|
لماذا يخترع كالديرون!!؟؟ في مباراة الهلال مع الاتحاد في الرياض كان الاتحاد متهالكا وكان الهلال في الفورمة، ولكن يبدو أن السيد كالديرون عز عليه هزيمة فريقة السابق، فراح يخبص في خانات اللاعبين فلعب الشلهوب اللاعب الأشول طوال المباراة وسط يمين ولعب وليهامسون اللاعب الأيمن جناح يسارفلم يستفد الفريق منهما وخسر الهلال في تلك المباراة أكثر من نصف قوته بسبب هذه الاختراعات، ولما لعب كل لاعب في خانته أمام النصر والوحدة قدم الفريق العطاء المطلوب منه مستوى ونتيجة، واليوم أمام الجزيرة عاد السيد كالديرون إلى اختراعاته مرة أخرى فلعب الشلهوب وسط أيمن وأحمد علي اللاعب الهداف جناح أيسر وأحيانا وسط أيسر !! وكان الأفضل أن يكون أحمد علي رأس حربة وياسر خلفه لأن ياسر لاعب مهاري ويجيد التمرير وهو ما يفتقده أحمد علي الذي يتميز بالتهديف بالرأس والقدمين واستغلال الكرات العرضية من ولي وغيره وكان هو الأولى بمركز رأس الحربة والذي جلب من أجله، إنني أتفهم لو كان تغيير المراكز للحاجة أوكان في بعض فترات المباراة، ، أماأن يلعب اللاعب أغلب المباراة في غير مركزه فهذا أمرغير مقبول!! الســــــــــــــــــــــــــؤال لماذا يخترع كالديرون؟؟؟؟؟؟؟؟؟؟؟؟؟؟؟؟؟؟؟؟؟؟ ملحوظة: أرجو أن لا يأتي من يقول المدرب أبخص ، فالمدرب بشر يخطئ ويصيب ونحن أيضا نفهم بالكرة، فهي ليست صناعة نووية أوذرية، هي بالنهاية لعبة وكفى!! ملحوظة أخرى: يجب تنبيه الكوري لي يونق على عدم كسر التسلل في المباريات القادمة، فقد تكررت منه كثيرا،وفي هذه المباراة تكررت منه مرتين جاء الهدف الأول من إحداها، |
اتمني ان ينتبة كالديرون لماذكرت وان يستشيرك قبل كل مباراة فيمن يلعب وبااي مركز يلعبون اخوي الهلال يقدم مستويات مميزة ومقرونة بنتايج ممتازة فالانتقاد امر مطلوب ولكن ليس الي هذة الدرجة وشكرا لك اخي واتمنى التوفيق يوم الاحد للزعيم |
ما دام انه يفوز وبدون هزايم ادا هو ابخص. |
ياخي قسم بربي انك غريب مع احترامي لك ترى مو كل شي تشوفه في الملعب هو من تفكير كالديرون !! فيه شي اسمه " اللاعب مايطبق التكتيك " !! يعني بذمتك . قدام الاتفاق الهلال الشوط الاول مهزوم بـ هدفين ويرجع الهلال في الشوط الثاني " شوط المدربين " ويسجل 3 اهداف ويفوز في ضل الغيابات الكبيره ومنها خط كامل اللي هو المحور قلتوا الاتفاق ضعيف والهلال لاعبينه شالوا كالديرون وقدام الجزيره اليوم ... الهلال يهزم بـ هدفين ... والهدفين من اخطاء اللاعبين ... وبالتحديد خط الدفاع مو خطأ في التكيك والدليل انه تكتيك كالديرون ممتاز .. انه الهلال عاد للمباراه وسجل 3 اهداف ... بنفس التشكيلة اللي انهزم فيها الهلال وبرضو كالديرون فاشل ومدري ايش على فكره ماشفت احد انصف كالديرون وقال انه هزيمتنا من سبهان بسبب اخطاء لاعبين ... بالعكس اغلبهم يقول كالديرون غبي ومدري ايش .... !! انا ابي اعرف وش ذنب كالديرون اذا اللاعب مفهي ويتفرج على الكره وهي تدخل المرمى !!؟ يعني اليوم كالديرون هو اللي قال لرادوي رجع الكره بشويش للمرشدي ... وبرضو قال للمرشدي انتظر الكره الين تجيك بكل فهاوه واذا دخلت قول اقعد ارفع يدينك وقل انت يارادوي السبب يعني عجزان يامرشدي تقدم شوي وتشوت الكره حتى لو غلط رادوي ؟؟ ورادوي للأسف ساعات يفهي ويعتبر خط الدفاع كلهم بمستوى هوساوي ماشالله عليه انصفوا كالديرون حرام عليكم انتوا لو تلاحظون الهلال يسجل اكثر من هدفين في الشوط الثاني وهذا معناه انه تفكير وتكتيك عالي من المدرب ... وبرضو كالديرون فاشل ياجماعه انتوا تبون تمشون الهلال بكيفكم ؟ جاي واحد بين الشوطين منزل موضوع ... ياسر مفهي و و و لازم ينطق بالدكه ومدري ايش هذا ياسر رد عليك وسكتك مع احترامي ياجماعه فيه لاعبين ينزل مستواهم في نظريات ماتنجح من المدربين ...... ترى مو رجل الي كالديرون ... اللاعبين مو لاعبين برشلونا !! ياليت تتركون عنكم التدخل في شؤون التدريب وعليكم المسانده والله اشكر كالديرون انه عوّد فريقنا وادخل فريقنا في اجواء العوده صار فريقنا يحس باسمه ... يحس بشعاره ... صار يرجع للمباراه بسهوله حتى لو دخل فيه هدفين معليش خلونا صريحين .. الهلال في اخر خمس سنوات يضرب بالخمس انا معكم ... بس من متى يرجع للمباراه في حالة الهزيمه زي كذا ؟؟ من متى الهلال يضغط على حامل الكره ... زي مانشوف اللي يسوي كالديرون الحين !! هذي قراءه ممتازه من مدرب المباراه ... لكن من يعترف !!؟ هالشي اللي في الهلال بسبب كالديرون بعد الله كان موجود في الشباب مع باتشيكو ... كان مدرب يقرا المباراه بشكل خطييييير ... وهذي ميزه كالديرون وبعد المباراه نجي نلقى الاعضاء كاتبين ... ليه ياكالديرون الفريدي محور ... ليه عزيز مايلعب ليه وليه ليه يلعب طيب !!؟ انت افهم من المدرب !!؟ استغفر الله العظيم .. اذا هلالنا يتوتر في الاسيويه ويخاف ويتلخبط ويسميها عقده .. فهو بسببكم انتوا يالجمهور اللي مايعجبكم العجب |
لا ماهو ابخص وبكل امانه غريب هذا المدرب ولو الفريق غير الجزيرة لما استطعنا تعديل النتيجة انا ما ادري ليه مايلعب بخالد عزيز بدل الشلهوب او الفريدي بكل امانه وسط الهلال بلا هوية وان لعب بهذه التشكيلة امام النصر سنهزم |
إقتباس:
يا أخي ما أحد قال أن كالديرون فاشل أوسيئ، بالعكس أنا من أشد المؤيدين لاستمراره سنوات طويلة، ولكن اعتراضي فقط على نقطة واحد هي اشراك اللاعبين في غير مراكزهم!! |
^^ قاري الموضوع واعتراضك على التشكيله هو اعتراض على كالديرون ... الا اذا كان سامي هو اللي يختار التشكيله ؟ وينك يوم قيريتس يلعب الفريدي محور .. ماشوفك كتبت موضوع واشتكيت ... والا بس على كالديرون ؟ انت قاعد في المعسكر ؟ تدري خالد عزيز مريض مزكم تعبان طايح ؟ تدري الغنام في التمرين فاهي والا لا ؟ لاتحط فرضيات وتجي تبي تطبقها وتفرضها على قل سنع سامي وكالديرون وعبدالرحمن بن مساعد ونواف بن سعد وعبدالكريم الجاسر ومساعد كالديرون .. كلهم يشوفون كالديرون وهو يختار التشكيله ... ماحد منهم تكلم باللهي كلهم مايفهمون وانت الوحيد اللي تفهم ؟؟ |
ياسلام عليك كالديرون يخطئ وانت ماتخطئ ..!! انا بكلم الادراه بخليهم ياخذونك مدرب .. كم عقدك بالله ؟!! ياخي طفشتوونا وان الهلال ضاع انتم تتحملون وبعدين والله انا ابي المدرب الفاشل والمفلس اذا كان يحقق لنا نتائج ايجابيه رغم ظروف وظروف |
كالدرون سيحقق كاس اسيا وبتشوفون اهم شي الفوز |
انا كلي ثقه في تخبطااات كالديروووون والاختراعات سوف يجلب بطولة اسيااااء وانا متفائل كثير في هذا المدرب حتى ولوووو كان له سلبيات كثيره ولاكن متائل به ان يجلب المصتعصيه الاسووويه بإذن الله وقووووته وانا اشوووف إن كالديروووون مدرب جيد منذو فتره طويله ماكان الهلال يخسر بهدفين ويرجع للمباراه ويفوووز كان العكس ينهزم بهدفين يكون الفريق مستسلم على طووول الي الاماااااام يالكديرووون |
الف مبرووووك للزعيم والقادم اجمل واحلى ان شاء الله تعالى بارك الله فيكم |
والله ماعاد درينـــــا عن شــيء .. الله يستــر بس .... |
كالدي متخبط...وخبرة نجوم الهلال انقذته والله يستر من الجاي ....مدرب بل معلق رياضي لا يوجد له بصمه فنية او تكتيك واضح...واعجاب سامي به لانه كان كابتن للمنتخب و يسمع كلامه في كل شي |
إقتباس:
الحين قاري الموضوع وتقولي الغنام وعزيز؟؟ بالله من جاب طاريهم ذولا؟؟ اعتراضي على الشلهوب يلعب يمين وأحمد علي جناح يسار ،وويلي في مباراة الاتحاد كان يلعب يسار، بس !! غير كذا كلش تمام، حتى المدرب!! ان شاء الله هالمرة فهمت:ranting: |
اوافقك الراي الي انقذ كالديرون الاعبين انفسهم يكفي انه يصر على الشلهوب محور مع انه صانع لعب ممتاز |
| الوقت المعتمد في المنتدى بتوقيت جرينتش +3.
الوقت الان » 03:01 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd