|
قُلت في الإجتماع : يَ أهلي وعائلتي الموقرة : أنتم عائلة بايخه جداً جداً ... قُلت في الإجتماع : يَ أهلي وعائلتي الموقرة : أنتم عائلة بايخه جداً جداً ... في جو كله مغبر ومع نسمات هواء بارده كُنت مستانس لِ درجة لو جاء وآحد وقال عطني دراهم قلت له : سم خذ مكأفأة الجامعة وفوقها مكرمة الملك كلها بس أبي منهآ 250 ريال أمشي حالي وأكل بها لقمة عيش تعيشني كم يوم ( فدائي :d) أشتريها بها خبز صامولي وتونه لـ الفطور والغداء مرة وحده والعشا بيكون مطبق و حمضيات :d:smilie47: نرجع لِ الجو المغبر والعليل : أخذت زمزمية شاهي ( مر ) بدون سكر :cry: وطلعت وقعدت على دَرَج باب البيت : أشوف اللي رايح واللي جاي , لفت إنتبآهي الآرض الفاضية اللي قدام بيتنا ( قسم بالله سبورة ) الظآهر كل من جاء كتب عليها وفيه انواع الكتابات مثل : ( الحب عذاب .. قطع قلوب الشباب ) :smilie47: ( ما أضيق لو قلتوا لي : يَ حمار ) :d ( برحـة الملتقى " مركز الدشير الرئيسي " ) ( آه لو تدري حبيبي كيف أيامي بدونك ) ( لا غشاك الليل وأسرف بك الحزن العميق جنب وجيه البشر .. وإسجد لخالقها ) :cry::smilie47: ( البنات ما فيهم خير صدقوني .. ) ( يمه سامحيني ! ) :cry: > أحسن وآحد :smilie47: ( شارع الثلاثين يَ مجمع الحلوين ) :naughty: ولفت إنتباهي عبارة مكتوبة : ( خلصت العطلة وأنا ما تعديت هالمكان ) :cry: التفت على بيتنا ورجعت أشوف نفسي ثم رجعت التفت على بيتنا ثم رجعت وصورت نفسي بالجوال وقلت في نفسي : تصدق ياللي كتبت هالكلام أنا مثلك. كل يوم أجي وأطلع نفس المكان وأقعد مره معي شآهي حالي يوجع البطن ومره شآهي مر ومره غجر :d ومره نعناع " حبق" وأنا اللي أقوم على حيلي وأكب باقي االشاهي اللي معي > بارد :s3s: وأشيل عفشي وأدخل للبيت - " في البيت " دخلت على الأهل في " ليفينج روم " :d وأنا أصفق بيدي وأقول : إجتمااااع .. إجتماااااع عاجل .. الكل ترك اللي في يديه من بيالة شاهي وفصفص واللي ترك الريموت قالوآ : يَ صديق نفسه وش عندك ؟ قلت : صح إني صديق نفسي وأقعد وحداني :d لكن أهووجس وأجيب لكم أشياء توسع الصدر .. المُهم أولاً وقبل كل شيء وبدون تجرد صرخت بأعلى صوت وقلت : أنتم عائلة بايخه جداً .. وَ فجأة يجني كرتون منديل بسرعة 120 كيلو متر في الساعة في رأسي :razz: من أخوي وهو يقول : مزعجنا واجتماع وعلم وخبر وأخر شيء هذا اللي عندك , يله آطلع برآ فآرق .. الكل صآر ينتقدني ويقول مآ عنك سالفة .. واللي يسوي صآفرآت إستهجآن :d واللي يأشر بيده وهو يقول آووووووه :cry: ما جاء في بالي إلا عبدالحليم حافظ يوم إنه على المسرح والجمهور يرمي عليه الجزمة وإنتم بكرآمه واللي يسبه قلت في نفسي " هكذا هم الكوسين دائماً ينطقون أو يسبونهم الناس " أنظر إلى حالي وحال عبدالحليم وحال ياسر القحطاني وحال عمر المختار عندها أتذكر أن الدُنيا لازالت بخير : ما دآم أبو متعب على رأس الهرم السعودي " :smilie47::d بعد موجة انتقادات لاذعة من الأهل سقطت دمعة من عيني وهي تتهدى على خدي وصلت عند برطمي وطلعت لساني ولحستها لِ أرتوي من عطش أهلي :d مسحت دموعي بطرف ثوبي وصرخت بصوت فيه حزن عميق ونبرات باكيه كأنني الدكتور طارق في مسلسل الأرض الطيبة :d يوم إن ديآلآ قالت : أنت مآ بتحبني :cry::smilie47: وقررت تترك الضيعة و تروح المدينة قُلت ( أطول وصف ) : الناس تروح وطلع وتسافر وتستانس وتعيش يومها وأنت قاعدين في البيت لا أنتم الي رحتوا لمكه ولا المدينة ولا الشرقية وشذا الحياة ! :cry: حتى منتزهات وملاهي والالعاب ما ترحون : اطلعوآ على الأقل لحديقة حيوان :cry: أهم شيء خلونا نغير جو :cry: وشذآ النظام الدكتاتوري ! اللي معيشيني فيه .. :cry: على ألأقل إطلعوآ إستراحة لو يومين : قاعدين في البيت تقول ماسكينه لا يطير اللي يشوفكم يقول فيه دراهم عندنا باقيه في التجوري :d ولا تطلعون خايفين تنسرق :cry: أنتم بس قولوآ لي : رشود دور لنآ إستراحة عطوني إشارة بس وأدور لكم . أجل العطلة جآءت وإنا قاعدين في البيت .. إسمعوني ترى إذا ما طلعتوا في العطلة ترى بدور عائلة تتبناني غيركم :yes: :d لأنكم ما تعطوني حقوقي كاملة كإبن يعيش في أرجاء هذا المنزل الطيب :smilie47: أو بنتحر وأريحكم مني ومن غثاي :cry: وأخذت كرتون المنديل وطلعت أمسح باقي دموعي برا :cry: وقلت : أنا طالع برا البيت .. إذآ فكرتوا تطلعون آتصلوآ علي .. وقبل ما أطلع كتبت وصية ووضعتها على سريري مكتوب فيها :d : " يَ عائلتنا الجميلة اطلعوا في إستراحة يومين وَ وسعوا صدوركم وفلوها وإستانسوا بس لا تنسوا تحطون تورته فيها صورتي ومكتوب تحتها ( رحمك الله يَ رشود كُنت تبحث لنا السعادة ) " :smilie47::cry: إنتهى :wub: - الموضوع للنقاش وليس لِ سْب عائلتي الموقرة :d يعني لا أحد يغلط ! :smilie47: - هل عند بعضكم نظام مثل نظام العائلة عندنا : ( وشو له الروحة والجية نقعد في بيتنا أحسن لنا ) :mad: - العطلة جتنآ وين رايح وين جاي ؟ ولا في البيت جيزك جيزنا يعني : ( مثلك مثلنآ ) :d - هل أنتم من النوع الي يحب يروح ويجي ويطلع ويوسع صدر أهله مثلي ؟ :cry: > بس مآ يقدرون التعب :yes: - مساحة حرة للجميع للحديث ... |
ههههههههههههههههههههههه ههههههههههههههههههههههههههه ههههههههههههههههههه الله يوسع صدرك بالعافيه ويرحمنا وياك |
ابغى اعطيك مثال لسالفه الطلعه في عائله هنا في الرياض اذا بغوا يغيرون جو يروحون يستاجرون شقه يجلسون فيها يوم او يومين ويرجعون بيتهم عشان يحسون انفسهم سافروا يعني يضحكون على انفسهم فانت سوا المثال هذا مع اهلك يمكن يمشي وضعه |
يخاي لاحظت شيء باشبكه قل وشو هو انا اقولك وشو هو الواحد تلقاه فاااااضي و وده يفضفض يقول مالي الا المجلس , ويسدح لنا موضوع جميل , بعدين اذا حط استعراض المشاركه وقرا موضوعه من جديد حصل ان الموضوع ما فيه شيء يعني الي بيرد علي بيقوله طيب وحنا وش علينا منك وش الفايده منزل موضوع ... بعدين انت يجيك تحطم ويروح وجهك الوان من الفشيله لكن تقول عشان اتفادى كل هذا خل احط كم سؤال لهن علاقه بالموضوع ولا شاطفات الموضوع شطف ويكوهن هادف وبناء ولا يجرح الآخرين ^^^^^^^^^^ احس اني انا الي بديت افضفض ولا ؟؟؟؟؟؟؟ $$$$$$$$$$$$$$$$$$$$$$$ برد على اسالتك برايي انا النقطه الاولى : ياخي سبحان الله انا دايم احس ان عائلتكم مصروعين نفسيا وانهم ابيخ عائله ولا ؟؟ << امزح امزح لا تقعد تصدق النقطه الثانيه : ياخي بالنسبه لي احسن نقدعد بالبيت ونفله بالبيت وهدوء << هذا بالنسبه للطلعه مع الاهل فانا اكهه كره موب طبيعي اما مع الشباب فهي فله ووناسه وبالعكس احبه مره النقطه الثالثه : ما فهمت الرابعه : لا لا لا لالا لا لا لا لا لا لا < ما احب ابدا الخامسه : سفه فوق او الرد |
السلآم عليكم .. حيآكم الله أخوي العب يآلآزرق شكراً لك يَ غالي لحضورك وربي يوفقك دنيا وآخره ويسعدك .. آسير المحبة تعرف المشكلة وين إن الديره صغيره يعني في ساعه تلفهآ كلهآ بس اللي أبي أوصله أنا هو الآجتماع وتغير المكان وأفضل شيء يكون إمآ سفره أو تطلعون لمنتزه او تأخذون إستراحه يمعنى فيهآ السعة والوناسة وتغيير المحل لكن مسألة الشقة .. تحس إنه مثل " الغلقه " يعني محجوز في مكان مُعين بعكس الآمثلة اللي وضعتهآ أنا ممكن عآئلتكم نظآمهم كيذآ .. وحتى والله إني أعرف نناس نفس نظامكم ومرتاحين .. بس بيني وبينك أنا مآ ىرتاح إلآ آذآ صآر فيه شي كبير منت محجوز في مكان واحد خياليه .. بإنتظآر عودتك تالي الليل ., mr.al3rana .. هلا بك أخوي أولاً .. بصراحة أنا ما فهمت وش تقصد من كلامك لكن برد على اللي فهمته من كلامك : اولاً الموضوع ما يحتاج لوضع أسئلة يعني بإمكان الواحد يرد حسب وجهه نظره لكن أنا وضعت النقاش عشان بعض الأعضاء يفهم .. بس تأكد إني مسوي إستعراض للموضوع بالنقاش وحسيت إنه جيد الآمر لآخر الموضوع نعم للفضفضة ومالي الا المجلس لآنه قسم عام .. يعني تخيل موضوع مثل هذا بروح أنزله في الجمهور ولا في العالمية بكل تأكيد مالنا ألآ المجلس .. فأنا مدري إن كان مثل هالمواضيع ما تستهويك هذا آمر آخر .. بالنسبة ل إجابتك في النقاش .. أنا مع الثنتين مع الآهل والشباب ,, أصلاً كل وقتي مع الشباب وفله معهم بس لازم نوسع صدر الآهل عموماً شآكر لك حضورك سيدي .. موفقين جميعاً :smilie47: |
احلى طلعاتي مع صديقاتي أو خواتي بس :yes: لكــن مع أهلي و بوجود اليهال ، مليون مرة لالالالالالالالا :ranting: لازم تخطط للطلعة قبل بشهر و تحجز موعد و موثق بالديوان الأميري :d عشان نضمن الروحة ، و أغلب الطلعات للحديقة أو البحر :cry: و ان شا الله موعودين بسفرة نهاية الشهر ، و يااارب ما يغيرون رايهم :ranting: |
أإهلآ وسهلآ أإخي المعآتب :rose: أإستغرب حقيقتآ منكم :s5s: انتم الاولاد وتطلبون أإهلكم بالذهآب الى مكآن ما :s5s::s5s: أإحنا عكس .. نبي نطلع نروح نجي الرفض يأتي من قبل الاولاد :cry: ومآإفيهـ أإممآإكن تحتوي العآإئلة جميعهآإ بدون أإزعآج ونآإخذ رآإحتنآ فيهآ :cry: تبي تسسلي نفسسك وتذهب والاهل كلهم معآإك خذ بالاسبآب التآلية 1-سو حممملة في البيت بقيآدة اثنآن من العآئلة 2-حاول تكسسب خوآإتك بصفك وحمسسسهم بأإسلوبك 3-أإذهب بحضن أإممك وأإشكي لهآ وقلت طفشآن متضآيق.. أإحس اني تعبآن وودي أإطلع أإغير جو تعآلي معآي s121s 4-امسك وآإحد وآإحد من أإفرآد عآإئلتك على جنب وأإقنعه وأإذا مانفعت كل تجآإربك ..:cry: سلي نفسسك بالبيت .. يعني سو دوري بالبلاستيشن مع اخوآإنك خذلك دلة قهوة وأإجلس بالحوش وترا بيجيك وآإحد وراء الثآني ويجلسون معآك وأإذا خلآص مآنفع شئ .. سأإفر مع أإصحآإبك كم يوم وتستآإنس حتى لمآ ترجع كل أإفراد اسرتك متشوقين لك .. يعطيك العآإفية .. ششكرآإ لك :rose: دمت في حفظ الرحممممن |
موووضوعك فللله , وأحسك تتكلم بوآقع صعب تغييره :d أقولك حاجه , محاكيك كنت مدمن طلعات ومفلووت ع حليً على قوولتهم يعني , إذا جآني أتصال فجأه يالله مشينا مشينا مطفووق ع الآخر:naughty: الله لووو ترجع بس , أحلى أستراحات وأحلى طلعات ومغامرات كنا نطلع ديرة يقالها ؛؛ الفقره جووها عجيب فالصيف ,منطقه مرتفعه ويكثر فيها الحميـر " كرمتوا وأحلى مطاردات مـع الحمير.. :s2: حتى لا جيت أسافر للخارج ,نفس الحكايه الريوس مفصول أذكر مره كنا نلعب بلايستيشن وبنفس القيم يسألني خويًي وش رآيك نطلع لبنان يامحمد ؟ مامرت يومين الا وأحنا مخلصين التذاكر ومسافرين:naughty: أمـا اللحين روقت ع الآخر وفالنادر ما أطلع من البيت الا للدوام والقهوه فقط. عذرا ع الإطاله : كنت مع برنامج فض فض :s2::rose: |
أهلا أخي // رشود :smilie47: . أنت طالب جامعي ماشاء الله عليك ، وأكيد السياره متوفره عندك تقدر تروح وتشوف وتنظم وتكلم الأهل بشويش كذا :yes: . موب تطب عليهم أبي أروح وأنتم أغبى عائله ، كـ مثال " يبه والله من زمان ما رحنا مكان ودنا نطلع ودنا نروح ودنا نشوف أي شيء " ! وإذا رفضو الأهل ، شف لك رحله مع أحد الأصدقاء أو أحد من الأقرباء على الأقل . أعانك والله وسدد خطاك :smilie47: . كنت أتمنى ألا تكتب عن عائلتك هذا الكلام ، قد تكون لحظة غضب بس يبقون أهلك :) . بارك الله فيك :) . |
والله يابعدي أني كنت اعاني نفس مشكلتك ولا بعد لي سنه اطالب بسيارة :naughty: بس يجيب الله مطر :yes: والله أني عانيت منهم بس لقيت حل للمشكله وهو كـ التالي اطلع من البيت مع احد اخوياي او اقاربي وقفل الجوال لين اطفش واعود للبيت وانااام لييين تتنفخ جفوني:s5s: واسحب على مندوب ابو ابوهم :s4s: وبث الله يعطيك العافيه عـ الموضوع:rose: |
إقتباس:
اكثرهم مسوي ثقل ويقعد ساعه يفكر وش يحط مكان هالكلمه صح ولا ؟ ^^^^^ ما يمشن معكم ذولي ,,, احس اني امون بزياده . . . . تشوف الكلام الي فوق ذا , ترا كله هواجيس يعني لا تاخذ شيء إقتباس:
|
وعليكم السلآآم ورحمة الله وبركاته.. ق1 اهلا بـ صديق الكل.. ق1 ض1 موضوع الكتابات احلى ما فيها الخطوط انواع واشكال.. ذذ الموضوع الثاني بالعكس.. هم ينتظرون احد يخرجهم ماهم لاقين.. ض1 بقول لك وضعي وشلون.. من فتره تقريبا سنه وعليها الجمعة يوم استثنائي.. لدرجة اني ما انام بشكل نهائي يوم الجمعه ويكون يوم خاص للاهل.. الغدا بكون برى وين ما ابي واهلي معي.. ومع الوقت تشوف السياره ما تكفي كلن يبي يروح معك.. ض1 لدرجة ان يوم الجمعه الي فات رايح ثلاث ردود وراد.. ذذ تروح مع اهلك الي بالبيت وتظطر ترد لاخواتك المتزوجين وعيال اخوانك.. ذذ واحسن شي تسويه بذا الوقت بلغهم وين انت فيه وسكر الجوال لحد يقول لك مرني.. الي يبيك يعرف مكانك.. ض1 على العموم ممكن تبدأ انت بروحك بأي يوم من الايام تختاره وتشوف انك فاضي والاهل فاضين وتقترح عليهم الفكره الي يبي يمشي حياه والي ما يبي بكيفه.. ض1 ومع الوقت بتشوف وش يصير.. بس لا تسحب عليهم.. ض1 مرات اقول لهم بتخرجون ولا.. يقولون لا .. ما اوصل باب البيت الا هم يصيحون انتظر لا تروح لين تاخذنا.. ض1 ابدأ من هذا الاسبوع وراح تشوف النتايج بروحك بعد فتره.. ق1 منور كثير رشود.. ق1 عافاك الرحمن يالغالي.. شكرا جزيلا لك.. بالتوفيق لك يا رب.. ق1 |
إقتباس:
إقتباس:
إقتباس:
إقتباس:
إقتباس:
شكرا على موضوعك اللي بالصميم اللي جاب لي ذكريات حزينة اخر سفرة في حياتي كانت عام 1424هـ مابين مصر والاردن وسوريا ولبنان :( ومن بعدها الجواز انتهى ولا جددناه :( وان كثرنا رحنا الدمام ولا الخبر :(:ba1: |
اول شي اهنيك على انتقائك للالوان والخطوط:smilie47: موضوع روووعة:ba::ba: ضحكتني يوم تقول صافرات استهجاان:laugh:>>> ساكنين في اي استاد؟:to: بالنسبة لسؤالك>> حنا نطلع بالاجازات الطويلة لكن القصيرة مانطلع>> زيكم:razz: موضوع روعة روعة روعة:smilie47::ba1::ba: ياهيك مواضيع والا فلا:naughty:>>> صح علي الجملة؟؟!:s2: تقبل تحياتي" غضب الرومان" |
بــــــــــــآآآآآآآك :bp: :bp: وخـــــــــــــــــــــرووووووووا :bi::bi: آنا جيـــــــــــــــــــــــــــــــت :ep: :ma: المهم: مبروك فوز الزعيم امس ولو آن المباراة بعد هدف الجزيرة صارت تجيب النوم :to: :lv: نجي لموضوعك يا رشود :yes: إقتباس:
افا بس ماهقيتها منك s66s وشوله نسب اهلك .. اهلك هم اهلنا .. ده احنا اخوان يا راقل :s2: :s2: إقتباس:
هالنظام هذا عند شايبنا الله يطول بعمره -على عمل صالح ان شاء الله- كل ما قلنا له شئ قال: وشوله وللعلم بس .. هالنظام عند اهل ابوي كلهم من القهر لو تقولهم: كيف الحال؟! قالك: وشوله ؟؟!! والـ (وشوله) هذي حتى بالطلعات والتمشي ودي بيوم من الآيام آجي بكل شجاعة واسآله: لــيـــــــــــــــــــــــه :ranting: إقتباس:
بس فيه آنباء ثانية تقول: آنه ممكن .. ممكن نسافر لبريده عند آهل آبوي بس الله يسهّل -آن شاء الله- إقتباس:
والله تستهويني هالشغلات كثير وودي آنظم طلعات لآهلي بس الشيبه -ربي يحفظه ويخليه- ما يشجّع :to: :cry: كثير آحيان آقول: لو الحريم يسوقون .. كان آوري آهلي كيف التمشي والطلعات s121s بما آنه آخوي بثاني ثانوي ولسى ماعطيناه سيارة << مافي آلين يخلص ثانوي s121s :ranting: بس يا الله .. لعل في الآمر خيره ووالله بيني وبينك .. الفرحة اللي آشوفه بعيون آمي بجمعة خواتي يوم الأربعاء؛ وربك آنها تسوى الدنيا وما فيها بس الحمد لله يعني نطلع احيانآ .. نجتمع مع خوالي -بما آنهم موجودين بالرياض مب زي آهل آبوي ببريدة- نطلع مجمعات مع خواتي وبنات خالتي آحيانآ .. ناخذ استراحات وكذا يسيرون علينا خوالي يعني مهما كان آهون من غيرنا بكثيييير فيه ناس وربك آنهم مايشمون ريحة الشارع ولا يعرفون شكله الحمد لله على كل حال آشكرك على موضوعك .. مره حلو ومرتب .. بكل شئ مرتب آفكاره .. محاور النقاش .. ترتيبك للآلوان شئ ثاني -ماشاء الله عليك ووبـــس .. آسفة آني طولت .. تحياتي لك .. |
صباح الخير :rose: حروف الغلا حيآك منور يَ الغاليه .. أجل أنتي من النوع الثاني اللي يكره الطلعه مع البزارين بالنسبة للتخطيط شويه إذآ كان شهر .. يعنني تخيلي قلت لهم من إجازة الحج , ترى لازم نطلع في هـ الاجازة اللي بتجي يعني تقريباً 4 أشهر .. وبـَ الأخير : وشوله الروحه ! :d محبة الرحمن بالعكس أفضل مكان وأحلى شيء تكون العائلة مجتمعه وبدون إزعاج إستراحة أو شاليه عآدي > مو عند البحر لآن الشاليهآت اللي عند البحر خصوصاً اللي في آخر الخُبر إزعاج وقروشه بالنسبة للحملة انا وبنت أختي قآئدين لهذه الثورة وغن شآء الله إنها تنجح يَ كريم :d وإن مآ نجحت خططنا .. مآلي إلا أسلي نفسي بأي شيء > خوفي أطيح في المخدرات :d على العموم منوره يَ غاليه بتواجدك وشكراً لك .. الواوا .. هلا و غلا , من جد واقع صعب أغيره , وبعدين وشفيك مطفوق ذيك الآيام :d زين إنك رجعت لِ صوابك وفيه شغله ثانيه نسييت أقولها لكم وهي إني مآ آحب الطلعه اللي نظامها ( خذوه فغلوه ) لا لازم تكون بتخطيط مسبق ومو فجأة نطل وآخر شيء نآسي كل شيء نجيبه ثم تصير كل الطلعة نآيمه وتقول لو إني في البيت احسن لي .. على العموم مشكور يَ غالي على حضورك المميز دآئماً سلطان الصولي .. لا تصدق إني قلت هذا الكلام بالتفصيل وبالنص .. لا وانا أخوك كل هذا كان ( حبكه دراميه للموضوع ) :yes::s2: لا ذلك لا تشيل هم وأنا أخوك وتاكد إن هذآ مآ رآح يصير , :smilie47: ألآمر الآخر : المشكلة مو موقفه علي ولا على السيارة .. المشكلة تكمن في إني آخر العتقود عشان كذآ أنا أقترح واللي فوقي لهم الحق يوافقون أو يكرشوني :d لو الآمر بيدي كان من الأسبوع الماضي وإحنا مسآفرين ولا مآ خذين إستراحة .. بس وش نقول غير : سيدي سمعاً وطاعة .. أنت ذكرت نقطة عن الأب .. :smilie47: وأبوي الله يرحمه متوفي من 5 سنين :cry: وعلى وقته الله يرحمه كنآ نروح ونطلع على طول حتى بعض الآيآم نأخذ الغدآء ونروح ىقرب مكآن نأكله ونرجع أهم شي نغير الروتين .. سلطان , سعيد بتوزىجدك هُنا موفق دآئماً بإذن ربي :rose: .. |
رحمه الله ، وأسكنه فسيح جناته :smilie47::cry: . |
الله يجزآك خير .. ويرحم موتى المسلمين .. |
:d:d:d:d:d:d:d:d:d أول شئ عائلتكم ماتقدر المواهب :d ! أبي أقولك حاجة :d : رح للفيس بوك و سو حملة على عائلتكم و سو دعوات لنا و بنساندكم إلين مايفرجها ربك عليك :d لا نجي للجد : شف يأخوي بالنسبة عندنا بالشمال .. تحلم أن العائلة المصونة تطلع نزهة أو طلعة برية أو حتى استراحة أو حتى شقة :d الكل جالس بالبيت و هو لا شغل و لا مشغلة و ان قلت لهم قالوا مايحتاج ! لكن اللي اسويه أنا و يسويه أغلب الشباب أنه كل شهر تقريباً أو بالإحرى بالعطل نقرر حنا الشباب الطلعة في استراحة ( مسبح + ملعب + بلايستيشن ) و أنواع الفلة و الوناسة مع شباب كبرك و مقاربين لمستوى تفكيرك ! صح الواحد ودهـ يطلع مع أهله و يونس أمه و أبوهـ و يضحك معاهم بعيد عن الرسميات لكن إذا هم ودهم بالحاجة هذي أنت يالواحد وش تسوي ؟ حياك و مشكور ع الموضوع |
هلا .. بالبدايه عاجبتني فلة حارتكم وشخابيطها بس بسألك مافي زباله مكتوب عليها ( ... ) < عشان مايقولون أني عنصري اسم اي نادي سعودي :p .. للأسف حارتنا جديده توهم ماشخبطو إبداعاتهم .. - هل عند بعضكم نظام مثل نظام العائلة عندنا : ( وشو له الروحة والجية نقعد في بيتنا أحسن لنا ) عاد أنا ودي أبكي وَ أون ونة نمر بن عدوان من كثر طلعات خواتي وَ قم يابدر طلعهم مع أن فيه سواق لكن الشكوى لله .. كل يوم تلقاهم طفشانات وَ نبي نطلع .. والأربعاء ياعمامي بالأستراحه ياخوالي بالخرج أو ببيت جدتي .. يعني أنا عكسك بيتوتي لكن الأهل يجبروني أطلع حتى ماعندي أخوياء أطلع معهم ولا غيره ولا أحب أطلع وآحد منهم من أيام الثانويه ومن الإجازه يبي يشوفني وللحين ما ألتقينا .. - العطلة جتنآ وين رايح وين جاي ؟ ولا في البيت جيزك جيزنا يعني : ( مثلك مثلنآ ) اليوم بنام عند جدتي للجمعه .. بعدين أكيد خواتي بيطلعون وَ بعدها يمكن نروح للخرج هناك مزرعة جدتي وبعدها أكيد إجتماع عمامي وهكذا العطله مثل الدراسه لا تغيير .. - هل أنتم من النوع الي يحب يروح ويجي ويطلع ويوسع صدر أهله مثلي ؟ > بس مآ يقدرون التعب أيه والله أهم شيء راحت الأهل بس تجي أيام تكون فيه مبارات ولا مالي خلق ف أتضايق قبل بس بالنهايه يقول أبوي ودهم وخلاص أوديهم وأطق راسي بجدران هالبيت :p |
