حقوق المرأة
مسكينة والله مسكينة .. لها حقوق لكن ماحد يدري متى او كيف بتاخذها او وش السبب اللي يخليها تاخذها
بإختصار حقوق المرأة هي :
اذا ضربها زوجها تقدر تروح ترفع قضية ويحققون معه خلال اسبوع واذا هو مذنب يعاقب
ماهو تتمرمط المسكينة من محكمة الى محكمة ومن محامي الى محامي ومن تهديد الى تهديد .
حقوقها ان يكون لها أولوية بالتوظيف مثلها مثل الشباب .. يعني بالعقل خريجة من سنة كسر المواسير للحين ماتوظفت وبنفس الوقت معيدة والا معلمة من سنة جدي للحين على رأس العمل
حقوقها لما تصير دراسة من الدولة عن الوظايف اللي يحتاجها سوق العمل النسائي ومن ثم يتم فتح اقسام لهالأمر
حقوقها لما يكون لها معونة من الدولة على الأقل المكرمة تشملها .. ماهو ذنبها انها ربت بيت والا ماهي موظفة وماهي متزوجة ( في اختراع اسمه حقوق المواطنة والسواسية )
حقوق المرأة تحترم رغبتها ماهو يجي كل شخص ويقول حق المرأة كذا .. حق المرأة لما تطلع المرأة وتتكلم وتقول حقها .. لما تقدر كل بنت تدرس وتتخرج تلقى لها بيئة مناسبة للعمل هنا نقول خذت حقها..
القيادة والتبرج والخروج بدون محرم وفتح اندية رياضية كلها امور تافهة بالنسبة للمرأة اللي ماجاها حقها كإنسان .. لما نعطيها حقها كمواطنة وكإنسانة وقبلها مسلمة ذاك الوقت نطالب لها بالقيادة والاندية ولو تبي خيمة في بيتنا حاضر
مطالبات القيادة للأسف كذبة يريد المطالبون بها التباهي امام الدول الاخرى وخاصة العربية ..