تدري وش الي يجلب الهم والضيق.! أذا قالو خلاص مانبيك .. !! كلنا لك يالغالي .. - نادي الهلال السعودي - شبكة الزعيم

~ ذبحني غلاك ~ · #1 27/04/2011, 12:06 PM

بسم الله الرحمن الرحيم ,,

موضوعي .. عن شخص عزيز ع قلوبنا يازعماء .. بختصار ,,, خالد عزيز ,,,

غاب عن التمرين ثاني مره ع التوالي .. طيب وش صار غاب لاحول ولا قوه الا بالله .. نسوي زحمه ونطالب بتسريح عزيز ماهو معقول يازعماء .

مباره الهلال والأتحاد الأخيره اللى في الرياض كان رادوي غايب .. وعزيز كان في الموعد وأكثر الأعضاء قامو في مدح عزيز واليكم هالرابط

http://vb.alhilal.com/t1000068.html#post17656790

صدقوني عزيز يحب الهلال وبجنون ومخلص للون الأزرق وماعليكم من اللى يقول عزيز ناوي يطلع عن النادي .

أي موظف يغيب كم يوم ويخصم من راتبه ..
أي مدير كان لابد يجي يوم ويغيب ويتحاسب ..
وعزيز لاعب ومحترف ولابد يجي يوم ويغيب صحيح يكررها أكثر من موسم بس لابد أن لا نكبر الموضوع نخصم من راتبه تمرين انفرادي وبعدها يرجع زي أول وأحسن بعد .

العسكري في بدايه دورته العسكريه يتعاقب ويأخذ أشد العقوبات وأذا تخرج من الدورة يكون كفووو في عمله ويشتغل من قلب ..

صحيح بعض المرات تقول العسكري يضايقني في الملعب سواء في التفتيش وغيره بس اذا انت في زحمه طريق وجاء العسكري ونظم هالطريق بتقول جزاك الله خير ..

خالد عزيز .. مرات يضايق كل مشجع هلالي بس بعد كم يوم يرجع ويفرح كل قلب هلالي ..

ياجماعه الخير ,,
لانقسووو ع ولدنا عزيز فقط ندعمه وهذي عادتني يازعماء ...

الهلال مقبل ع مشاركات قويه وتحتاج كل لاعب بالزعيم .. صحيح الهلال عمره مايوقف ع لاعب بس عاد لانزيد الطين بله ..

..

ننتظر عودتك ياعزيز

أميـــر الليل · #2 27/04/2011, 01:20 PM

,

يآ أخوي مو أول مرة خآلد عزيز يغيب ّ ! تذكر الموسم المآضي كم من المشآكل
صح خآلد لآعب كبير ومآ يختلف عليه آثنين , لآكن في وجهة نظري يجب خروجه من النآدي

* وجهة نظر خآصة *

~ ذبحني غلاك ~ · #3 27/04/2011, 01:40 PM

إقتباس


	يآ أخوي مو أول مرة خآلد عزيز يغيب ّ ! تذكر الموسم المآضي كم من المشآكل صح خآلد لآعب كبير ومآ يختلف عليه آثنين , لآكن في وجهة نظري يجب خروجه من النآدي

بتغير كلامك يالغالي بعد كم يوم .. فقط ادعموووو عزيز

M7akee · #4 27/04/2011, 02:03 PM

ياحبيبي,,,

الضروف تمر على اي شخص واكبر مثال غياب رئيس النادي ونائبه فترات طويله عن النادي ...

وعزيز حاله كحالنا جميعا تمر عليه ضروف ولكن السؤال هناء,,,

هل يعقل ان تمنح الاداره اجازه 4 ايام للاعب اجنبي قد يلعب الموسم القادم في دوري مختلف عن دورينا وفي نفس الوقت لا تقبل عدر لاعب سعودي خدم الهلال علي مدى (سناوين) عفوا سنوات طويله اقصد... من غير سبب!!!

ياخي عزيز يثير الشبهه حوله بغيابه المتكرر بالمباريات الهامه ,,,

اعتزل النعيمه فقلت في نفسي خلاص الهلال راح يعاني بمنطقه الدفاع لسناوين اااااووه قصدي سنوات طويله ... وصار اعتقادي خطااء.

