رسالة الى الجمهور الهلالي لنتعاون مع مجلس الجمهور الهلالي - نادي الهلال السعودي - شبكة الزعيم

الملكي الهلال · #1 07/04/2011, 03:20 AM

السلام عليكم ورحمة الله وبركاته
اخبار الزعماء
والف مبروك الفوز على الجزيرة ..
المهم انا جبت لكم كم صورة لاخواننا العرب بالمغرب العربي
وشوفو اللوحات الي يرسموهاااااا
واعتقد ان حنا مانختلف عنهم بششيء ...
بس يبيلنا تفاعل مع المجلس وان شاء الله راح تظبط كلللمة هلال ..
شوفو الصور

بالبالونااااااااااااااااااااات

تعتقدون نقدر نسوي ولا مانققققدر ... ؟
رسالة للمجلس
اتمنى عدم الياس واتمنى تكرار التجاااااااااااارب
وان شاء الله راح تظبط معناااااااا المهم عدم الياس
واتمنى من المششرفين الرفع
تحيتي

سلطان العودة · #2 07/04/2011, 06:49 AM

والله ياليت نطبقها اقسم بالله نرعب اي جمهور واي نادي يقابلنا
موضوع وصور راائعه ماشاء الله
يعطيك الف عافيه

OMAR15 · #3 07/04/2011, 01:14 PM

إقتباس

الرسالة الأصلية كتبت بواسطة أبو جانتي


	والله ياليت نطبقها اقسم بالله نرعب اي جمهور واي نادي يقابلنا موضوع وصور راائعه ماشاء الله يعطيك الف عافيه

وبالتوفيق للزعيم ولكل من يقف خلفه ويساندهــ...

-HM_1 · #4 07/04/2011, 06:51 AM

اشياء حلوه اللي تصير بشمال افريقيا من الجمهور
بس وانا خووك تراها ممتوعه عندنا
النيران والخرابيط هذي ممنوعه هينا بالسعوديه الله يخلف علينا بس
اتمنى يسمحوون فيها والله بتصير بلااااوي ^_*

هلآليه للآبد .. · #5 07/04/2011, 07:19 AM

ححركات بطله والله ..

أتمنى من جمآهيرنا تطبيقه ..

بالتوفيق لزعيمنآ دومـاً ..

الله يعطيك العافيه , لآعدمنآك

محمد10 الشلهوب · #6 07/04/2011, 01:21 PM

والله ياليت لو نسويها
اي والله نتمنى من مجلس الجمهور االهلالي عدم الياس ,,
اول مره مانفعت ثاني مره وثالث مره ,, بعدين عاد تضبط
عوإأإأإفي

الملكي الهلال · #7 07/04/2011, 03:24 PM

مشششكورين بالتوفيق للهلال
وان شاء الله نقدر نظبط ولو حرركة من الحركات ا
لي نشوفها بمصر والمغرب والجزائر
تحيتي

الملكي الهلال · #8 07/04/2011, 04:57 PM

وين التفاااااااااااعل ؟؟؟؟؟؟؟؟؟

طلال التميمي · #9 07/04/2011, 05:30 PM

اشكر حرصك وغيرتك على الجماهير الزرقاء ولكن الشئ بالشئ يذكر

نحن كجماهير هلاليه ينقصنا الكثير كي نصل أنصاف ما وصلت له جماهير شمال افريقيا

كم من موضوع طرحناه في المنتدئ بخصوص مظهر الجماهير الزرقاء

وكم من فكره وأسلوب ونهج الى آخره ..

من في مجلس الجمهور الهلالي معظمهم مشغوليين في مصالحهم الشخضيه

الجماهير الهلاليه تفتقد للتنظيم من عده سنوات عجاف

ومن غير هذا نحن كجماهير زرقاء لا نمتلك ثقافه التشجيع

نتدخل في الأمور الفنيه للفريق أكثر من ان ندرك مسؤليتنا بالحضور

لمسانده الفريق الرياض فيها 6 ملايين نسمه ايعقل لا نستطيع ان نملى جنبات استاد ب 80 ألف

متفرج فقط فالمناسباب الكبرئ تجدهم جمهور الاتحاد قله ولكن يطربونك بالفعل

والنصر فالسنوات الماضيه لم يعد نصر العالمي ولكن جمهوره يضرب مثال

للوفاء وجمهور الأهلي جمهور راقي ولو انه لم يعد كالسابق. بينما جمهور الزعيم

يشهد له بالكثره بالالاف ولكن ينقصنا الرياده والقياده ولا صوتنا

يوصل لمجلس الجمهور

تركي الهديب · #10 08/04/2011, 10:22 PM

إقتباس

الرسالة الأصلية كتبت بواسطة طلال التميمي


	من في مجلس الجمهور الهلالي معظمهم مشغوليين في مصالحهم الشخضيه ولكن ينقصنا الرياده والقياده ولا صوتنا يوصل لمجلس الجمهور

عزيزي
مجلس الجمهور متواجد دائم
ومتى ما لقى دعم للحركات مباشرة تلقاه مجهزها
وبالنسبة تقول مشغولين في مصالحهم
ياليت تكون انت من ضمن المجلس ونشووف هل تقدر تخلي وقتك 24 ساعه في المدرج !!

عزيزي
عملنا تطوعي .. يعني نعمل في المدرج بدون مقابل مادي
وكل اعضاء المجلس لولا عشقهم للزعيم ماواصلوا رغم اللي يشوفونه من :
مطالبة الجماهير لبعض الحركات وعدم توفر الدعم المادي لاكمالها
بعض الاساءات اللي نشوفها في الملعب سواء من جمهور او من رجال الامن الصناعي والامني
السفر دائما مع الهلال على الحساب الخاص لاعضاء المجلس واجازات من الدوامات لاجل الهلال
وغيرها الكثير
عندك مقدور تكون متفرغ على العين والراس

فائق احترامي

سعوديه والهلال ناديه · #11 09/04/2011, 02:14 AM

إقتباس

الرسالة الأصلية كتبت بواسطة تركي الهديب


	عزيزي مجلس الجمهور متواجد دائم ومتى ما لقى دعم للحركات مباشرة تلقاه مجهزها وبالنسبة تقول مشغولين في مصالحهم ياليت تكون انت من ضمن المجلس ونشووف هل تقدر تخلي وقتك 24 ساعه في المدرج !! عزيزي عملنا تطوعي .. يعني نعمل في المدرج بدون مقابل مادي وكل اعضاء المجلس لولا عشقهم للزعيم ماواصلوا رغم اللي يشوفونه من : مطالبة الجماهير لبعض الحركات وعدم توفر الدعم المادي لاكمالها بعض الاساءات اللي نشوفها في الملعب سواء من جمهور او من رجال الامن الصناعي والامني السفر دائما مع الهلال على الحساب الخاص لاعضاء المجلس واجازات من الدوامات لاجل الهلال عندك مقدور تكون متفرغ على العين والراس فائق احترامي

والله ياخوي اني مقدره جهودكم
وغيري الكثير اكيد
اما مثل هذه العينات الله اعلم هل تجي الملعب اصلا
فقط اتمنى منكم اخوي انكم تفعلون مثل هذه الحركات
وتكتبون عنها هنا وتفتحون موضوع عن الحركه اللي ودكم
تعملون وتطلبون من اداره الشبكة تثبيته لان الموضوع المثبت
الاغلب يهتم به كل هذا عشان جماهيرنا لسه تفكيرهم ماتعود على مثل
هذه الجمل ومنها عشان مايروح جهدكم بلاش
ومن خلال الموضوع والردون بتستشفون ردة فعل الجمهور ومدى تعاونه معكم
واتمنى تستمرون على كلمة هلال لحد ماتضبط بعدها بحول الله لن تواجهون
اي مشاكل مع اي حركة تبون تطبقونها فقط عليكم عدم اليأس وتكرار المحاول

سعوديه والهلال ناديه · #12 07/04/2011, 05:47 PM

الله روعه

احنا من عرفنا الكوره وطريقتنا واحده

وان حصل فهي اشياء لاتسمن ولاتغني

نعم مثل هذه المواضيع لازم نفعلها عشان الكل يتحمس معها بالذات الشباب

ولما يجي الملعب يتحمس لتطبيق اي فكر وعلى مجلس الجمهور اخبار الجماهير

فافكارهم من قبل بوقت كافي بموضوع مثبت عشان النسبه الاعلى تكون مستعده

وعلى الجماهير انهم يساعدونهم واللي يشوف نفسه مو قد الحركه يترك المجال لغيره

حرام يتعبون وفي النهايه يروح بلوشي

واطلب من مجلس الجمهور عدم اليأس والله انه فيه كثير مقدر تعبهم لكن نعذر جهل البعض او

مراهقتهم المدمره وعلينا الاستمرار على كلمة هلال لحد ماتضبط وبعدها صدقوني اي حركة بتكون سهله فقط التكرار وعدم الياس اللهم وفق الهلال

سعوديه والهلال ناديه · #13 07/04/2011, 05:50 PM

شوف رغم بساطة ذي الا انه عمرنا ماشفناها

يعني ان لجمهور بحاجه لثقافة اكثر عن مثل هذه الامور

لو كل شخص دخل ومعه علم صغير وقت دخول الاعبين ترفع دون الشكل اللي موجود بتطلع روعه وسهله

سعوديه والهلال ناديه · #14 07/04/2011, 05:55 PM

والا ذي رغم بساطتها عمرنا شفناها في مدرج سعودي

الملكي الهلال · #15 07/04/2011, 06:07 PM

مششششكورين واتمنى شوف تفاعل اكبببببببببر
تحيتي