السلام عليكم ورحمة الله

اول موضوع لي بمنتدى الجمهور واتمنى مايكون اخر موضوع ..

اسجل اعجابي بهذه الشبكه اللي قبل لااكون عضو فيها الان . كنت زائرا يوميا , اقرا المواضيع واطلع على الاخبار واسمع الصوت الهلالي الحر

شبكه متميزه جدا راقيه عالميه .. والان عرفت ليش متميزه

السبب هو [ منتدى التقييم من قبل المشرفين ] .. ماشاء الله هذي خطوه تحسب للاداره ان مو كل من هب ودب نزل موضوع . بل يكون بتقييم من اشخاص ماوضعوا في هالمكان الا هم كفووو


..


يااخوان .. ولد عمي بدر التميمي [ ماراح امدح لانه ولد عمي ] لا والف لا .. وبدون مجامله والله هالولد موهوووب بالفطره

مهارات . قطات . لمسات . سسسرعه مو طبيعيه ماشاء الله

يلعب كل يوم حواري .. وكل مالعب قالو له والله انك موهبه ليش ماتسجل بالانديه


هو هلالي متعصب . واقنعناه يسجل بالنادي ... بالاخير رجع لنا مكسووح


يقول لافيه تنظيم ولا فيه اي شي .. ماغير عيال النعمه اللي مسجلين فيه وعيال الواسطات

وكلهم لامواهب ولا شي .. اسم انهم مسجلين


الولد جانا منقهر ومنكسح .. كان نفسه ينشأ بين لاعبين الهلال ويوصل للصف الاول


خصوصا ان الان عمره 14 سنه . . بس قسم بالله انه موهوووووووب



اذا لعب معنا حنا يالكبار باستراحه ولا بلمعب .. ياهو يحوس فينا ويلعب فينا لعب


وقسم بالله مااقول هالكلام لاني اعرفه وابي اطبل له ... لاني حاس واشوف فيه وبعيونه اللاعب الناجح


يمتلك فكر اوربي ... كل يوم بالعصر يمشي ويهرول عشان يكتسب لياقه وبالليل يلعب حواري


والله انه موهوووووووووووب موهوووووووووووووب فناااااااان ياجماعه الخير


مدري كيف اوصف لكم .... لكن كل اللي اقدر اقوله .. لو ان النادي قبلوه .. كان تشوفون مستقبل رائع لهاللاعب



..



شوفوا لنا حل .. يالامير بندر ذبحونا اللي يشتغلون تحتك كل شي واسطه واسطه واسطه


شلون تبون الهلال يكون له جيل قوي ناشئ متميز . لديه روح الهلال وحب الهلال منذ الصغر

وانتم ماتاخذون الا عيال الواسطات !!!!!!!!!!!




تكفون يامشرفين نزلوا الموضوع لاهميته

والله أنا تحمست معك


يآ مشرفين أنا أطلب بتثبيت الموضوع

صرآأإحه

مشكووووووووور اخوي ,,, كان بودي لو ارفقت لنا مقطع فيديو للاعب الموهوب ,,, ونعطيك الرأي ونقف معك لكي يتم تسجيله,

من يدري يمكن يكون اسطورة الهلال القادمهـ ,,,, كل شيئ ممكن ,,, والله يوفقه يا رب

ومشكوور على اهتمامك اخوي وسلم على ولد عمك ^^

إقتباس الرسالة الأصلية كتبت بواسطة {مـجرّد كذآآ} مشكووووووووور اخوي ,,, كان بودي لو ارفقت لنا مقطع فيديو للاعب الموهوب ,,, ونعطيك الرأي ونقف معك لكي يتم تسجيله, من يدري يمكن يكون اسطورة الهلال القادمهـ ,,,, كل شيئ ممكن ,,, والله يوفقه يا رب ومشكوور على اهتمامك اخوي وسلم على ولد عمك ^^

صحيح انا معاك مقطع فيديو .. ونحكم عليـه ياخي والله العظيم ولد عمي موهبه بالفطره اسمه سلطان عمره 12 سنه .. الهلال اللي جو وطلبوه يلعب بأكثر من مكان . محور وسط .. ظهير الهللال بأنفسهم طلبووه والله انه مثل زول رادوي وطريقه لعبه ويلعب اكثر شي محور والهللال وقعو معاه عقد انه مايروح لاي نادي . وبالعطله الطويله يجي يلعب معاهم .. لان يدرس الحين .. اتمنىتنزل مقعط فديو حتى الفديو لو شافه مثلا سامي الجابر واعجبه بيقول جيبو مو شرط سامي يمنك المدرب يمكن الرئيس يمكن المشرف ماتدري اتمنى انك تنزل له مقطع فديوو

كيف نصدقك؟؟؟ موضوعك بدون فايده الا لو نزلت مقطع للتميمي..والف نعم

إقتباس الرسالة الأصلية كتبت بواسطة M.7.A.M.M.A.D كيف نصدقك؟؟؟ موضوعك بدون فايده الا لو نزلت مقطع للتميمي..والف نعم

