|
والله فعلاً قلة حيا من بعض رجال الأمن - اللي ميولهم ليست رياضية - نفس تفكير بعض العقليات اللي اذا ما عجبها الشي تبي تخربه وتخرب عليه فقط مزاج لاغير. وأزيد على شكواك - والشكوى لغير الله مذلة - أنا كـ مصور من الصعب جدًا أني آخذ معي الكاميرا وأنا غير ضامن ان الأمن بيدخلني مع الكاميرا ولا لا واذا قال مافيه ممنوع, اتفاجأ بعد نهاية المباراة عشر أعضاء وأكثر منزلين صور وبكاميرات احترافية بعد!!, شلون دخلو الملعب!! ولا السالفة ابن عمي و ولد عمي وعيال ديرتي وقبيلتي وعشيرتي ودق القمرق على قولتهم, ومن الصعب جدًا اني اترك كاميرا مع عدسات وعدة كاملة سعرها بـمبلغ وقدرة في السيارة لمدة ساعتين, السرقة هاليومين ماشي سوقها !! فأتمنى الاتحادات السعودية ورعاية الشباب ينصون قوانين صارمة يا تمنعون التصوير 100% ومافيه واسطات أو تسمحون فيه 100% وبدون واسطات وأتمنى أن رجال الأمن اللي مزاجيين ويحسبون انفسهم عمداء ولا ألوية وهم أفراد, يحترمون نفسهم وأتمنى يتم مراقبتهم وضبطهم, إذا رجل الامن ما أنضبط أجل وش تتوقعون من المدنيين ؟! تحياتي.. فهد/FaHaD |
انا ماقد صار لي شيء لكن كلام سليم ما ادري هل العسكري نصراوي وحاقد كم واحد صار له اردى منك بعدين اتمنى احد يوصل كلامك للادراة عشان تعاتب المسؤلين |
هذه ثقافتهم لكن روح للمنصة كلها (300) وريح راسك . |
الله المستعان .. من جد الله يعينكم على هالعينات المتخلفة واساسا وجود العساكر لتنظيم الملاعب هذا خطأ كبير مادري ليه الواحد لما يكون عسكري يعتقد انه من حقه يهين الآخرين!! لا المصيبة اللي ماله ظهر وش مصيره ؟ لا يقدر يشتكي ولا يقدر يدافع عن نفسه هلحين لو هالعسكري بامريكا كان حفظ شكله واليوم الثاني راح اختطف بنته ولا زوجته او قتله لكن هنا آمنين العقوبة عارفين انه مهما سوا فيك ما حيصير له شي الله ياخذ الظلمة يارب |
اخووووي فهد انا نفسك عندي كاميرا احترافيه واخاف اجيبها الملعب ويقول ممنوع تدخلهاا واشوف الملعب ماشاء الله مبارك بالكاميرات |
انا اتوقع ان الدوله الوحيده اللي عند الملاعب عساكر هي دولتنا الحبيبه |
الله يعين بس تاكد اخوي ان النوعيات هاذي من العسكر قليل بالتوفيق للزعيم وانا ان شاء الله حاضر لو يفتشوني ساعتين |
الله يعنيك اخوي بالتوفيق للزعيم |
مشكلتنا هنا ماهي موجوده بالخارج !! المنظمين [ منهم العسآكر ] تاخذهم الميول كثييييييييييييييييييييير .. فـ تجد اللي ميولهم من الأصفرين رآفع القبعه لمن هم بميوله ورافع سلآحه لـ من هم بغير ميوله !! لمذا يا أخي ؟! هذا عملُك واقسمت على ان تؤديهُ على وجهه الصحيح وآجهتُ من المشآكل معهم مآ لآ عدد لهُ ولآ احصاء وكلها اخرج منها بنقاش معهم قد يصل الأمر الى ان اجلس اجادلهُ ساعات ولكن يخسي يطلعني السيآره وبـ جوالي رصيد ههههههآآي هم بالاتصالات ولاشافوك رفعت الجوال يقوم يرجف رججججججججف اهم شيء لا يكون الخطأ منك وما يكون مسوي شيء يحاججك عليه والباقي بيمشي مثل ما تحبه انت وهو اللي بيآكلها على العموم لآ يكون هذا سبب في منعنا من الحضور سنحضر ولو حاربونا محاربه مع انفسهم .. ولآ هزوا من راسي شعره وما يسآوون مكانت الزعيم عندي < عليهم عليهم |
كل مافي الامر لاتاخذ ولا تعطي معهم يالذيب لان مسموح لهم يسوون اي شي |
ياخي والله تنظيم زفت.بززفت الا متى يعني...؟ |
الحمد لله ماعمري تفتشت ................ |
يقلللللللللع شكلهمـ من عساكر .. والله لاذمه ولا ضمير عيال منب قايل .. لكن حقكـ تآخذه منهمـ دنيـا وآخرهـ إن شاء الله .. ولا يردونكـ عن الحضــور .. مايصير الا الخيـر إن شاء الله .. موفق يابعدي |
اما يلمسون اماكن !! الشكوه لله .. |
اخوي فعلا قلة ادب وكان يحق لك تطلع وبالنظام مايقدر يفتشك وتروح تنادي اي مسؤول |
| الوقت المعتمد في المنتدى بتوقيت جرينتش +3.
الوقت الان » 09:02 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd