ماكل مره تسلم الجره ياكالديرون
 

ماكل مره تسلم الجره هذا عنوان مباراه الهلال ضد احتياط الجزيره ودائما الفوز يخفي الاخطأ ولانكابر واذا اردنا ان نكون الاول ننتقد بعض لاجل الفائده ولاننتقد بعض لاجل الانتقاد ومع اني اثق ان البعض سوف يقرا موضوعي بالمقلوب ويتقول علي مالم اقوله ويدافع عن هذا ويهاجم ذلك وكالديرون نتفق على انه يعمل للمستقبل وقدم لاعبين هم مستقبل الهلال ولكن هذا لايعفيه من انتقاد جماهير الهلال له لمحبتها للهلال بالدرجه الاولى في بعض الامور ونعم فزنا بفضل من الله ولكن اتمنى من الجهاز الاداري والفني والاعبين ان يشاهدو مباراه الهلال ضد الجزيره ذهابا واياباً ومباراه الهلال ضد الوحده والشباب وليشاهدو الفراغات في وسط الهلال والتى تحرج الدفاع للهلال وانانيه بعض لاعبي الوسط والمهاجمين ....

من اجمل مافي المباراه ملعب الجزيره الذي لم يكلف الا 188 مليون ولكن يعتبر صوره جميله لنادي الجزيره في الوان مقاعده وتدرجها الجميل وقرب المدرجات للملعب ويناظره ملعب الملك فهد بمقاعده زرقاء ويقابلها المنصه باللون الاصفر ونتسأل لماذا لاتكون مدرجات ملعب الملك فهد بشكل اجمل ومتشكله بالوان الازرق والرصاصي والابيض والاحمر وعيب ملعب الملك فهد ان ملعبه بعيد عن المدرجات بسبب مضمار الجري والذي لاتعلم لماذا دائما يوضع في ملاعبنا وكأن جماهيرنا جماهير سباقات جري ولماذا لايتكفى بملعب واحد في كل منطقه له مضمار للمسابقات الجري والتى تخلو كالعاده من الجماهير ..

والشي الاخر الجميل هو الاخراج التلفزيوني البعيد عن التعصب واستغل كل ثانيه في الاعاده ورده فعل الجماهير ..

المباراة ..

اخطأ الهلال بالذات الشوط الاول مشتركه بين مدرب لازال يرفض اللعب بمحورين ورادوي افتقد لتؤمه خالد عزيز والذي يجيد الادوار الدفاعيه وبين لاعبين يتسمون احياناً بالانانيه واللعب لانفسهم وهذا ماحصل بالذات في الشوط الاول وللاثبات ذلك الهلال ابدع امام النصر لانه لعب بتشكليه واقعيه بمحورين وكذلك حضور جميع الاعبين بمستواهم ..

امام الجزيره البارح الشوط الاول فرديه من لاعبي الهلال وتمريرات خاطئه والاندفاع الغير مبرر للتقدم على حساب الدفاع ..


بعيداً عن الانتقاد الشخصي عبدالله الزوري خلال المباراه لم يبعد الا 6 كرات فقط ويقابله نجوميه للكوري.؟ والزوري للاسف ضعيف دفاعياً وشاهدنا كيف تلاعب به لاعبي الجزيره ولماذا يغيب شافي الافضل دفاعياً ويشرك الزوري ؟


امام الجزيره المباراه السابقه وهذه تتكرر الاهداف بطريقه نفسها اخطأ دفاعيه لماذا؟
مشكله دفاع الهلال الثقه الزائده واحراج بعض في الكرات العرضيه بينهم وكذلك الدفاع يراقب نفسه ويترك المهاجمين وفي مباراه الجزيره الماضيه سجل الجزيره هدفه بسبب ان دفاع الهلال يقف خلف بعض ويرقبون بعض والمهاجم دخل بينهم بهدوء وسجل والدفاع لاتعلم ماذا يفعل واليوم تكرر نفس الاخطأ..

دفاع الهلال انه يعتقد ان تشتيته للكوره عيب وشاهدنا الدقيقه الاولى والثالثه والهدفين اخطأ لايفعلها لاعب مبتدئ

الهدف الاول للجزيره من ركنيه للهلال تصبح هدف للجزيره بسبب تقدم لاعبي الهلال لمنطقه الجزاء الجزيره مع عدم وجود لاعبي من الهلال على القوس لخط 18 للجزيره او لاعبين في منتصف ملعب الهلال

الهدف الثاني خطأ من لرادوي ويقابله خطأ اكبر من المرشدي في محاوله ارجاع الكره للحارس من المرشدي وشي طبيعي ان تقطع بسبب ان ارجاع الكوره للحارس كان بتجاه مايريده مهاجم الجزيره والمفترض تشتيتها من المرشدي وليس محاوله ارجاعها ..
ويلي هامسون والشلهوب والكوري ثم احمد علي كانو الابزر في المباراه .