و يكون بدون تمثيل

كم لاعب موهوب راح علينا بسبب الواسطات والمجامله والله في لاعبين في الاولمبي ولا حقين حواري وبعدين شف كم دوسري في هذه الفئات تعرف ان الشغل عندنا مجاملة الدليل عيال عطيف سجلو في الهلال وجربهم فتره ولان ما عندهم واسطة قالو ما يصلحون وشفهم بالشباب ما شاء الله

فا نصيحة اذا ما قبلوه وده نادى الشباب

إقتباس الرسالة الأصلية كتبت بواسطة هـــلالــ،ــي كم لاعب موهوب راح علينا بسبب الواسطات والمجامله والله في لاعبين في الاولمبي ولا حقين حواري وبعدين شف كم دوسري في هذه الفئات تعرف ان الشغل عندنا مجاملة الدليل عيال عطيف سجلو في الهلال وجربهم فتره ولان ما عندهم واسطة قالو ما يصلحون وشفهم بالشباب ما شاء الله فا نصيحة اذا ما قبلوه وده نادى الشباب

وش قصدك يوم تقول دوسري؟؟
يااخوي اللي لهم واسطة من أنواع القبايل فلاتحدد دواسر بس وياما دواسر يتمنون الهلال ولا وصلوا له لأن ماعندهم واسطة
فالسالفة كلها سالفة واسطة من أي قبيلة
فلا تفتري على الدواسر
وبالنسبة لك يالتميمي اتمنى نشوف ابن عمك مع الهلال وأن شاء الله صوتك يوصل للأدارة فحرام تضيع موهبته على حساب الواسطة

اي والله انك صادق .. الواسطاااااات ذبحتنااااااااا

لو تشوفون نتايج الواسطات روحوا شوفوا مستوى الاولمبي ..!!

ان شاءالله رسالتك توصل للادارة

انا للأسف اصدقك
واقول للاسف مو تقليل منك لا والله حاشاك
ولكن مقهور من الادارة
الدليل على صدق كلامك ان فيه اكثر من موضوع كان شبيه بموضوعك
يعني ماهي اول مرة
ياسمو الامير بندر بن محمد تكفى تكفى تكفى شف لنا دبرة
حنا مصدقين انك تحب الهلال والله مصدقين
لكن المشكلة بالي تحتك
فيه ناس يلعبون من تحت الطاولة
ماتهمهم مصلحة النادي بقدر ماتهمهم مصلحة انفسهم
والله حرام يصير كذا بنادي مثل الهلال
حرررررررررررررام
عووافي يالغلا

إقتباس الرسالة الأصلية كتبت بواسطة ™ṂṒḤĂṂṂĂĐ اي والله انك صادق .. الواسطاااااات ذبحتنااااااااا لو تشوفون نتايج الواسطات روحوا شوفوا مستوى الاولمبي ..!! ان شاءالله رسالتك توصل للادارة

شكلك ماتدري وين ربك حاطك

مستوى الاولمبي ججججججدا ممتاز ومتصدر الدوري

آلله يعطيك العافيـه

وآلله يوفق ولــد عمك

.




*




وربي إنك صآدق في كل كلمه قلتهآ ..

آلوآسطه آصبحت من عآدتنآ وتقآليدنآ في كل آمور حيآتنآ

و إذا على كذآ .. الله يعين مستقبل الزعيم

لآنه بـ صرآحه الايدي الي تمسكه مآ هي آمينه و بـ قدر المسؤوله

تكففى ي آلآمير / بندر بن محمد .. نبي حل الله يخليك و يطول بـ عممرك ()

الواسطه هي من جلبت لنا اللاعبين المفلسين وبدون ذكر اسماء سابقا والى الان يتوافدون على النادي

للأسف نفس الحكايه حصلت لولد خالي اللذي ينافس كرستيانو رونالدو بالمستوى على الرغم من صغر سنه

للأسف للأسف

إقتباس الرسالة الأصلية كتبت بواسطة الفيلسـوفـ الواسطه هي من جلبت لنا اللاعبين المفلسين وبدون ذكر اسماء سابقا والى الان يتوافدون على النادي للأسف نفس الحكايه حصلت لولد خالي اللذي ينافس كرستيانو رونالدو بالمستوى على الرغم من صغر سنه للأسف للأسف

خيــــرررررررررررررررررررر

ابوي يالغالي يابو الشباب يااهوووووووووووه , ارفق علينا انت وولد خالك , عاد ينافس كرستيانو مره وحده ..!!

انا بصراحه كنت برد على صاحب الموضوع اللي يمجد ويمدح ولد عمه .. مع احترامي له ولولد عمه .. لأنه مو منطق بصراحه .. كل واحد يروح يسجل بالنادي ومايقبلونه لوجود افضل منه او لسوء مستواه يجي هنا واحد يقرب له او هو نفسه ويتكلم على ادارة الفئات السنيه , يعني اذا قبلوا ولد عمك بتمدح ؟