[ حركة تخص رادوي أتمنى ان لاعبين الهلال يسوونها! ] - نادي الهلال السعودي - شبكة الزعيم

هلالي مخاوي البطولات · #1 23/04/2011, 01:05 AM

بسم الله الرحمن الرحيم

السلام عليكم ورحمة الله وبركاته

مساء / صباح الخير أعزائي ,

أكيد الكل منكم شايف الحرب ( الشعواء ) اللي يمارسها الحقاد على الهلال ضد رادوي .. و كأن ( مافي هالبلد الا هالولد! )

سواء كانت من تحرشات ولا ( انبراشات ) ولا ايقافات ولا ( لقافات ) ..

رادوي له معنا سنتين تقريباً و توهم يتذكرون ان في يده صليب عشان يطالبونه بتغطيته .. و كأنه أول لاعب أجنبي يدخل السعودية وعليه وشم صليب!

طبعاً رادوي لاعب محترف واحترم القرار وغطى وشمه وبدون ما يكبر السالفة وبدون أي تضخيمات كما هي عادة الهلال .. فخم و أنيق و يتسيد بالأفعال ..

زبدة الموضوع والحركة اللي أتمناها هي اني اتمنى ان لاعبين الهلال المشاركين بالمباراة انهم يغطون يدهم اليمنى مثل ما يغطيها رادوي من باب المساندة و الدعم المعنوي ومن باب اننا كلنا يد وحدة وما يفرقنا أحد ..

صراحة أتمنى أحد يقدر يوصلها للاعبين لأنها ماراح تضرهم ولا تتطلب جهد .. مجرد ربطة لفها على يدك اليمين وشارك بالمباراة طبيعي ..

و أضمن لكم ان هالحركة راح يكون لها صيت بالإعلام الروماني .. و راح نبين لهم قد ايش دين الاسلام دين طيب و ان الناس فيه واحد و سواسية وان رادوي ماراح يلقى اي تقدير او حب او احترام احسن من اللي في السعودية ..

و بتكون هالحركة مثل الحجر اللي راح يلقم هالحقاد و يعلمهم ان الهلال أعلى منهم دائماً و انهم مهما حاولوا دايماً .. مصيرهم هو الفشل ..

أو ياليت على الأقل لو ما سووها اللاعبين نشوف كذا واحد من الجماهير رابطين يديهم و يرفعونها فوق عدة مرات بالمباراة عشان يلاحظونها المشاهدين و المصورين ..

شكراً لقرائتكم الموضوع ..

والله يعطيكم ألف عافية