الفريدي انانيه ويختمها بتضيع فرصه في الدقيقه 28 من الشوط الاول وثم يتلفظ على ويلي هامسون مع ان هامسون كان في موضع افضل من الفريدي

افتقد الهلال الجماعيه وتفرغ لاعبي الهلال لمحاولات الفرديه والاستعراض على حساب الهلال

مدري وش عاجبه في الفريدي والشلهوب انهم يكونون بعض الاحيان محاور والله رحمة رادوي مو عارف وش يغطي وش يخلي الي شال المباراه كالعادة هوساوي ولي ورادوي والزوي وحسن هم الافضل

المعلق كاليرون سوف يلقي بالزعيم في الخسائر بتخبطات و اختراعات ولولا لطف الله ثم اخلاص نجوم الهلال العتيبي و أسامه و ياسر و الشلهوب و الدينمو ويلي كانت هزائم و علوم.
هل يوجد تكتيك او خطط او لمسة فنية او اجتهادات معلق مع نصائح سامي

والله كالدي ماقال للاعبين ضيعو اهداف محققه كل واحد يبي هدف اسطوري مايبي الفريق يفوز كالدي ماقصر والهلال مسك المباراة من اولها الى اخرها لاكن تضييع الاهداف مهو ذنب كالدي
انتقد الاعبين ويارب يستمر معنا كالديرون واهم شي الفوز
والاختلاف بالراي لايفسد للود قضية

يأخي الهلال كان ضاغط
وجت الأهداف من أغلاط دفاع
وبعدين وش العقلية أصفر وزرق الأستاد
مادري وش تبون بالضبط من كالدريون والدليل انه مدرب شف كيف قلب النتيجة والله أنت بس تبي تكتب
والله أن أفضل من قريتس اللي باعكم
ثاني مره لا بغيت تكتب أكتب شي يدخل العقل

كالدي مدرب كبير وراح نحقق آسيا بأذن الله معه

ألف مبروكـ لكل زعيم وزعيمة على وجهـ الأرض,,



لم أرى الحيــــاد ولا العقلانية في موضوعك للأسف,.,.,.

نعم يوجد أخطاء فادحة في الدفاع

ولكن لم تذكر أن الفريق مُرعب في الشوط الثاني,,

يوجد تضييع فرص لكن لم تذكر إبداع ياسر اليوم..

المدرب كانت تغييراتـهـ متأخرة ولكن كانت هي المطلوبهـ,,

يــاأخي الكريم الإدارة والمدرب هم الأعرف بالفريق..

والمدرب لم يخسر إلا مباراة واحدة منذ إستلامهـ للفريق..

كفاية تحطيم,,

انتقد المرشدي في تساهلة بالكورة والتي كان منها الهدف الأول..

انتقد الفريدي للمشادة الكلامية التي رأيناه يفعلها مع ويلي,,

لكن فريق قلب النتيجة من هزيمة إلى فوز وتجي تقول تخبطات,,

لا وتمدح الي تبي وتنتقد الي تبي وكأننا لم نرى المباراة..


ولك كل الود والإحترام..

اعتقد كالديرون مدرب جيد بس لو يغير مكان الشلهوب افضل

لانه ظلم الشلهوب بهالمكان اللي يحتاج القوه في الالتحامات

يا اخي كالديرون ما سلم الكورة للاعب الجزيرة وسجل هدف اخبره رادوي الي مرجعها
وكالديرون ما ضيع الفرص الي مضيعها ياسر واحمد علي
كالديرون ما تسبب في الهدف الاول اتوقع سوء تغطية الدفاع هي السبب
قدام الاتفاق اهداف الاتفاق خطأ دفاعي وخطأمن الحارس

الجمهور الهلالي يبي مدرب عاااالمي بيي مورينهو والا جورديولا الله يصبرك يا ابو فيصل
نسينا نكبات جيرتس اذا سجل عليه هدف ما يعرف يقرأ المباراة ويرجع في المباراة كالديرون في وجهة نظري مقنع مقنع مقنع
والله حتى كالديرون اكبر من الدوري السعودي

الاهداف دائما تدخل في مرمى الزعيم عن طريق المرشدي مع الاسف
انشالله كالدي يعرف يتصرف فالمستقبل مع المرشدي

برافووو كالدي قلب منيجة الاتفاق واليوم فعلها مره اخرى مع الجزيره الاماراتي

طيب كالدي قال لياسر لاتسجل ؟

وياالفريدي تصرف بأنانيه؟

مدري وش تبي بالضبط

احنا مانبي مدرب عالمي نبي مدرب يفوز ويصنع الفرق وهذا الحاصل مع الهلال ولا من متى الهلال يعود للمباراه ويفوز ؟

إن استمر كالديرون في اشراك الفريدي محور

على حساب عزيز والغنام والبرقان والقرني

فسندفع الثمن غاليا

اتمنى من الكابتن سامي تدارك الموقف

وذلك في مباراة النصر وبعدها سباهان

بعض الردود تحس اللي كاتبها يقرا بالمقلوب وكالديرون نتفق على انه قدم لاعبين للهلال ولكن الهلال افضل اذا لعب بمحورين بسبب ان لاعبي الدفاع والاظهره دائما تتقدم على حساب مراكزها