قصتي انا وعبدالعزيز اليامي - صفحة رقم 3 - نادي الهلال السعودي - شبكة الزعيم

داق لطمة · #1 17/04/2011, 12:01 PM

بسم الله الرحمن الرحيم

السلآم عليكم ورحمة الله وبركاته << حروف الغلآ ترا سلمت

في البداية اتمنى اتمنى من الكل الدعوات الصادقة لآخوي عبدالعزيز اليامي

،،

صرااحه ما اعرف وش اقول تجــاه هيداا الاطخم

قبل تقريبا ً شهرين أقدمت على خطوة غيرت مجرى حياتي اللي هي ( الزواج ) ،
صرااحه كنت متردد جدا ً جدا ً خصوصا ً ان فيه واحد من اخواني اكبر مني المهم كلمته وقلت له شوف يا اخي الكبير انا بطوفك من يمين واظاهر انك مطوول وانت ما تزوجت ولا حتى فكرت انك تزوج وتستقر في حياتك وانا رجال ما ناقصني غير الزواج واكمل نص ديني ولا علي منك رد علي وقال : طوف بس يممكن احدك على شجرة ولا عمود انارة

المهم اقدمت على الزواج وتم كل شي ولله الحمد والمنة على خير

بعد ما رجعت من المدينة لتبوك لقيت عبدالعزيز على المسن ودار بيننا الحوار الاتي :

هو : هلآ بالاطخم

انا : الاطخم جابته امك

هو : علآمك احسك متغير

انا : يا ولد انت عزوبي والمفروض اني ما اكلم عزوبية

هو : وش السالفة .؟!
انا : ابشرك يا ابو هادي انا انخطبت

هو : الف الف مبروك منك العيال ومنها المال

انا : الله يبارك فيك ..
هو : منهي تعيسة الحظ اللي بتاخذك وتفكنا من شرك

انا : دكتورة عندي بالجامعه

انتهى الحوار ...

،،

صرااحه واقولها من قلب والله ما شفت احد فرح في الخبر مثل عبدالعزيز حتى اقرب الناس لي
وبعدها بيومين كنت بالكلية ودق علي ،،

هو : ابو عبيد انت وينك .؟!
انا : والله طالع من الكلية ورايح للشقة .؟! خير ان شاء الله ..
هو : لا مافيه شي بس انا محضر لك مفاجأة .؟!
انا : وش مفاجأته الله يرجك .؟!
هو : ااذاا وصلت الشقة راح تشوف لكن لو تطير وتوقع ماني معلمك .؟!
انا : طيب ..؟؟؟!!

انتهى الحوار ..

،،

المهم ادخل المنتدى الغالي على

ــي
والقاه مسوي هذا الموضوع
http://vb.alhilal.com/t987553.html

والله اني انصدمت وما توقعت احد يسويها .؟!

،،

في بداية علآقتي مع عبدالعزيز كنت انا وياه على المسن وسألته سؤال كنت متردد في البداية ،،
انا :ابو هادي بسألك سؤال لكن متردد .؟!
هو : كالعـادة ( ســـم ) < < عاد بلهجة اهل الرياض طبعا ً

انا : انت شيعي ولا سني .؟!!
هو : ابو عبيد اخاف اقولك تخرب صداقتنا ...!
انا : لو انا بغيت اخرب صداقتنا كان ما اعطيتك وجه من البداية يا ورع

،المهم جاوب .!!
هو : ايه انا شيعي ..!!

انتهى الحوار ...

،،

مع الايام والاوقات والاتصالات ايضا ً اللي بيني وبين عبدالعزيز كنا نسولف في بعض الاحيان عن المذذاهب ومين اللي على الحق ومين اللي على الخطأ ،،
سألته وقلت له عبدالعزيز وش الفرق بين مذهبك والمذاهب الشيعية الاخرى ..!!

