أخطاء ماجد المرشدي الفادحة وتكرارها !!!! - نادي الهلال السعودي - شبكة الزعيم

الاباتشي ردريقو · #1 21/04/2011, 07:22 PM

بسم الله الرحمن الرحيم
السلام عليكم ورحمة الله وبركاته

أول شي مبروك فوز الزعيم في مباراة الأمس وهاردلك للجزيرة الإماراتي وعقبال تصدر مجموعتنا والتوفيق في المباريات القادمة

ما يحدث في دفاع الهلال وبالتحديد من ماجد المرشدي يعتبر مصيبة كبيرة يجب تلافيها وتصحيحها فالهلال يمر الآن في مرحلة مهمه جدآ لا تتحمل أن تتكرر هذه الأخطاء التي قد تؤدي إلى خروج الزعيم في أي لحظة من بطولة آسيا في مراحلها القادمة وأنا هنا عندما أنتقد المرشدي فأنا كأحد مشجعي هذا الكيان قبل كل شي أحب الاعب ومن حبي له أتمنى أن يعدل من وضعه في أربع أشياء .
.
أخطاء المرشدي بالترتيب

1- بالعاميه أقولها رجلينه ما يقدر يخليها تحت لازم والكورة معه يجلس يطامر وما يلعب الكورة بهدوء
2- الإنبراشات الغير مركزه وبكل سهولة خاصه منطقه الجزاء يا تصيب يا بلنتي يا هجمة خطرة
3- تشتيت الكورة في أغلب الأحيان بسبب الإرتباك وعدم الثقة
4- عصبيته الدائمة وكروت صفراء غير مبررة

هذه أعتبرها أهم أربع أشياء لو أستطاع ماجد المرشدي أن يغيرها لأصبح نجم وعاد ماجد أيام كأس الخليج ماجد الآن يعتبر أكثر لاعب يحتاج لطبيب نفسي وتكاتف الإدارة والأجهزه الفنية والتركيز على هذا الاعب حتى يعود مثل الأول وأحسن وأنا والله أحب هالاعب وأتمنى يرجع بأسرع وقت .
.
.
رسالتي إلى ماجد المرشدي تابع المباريات التي تلعبها وركز على تلك الأشياء المذكورة ستجد أنك تخطي كثيرآ وبنفس الوقت لا أنكر أنك تنقذ هجمات وأسال الله التوفيق لك ولجميع الاعبين

.
.
.

آلآسطوره9 · #2 21/04/2011, 07:26 PM

انا ابي اسئلك سؤال يالغالي

انت ماتبي نقطه ضعف في الهلال ولا شلون .؟

ياخي ريال مدريد .. فيه نقاط ضعف لليل .. ماقالو نبي لاعبين حديد ولا فيهم اخطاء

ياخي الكوره هي عباره عن اخطاء .. وش فييك انت

وبعدين الخطاء من رادوي مو من المرشدي يوم تحطها علية ..

وبعدين نجوم الهلال كلهم عينين في راس .. والف مبروك الانتصار

مااقول الا الله يصلحك بسس

9DFH · #3 21/04/2011, 07:33 PM

بصراحه وضحت اربع نقاط مهمه في المرشدي , ونحن كجمهور يوم نلومه ونعتب عليه فهو من حب لهذا الكيان ومحبه لماجد شخصيه , اتمنى من الجهاز الفني اصلاح أخطاء ماجد ومساعدته في حل أخطائه ..

شكرا لك استاذي الأباتشي للتطرق لهذا الموضوع المهم ..

هلال اسيآ · #4 21/04/2011, 07:34 PM

إقتباس

الرسالة الأصلية كتبت بواسطة إلنوفــــــي


	انا ابي اسئلك سؤال يالغالي انت ماتبي نقطه ضعف في الهلال ولا شلون .؟ ياخي ريال مدريد .. فيه نقاط ضعف لليل .. ماقالو نبي لاعبين حديد ولا فيهم اخطاء ياخي الكوره هي عباره عن اخطاء .. وش فييك انت وبعدين الخطاء من رادوي مو من المرشدي يوم تحطها علية .. وبعدين نجوم الهلال كلهم عينين في راس .. والف مبروك الانتصار مااقول الا الله يصلحك بسس

طيب ياخوي اذا ريال مدريد عنده نقاط ضعف لازم نرضى بنقاط ضعفنا و نفتخر فيها ؟

لازم نحاول نصححها و اذا قدرنا ننهيها تماما

المرشدي تعبنا و حنا نتشكي منه بس الظاهر مستحيل يعدل وضعه ،
و الظاهر انه بيكمل مسيرة فهد المفرج الاسطوريه !

teva4ever · #5 21/04/2011, 07:34 PM

والله شف يالغالي

انا اكره الانتقاد في هالوقت لانه يضر ومستحيل يفيد

لكن المرشدي فعلا يحتاج الي تركيز فقط

والله يوفق هلالنا

الاباتشي ردريقو · #6 21/04/2011, 07:46 PM

إقتباس

الرسالة الأصلية كتبت بواسطة إلنوفــــــي


	انا ابي اسئلك سؤال يالغالي انت ماتبي نقطه ضعف في الهلال ولا شلون .؟ ياخي ريال مدريد .. فيه نقاط ضعف لليل .. ماقالو نبي لاعبين حديد ولا فيهم اخطاء ياخي الكوره هي عباره عن اخطاء .. وش فييك انت وبعدين الخطاء من رادوي مو من المرشدي يوم تحطها علية .. وبعدين نجوم الهلال كلهم عينين في راس .. والف مبروك الانتصار مااقول الا الله يصلحك بسس

ياخوك أول حاجه هلابك
أنت الحين طبيت فيني طب أنا معاك مافيه فريق مافيه أخطاء والأخطاء مو عيب لكن العيب أن ما تصحح الأخطاء ولازم الاعب يحل المشكلة والأخطاء اللي يرتكبها وعلى فكرة أنت تحسب أني أعني فقط المباراة اللي أمس حقت الجزيرة لحالها ؟؟
أنا أعني مباريات كثيرة وبالنسبه لكورة رادوي أمس أنا أدري أنه أخطأ ولكن يعتبر المرشدي يتحمل الجزء الكبير من الخطأ لو ماجد المرشدي يكون مركز أقل حاجه أنه يرتكب فاول ويوقف قدام الاعب أو يدفه ويحصل على كرت أصفر أفضل من هدف وما يكون فيه تمويه على الكورة أو ينتظر بمحله لين توصله الكورة ياخوك أحنا ما نبي من الاعب إلا أنه يصحح هالأشياء فقط ما طلبنا شي مستحيل على العموم مشكور على مرورك

الاباتشي ردريقو · #7 21/04/2011, 07:49 PM

إقتباس

الرسالة الأصلية كتبت بواسطة 9DFH


	بصراحه وضحت اربع نقاط مهمه في المرشدي , ونحن كجمهور يوم نلومه ونعتب عليه فهو من حب لهذا الكيان ومحبه لماجد شخصيه , اتمنى من الجهاز الفني اصلاح أخطاء ماجد ومساعدته في حل أخطائه .. شكرا لك استاذي الأباتشي للتطرق لهذا الموضوع المهم ..

صدقت والله أخوي صدفه ما كتبت هالموضوع إلا لحبنا لهالاعب ونتمنى أنه يصحح من الأخطاء وما طلبنا أحنا يالجمهور هالشي إلا من حقنا نناقش ونضع الأخطاء واللي من حقنا بعد أن لاعبنا يعود لمستواه لصالحه هو ولصالح الفريق وأشكرك كثير على مرورك لبى قلبك

lover2000 · #8 21/04/2011, 07:51 PM

معليش ماهو وقته هالكلام والمرشدي احد اعمدة الفريق

واذا كنت تقصد الخطأ اللي امس فهو على رادوي هو اللي رجع الكرة بطيئه له وتسبب بالهدف فاللوم على رادوي وليس

على المرشدي

الاباتشي ردريقو · #9 21/04/2011, 07:53 PM

إقتباس

الرسالة الأصلية كتبت بواسطة teva4ever


	والله شف يالغالي انا اكره الانتقاد في هالوقت لانه يضر ومستحيل يفيد لكن المرشدي فعلا يحتاج الي تركيز فقط والله يوفق هلالنا

هلابك أخوي تيفا فور أيفر بالعكس وأنا أخوك الإنتقاد كثير مهم خاصه لو كان إنتقاد بأسلوب حلو وتذكر أخطاء الاعب بدون ما تجرح فيه وهذا الأهم المرشدي يحتاج مثل ما ذكرت التركيز وبنفس الوقت عدم الخوف والإرتباك وأنه يلعب بحريه وبتركيز عالي حاله حال أي لاعب وأتمنى فعلآ يرجع لنا المرشدي مثل ما كان وأحسن وأشكرك لبى قلبك على مرورك

**سفيرة الهلال** · #10 21/04/2011, 07:56 PM

اي والله اخطائه لاتغتفر
مادري وش جراله
كان ممتاز بخانته
بس شكلنا عطينا عين لين طاح بالهاويه