مساء الخير :rose: هلا بك دكتور مجنون , المشكلة إني طفشت من العيال كل يوم آشوفهم نفس السواليف ونفس الوجيه حتى حلاقتهم مآ تتغير عشان نستقعد لواحد ونتريق عليه :s2: يعني بكل درجة الوضع ممل يَ رجال الله يرزقك الموتر الصآحي إن شآء الله , S.SAM .. هلا وغلآ خطك ممتآزة . بس تعرف وش خآيف منه ! أقولهم ترى أنا في المكان الفلاني اللي يبي يجي آلآقي جوآبهم لي : رح الله يسهل عليك .. :s2: يعني يمكن مآ يقتنعون .. طريقة حلوه حقت يوم الجمعة .. لكن نظام الجمعة في البيت يجون خوالي عندنا عشآن آمي :smilie47: والبيت يكون مليان .. الوضع حلو وممتاز بس الواحد وده بالنفاهه وتغيير المكان ودي يكون جمعه من أي اسبوع يطلعون مزرعه آستراحه أي شي بس على ألآقل نكسر الروتين الآسبوعي المتعآرف عليه :yes: LM-10 .. آوووووما تخيل 7 سنين مآ سآفرت .. أنا جاني عرض الآسبوع الماضي سفره لقطر , مع أخوي نحضر مبآرآة النصر مع السد ومنهى نشوف الدوحة :smilie47: وللآسف كل يوم يقول بنروح لا مو رايحين إلا جىء ليلة المباراة يوم آلآثنين وقال لي ترى : تكنسلت الروحة , :mad: وهذآ اللي شعللني .. لا سفره صآرت وآلآهل آستراحه مو طالعين ولا هم نآوين يسآفرون .. والعيال كلن لآهي مع أهله يعني راحت علي وبكون صديق نفسي أكثر .. :cry: غضب الرومان .. هلا وغلآ بك صح عليك هيك الجملة .. :smilie47: واشكرك على كلامك الطيب .. والله يسعدك يَ غالي موفقيتن |
:ههههههههههههههههههههههه برد ع أسألتك؟؟؟ /عند بعضكم نظام مثل نظام العائلة عندنا وشو له الروحة والجية نقعد في بيتنا أحسن لنا: لا الحمدالله يحبون نطلع ونوسع صدرنا بس احيان انا ارفض الطلعه:s2::s2: العطلة جتنآ وين رايح وين جاي[ ولا في البيت جيزك جيزنا يعني : مثلك مثلنآ لا ابروح لزواج :ap:ولسوق:ap: واحتمال نعتمر أنتم من النوع الي يحب يروح ويجي ويطلع ويوسع صدر أهله مثلي بس مآ يقدرون التعب : ............................م ا ف ه م ت:d مساحة حرة للجميع للحديث شكرا ع القصه فضفض ع روحك لاتكبته:naughty: |
أومآ عاد يقولون >> وشو له الروحة والجية نقعد في بيتنا أحسن لنا:bigeek::bigeek: لآ والله الوآحد أذآ ماطلع بالاسبوع ثلاث مرآت ع الأقل خلاص أحس أنهيآر عصبي :la: شف أحلى شي الطلعه مع بنآت يعني انآ وخوآتي أو صديقآتي أو بنآت الجمآعه :smilie47: أو مع وآحد من الأخوآن بس كذآ العآئله كلهآ لا أحس فوضه :tm: بس عادي أهم شي جمعة الاهل :ba1: غريبه أنت ولد يعني أكيد عندك أخويك أطلع معهم كل الوقت لين تطفش :naughty: والله أهم شي في الحيآة تغير الجو لو بالشارع :s2: يعطيك العآفيه ع الموضوع :ba1: |
اهلين بالمعاتب .. غريبة احس العيال عادي يطلعون ويجون مَ احد يقولهم وين رايحين :d اجل احنا يالبنات وش نقول :cry: ".. بس اهلي لآ الحمدلله عادي مو مره متشددين من هالناحية اذا حصلنا طلعنا وسافرنا واذا ماقدرنا الشكوى لله .. شكراً لك |
هههههههههههههههه وربي موضوعك مره روعة احلى شي ضحكني حق نزلت الدمعة وصلت عند براطمك ولحستها هههههههههه :laugh: :ap: :s4s: >> :to: يلآ تجاوب على اسألتك .. - الموضوع للنقاش وليس لِ سْب عائلتي الموقرة يعني لا أحد يغلط ! ماراح اغلط :naughty: - هل عند بعضكم نظام مثل نظام العائلة عندنا : ( وشو له الروحة والجية نقعد في بيتنا أحسن لنا ) لا وين :laugh: - العطلة جتنآ وين رايح وين جاي ؟ ولا في البيت جيزك جيزنا يعني : ( مثلك مثلنآ ) نغسسل السيارات برا :ap: لا يمكن الغرفة اللي جنبنا هههههههه يعني لا رايح ولا جآي - هل أنتم من النوع الي يحب يروح ويجي ويطلع ويوسع صدر أهله مثلي ؟ > بس مآ يقدرون التعب :yes: - مساحة حرة للجميع للحديث ... اممممممم احب اشكرك على الموضوع الجاد والمرح في نفس الوقت بس عندي سؤال منجد بكيت ؟ :laugh: |
إقتباس:
