يحليلك ياحلا من جد انك توحفة وطابة في مواقف احراااااج بس شاطرة اتغديتي في ابوك قبل لايتعشى فيك وعاد ابوك ماشاء الله عليه طيبون مره الله يخليه لك

عاد شوفي مااتوقع احد وصل للاحراج اللي انا وصلت لوه << طبعا ماعاد موقف حزش هذا احرااااااااااااااااااااااااااااااج من جد بس لايخاف بنستر ماوجهنا


شوفي ياستي احنا في عيد الفطر مانجلس في مكة نروح عند ستي ام امي الله يرحمها اسبوع عاد الله يسلمك بيت ستي غرف داخلة ببعض ع صالات وللبيت 3 ابواب باب في المطبخ وبابين في الصالة الكبيرة والصغيرة والضيوف اللي يجو يدخلو من باب الصالة الصغيرة
الموهيم انو انا كنت نايمة انا وخواتي وامي وخالتي وبناتها في غرفة وحدة << طبعا مافي سرير كول وحدة ع طوراحة واحنا قبل لاننام انا وبنات خالتي تلاقينا نتضارب ع الطوراحة والبطانية ولانو ذيك السنة نزلنا متأخر شوي نسينا نجيب معانا وطبعا امي وخالتي والبزورة الصغار لانهم يناموه بدري ع س 2 يكوشوه ع كل حاجة واحنا لما نجي من السهرة الصباح مانلاقي الا 3 بس واحنا 7 وذاك اليوم كانت آخر وحدة وسحبتها ع بنت خالتي لما شوفتها ماجات اخذتها وروحت انسدحت الا هي تجي وانواع الداوعي هيا واختي عليا
<< طبعا حوبتهم كانت ع الظهر لما قومت وانا خارجة من الغرفة وتعبانة وفي نوووم لسة ماشبعت <<< عاد تعرفين الصاحية من النوم بس لاتفكري انو شعري طاير لانو الحمدلله شعري ناعم
الموهيم وانا خارجة الا ولد خاالي قدامي هوا طبعا سنتر مكانوه وانا طبعا من زود النوم اللي فيني طالعت شوي ولما استوعبت دخلت الغرفة وانا انواع الاحراج

جلست شوي حق 5 دقايق وخرجت ع الصالة الكبيرة ابغا اروح لغرفة العفش الا اسمع الباب يدق انا ع بالي خالتي الثانية جاية تصبح ستي لانو اذا ماجات الضحى تجي ع الظهر
وانا اروح مدرعمة وافتح الباب الا القى مييييييييييين تتخيلي .................. شيخ القبيلة وعيالوه ....................
عاد انا بعد مافتحت الباب وتخيلى هوا حط رجلوه وجاي بيدخل الا انا اصك الباب بااقوى ماعندي

قسم قسمات انواع الاحرااااااااااااااااااااااااااااج