صدِيق آبوٍي شآفنـِـِـِِـِني بالغلط (:" ":) - نادي الهلال السعودي - شبكة الزعيم

حلا الرووح · #1 13/04/2011, 08:23 PM

السلام عليكم ورحمة الله وبركاته ..
آخباركم يآآحلى زعماء ان شاءالله منييحين ..
همااني مادبر شئ بالمقدمات

ندخل بالموضوع دوغري ..

ذاك اليوم سلمكم الله ابوي توه جايبني من بيت خالي في الصباح ..
وابوي الله يهديه ماقالي انه بيجيني صديقي ولا جاب طاريه ابدن ..

المهم دخلت بيتنا واروح مدرعمه لغرفتي والبس بجامتي الي اعشقها مع انها مخيسسه تفشل
امي كل ماشافتني تقول كأنتس بنت فقر الي يشوفنا يقول ماعندنا ملابس.
وش اسووي يا أمي الحب من الله اموت على ذا البجامه

ايه خل اكملكم .. واجي البسسها بس احمد ربي ان اثار الكحل والروج مابعد راح > هذا همها هااااع

واجي انزل وارووح للملحق عشان اولع المودم .. الله يقلعه من مودم

وانا ادخل والا اشوف رجال جالس جنب ابوي ..
وانا ابقق ذا العيون واقول ذا موب غريب علي احسسبه خالي وناويه اسلم عليه الله من السناعه .. وهو ياعمري يطالعني همن صد في الجهه الثانيه
يوم شفته صد عرفت اني جبت العيد .. والا اشوف ابوي يقول لي روحي روحي (ياحبيله ابوي مايبي يفشلني قدامه ولا زاعق علي

)
واروح للمدخل وموب مستوعبه ابد والا يجيني ابووي ..
عاد انا قلت لازم اتغدا عليه قبل لايتعشى فيني وانا الي اهاوشه هههههههههههه
واجي اقول يبه انت توك ماخذني من بيت خالي ليششش ماقلت لي ان بيجيك صديقي ؟؟!المفروض قلت لي انت السبب خليته يناظرني

..
قالي ابوي اقول قولي للشغاله تسوي شاهي ..
وانا اناضره تسذا موب مستوعبه ابيه يزاعق علي ههههههههههههههههههه
قلت له ابششر ان شاءالله ..

وفي ذيك اللحظه يجي اخوي من دوامه يوم شفت رحت اقص له السالفه
(هو مدري يا انا اجيب العقاب لنفسي ولا ايش .. خخخ

)
يوم قلت له قال اي واحد قلت له واحدن يشبه خالي محمد

قال ااه الـ ( قال عايلة الرجال ) همن ناظري وقال اصلا شكلك بزر ..

نعبنو ابو التحطييييييييييييم

عائلة سعوديه تحب تحطم ..

والموقف الثاني:
ذاك اليوم كانت جدتي نايمه عندنا وعاد تعرفون كل يوم ناس وتسذا

عاد ذاك اليوم جايتنا خالتي وخالي وحريمهم وبناتهم يعني زحمممه بس ونااسه

المهم وانا يعنني سنعه واقوم احط واجيب واحلف ومدري ايش هههههههه

عاد احنا يالبنات اجتمعنا في غرفه بعيدين عن الحرييم سواليفهم غثا

عاد انا قلت ابروح اشرب مويه وكلن قال جيبيلي معتس عاد قلت ابجيب جيك مويه والي يشرب يشرب..
واطلع للحوش وجالسه اعبي مويه مع شوية لحن من صوتي العذب خخخ
(وانا اسمع احد يزاعق واضح انه باعلى صوت بس ماينسمع لانه بعيد مدري شلون)
^
ادري منتب فاهمين ذا النقطه بس بتفهمونها بعدين ..

ايه اكملكم ولا اهتميت للصوت الغريب ..
فجأه اسمع صبخة باب سياااااره

واقوم التفت الا ولد خالتي وولد خالي جالسين جوى السيارة يحترون اخوي يركب معهم
واخوي الصغير كان معهم في السياره وصار هو الي يزاعق بس ماسمعته لانه جوى السياره ووجهه احمر.. واصلا راحمني يقول تراهم يشوفونك ..

وولد خالتي وولد خالي الحمييير ووجههم احمر وميتين من الضحك
تحسبوني انحشت لا توزيت ورا البراده واقولهم الدحمي ومحمد غمضوا جعل عيونكم للخفس

وهم يقولون روحي خلاص حفظنااك هههههههههه
ويجي اخوي الكبيير واشوى جااء الفرج واقوله انقذني وهو طاير بوهته موب مستوعب وغطاني ودخلت على البنات الخسيسن

واقول لابوكم ولابو الي يجيبكم مويه ويسوي نفسسه سنع

مايستفاد من الموضوع :
للبنات كل يوم تكششخوا عشان لامريتو مثل موقفي الا وانتم تهبلون وهمن يخطبونكم ..
وللعيال ان دخلت بنت بالغلط لا تبقق عينك صير مثل صديق ابوي صد على الجهه الثانيه

*واخيرا اكيد كل منا مره مثل المواقف .. في الي دخلت على اي واحد غير محارمه بالغلط تقولونا الموقف .. وحتى انتم يالعيال ان شفتو بنات بالغلط قولوا موقفكم خل نضحك ..

تقبلو مصالتي وسماجتي ..

==> ورود لكل واحد مر على موضوعي ..