الاباتشي ردريقو · #11 21/04/2011, 07:57 PM

إقتباس

الرسالة الأصلية كتبت بواسطة lover2000


	معليش ماهو وقته هالكلام والمرشدي احد اعمدة الفريق واذا كنت تقصد الخطأ اللي امس فهو على رادوي هو اللي رجع الكرة بطيئه له وتسبب بالهدف فاللوم على رادوي وليس على المرشدي

هلابك أخوي لوفر المواضيع هذه مالها أي وقت وما نختلف أن المرشدي أحد أعمدة الفريق ولكن ماهوب عيب أننا نفتح هالموضوع ونقول إللي نشوفه ولأجل مصلحة الفريق والمرشدي
أنا أقصد مباريات كثيرة ومن ضمنها خطأ أمس وأنا قلت بالرد اللي فوق أن المرشدي يتحمل جزء كبير من الهدف حق الجزيرة حتى لو جته الكورة خفيفه كان الأولى أنه يتحرك ما ينتظر الكورة لين توصله ويخطفها لاعب الجزيرة وكان بأمكان المرشدي يشتت الكورة لو تقدم أو أنه تسبب بفاول حتى لو أخذ كرت أصفر فيها أهم حاجه ما تجي هدف وشكرآ لمرورك

الاباتشي ردريقو · #12 21/04/2011, 08:01 PM

إقتباس

الرسالة الأصلية كتبت بواسطة **سفيرة الهلال**


	اي والله اخطائه لاتغتفر مادري وش جراله كان ممتاز بخانته بس شكلنا عطينا عين لين طاح بالهاويه

هلابك أختي سفيرة الهلال صدقتي والله المرشدي فعلآ كان ممتاز بخانته من أول ولكن مدري وش اللي غير حاله وأنا فعلآ أتمنى من الإدارة والأجهزه الفنية تشوف وش المشاكل اللي يعانيها وتحاول قد ما تقدر تصحح له هالأخطاء ويكسب الثقة في نفسه من جديد ويبتعد عن الإرتباك لا وأنا أخوك ما توصل للعين رغم أني أعرف أن العين حق ولكن إن شاء الله ما يكون بالمرشدي إلا كل خير وأشكرك أختي على مرورك

slooh · #13 21/04/2011, 08:01 PM

اهنييك على موضوعك بالعكس في وقته لامتى ونحن نقول ونردد المرشدي نكبه
نفرض مباراة امس امام الجزيره نهائي كاس اسياء كان عرفتوا ليه نتقد المرشدي
انا اتمنى من المطبلين وش يحسون فيه وهم يدافعون عن المرشدي قسم بالله ملينا والله ملينا من الاخطاء الكثيره الدائمه المتكرره
يعني متى ان شاء الله نتقده اذا نكبنا وطلعنا من كاس اسياء او اي بطوله اذا فات الاون لا ثم لا نتقده من الحين ليما بكرى نحن في نادي الهلال مايهمنا اي لاعب شخص مخطى نقول اخطت واذا لم تصحح الاخطاء فا الله لايهينك الباب يوسع جمل اللي جابك يجيب افضل منك يالمرشدي واقولها بالفم المليان الاداره مخطئه ثما مخطئه خلاص كفايه نكبات لابد نجد البديل الافضل من المرشدي

الهلالي بيانكو · #14 21/04/2011, 08:06 PM

أنا أتفق معاك
و النقد حلو
و اللي يقول مو وقته أجل متى وقته ...؟

و صدقني حلاوة الكوره في اخطاء اللاعبين

و يعطيك العافيه

last one · #15 21/04/2011, 08:07 PM

معليش ياآ آستاذي لكني اختلف معكـ بـ الرأي

يعني ماآ آشوف ولا نقطة من اللي ذكرتها موجودة في المرشدي
ماآ عدا إنه ينبرش بعض الاحيان وهو مو ضامن الكوورة

ويعني اعذرني اخوي لكني اشوفكـ تنتقد لمجرد الانتقاد فقط
والانتقاد لـ ماجد المرشدي صاآر مووضة هالاياآآم

وصراآحة نفسي اشووف موضوع واحد ينتقد رادوي
لكن اكييد لا .. طبعا نغطي عيوننا عن رادوي ونحطها في المرشدي

معليش ياآ استاذي إذا كان مدافعنا الاساسي في الفريق ونعتبر اقوى خط دفاع
بالرغم إن هالعيوب اللي تقول عليها موجودة .. اجل اتمنى إنها تستمر هالعيوب
ما داآمت إنها خلتنا اقوى دفاآآع في الدوري ...

يشهد الله إن ما اقرب للمرشدي ولا شئ << عشان اغلق ابواب
لكني مع الحق لو اغلاط المرشدي اللي تقولها موجودة صدق
بكون اول من ينتقدهـ لـ مصلحة الهلال

والاختلاف اخوي لا يفسد للود قضية

وتقبل تحياتي