|
, والله العظيييم يا عالم في نآآس موآآهب صح , مو بس موآهب إلآ وربي خرآآآفة ولو تبووون أجيب لكم أجيب لكم أكثر من 5 موآآهب قسسم بالله موجودين !! عبد الله القرني لآعب النصر اذا تعرفونه هذآ قريبي ورآح سجل بنآدي الهلآل وقآلو مآ عندك سآلفة !! رآح لنآدي الفقر وعلى طوول قبلوه بعد مآ شآفو مهآرآته الدفآعية !! وأكثر من وآحد أعرفه موآآهب صح يبون يسجلون بـ الزعييم وفي الأخيير مآ يقبلونهم ! أبي أعرف لييييه !! وقسسم بالله قاعدين نششوف الفئات السنية بنآدي الهلآل وضعهآ مرة سيء بسبب عدم آكتشآآف الموآهب أتمنى من الأمير عبد الرحمن التركيييز على مستقبل الهلال اذا الهلال الحين بطل بعديين وش بيكون مع اللآعبيين الجآيين !! يعني ما بيصير فيه هلآل؟! بالنسبة لك أخوي من مدحك له وآضح إنه لعيب مآ شآآء الله وأتمنى من المسئولين إنهم ينتبهون لـ اللآعب هذا اذا كان على كلآمك لأنه في يوم من الايام راح يكون نجم الهلال الاول وبـ التوفييق للهلآل إن ششآء الله , |
غير الواسطة وحب الخشوم ! حنا نعاني من انعدام الأحتراف للكثير من اللي يشتغلون مع الفئات السنية ! اغلبهم جاي يقضي وقت فراغ ولا يدور علاقات مع المسؤولين ...الخ ! في القصيم كان فيه مدرب مصري في احد الاندية وراح قبل كم سنة ... كان يوم اجازته يلف على ملاعب الحواري ويحدد من يبي وصعد الكثير للفريق الاول!! شوف حب المهنة والإخلاص بالعمل لدرجة انه يروح للمدارس ويطلب ارقام اولياء الامور ويشتغل شغل جبار لحاله وراتبه كله على بعضه مايتعدى 5000 ريال !! لازم اللي يتعاملون مع الفئات السنية نختارهم بعناية هذا غير اعداد الملاعب في مختلف انحاء الرياض والله ماتكلف شيء سور وملعب وكم غرفة !!وتطلع لك لاعبين يجيبون لك ذهب |
بالتوفيق لولد عمك مع الهلال |
شباب بذكر لكم قصه حقيقيه هذا واحد توه صغير في الحاره موهوب طبعاً بحكم ( ابو حمد ) سلمان القريني مدير الكره في النصر من المزاحميه يعني من بلدياتنا قاله تعال للنصر وبدخلك مع الناشئين بس الولد هلالي قاله وشلون يا سلمان تبيني العب في النصر وانا هلالي قاله سلمان تعال وراح تنسى الهلال الولد رفض وقاله لا انا بسجل في الهلال ان شاءالله وراح لنادي الهلال ولعب معهم وكان من افضل اللعيبه بشهاده 3 من الشباب الي معه بس في الأخير قال المدرب ابو شيبه وفيصل الدعيرم انت كويس لكنك مرتبك وانت ماتصلح باللهي عليكم يا زعماء واحد اول مره يلعب مع مجموعة تبونه مايرتبك ؟ ياخي وش ذا النظام عندهم باااايخ والله انه يقول لو سلمان القريني يقولي تعال بسجلك في النصر والله لاروح انا خلاص عرفت ان الي معه واسطه بيسجل والله حرام يا إدارتنا نفقد هالمواهب صراحه انا اقول ان المسئول الاول والاخير فيصل الدعيرم وشكرا |
انشهد يالتميمي كل شي صار بالواسطه ... بالتوفيق لو عمك وعقبال مايلعب بالهلال |
سلمت يالحبيب الله يعطيك العافية وولد عمك بعد خله يروح مرة ثانية ومعه أحد كبير اللعب مافيه واسطة , الكرة فيها كرف وشغل ومهارات , الكرة مافيها عيال نعمة وعيال الواسطات الكرة فيها عطاء وبذل يمكن شافوه وما أعجبهم بس نصيحة , خله يروح مرة ثانية ويحاول ويحاول بدون ما تفكرون في واسطة , واسطته مهاراته تقبل مروري |
اكثر الأعضاء يذمون بتعامل الأدارة الهلالية ويشيدون بالأدارة النصراوية وانهم يهتمون بالناشئين ويقدمون مغريات للاعبين الموهبين مادري وين المواهب هذي مانفعت النصر؟ بينما الهلال كل فترة يطلعلنا لاعب هذا يبيين شي واحد ، ان المسؤولين بالهلال يعرفون وشلون يختارون مايسجلون اي واحد مع احترامي لولد عمك ومع احترامي كذلك لولد خال اللي يقول انه افضل من كريستيانو :s5s: |
هذه مشكلة حقيقية وذات أبعاد وتأُثير بعيد المدى على مستقبل الهلال....لاأحد سوف يلاحظ المشاكل حاليا ولكن سوف تطفوا للسطح وتكون ملموسة أكثر مع اعتزال كبار النجوم في الكتيبة الهلالية وحاجتنا الى التدعيم من الفئات السنية....هناك سوف تظهر المشكلة. هناك قصة مماثلة حصلت لأحد زملائي المقربين....كان يلعب فب نادي الشباب ويمتلك مهارات عالية جدااا....وعرض عليه أن يسجل ويلعب للنصر ولكنه رفض....وفكر يسجل في الهلال ولكن الواسطة وماادراك ماالواسطة...في نهاية الأمر ترك كل ذلك وركز في مجاله العلمي....والأن طلع ابتعاث الى كوريا....ومازال يلعب كورة ..... يشارك مع فريق الجامعة الكورية. مثل هالاشكالية محتاجلها حل جذري |
ان شاء الله نشوفه موهوب في الهلال بإذن الله |
يعطييييييييييييييييييييييك العااااااااااااااافيه والله انا ماعرف ولد عمتك ومدري اذا كان موهوب ولا مو موهوب ماتدري يمكن الهلال عنده كفايه من اللاعبين ادري ان الحين فيه ناس بينقزون وبيقولون شوف اولمبي الهلال كيف مستواااااااااااه نازل بس هالسنه اخيس سنه لاولمبي الهلال اما السنوات الى قبل كانت مرا زينه للهلال وشباب الهلال في المركز الثاني ومابينهم وبين المتصدر الا نقطتين يعني الحمد الله عندنا مواهب في الهلال وولد عمتك ان شاء الله نشووووفه بنادي الهلال |
نزل لنـآ مقآطع عن لعبة وان شششالله يصير خيييرَ والحين الهلـآل ترا مراح يكمل عششر سنين قدام شفتوا الاولمبي ؟! لـآزم نضخ الهلال بارواح جديدة |
بصارحه ولله نستغرب ان لعيبة الهلال ما فيهم الموهوب ( الناشئين والشباب) وهذا سبب غريب هل معناه ان السعوديه ما فيها ناس يعرفون يلعبون لا ولله السعوديه فيها ناس يمكن يكون اساطرير كبيره لكن وانا آخوك هذا حالنا مع الهلال ياكثر مانشوف ناس فن ولعب ومهارة لكن ما يقبلهم الهلال الظاهر الهلال عاجبه مستوى الاولمبي المركز الثامن عموما بالتوفيق للهلال وان شالله يكون افضل في القادم |
انا لله وانا اليه راجعون < وش تحس فيه خخخ |
آلله يعطيك العافيـه وآلله يوفق ولــد عمك |
من جد الواسطات تلعب تدو وكثير يعرفون هالشي ولمواقف كثير لو اذكر نص المواقف اللي تحصل يشيب راسك |
| الوقت المعتمد في المنتدى بتوقيت جرينتش +3.
الوقت الان » 11:42 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd