ماجور ياللي تبتلى بالمصايب " مواساة " قصيدة بقلمي السلام عليكم ورحمة الله وبركاته مواساة إلى كل من يصاب بفقد عزيز ماجور ياللي تبتلى بالمصايب = ما انتَ بأوّل من تجي له مصيبه هذي هي الدنيا كظل السحايب = يومين فادت مير تقفي بمشيبه ما فادت الدنيا كثير الحبايب = و لا ضحكت الدنيا لنّاسٍ مهيبه و ما طال عُمر اللي على المجد ذايب = و ما عاش من هو ما يحل الصعيبه انظر و اقرا عن ذيك العجايب = ازمان مرّت بس باقي عجيبه يا صاحبي لو مات أقصى القرايب = و دموع عينك فوق خدّك سكيبه و إمن العطايب جات قلبك عطايب = وفي صدرك المفجوع نار و لهيبه لا تحسبنَّ الدمع بيعيد غايب = و لا تحسبنَّ الحِب رجّع حبيبه كلًّ يحذّف بين صايب و خايب = و كلٍّ بهالدنيا بياخذ نصيبه يا صاحبي في الموت مافي طلايب = و إلا فهدنـا كان يا طيب طيبه يا صاحبي يمكن كهل عود شايب = تلقاه عايش و المنايـا تسيبه و يمكن صغيّر دايم الدوم طايب = يجيه يومٍ هالمنايا تصيبه كود الخرب يا صاحبي و الخرايب = ايّام ... ما تلقى عليها خريبه ما فيه واحد طول عمره صعايب = و ما فيه واحد ما يذوق الصعيبه يا صاحبي جمّع لنفسك زهايب = لنَّ المنايا "مـ" الخلايق قريبه هذي هي الدنيا كظلَّ السحايب = يومين فادت بس تقفي بمصيبه <!-- / message --><!-- هاك عام ـ تكبير خط المواضيع والتوسيط --><!-- هاك عام ـ تكبير خط المواضيع والتوسيط --> |
لا تحسبنَّ الدمع بيعيد غايب = و لا تحسبنَّ الحِب رجّع حبيبه صح لسانك يالسبيعي و اعتلى شانك لاهنت |
إقتباس:
صح لسانك يالسمي |
صووح لسسانك على القصيدة الجميلة تحياتي لك |
ياصاحبي عشنا وشفنا العجايب والله مقدرها علينا عجـيبه ماني يجزّاع من الموت خايب مير البلا لا مات من ننتخي به لا غاب رجل القوم تحت الترايب شلون ننسى صاحبي هالمصيبه؟ شلون ما نبكيه مثل السحايب؟ شلون ما نرثيه في كل غيبه؟ ادري دموع العين ما ترد غايب لكن بشرنبكي على اية مصيبه حاولت اقسي خافقي بالمصايب ابكي واحوش الحزن داخل سريبه بس الصدر يدمي على موت شايب ولّى وخلّانا وربك حســـيبه دنياي من عقبه غدت لي خرايب كل الوجوه اللي صفت لي غريبه ياقاع ربي كيف حزتي المناقب؟ ردي الحبيب اللي مفارق حبيبه ردي لي عمي هذا راس الطلايب والا خذيني واجعــــليها قريبه صح لسانك اخوي فعلا نظم ومعاني وشاعرية كبيره متمكن بقوه من الشعر وايصال المعني اهنيك جدا بل اني احسدك على شعرك تقبل تحياتي واعجابي لما سطرت :rose: |
قصيده رائعه صح لسانك تحياتي لك |
وعليكم السلام والرحمه ماشاء الله صح لسانك أخوي الله يعافيك بالتوفيق |
|
ماشاء الله تبارك الله قصيده جدا مميزه صح الله لسآنك ي ذووق استمتعت كثيرر ربي يسعدك ويوفقك شكرا لك |
صــــــــــــــــــــــــح لســــــــــــــنكــ |
إقتباس:
|
مآآشششآءالله تبآآرك الله:s5s::rose: ! والله إنك ششششآعر الشبكه كلهآ:rose: ! رهيبه الأبيآإإت:smilie47: ! وعن أذنك ترآ سرقت القصيده:wub::d ! / كرآتزيه:d:rose: ! |
هذي هي الدنيا كظلَّ السحايب = يومين فادت بس تقفي بمصيبه ااخوي صراااحه ماشاء الله عليك تاابع قصيدتك اكثر من رائعه |
إقتباس:
ga::cry: صــح لسآآنك والحمدلله على كل حــاال وامر المؤمن كله خير في السرء يشكر وفي الضراء يصبر |
قصيدة جزله من شاعر جزل لاهنت ياالفراااااعنه صح لسانك |
الوقت المعتمد في المنتدى بتوقيت جرينتش +3.
الوقت الان » 10:49 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd