|
والله شف يالغالي انا اكره الانتقاد في هالوقت لانه يضر ومستحيل يفيد لكن المرشدي فعلا يحتاج الي تركيز فقط والله يوفق هلالنا |
أنا أتفق معاك و النقد حلو و اللي يقول مو وقته أجل متى وقته ...؟ |
يوه الله يستر من الجاي بس صدقوني المرشدي عنده افضل من كذا |
جميع الاهداف امام الجزيره ذهابا وايابا يتحملها المرشدي وغيرها الكثير في الدوري كانت منه للاسف لاعب لايستفيد من اخطاءه يكررها من مباراه لاخرى اتمنى احضار لاعب بجانب هوساوي اسيا مهرها غالي لاتتحمل اخطاء تافهه يعطيك العافيه |
موضوعك جميل ورائع جدا وهذا وقته تماما والي يقول مو وقته اجل متى تبينا نتقد اذا طلعنا وخسرنا نبدأ نشرشح الاعب احنا ننتقد اداء الاعب فقط ومن حق جماهير الهلال ان تنتقد اداء الاعب في اي وقت . وليس هناك لاعب فوق الانتقاد الجميع سواسيه اينا كانوا ولا نريد المطبلين والمنتمين لأسماء وعشق الاعبين سيبقى كيان الهلال فقط هو من يستحق ان يعشق ولا يعلو على هذا الكيان اي لاعب او مدرب او حتى رئيس . كلام اخوووي صيحيح وسليم 100% اضاف الى ذالك سواء التغطيه والبطئ الشديد في المرشدي اضافتا الى عدم القدره على ايقاف المهاجمين في التغطيه الفرديه وياما انجرد المرشدي من اسوء المهاجمين الى متى ونحن نطالب بإيقاف هذه المزهله في دفاعات الهلال . والي يقولي اقوى دفاع الله يخلي لنا الهوساوي ولي يونق الي يتحملون اخطاء المرشدي . يا اخي ما في الا هذا المدافع فقط في نادي مثل الهلال والله ظلم ارحموا مشاعرنا وقدروا وقفات جماهير الهلال وادعموا الدفاع الهلالي بلاعب يستحق ان يلعب في الهلال . وليش ما يجرب سلمان الخالدي لاعب جيد بل لو صنفت دفاعات الهلال لحصل المرشدي على المركزي الاخير في جميع فئات الهلال السنيه تعبنا يا إدارة الهلال تعبنا يا مدرب الهلال تعبنا والله تعبنا من الاخطاء البدائيه الى متى الى متى الى متى...........؟ والله ثم والله اني هلالي صميم ولم اشجع نادي غير نادي الهلال منذ ان عرفت عالم الكره .... هذا العباره للمشكيين وللمنتمين لصور الاعبين ؟؟ تقبل مروووري وتحياتي للجميع |
(نغطي) عيوننا عن رادوي و (نبحلقها) في المرشدي |
يإحبيبي يـ صاحب الموضوع والله معك ان الكابتن ماجد المرشدي فيه اخطاء واضحه بس له مميزات اقسم بالله ماتحصلها في اي لاعب منها تسجيل الاهداف ولا تنكر .؟! انا عني اشوف ماجد المرشدي فيه مميزات اكثر من عيوبه خلني اقولك شيء اذ انت متابع للدوري الايطالي قبل سبع سنوات كان فيه لاعب نكبه .. اسمه زيبينا .. لعب في روما اكثر من موسم .. وكل مباراه يجيب العيد بس كان فيه ميزه يسجل بالراس .. مع ذلك .. انتقل الى يوفنتوس الايطالي .. ومن نادي كبير الى اكبرر اذكر تصريح للمدرب مارشيلو ليبي قبل ست سنوات يقول هاللاعب يسجل فينا هدف .. مع ذلك ينقذنا في اكثر من مباراه صدقني والله ثم والله ان ماجد المرشدي لعيب وموهوب بس مشكلته الوحيده قالها واحد من الاعضاء الانبراش الخاطئ فقط عموما يعطيك الف عافيه يالغالي |
والله المرشدى كمالة عدد بالعربى وجوده كعدمه اتمنى يجربون وجه جديد يمكن نستفيد منه |
إقتباس:
استغفر الله واتوب اليه ضحكتني قسم بالله :ap: |
مع احترامي للجميع لكن ماتشعرون الخطأ مو من المرشدي من رادوي او انتم ينطبق عليكم المثل مع الخيل ياشقراء |
بدون مجاملات اذا احد بينكبنا فهو المرشدي اثنين يحتاجون بدلاء محليين احسن منهم ( المرشدي ونامي ) |
شاطرين على ماجد بس آه بس لو إنه يكشخ و كل يوم يطلع بلوك جديد و يتبسم قدام الكاميرات و الجمهور مرتفع ضغطه كان حبيتوه و ما إنتقدتوه لا و كان يمكن يكون الكابتن |
انا معك ان ماجد أخطائه فاادحه بس خطأ أمس .. سببه (ماجد+رادوي) يعني بالعررربي مو لأنهم تحبون او تعشقون رادوي تنعمون عن اخطائه وامس رادوي ما قدم شي وصار الجمهور يردد اسمه يعني لانه ما قدم شي بالمباراة تكافؤونه بترديد اسمه ؟ ولا لأنه جاب البلنتي صرتو ترددونه!!! طبيعي بلنتي بيجيب قول :) |
ياسر القحطاني وماجد المرشدي يملكون حصانة كبيرة في الفريق وربما حتى المدرب لا يستطيع إبعادهما عن الفريق |
المرشدي فقد الثقه كثيرا في نفسه واصبح نقطة ضعف واضحه في الفريق لذا يجب عليه مراجعة نفسه والعمل الجاد لتحسين مستواه والافليبحث عن نادي اخر يكرر اخطاؤه فيه. |
| الوقت المعتمد في المنتدى بتوقيت جرينتش +3.
الوقت الان » 03:02 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd