|
صدِيق آبوٍي شآفنـِـِـِِـِني بالغلط (:" ":) السلام عليكم ورحمة الله وبركاته .. آخباركم يآآحلى زعماء ان شاءالله منييحين .. همااني مادبر شئ بالمقدمات :wub: ندخل بالموضوع دوغري .. :rose: ذاك اليوم سلمكم الله ابوي توه جايبني من بيت خالي في الصباح .. وابوي الله يهديه ماقالي انه بيجيني صديقي ولا جاب طاريه ابدن ..:cry: المهم دخلت بيتنا واروح مدرعمه لغرفتي والبس بجامتي الي اعشقها مع انها مخيسسه تفشل امي كل ماشافتني تقول كأنتس بنت فقر الي يشوفنا يقول ماعندنا ملابس. وش اسووي يا أمي الحب من الله اموت على ذا البجامه :wub: ايه خل اكملكم .. واجي البسسها بس احمد ربي ان اثار الكحل والروج مابعد راح > هذا همها هااااع :s4s: واجي انزل وارووح للملحق عشان اولع المودم .. الله يقلعه من مودم :cry: وانا ادخل والا اشوف رجال جالس جنب ابوي .. وانا ابقق ذا العيون واقول ذا موب غريب علي احسسبه خالي وناويه اسلم عليه الله من السناعه .. وهو ياعمري يطالعني همن صد في الجهه الثانيه يوم شفته صد عرفت اني جبت العيد .. والا اشوف ابوي يقول لي روحي روحي (ياحبيله ابوي مايبي يفشلني قدامه ولا زاعق علي :ap:) واروح للمدخل وموب مستوعبه ابد والا يجيني ابووي .. عاد انا قلت لازم اتغدا عليه قبل لايتعشى فيني وانا الي اهاوشه هههههههههههه واجي اقول يبه انت توك ماخذني من بيت خالي ليششش ماقلت لي ان بيجيك صديقي ؟؟!المفروض قلت لي انت السبب خليته يناظرني :ranting:.. قالي ابوي اقول قولي للشغاله تسوي شاهي .. وانا اناضره تسذا موب مستوعبه ابيه يزاعق علي ههههههههههههههههههه قلت له ابششر ان شاءالله .. وفي ذيك اللحظه يجي اخوي من دوامه يوم شفت رحت اقص له السالفه (هو مدري يا انا اجيب العقاب لنفسي ولا ايش .. خخخ :ap:) يوم قلت له قال اي واحد قلت له واحدن يشبه خالي محمد :cry: قال ااه الـ ( قال عايلة الرجال ) همن ناظري وقال اصلا شكلك بزر .. :cry: نعبنو ابو التحطييييييييييييم :cry::cry: عائلة سعوديه تحب تحطم .. والموقف الثاني: ذاك اليوم كانت جدتي نايمه عندنا وعاد تعرفون كل يوم ناس وتسذا :cry: عاد ذاك اليوم جايتنا خالتي وخالي وحريمهم وبناتهم يعني زحمممه بس ونااسه :s4s: المهم وانا يعنني سنعه واقوم احط واجيب واحلف ومدري ايش هههههههه:d عاد احنا يالبنات اجتمعنا في غرفه بعيدين عن الحرييم سواليفهم غثا :s3s: عاد انا قلت ابروح اشرب مويه وكلن قال جيبيلي معتس عاد قلت ابجيب جيك مويه والي يشرب يشرب.. واطلع للحوش وجالسه اعبي مويه مع شوية لحن من صوتي العذب خخخ (وانا اسمع احد يزاعق واضح انه باعلى صوت بس ماينسمع لانه بعيد مدري شلون) ^ ادري منتب فاهمين ذا النقطه بس بتفهمونها بعدين ..:razz: ايه اكملكم ولا اهتميت للصوت الغريب .. فجأه اسمع صبخة باب سياااااره :s5s: واقوم التفت الا ولد خالتي وولد خالي جالسين جوى السيارة يحترون اخوي يركب معهم واخوي الصغير كان معهم في السياره وصار هو الي يزاعق بس ماسمعته لانه جوى السياره ووجهه احمر.. واصلا راحمني يقول تراهم يشوفونك .. :cry: وولد خالتي وولد خالي الحمييير ووجههم احمر وميتين من الضحك تحسبوني انحشت لا توزيت ورا البراده واقولهم الدحمي ومحمد غمضوا جعل عيونكم للخفس :ranting: وهم يقولون روحي خلاص حفظنااك هههههههههه ويجي اخوي الكبيير واشوى جااء الفرج واقوله انقذني وهو طاير بوهته موب مستوعب وغطاني ودخلت على البنات الخسيسن :ranting: واقول لابوكم ولابو الي يجيبكم مويه ويسوي نفسسه سنع :mad: مايستفاد من الموضوع : للبنات كل يوم تكششخوا عشان لامريتو مثل موقفي الا وانتم تهبلون وهمن يخطبونكم .. وللعيال ان دخلت بنت بالغلط لا تبقق عينك صير مثل صديق ابوي صد على الجهه الثانيه :wub: *واخيرا اكيد كل منا مره مثل المواقف .. في الي دخلت على اي واحد غير محارمه بالغلط تقولونا الموقف .. وحتى انتم يالعيال ان شفتو بنات بالغلط قولوا موقفكم خل نضحك .. :s4s: تقبلو مصالتي وسماجتي ..:smilie47: :rose::rose::rose::rose::rose:==> ورود لكل واحد مر على موضوعي .. |
- اككثر شي استغربته في الموضووع سالفة الكحل والرووج ومايستفاد من الموضووع للبنات !! ححمد لله ماصار لي مووقف مثل ماتقولين .. وججعله مايصير لي لانه بالنسبة لي اسمييه مو احرااج الي بعدهاا :) مشككورة اختي على الموضوع :rose: |
وعليكم السلآم و رحمة الله و بركآته ..
تبين الفتنة أنتي ؟ :s3s: :s2: . . بِ النسبة للموآقف حدّث ولآ حرج :s5s: أذكر موقف بسّ إنّه قدييييم > توّني متغطيّة :ap: دخل ولد خآلي و أنآ أحطّ عشآء الرجآل :cry: و أجي أتغطّى بِ السفرة :s5s: :s2: :rose::ba1: |
فك حجز كالعاده :d والله يا انتي تنرحمين من جد :s2: انا دايم تصير لي مواقف مع قريباتي :d بس عادي يعني ما فيه اي اكشن:d الخشش ماتغيرت :d بس المشكله اني قد مره قاعد اشخص عند دريشه وهم وراها :d ويحسبوني اتميلح :s2: وانا والله مسيكين على نياتي :cry: الدريشه عاكسه ولا اشوف الي وراها :d لكن اهم شي الاخلاق :smilie47: |
ههههههههههههههـ الله يسسسعدك يآبنت والله ضحكتت من قلبي :s2::smilie47: اول موقف اعجبني برووود ابوووك :d:smilie47: انتي مسوية وجآية تبين تحجرييين له :s2::ba1: لو بحلف إنه الرجآل مآعآد نآظر له شهرين :s2::smilie47: اما المووووووقف الثآآآآني توووووحفه :to::smilie47: الي اعجبني إنهم يضحكووون عليييك وانتي معصصصبة :s2::ba1: يعجبني اخلي الوآحد يعصب وانا مهههدي :smilie47::d >>>> والله من الوشسمه برآسك :d:s2: الله يسسسعدك يآبنت :d على هالموضوع ولاتقطعيييين :ba1: |
يسعدك ربي على الموضوع انا طبعا ماخليت احد الا وشفته <<بالغلط طبعا:s4s: باقلك موقف صار لي <<الله لايعيد ذاك اليوم دق الباااب قالت لي امي:smilie47: روحي افتحي الباب هذا فلان بيعطيك غرض قلت ان شاء الله يوم اروح افتح الباب الا الا خ يقوم يدف الباااب ويمد يده عشااان يسلم <<على اساس انه نظره شرعيه خخخخخخ ويدق بعد ايااام ويخطب <<على فكره ماوافقت يقلعه:ranting: على فكره امي مسكينه ماتدري:to: واصلي ابداعك ولاتحرمينا جديدك |
وعليكم السلام والرحمة اوما عاد ههههههههههههههههههه مواقفك توووحفه .. بس الحمد لله ما قد صارت لي مع الشيبان دايم تصير لي مع الشباب .. بس اللي آصغر مني ومع عيال عماني دايم لآن عيال خوالي قليل يجون دايم باستراحاتهم بس والله فشيله حتى لو كانوا آصغر مني مآآآش يعني موقف يفشل تحياتي لك يا عسل .. تقبلي مروري |
لالالا وش هاالموااقف الجميلةs121s والمضحكة :d والله الوااحد تصير له موااقف تكون محرجة ومحزنة بنفس الوقـت ولكن بالمستقبل تكون طريفة وتكون هي ملح الحيااة شوفي والله الكثير صاار لي الكثير من المواقف بس الله ستر علي :d لا تحرمينا طلتك وجمااال حضورك وروعتك |
:d .. منتي بسهلة هاآ روج وكحل اجل !!! خلي الجمال رباني :naughty: ... أنا صراحة مايشوفوني الا هنود وبنغاليّة :s2: الله يرد ابوي بالسلامة لا دخل السواق او جا عامل مايقول ؟؟؟ الظاهر يفكرهم محارم خخخخ :s4s: وبعدين معليش حلال جرمي صغير يفكروني بالابتدائي :d |
والله من الطفاقه اللي فيـك .... :d:d:d ياما وياما تصير موآقف من هالنووع . محاكيك طبيت على شي أكبر من كذا وموآقفك هآذي ولاشي عندي أيام أووول بس خليني ساكت ... لا أطلع أووم الفضايح.:ap: |
احححممدي ربك ماجاك العقال وكان الوالد مروق :to::to: عافاك ربي ,, |
عادي يابت دايم وهم يشوفوني:d اتذكر زوج اختي دخل علي وانا بالصاله متمدده:d عاد جا ناوي يسلم علي يقول تشبه لفلانه<<بنت اخوه صديق اخوي دخل وجلس بالمجلس وانا كنت موجوده ماانتبه الى بعد ماجلس:d وكثير والله ادخل بالغلط ولد عمي يقول لاتتغطين مني حفظت وجهك:s2::s2: إقتباس:
على اساس انه ركبتك انت بعد بيضا:d لعنبو بليسك والله لو تلف العالم كله ماتلقى مثلنآ:naughty::naughty: ومالك غيرنا بعد:d فااقتنع من الحين:s5s::s2: |
إقتباس:
ههههههـآـآـآي ياربيه ميته ضحك آهم شي الرجـآل لف وقلبتيهـآ ع ابوتس:ap: والله من الطفاقه هع:s4s: << طالعه منهـآ انتي:s2: .. الموقف الثاني نوكومينت :to: موتوني ضحك عيال خالك مدري خالتك:s2: آجل حفظو شكلك والله من الزحف ههههههههههاي:ap: !! انـآ طبعاً اكبر مفهيه ودايم تحصل لي مواقف تسذا خصوصا اذا كنت توني باديه اتغطى من عيال عمي وهيك:s2: << ياهي رـآـآعيه طويله:s2: بذكر لكم موقف من مواقفي :wub: مرهـ من المـرـآـآرير في بيت خوـآـآليٍ داخلهً ادورُ اميً بغرفة الطعامُ ومالقيتهـآُ جيت بطلعُ الا بوجهيً ولد خاليٌ ومن الربكهُ رحت طيرانً مسرعهُ ابي اطلعُ الا حدا البزارين كاب مويهُ:mad: وطرـآـآخ ياني طحت طيحه ع وجهي الييييييييمه تفشلت قدام المبزره فشيله :cry: والمشكله عند الباب لما جيت بطلعُ:s2: ونفس الموقف مع نفس الولد ياكرهه:mad: كان فيه مبزرهـ بالصأله عند خوالي وجايه ابي استهبل معهم واقلد اصوات الوراعين :wub: قلت بصوت عاـآـآلي هلالالا ولاالله ومدري شنو الا بوجهي هو نفسه ياربيه يالفشللللللله وطيران انحشت اشوى انهم كانو يلعبون بلاي ستيشن ومانتبهو هع خوفي فكرني اقوله هو ووجهه هلا وغلا :to: ياكثر المواقف :ap: عوافي غلاتي !! |
وعليكم الســلام ورحمة الله وبركاته اهليين حلا :smilie47::rose: هههههههههههههههههههههههههه يــآحبيلك يابنت ضحكتني:laugh: شوفي انا خلاص جاني تبلد إحساس من هالشي:d وش اسوي دااايم يشوفوني وكله بسبة دلاختي وفهاوتي:d ابرزهم مرره رجل اختي كان جاينا وكانت ليلة عيد :s5s: طبعاً تعرفين الشكل ليلة العيد :ds121s الموهم هو اختي قالت افتحي الباب ورديه شوي توه ماجا قلت طيب وبكل رحابة صدر وتدرعم اوخيتس وتفتح الباب واشوف الا الرجال يدفه يحسب اني اختي انا من الدباشة مادفيت الباب ولاتكلمت رحت اركض ولا اشوي انفتح الباب وادبج عند باب المدخل :ap: والسيقان والكراعين طلعت :s5s: مسيكين الرجال يوم شاف هالمنظر :s2: ويرجع ويصحك الباب على طول :laugh: .............................................................................. الثاني مع رجل اختي الثانيه:s2: مرره كانت اختي وزوجها توهم جايين للبيت الموهم ان العائلة كانت بالملحق ومعهم امي واخوي:smilie47: ووخيتس جايه للملحق مااشيه متريــن وانافخ ابي اروح إستراحه وماده لساني يمممممممممممممممة وقدامي اخوي الصغير كنت الاحقهs121s الا واشوف اختي في الملحق واسلم عليها وهي ميته من الضحك وساكته واشوفها تعطيني نظرات وانا اقول لها هو وش بلاس الحمدلله اول مرة تشوفيني :d والتفت الا والقى هالطخم هو واخوي ميتين من الضحك وامي تطالعني بكل سخريه وانا بشيفتي آآآآآآآآآآآآآآآآآآآآآآآآآآآآآآآآآآآآ ياشينه ذاك الموقف وخلاص تكفين خليني استر على عمري :ap: لكــ:rose: |
قسم يا فيه ردود انواع التسليك ض1 ض1 ض1 لآلآلآ انا مرة دخلت عالحريم وهن ينحااشون مني شاافن جممااالي وخقن علي<~~ اسم الله علي الله يحفظني من كل شر ض1 ض1 ههههه يعطيك العافية وانتبهي مرةة ثاانية لا تطيحين بمواقف اكبر من كذااا |
| الوقت المعتمد في المنتدى بتوقيت جرينتش +3.
الوقت الان » 03:13 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd