نادي الهلال السعودي - شبكة الزعيم - الموقع الرسمي

- منتدى الكمبيوتر والإنترنت (http://vb.alhilal.com/f50/)

- - وش السالفه!!؟ (http://vb.alhilal.com/t100602.html)

وش السالفه!!؟

السلام عليكم
شباب انا طلعت لى الرساله هذى الى في الصوره طلعت لى مرتين وانا اتصفح المواقع علما انى مركب وندوز اكس بي فياليت تفيدونى الله يجزاكم خير لايكون احد مهكر على جهازى وانا ما ادرى

http://d1d.net/net/saudlinks/3'reebah.jpg

أخوي هذي الرسالة مكتوبة بلغة أوروبية مدري وشي :: و يوم سويت بحث عن معناها طلعت مواقع سيئة ، و مثلك عارف إن هالمواقع السيئة ممكن تتوقع منها أي شيء -- ممكن إنهم يثبتون برامج على جهازك و ملفات تجسس و غيرها !

طبعا الرسالة اللي طلعت توضح إن أحد المواقع اللي دخلتها قاعد يحاول يسوي مكالمة خارجية ! و السعر : 1.86 يورو بالدقيقة ! بغض النظر هل يقدر يسوي المكالمة و الا ما يقدر ، فلازم على العموم تسوي كشف عن الفيروسات ، و تبتعد عن أي موقع ممكن يسبب لك مثل هالمشكلة.

أنصحك تحمل برنامج Ad Aware و تسوي فيه بحث عن كل ملفات التجسس اللي عندك و تحذفها :

إذا تبغى تحمله اضغط هذا الرابط : Ad-Aware و انتظر إلى أن تفتح الصفحة ثم يبدأ التحميل.
و أيضا استخدم النورتون أو أي برنامج كشف فيروسات و افحص الجهاز.

طبعا بس حبيت أأكد لك إن المشكلة ما هي من الويندوز.

تحياتي لك.

الله يخليك اللهلوب ومشكور تصدق انتم المنتدى الوحيد الى رد على
بس الغريب انى مادخلت مواقع من النوع هذا وبعدين اشلون يبسوى مكالمه خارجيه !!
وسؤال اخر اذا انت تتصفح موقع بدون ماتنزل منه اى برنامج او اى شي ممكن انه يزرع في جهازك ملف اوبرنامج فيه تجسس او ما شابه ذلك وانت مانزلت او عملت داون لود في الموقع هذا ابدا
وبالنسبه للبرنامج الى انت حطيت لى رابطه انا حملت وعملت له سكان بس ياليت تشرح لى شوى عن البرنامج يعني اذا لقى فايروس او تروجان وين القاه او كيف اعرف في نفس البرنامج يعني وش اضغط اى كلمه الى توضح لك الفايروسات الى موجوده في لجهاز و اذا حبيت احذفها او اصلحها عن طريق البرنامج كيف وشلون
ومشكور اللهلوب مره ثانيه
واسف على الآطاله

هلا بالغالي :)

العفو و أبد ما سوينا شيء.

بالنسبة لسؤالك الثاني ، نعم فيه مواقع كثيرة تزرع برامج داخل جهازك من دون ما حتى تستأذن منك أو من دون ما تشعر ! تبدأ تجيك مثل الرسالة اللي جتك هذي :

خذ على سبيل المثال هذا الموقع : http://mysql.astaforum.com/index.php
أول ما تدخله راح يثبت برنامج فيه ملفات تجسس في جهازك ، و طبعا هذا الموقع موقع كراكات ، و مواقع الكراكات تصنف من ضمن المواقع السيئة على العموم.

طبعا بالنسبة لي أنا أستخدم برنامج GetRight هذا حق تحميل الملفات ، فإذا دخلت موقع يقوم بزرع برامج أو ملفات في الجهاز فهذا البرنامج ينبهك يقول هل تريد تحميل البرنامج الفلاني ، و تضغط كانسل و بس و لا يتحمل شيء :)

أما بالنسبة لبرنامج Ad-Aware فاستخدامه سهل إن شاء الله ، أول شيء من القائمة اليسرى ضع علامة صح أمام جميع الخيارات " My computer , C:\, A:\ , Deep registery scan" إلى آخره -- بعد كذا اضغط على زر Scan Now عشان يبدأ البحث عن ملفات التجسس.. و إذا انتهى اضغط على زر: Continue ، ثم راح تشاهد لستة ملفات -- كلها ضع عليها علامة صح ، ثم بعد كذا امسحها Remove.

مشكور اللهلوب وجزاك الله خير