26/01/2003, 12:16 AM
|
| زعيــم متواصــل | | تاريخ التسجيل: 22/07/2002 المكان: زلفينيا ستيت
مشاركات: 81
| |
|
قصه حقيقيه حصلت بأحد المقاهي في السعوديه
السلام عليكم ورحمة الله وبركاته
مساء الورد والجوري لكل الاعضـاء المحترمين ، ،
هذي قصه حصلت باحدى المقاهي ومن مده قريبه جدا . يالله نشوف وش صار :
واحد دخل المقهى كعادته اليوميه وفتح الشات يبي يتعرف ويغث بنات العالم
بالخاص كما هو متعود عليه كل يوم .
المهم فتح الشات وبدا بالدخول على البنات خاص ردت عليه وحده من ال 30 بنت
اللي كلمهم وهنا بدأت القصه .
هو : انتي من وين ؟
هي : من الدمام وانت ؟
هو : يووه وش الصدفه انا من الدمام بعد .
هي : فعلا صدفه غريبه والله ورب صدفه خير من الف ميعاد
هو : كم عمرك ؟
هي : 20 وانت ؟
هو : انا 23 .
المهم بدا الحوار بينهم ياخذ منحى الجديه . الولد اخينا بالله تعلق بقووه فيها .. وهي ارتاحت له على كلامها .
راح الوقت وهم يتبادلون ( النصب ) كل واحد يقول لاتروح ترى الشات من غيرك مايسوى والله وكل واحد يقول تعلق بالثاني يالله وش الحل
المهم الولد تعلق وماعاد فيه صبر من الكلام اللي قالته عن نفسها وعشان كذا عزّم الولد الا يتعرف عليها، جلس يحاول فيها مده طويله وهي متردده في هذه اللحظات اذن اذان العشاء
وطرده الهندي حق المقهى قاله ( يلا صلاه صديق ) .
واعدها وحلف لها بالله انه يلقاها بعد الصلاه لانه ( تعلق فيها ) على قولته وهي
قالت وانا بعد بكلم السواق عشان اليوم بروح معزومه على عيد ميلاد بالبارك
بلازا بالخبر ( مكان فخم ومش اي لوح يروح له )
المهم تواعدوا بعد الصلاه يلقاها بالشات .. اول ما سلموا اللي بالمسجد
الا اللوح هذا ماسك باب المقهى كانه ينتظر بنك يفتح خخخخخخخخخخخخخ .
فتح الشات ومالقاها يووووووه مات قهر .. راحت البنت .. راح قلبي ... يوه
والله اللي تحطمت وش اسوي بروحي انا ، اخسس يالحب اللي بس بساعتين .
فجاءه واذا بالخط الاصفر يطلع له مكتوب فيه هااي .
هو : الله الله هذي هي فعلا حبتني البنت ياحظي
ورجعوا بالرومنسيه حقتهم اللي كانوا فيها قبل الصلاه ، تطور الحديث بينهم
الا انه قال لازم اكلمك الان وباي ثمن وهي خايفه ومتردده ، جلس يحاول فيها
اليين وافقت وقالت اول مره واخر مره اوكي قال تم بس ابي اكلمك الان .
بعد تردد طويل قالت له هذا رقمي ورجاءا كلمني هالمره وانسى الرقم بعدها
وخلنا بالشات بس اوكي ... الذيب قال تم يالله متى اكلم ... قالت دق الحين ،
اخونا بالله جلس يعدل صوته ويتشخص ( يفكرها بتشوفه ) المهم دق عليها وقال الووو ... الوووو ... وهي ماترد .. فجاءه .. طوط ..
طوط ... عطته نو على خشته
رجع لها بالشات وقال لها : ليه ياقلبي سكرتي الخط ؟
قالت له : والله مستحيه اول مره اسويها حبيبي امحق حب .
المهم وبعد محاولات كثيره وافقت ( الحبيبه ) انها تكلمه ورجع يتعدل ثاني
مره خاف لايكون معهااريكسون الجديد اللي يطلع الصور الالعاب وخاف لاتطلع صورته بالغلط
المهم دق رقمها مره ثانيه : الووو ... مساء الخير والاحساس والطيبه .
هي : ساكته وشوي تضحك وتسكّر الله يالاحراج ياااااااي .
هو: حبيبتي ليه الخجل انا حبيتك فعلا ..
هي : هلا وضحكه صغيره بعدها .
المهم وهو يتكلم يسمع الكبينه اللي جنبه بالمقهى وقف كتابه على الكيبورد
وجالس يغيير صوته التمساح
قال الرجال افااا جابني على جهي والله .
وهو يتكلم وياها عن الحب وان كل واحد ارتاح للثاني رفع راسه اخينا بالله
وجلس ( يطل على الكبينه اللي جنبه ) ولقى المفاجاءه الغير متوقعه ؟؟؟؟؟
العنود اللي حبها طلعت ولد
قالها العنود الحقي على عيد الميلاد بالبارك بلازا .
المشكله اللي لقاه يسوي نفسه بنت ( شنبه واصل الكيبورد )
ولابس فروه قديمه مررره لو نفضها بالهواء بتطلع خفافيش وجرابيع من قدمها
مادري وشلون قلّد صوت بنت اللوح .
طبعا كل واحد فيهم قلب وجهه احمر وماعرف وش يقول للثاني بس اخينا بالله
تحسف على المكالمات اللي جلس وياها من البدايه |
الوضع العادي
