيتجمعون على الحكم لأي خطاء من الخصم بعد ان يفشلوا بتسجيل هدف بمرمى المان من اجل ان يساعدهم الحكم واتوقع لاعبين برشلونه سيختارون (قيقز او روني او ريو فرديناند) لكي يتم طرده هههههعععههه فريق الحكام المدلل |
|
| الوقت المعتمد في المنتدى بتوقيت جرينتش +3.
الوقت الان » 03:08 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd