|
رجاء خاص لاحد ينتقد كالدي ، ولا لعيبتنا الابطال ! اتمنى ان نبتعد عن النقد في هذه الفترة اعتقد انا نقدنا فالعبية والمدرب لين طفشنا وكذلك هم طفشوا من كثرة النقد وصار عندهم تشبع من كثر ماننقدهم :d يجب ان نرفع القعبة لكالدي واللعيبة .. لانهم فعلو المستحيل في المباراة وقلبو النتيجة بعد ان فقدنا الامل لذلك لابد من رد جميلهم لنا بعدم نقدهم بل بتحيتهم على الاداء البطولي :smilie47: يراودني احساس بأن الزعيم سيهزم اصفهان في عقر دارة بأذن الله وسنتحصل على صدارة المجموعه فهو فريق فقير فنيا ولاادري كيف فاز علينا ببالرياض يبدو بأن رهبة اللاعبين هي من هزمتهم .. من المهم جدا ان نتحصل على الصدارة حتى نلعب مباراة دور الستة عشر على ارضنا وان شاء الله وبقوتة عز وجل سينصرنا علىهم s13s تحياتي لكم |
, يعطيك العآفية , اللاعبين مآ قصرو قدمو مستوى يشكرون عليه صرآحه , ويجب أن نقف معهم في مثل هذه الموآقف وإن شآء الله هم بعد يفرجونآ بـ البطولآت , |
الله يعين جمهور ما يملى عينهم شيء يارب نفوز على النصر وتوفهم يطالبون بتجديد عقد كالدي |
اوكي : لن ننتقد ولكن سنمدح اللاعبون : المرشدي : انت احسن لاعب في العالم وانت واقف وتشاهد كرة قصيرة والمهاجم منطلق خلفها : وبدلاً من الجدية واصلاح خطأ زميلك لم تحاول حتى الاشتراك مع المهاجم لاستخلاص الكرة ، وحتى انك فتحت له الطريق ليتجه للمرمى ، وبدلاً من اللحاق به تفرغت لمعاتبة رادوي على خطأه وتناسيت كم كره وكم خطأ عليك انقذك منه رادوي وغير رادوي . الفريدي : انت احسن لاعب في العالم ، تصارخ في وجه زميلك وليس اي زميل ، بل افضل لاعب في الفريق وانت السبب الأول في الهدف الاول بتكاسلك اخذ الكره قبل اللاعب الاماراتي التي خطفها وحصل منها هدف على فريقك ! ياسر : انت احسن لاعب في العالم مو ( راضي ) يفهم ان هز الشباك يأتي من لمسة وحده وحتى لو ( بوز ) كما قال الدعيع ، بينما انت لاتزال تمارس اللت والعجن في كرات سهله والنتيجة وضع الهلال في ضغط ضياع الفرص ، وانت لحد الان ناسي انك حصلت على هداف الدوري عندما كنت تلعب من لمسة وحده ، وحتى في هذه المباراة عندما لعبت من لمسة وحده سجلت وعندما اردت ان تمارس هوايتك اضعت فرص لايضيعها ناشيء =========== تحياتي |
معك حق فقط خلونا نحط انفسنا مكانهم لهم الحين اكثر من اسبوعين وهم سفريات ولا ارتاحو البعض يقول محترفين صح لكن مو بالطريقه ذي ضغط ولعب في مكه ثم رجع لرياض وراح الامارت والله ضغط مو طبيعي عليهم نقول الحمدلله على الفوز وبحول الله فالنا الكاس |
:: ماشاء الله تبارك الله الفريق ماشي صح بكل البطولات وبذات في بطولة اسيا والقادم افضل ان شاء الله لكن ما ينقصة الهلال الهجوم ياسر علية ان يراجع حساباتة وابو علي لاعب كبير وافضل شي لدى هالاعب روحة وبأذن الله اذا بدعوا المهاجمين يكون الهلال بأفضل صورة ومباراهـ الفريق الايراني راح تكون صعبة لكن مافي شي صعب ع الهلال بأذن الله الهلال يجيب الثلاث نقاط كما هي عادتة من خارج الديار |
الارض والجمهور ماتفرق الفريق البطل لازم مايخاف ومجهز روحة لاسوف الظروف انتر فاز على بر شا بمعقله من كان يعتقد |
إقتباس:
الله يعافيك اخوي هذا ماقصدتة جهد خرافي قام به اللاعبين لاننسى بأنهم بشر لهم طاقات محدودة شكرا جزيلاا:rose: |
إقتباس:
من الطبيعى التقلبات السريعه في اراء الجماهير فنحن عاطفيون اذا فزنا مدحنا واذا انهزمنا قدحنا .. وربنا يعين ويسهل .. شكرا جزيلا :rose: |
مافي احد غير معرض للنقد .. لكن للاسف النقد اللي نشوفه في المنتديات الهلالية ماله اي داعي .. اللي مايشوف نتائج الفريق ويقرا الانتقادات يفكر ان الهلال في المركز الخامس او ان ياسر "مثلا" ماسجل هالموسم الا اربعه اهدف .. -- خلونا ندعم فريقنا واحمدوا ربكم الفريق مستقر اداريا وفنيا ولعيبة محليين واجانب على اعلى مستوى .. والموسم قارب على الانتهاء والفريق ماخسر الا خسارة وحدة وبالغلط.. |
بعد توفيق الله متى ماكان الهلال ونجومه في يومهم فالفوز حليفهم قدام سباهان او غيره المهم الشعور بالمسؤولية والله يوفق الهلال في المبارايات القادمة . |
إقتباس:
اخوي العزيز ... نحن ملينا من النقد الزائد من سنة ونصف ونحن نحش بياسر والمرشدي والفريدي والزوري وغيرهم .. خلينا نغير الجو شوي هذا ماقصدة هداك الله |
| الوقت المعتمد في المنتدى بتوقيت جرينتش +3.
الوقت الان » 08:12 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd