صبرا يااا يمه فااا وزارتنااااا لا تريد لنا ان نجتمع!!!! - نادي الهلال السعودي - شبكة الزعيم

ســـــ SMN2002 ـليمان · #1 19/04/2011, 12:16 AM

السلام عليكم ورحمة الله وبركاتة
وكيف حااالكم اخوواني واخوواتي
وان شاءالله كل امووركم تماااااام
كل سنة تصدر وزارة التربية والتعليم حركة نقل للمعلمين
وكل سنة تحط لهااا شروووط وانظمه جديده
وكل سنة ونحن نمني النفس ان يكووون اسمنااااا من ضمن قوووائم النقل
ولكن هيهاااات 000
امي الله يحفظهاااا ويخليهاااااا لا تكاااااد تمر عطله صغيره او كبيره الا وتسأل
مااا يبووون يقربووونك ياااااا وليدي
وانا اقووول الله يجيب الخير يايمه
ولكن مع مروور الوقت وصلت للسنة التااااسعة ونحن نتظر النقل
ووزارتناااا ماااا زالت تمااااارس كل انوواع الضغط على معلميهاااااا
يعني لا نقل ولا حقوووق
تخيل عزيزي القارئ ان تمر بك السنين وانت بعيد عن من تحب
وانت بعيدا عن والدتك
الوزارة في حركة نقل هذا العااااام بدل من ان تنقص الارقااااام المسبوووق بهاااا
زادتهااااااا
صدقوووني مااا عمري توقعت ان انقل مثل هذي السنة ولكن كااااانت النتيجة قاااااسية
تاااااااخرت في الترتيب وبااااالتاااالي اتوووقع ان النقل صاااااار من ضمن الاحلام
يمه تكفين ثم تكفين كفي دموووعك الغاااااالية وزارتنااااا ماااااا تبي ترحمنااااااا
وذبحتنااااااا من الوريد
بس يااسقى الله ذاك اليوووم اللي به منقوووول
واشوووف الفرحه بعينك يااايمه
يايمه البعد عنك مثل السوس اللي ينخر بجذع النخل
كل ماااااا طااااال النخل كل ماااااا قرب يطيح
الحمدلله على كل حااااااال وعسى في الامر خيره
تحياااااااتي لكم

سهل · #2 19/04/2011, 12:27 AM

هلا اخوي سليمان

الله يبلغك مناك ويقر عين امك بقربك
ونكتب تحت اسمك كاتب منقول

حاتم · #3 19/04/2011, 12:34 AM

سبحاان الله
موضوعين في يوم وااحد نفس المضمون ولكـن النتيجة تختلف!!
اخوي سليمان هونها وتهون بأذن لله ومـن يرى مصيبة غيره تهون مصيبتة
يارب يا كريم ياذو الجلالة والأكرام يجيك النقل عاجلا غير اجل ويفرح ويدخل السرور على قلب امك
الله يسهل عليك ويسر امرك ولكـن 9 سنوات وكل سنة تطلب نقل والله غريبة وحرام
تقبل تحيااتي والله الموافق

عسيريه · #4 19/04/2011, 12:38 AM

.

.

دخلت بس ودي اقولك كلمتين .. لا تيأس وثق بربك
اعرف وحده لها 12 سنه تطالب بنقلها للمدينه اللي فيها زوجها ولا حياة لمن تنادي
واليوم جانا الخبر بنقلها لنفس المدينه اللي كانت تحلم فيها

تخيل !! بعد 12 سنه !! عشان كذا اقولك لا تيأس وربي معك ان شاءالله ()

ملامح يوسفيه.. · #5 19/04/2011, 12:39 AM

الله يكون بعونك..
ربك يفرجها

الزعيم سام6 · #6 19/04/2011, 12:47 AM

الله يكون بعونك يالغالي ويصبرك
الله يخلي لك اميمتك ويحفظها يارب ولايحرمك منها
والله يفرجها يارب لك
بس والله 9 سنوات يالغالي كثيرة حيل ، الله يعينك يارب

انه الهــــلال..وكفى · #7 19/04/2011, 01:00 AM

الله يهديك بس

اول احس اني فرحانه شوي بالنقل .. طلعت اكذب على نفسي

لازم ادمع هالدمعتين تالي الليل ..