قال لي : شوف مذهبنا يرى ان اهل السنة على خطأ ولا نكفركم ،، بين المذذاهب الشيعية الاخرى يرونكم ايضا ً على خطأ ويكفرونكم ..!!

~~~ ~~~ ~~~

(( اتصال تغيير الواقع والحياة ))

قبل امس نزلت لي الموضوع هذا
http://vb.alhilal.com/t1007239.html

دق علي ابو هادي ووقتها كنت بنااااام وعلى الفراش ودار بيننا الحوار الاتي :

انا : هلا ابو هادي ..!؟
هو : هلآ براعين الخمسات

انا : ياخي صارت ادممان الخمسة انت تشوف يا ولد ..!!
هو : اي والله اشوف وبعدين انتم يالهلالية والله ما تستحون على دمكم .!!
انا : افا ياذا العلم وليه مانستحي.!!
هو : ياخي عطوا سداح فرصة ، خلوا الوحدة ياخذ البطولة لانه بين ارضه وجماهيره .!!
انا : شوف حنا ودنا لكن الكأس والذهب هو اللي يبي الهلال وش نسوي يععني .!!
هو : تبي الصدق ،، والله ان الهلال هو اللي يستاهلها وهو افضل فريق متكامل من جمميع النواحي ،، ادارة ، فكر احترافي بالمعنى الحقيقي ، لآعبين ، جهاز فني وطبي ، وكل ابو شي يااخي حتى الجمااهير .!!
انا : والله ان تبطون يالنصراوية تجوون زينا

هو : اي والله نبطي لكن ما علينا انا بقولك شي .!!
انا : قول ولآ يردك اطلق شنب .!!

هو : انا صرت سني .!!
انا : < طبعا ً من الخبر نقزت من فراشي وقلت كيف .!!
هو : انا صرت سني غيرت مذذهبي وصرت سني .!!
انا : طيب احلف انك غيرت مذهبك وصرت سني .!!
هو : اقسم بجلال الله اني صرت سني ..
انا : لحظــة سكوت والله ان دموعي نزلن من الموقف .!!
هو : الو ،، الو ،،
انا : معك ، بس متى صار الكلام هذا .!!
هو : قبل اسبوعين .!!
انا : طيب واهلك واخوانك وربعك .!!
هو : انا انطردت من نجران وانا الحين بالرياض ساكن بشقة لحالي لكن رااح ارجع واذكرك .!!
انا : الله يعينك يا غناتي ،، ابو هادي اذا ناقصك شي علللممممني ولا يردك اي شي انت امر وانا راح اساعدك باللي اقدر عليه ..
هو : والله يا ابو عبيد ما تقصر وانت قدها وقدود ان شاء الله ..!!

انتهى الحوار ...

،،

صرااحه سألت عبدالعزيز وش الاسباب اللي خلتك تغير مذهبك وتصير سني ..

قال لي اسباب كثيرة ومن بينها انت يا فهد .!!
والله لحظتها حسيت احد رش علي مويا بااااااااااااااااااارد .!!
قلت انا ، قال ايه انت .!!
ووقتها تذكرت حديث عن الرسول الكريم عليه الصلآة والسلآم
( لئن الله يهدي بك رجلا ً خير لك من حمر النعم )
اللهم انك تعلم مافي قلبي ،، اللهم اني احببت فيك عبدالعزيز فاجمعني به على طاعتك واجمعني به بعد الموت في جنتك عند نبيك اللهم امين اللهم امين اللهم امين ..!!

في الختام دعواتكم لعبدالعزيز ( واتمنى من الله ان يفتح له ابواب رزقه وابواب جنته )

* ملاحظة اخيرة يا اخوان :

اتمنى من الكل عدم التطرق لاهل عبدالعزيز وعن والديه رجاء خااص ..!!

وفي الاخير دعواتكم لي لاني بسافر بكرة لتبوك ..

محبكم فهد العنزي ( داق لطمة )