ويوم ركب الثنيان السياره المكشوفه وهو يدور بالمضمار قلت نفس الكلام .. وش صار عقبه ..! مازلت انا اخطئ بتحليلي,,

ويوم وصل مانشستر وانا اشوف الجابر يصنع الفارق في مباراة الكبار قلت سلام ياهلال بعد جابر عثراتك ,,, خاطااااء عليك للمره الالف يالغالي,,

الهلال ما يوقف علي لاعب ولا علي رئيس فهو سيد كل زمان ومكان ,,,

وعزيز عمره فووق ال30 لو هو صاحي ختمها مثل الناس بتكريم واعتزال .. لكن الله يرزقه علي نيته

اسف للاطاله لكن اللاعب كبير وما نقدر نهضم حقه لكنه يثير علامات التعجب والاستفهام كلها بتوقيت هروبه في كل موسم

al_doesry · #5 27/04/2011, 02:05 PM

يآ أخوي مو أول مرة خآلد عزيز يغيب ّ ! تذكر الموسم المآضي كم من المشآكل
صح خآلد لآعب كبير ومآ يختلف عليه آثنين , لآكن في وجهة نظري يجب خروجه من النآدي

خالد ، الدعجااًَني · #6 27/04/2011, 02:08 PM

ياحبيبي ويلهامسون يستـــــاهل اكثر من 4 ايام بعد

لعب مباريات الموسم هذا : كله ومنظبط في اداء التمارين ولاعب مخلص للهلال

عزيز السنه الي راحت جايب العيد : والي قبلها
وهالحين جالس يكرر غياباته !!

عزيز بالعربي يبي نادي الاتحــــــــــــــــــــــــــــــااااااااااااااااااااااااااااااااد : واذكركم

Radoi Al-zhrani · #7 27/04/2011, 02:14 PM

بـ صراحه ..
ما نبي من خالد عزيز الا انضباط .
فهموه ان الوضع اختلف عن اول ..!! الهلال الأن صآر نآدي يطبق الإحتراف
ما نبي خيرك با خالد عزيز و انت مو مقدر ( كيان الهلال ) ..
للأسف ( مزاجيتك ) خربت عليك ( قيمتك الفنيه ) ..

هيوني الهلاليه · #8 27/04/2011, 02:21 PM

ياجماعه الخير ,,
لانقسووو ع ولدنا عزيز فقط ندعمه وهذي عادتني يازعماء ...

أجمل ما قرآت اليوم الله يسعدك على كلامك

أدعموا غزيز يوم الجمعه وراح تشوفنه إن شاء الله

♥ N E V E S ♥ · #9 27/04/2011, 02:27 PM

طيب واللاعبين الباقين ماتجيهم ظروف يعني ؟؟

والله تجيهم ظروف اقوى من ظروف عزيز لكن يحترمون الفريق !

مخاوي السامر · #10 27/04/2011, 02:36 PM

عزيز ولدنا بـــــــــــــــــــــــــــــــــــــــــــــــــــــــــــــــــــس ليِِِِِِشششششششششششش دايم يسويها مع الاصفرين ؟

عاشق 9_20الهلال · #11 27/04/2011, 02:51 PM

عزيز ماهي اول مره يغيب وكل غياباته تكون مباريات حاسمة
وعقده ينتهي الموسم الجاي واذا دخل في 6 شهور يحقله يوقع لاي نادي اتمنى قبل دخوله في 6 شهور يبيعونه وفيه القرني راح يسد في مكانه

وارثــ الزعامه ــــة · #12 27/04/2011, 02:54 PM

خالد عزيز لاعب مبدع ومايختلف عليه اثنين
لكن موضوع غياباته المتكرره المستمره يحوم حولها الف علامة استفهام
ضروري تضع الأداره حد لهذا الموضوع ..

miss L · #13 27/04/2011, 03:12 PM

نبيك ياخالد..
تكفـــــــى لاتطولهآ
الجمهووور يبيك ومشتاق لك..

قمرالزعيم الهلالي · #14 27/04/2011, 03:13 PM

ياحبيبي ويلهامسون يستـــــاهل اكثر من 4 ايام بعد

لعب مباريات الموسم هذا : كله ومنظبط في اداء التمارين ولاعب مخلص للهلال

عزيز السنه الي راحت جايب العيد : والي قبلها
وهالحين جالس يكرر غياباته !!

هلاليه زي القمر · #15 27/04/2011, 03:29 PM

عزيز لاعب لاعب كبير لاعب له ثقله بالملعب لاعب مبدع بمركزه لاعب يحبه الجمهور لكنه للأسف لا يحترم لا جمهور والا نادي

اتمنى من الاداره تلعبه كل المباريات وتخصم من مرتباته لان عدم لعبه مكافئه ويريحون المسكين رادوي

يعطيك العافيه