الله يكتب لك النقل ان شاءالله

وتبقون افضل منا حالا ... انا مرة قررت افصل والله العظيم بسبب كلمه امي اثرت فيني

الله يرزقك النقل من عنده وغصب على وزارتنا

هــلاليــMــــــه · #8 19/04/2011, 01:06 AM

الله يكون بعونك

ومالك إلا الصبــر لعـل ف الأمـــر خيــره

هلالي الشرقيه 8 · #9 19/04/2011, 01:12 AM

الصبر الصبر ياخوي

والله بيجيك الفرج بس انت توكل على ربك

والله يجمعك بـ امك ويحفظها لك من كل مكروه

~نجمة زرقاء~ · #10 19/04/2011, 01:32 AM

مآآسآآءة فعلآ والله العظيــم..,

ضآآقت ولمآ استحكمت حلقآتها .. فرجت وكنت آظنها لآتفرج
خل آملك بالله قوي وربي يكتب لك كل خير ويمكن خيرة لك من رب العالمين..,

الله يكون بعونك آخوي ويجمعك مع آمك ومن يعزون على قلبك بآآقرب وقت يآآرب العالمين..,

داق لطمة · #11 19/04/2011, 01:38 AM

الصبر ثم الصبر ثم الصبر ( خل صبرك مثل صبر النبي ايوب )

الله يعينك ويقربك لامك ويخليها لك

الله يعين بس

الكلاسيكي · #12 19/04/2011, 03:57 AM

وعليكم السلام ورحمة الله وبركاته ..

اهلاً وسهلاً سليمان .. لا تيأس ياخوي واللي صبرك 9 سنوات يصبرك 10و11 ..
وان شاء الله النقل الجاي تكون اول المنقولين .. وتكون بقرب والدتك .. وتقر عينها بشوفتك ..

تقبل ودي .. دمت بخير وعافيه ..

الهنوووف · #13 19/04/2011, 04:35 AM

معك واسطه بتنقل وانت مابعد داومت

الله يرحم الحال بس
والله مدري وش تخصصك لهالدرجه اكتفاء غريبه 9 سنوات
بس لعل في الامر خير لك

الله يعجل بـ خبر نقلك ويفرح قلبك وقلب اميمتك ومحبينك

قال تعالى : " سيجعل الله بعد عسر يسرا "

\

/
دعواتي لك ولكل من انتظر خبر النقل

الهنووف
كانت
هنا
ورحلت

قرقاص · #14 19/04/2011, 08:00 AM

هلا بالغالي ابوشادن

كان الله في عونك وعون باقي زملائك ممن يعانون فراق الوالدين و الأهل !! والله يعجل بلم شملك وشملهم !!

ما ازيد على كلام الأخوة والأخوات اللي وصوك بالصبر ! الا اني اطلب منك ان تحتسب عند الله بعدك عن والدتك واداء عملك لتجني خير الدارين !!

الله يوفقك وان شاء الله تشوف اسمك مع الدفعة القادمة

hilalemooot · #15 19/04/2011, 11:04 AM

.

هلا ابو شادن

والله ياخوك مدري وش اقولك .. فعلاً الناس كانوا متعشمين خير هالسنة لكن اغلب اللي اعرفهم بقوا في اماكنهم وعدد سنواتهم وتخصصاتهم تختلف ولعل في الامر خيرة ان شاء الله .

احتسب الاجر وانا اخوك وما تضيق الا تفرج من عند رب العباد .. حاس بمعاناتك والله

الله يخليك لك الوالده ويطوّل بعمرها وتبقى جنبها على طول يارب