ايوه ...اتفقنا على ان التكروني (جعفر) يمرني بكرا العصر علشان نتفاهم على الاتفاقيه بيننا (مناب عاقلين يايابيكهام ومانشستر يونايتد:)) المهم ومن يوم راح التكروني وانا افكر كيف اترك الفريق اللي ترعرعت فيه (ايه هين:)) وماجاني النوم ذاك الليله (صفقني:) اشوى اني طقيتها نومة) واقعد افكر ..كيف اترك الفريق ؟ المهم ...طقيتها نومة وقمت بكرا زي العاده ...الساعه 11 الصباح وافطر و اقعد اقرا الجرايد ....مهنا شي جديد الهم ان الهلال فاز على الوحده :) قلت كويس :) ومهنا شي يستحق الذكر ...الزبده واطفش من الجرايد ...يوم جت الساعه 1 الظهر ...ويدق التلفون تر ن تر ن ترن ترن ...وارد الينه والله (جعفر التكروني:)) يسالني متى يجي بالظبط ....قلت حياك الله بعد العصر ...المهم ...وتغديت ..عينت من الله خير....قعدت شوي لين التلفون رن ثاني مره !! هالمره طلع كابتن فريق حارتنا (عبساس) يقول : ابك انت تتكلم جد ..يالجحده تبي تتركنا وتروح مع فريق التكارين هاه !!؟:) قلت : خير يبوي لا احسن ادخل علي من السماعة وطقني هذا اللي ناقص انت ويا خشتك ...بعدين تعال تعال وش دراك ؟ قال : اخوك دحمس علمني !! قلت طيب طيب اكلمك بعدين (بروح اتوطي في بطن الدحمس) قال : هاه تبي تجي تلعب اليوم فيه تمرين عندنا(موب عاقلين الارسنال:)) قلت : زين زين (اصرفه) ...وسكرت السماعة ...واطب على دحمس وهو خاش جو يلعب سوني ....واتوطى في بطنه يقعد يصيح لين قال بس !!! (يستاهل مااحب اللقافه) المهم صليت العصر ورجعت الين والله هذا سيارة التكروني ومسنتره عند الباب وهو واقف ينتظرني ...اوه اوه هلالالالالا جعفر (من زينك ابي دراهمك بس خخخخخ) ويرد هو نياته : اهلا فيك (بلهجتهم طبعاً:)) واقلطه ...قلت اها وين الاداري ...قال الاداري بيجي بعد شوي ..المهم وازهم الدحمس يجيب لنا شي بارد (ياهوه تطورنا موب لله علشان الدراهم) وجيب لنا عصير (حشى عرس موب توقيع عقد خخخخخخ) المهم وشوي وسواليف (اخر عمرنا نسولف مع تكرن:):)) ايوة شوي الا دق الجرس هذا الاداري الظاهر ..وافتح الباب الا والله اشوفه مرسم وكشخه غريبه موب تكروني !! ياشيخ ذا كشخه مره كنه امير!! :) واقطله ...يالله حيه يالله حيه ...قلت مابدهاش ..القهوه والشاهي ياولد والبخور بعد (خخخخخخخ قروي:)) المهم وقال : انتي كيف شفت الوضع ؟؟ موافق اكيد ؟؟ قلت : امممم ان شاء الله وقال:شف الحين نبي نروح عند واحد علشان نوقع العقد (ياولد السالفه طالت!!) قلت وليه مانوقعه الحين ..؟ قال لا لازم نروح للشخص هذا ضروري ..المهم والله نروح له ...ومادريت الا حنا في استراحة !! قلت وين الرجال !!!؟ رد التكروني بحقد : الفقه بس !!! قلت يؤ يؤيؤ افا ...ويرد ذاك الاداري : على شحم بس ولاكلمه (يقوله لي!!!) انا انصدمت !!! شباب وش فيكم تستهبلون !!؟ قال التكروني : حنوريك من اللي يستهبل (قالها باستهزاء) والمهم والا شوي دخل علينا واحد ..اعوذ بالله ..دبببببببببب ..يازين (فص فص عنده غزال:)) اوه عرفته هذا اللي كسر اخوي الدحمي واجي احسبه بيسلم مادريت الا كف على وجهي !!! (هانت والله :() وتوني بامردغه الا ويطبون كلهم علي ويمسحون بي الارض !!! وياخذوني ويركبوني بالسيارة ...علطول سيدة ويمشون مليون بالسياره !! ويطبون على الملعب حق حارتنا ويقوفون السيارة ويذبوني !!! وينحاشون !! العيال ماامداهم يسون شي ويقعدون يرجمون بالحصى (يابعدي ياعيال حارتنا) ...وعليه ويشغل عبساس كابتنا الددسن وطردي وراهم ...ويله وطردي وطردي ....خبري بالرجال راح يطردهم معافي ...جانا شبه حي !!(خخخخخخ انجلد:)) سلامات عبساس ...قال : اها بس الفقه ..انجلندنا يالرخوم (خخخخخخخخخ ) قال وانت تسمع كلامهم يالمخه رايحً معهم وتبي تترك حارتنا يالخول!!! قلت : ااااااا (ماعرفت وش اقول ضاع الكلام) قالوا : الا الا معد نبيك معانا تلعب ....يؤيؤ شدعوه شباب ....يمين يسار قالوا تبي تلحق كور حياك اما تلعب خلاص ماعندك مكان بيننا !! ماكفاك امس مضيعنا واليوم تبي تخوننا !! (منيب عاقل يا فيقو الحين:)) المهم يمين يسار ..ماااااش ...ويجي الاداري حقنا سلطان الدب (والله انه رخمه بعد) ينفخ عليه عبساس وعبساس مره كنه رئيس النادي !! يذكرني ببعض الناس اللي اسمهم ماينقال(عرفتوه ياثباب!!:)خخخخخخخ) المهم ...وارجع للبيت على اذان المغرب ...واشوف اخوي الكبير جاي عند في الغرفه يمشي مليوووووووووووووووون !! يقول هيه انت يالخبل ...قبلوك في الوظيفة !! قلت اما عاااد !! تستهبل انت ؟؟ قال والله العظيم ..اي والله ويوريني الجريده ..ياولد ياولد هذا اسمي (ياهوه اشتهرت اسمي في الجريدة قروي هخخخخخخخخخخ) :) ايوه واطامر ...زي طاش ماطاش لما لقى ولدهم وظيفه :) وسويت حركه ببيتو (خخخخخخ:)) المهم عاد قال لي اخوي ...تروح يوم السبت كذا كذا ...علشان تراجعهم وتكمل اجراءاتك ...لادموع بعد اليوم ...اككككككككككككككككك



--------------
كنت ثقيل دم بس حبيت اعبر باسلوب ساخر ماحدث لي :) واسف على الاطاله ..

تحياتي واشواقي :)

هذه آخر حلقة من المكرات اللي تشمل يومين فقط :)

بس بصراحة اسلوب رائع ... اسلوب عيار

على العموم استمتعنا بالجزئين وعلى البركه الوظيفة

والله قصه رهييييييييبه .. تابعنا احداثها على مدار الشوط الاول والثاني .. قصدي الجزء الاول والثاني ..
بس مدري مافيه اجزاء اضافيه ؟؟


يعطيك العافيه والله ..

والله أخزي جابر العثرات(بوليــــه) أسلوبك في القصة رهيب مرة
بس عسا ما تعورت يوم جلدوك ومرة ثانية لا تصدق كلام تكارنـــــه يا (بوليه)
والـــــــــــف الــــــــف مبـــــــــرووك على الوظيفة
واتمنى انك تكتب لنا من المذكرات اللي صارت لك وأتمنى لك التوفيق في وظيفتك الجديدة ,,,,,,,,,,,,,,

معليش غلطت وكتبت اخزي وكان قصدي اخوي جابر العثرات(بوليــــه)

ابشر بالوظيفه
 

هلا خريج الوظيفه موجوده جريدة الرياض فيها محررين اثنين ما معهم الكفاءه
وانتي فيك نفس المواصفات لسان وحكي وهلالي وعلى فكرة الاسم الاخير لكل منهم
زي بعض بين قوسيين (شمري)

أحيك على أسلوبك في الحقيقة رائع جدا....بس ودي أسألك وش فيك على أخوك الصغير تراه ينرحم.....على فكره مبروك الوظيفه.<br><font size=1 color="#000080" face="tahoma">[عدلت بواسطة babo التاريخ:23-02-2001 الساعة: 11:01 AM]</font>

افا الدعوه نذاله‍‍!!!
 

لا يخوي بطلنا مانبيك بفريق حارتنا, اللي تركت أخوياك على طول ماصدقت خبر... أجل حنا ويش بتسوي معنا:)

بدري على الوظيفة ....لسة
 

اهلين شباب شاكر لكم ردودكم اللطيفه جداً....

بالنسبه للوظيفه ترشيح طبعاً ...والوعد يوم السبت باذن الله نشوف وش يبي يصير في المقابلة ...وربك يعين

اخوي صالح : هذولاك معهم كفاءة ..!! انا معي ثانوية صناعية ....يعني فرق بين شهاده ثانوية وشهاده متوسطة وشاكر لك اخوي ردك يعطيك العافيه

تحياتي واشواقي

السلام عليكم :


جابر العثرات

أسلوبك حلو وساخر

كخخخخخخخخخخخخ

لكن عندك عيب

حرام عليك أخوك تطقه

يعني لو زعلت عليه قبصه بس ( واحد خكري)

والتكروني كان قبصته ويفكك

كخخخخخخخخخخخخخخخخخخخخ


المهم على البركه الوظيفه

وإنشاء الله نشوفك بعد ثلاثين سنه شايب

وعندك بزران وفلوس وموظف كبير

وتد خل مواقع الزواج تدور لك عروس أجنبيه

وتدري المعزبه وتقوم عليك عيالها

وتنطرد من بيتك

ونرجع لملعب حارتكم

وتلقى عبساس يطقطق في الكوره

وتنام عنده

ومن بكره يجيك تكروني يقولك عندي لك مره


ههههههههههه

ترا أمزح

الله يوفقنا وياك

ههههه الله يرجك يانجم النجوم
 

خخخخخخخخخ الله يسمع منك الا التكروني عنده لي مره (لالالالالالالالا) :) خخخخخخخخخخخخخخخخخ تسلم يعطيك العافيه



تحياتي واشواقي:)