واحد على ما اعتقد انه محشش كاتب على الجدار زي كذا ( عندي نكتة ) وبس ..!! هذذا بالنسبة لموضوع العبآآرات ،، نطبح على موضوع العايلة والعوايل وكل شي عوايل ض1 ض1 إقتباس:
إقتباس:
إقتباس:
انا اطلع مع اخوياي اكثر من اهلي بس لهم حق علي اني اطلعهم واوديهم واجيبهم وزي ما قلتلك ياامرون على الرقبة ض1 ض1 تقبل مروري عتب تب ..!! |
هلا باخوي المعاتب ...:ba1::smilie47: موضوعك تووووووحفة,,:yes::yes: يالغلا ــــــــــــ بالنسبة لأهلي والحمدلله في الاسبوع إذا ما طلعوا أقل شيء مرتين يجيهم إنهيار عصبي..:d يعني الحمدلله كل يوم خميس نطلع الإستراحة ويوم الأربعاء نطلع عند بيت جدي ومرات نطلع البر ومرات عالبحر يعني الخميس ثابت عالإستراحة والأربعاء متغيّر:to: وإسبوع الإجازة بنطلع للمدينة إن شاءالله ...:ba: المشكلة وأنا أخوك في التوقيت يعني زي الأسبوع الجاي السبت والأحد الدوري الإسباني والإنجليزي والثلاثاء والأربعاء إيّاب ثمن نهائي دوري أبطال أوروبا ,,, وأنا عندي مشكلة مالقيت لها حل ,, ما أحب أشوف المباريات إلا في غرفتي ومعاي أخواني والا أخوياي... عشان كذا أشيل هم الطلعات وتحصلني دايم أخذ سيارتي معي إذا بنطلع قريب من بيتنا عشان إذا قرّب وقت المباراة دقيت سلف وعالبيت..:s2: وشكراً عالموضوع الخفيف الطريف :naughty::naughty: |
خلن آرجع من الشرقية وآرد ع موضوعكـ ..:d:smilie47: موضوعك بططططل :d:smilie47: + تسجيل دخول عشآن آرد والحين بطلع :d:smilie47: |
مساء الخير :rose: هلا بك خياليه .. يسلمك ربي :rose: المهم إنك تسألتيهم " ليه " هذا بيجيك مثل مآ جآني كرون منديل أقرب شي أو ريموت :d شي حلو إنكم تجتمعون كل أربعاء .. نفس النظام عندنا بس اللي مليت منه إننا في البيت طول الوقت , وإن قلت خلونا نطلع قالوا ودنا السوق :mad: طيب وأنا وش أسوي طيب أنتم بتوسعون صدوركم وآنآ وش آسوي .. عموماً حيآك يالغالية منوره والله يديم السعادة بينكم , :ba: تركي السليماني :ba1: تخيل أسويها ويجوني معجبين ومؤيدين :s2: هذا أمر الآمر الثاني بيني وبينك تطفش أنتم اخوياك ودك تغير المود ... منور يَ غالي ربي يحفظ ويصونك :wub: ملسون بالهلال .. هلا وغلا بك يالطيب .. تصدق ودي أصورها عشان تشوف وشلون مآ فيه مكآن أجل مكروف أنت الله يعينك انا مآ آحب يقولون ودنا أو جبنا أبي على كيفي ورحآتهم معروفه سوق الفلااني وسوق العلاني .. :mad: أميره بعشق الهلال .. حيآك ي غآليه كويس لقيتي ش يسليك في العطلة .. زوآج سوق وطلعة يعني بتوسعين صدرك إن شآء الله . . أشكرك على الحضور , اموره تلعب كوره .. صح إني ولد وأطلع واجي ومثل مآ قلت لتركي قبل شوي أنا أبي اغير من الروتين كل الوقت مع العيال طفشت منهم ودي اروح مع الاهل لو آستراحة أهم شي نغير المكان وَ إن شآء الله المحاولات لازالت مستمره وَ يَ كريم , .. |
مسَـآءكم خير .. بالنسبة للطلعــآت .. انـآ مو رآعيتهم أبــداً , يعني مثلاً .. من كم شهر مـآ طلعت إلا 4 مرآت تقريباً و يمكن السبب إن النــآس دآيم يجون لنــآ , و يومياً عندنــآ ضيوف و مآ أحس إني مشتآقه للنــآس .. هذآ غير إني بيتوتيّه بزيــآده و شَـآطرة و أنــآم بكير > برا بس :s5s: أمــآ الطلعآت للمنتزهآت و غيره و السفرآت أكيد هذي مـآ يبيلهـآ كلآم .. لكن هالسفرآت عندنا مـآ تكون إلا بالإجآزه الكبيره .. لكن أنـآ بصرآحه مـآ أحب أسـآفر إلا إذآ كــآنوآ أخوآني و خوآتي كلهم معي و لآ ينقص منهم و لآ قرد :s2: فيه نـآس مــآ تحب تطلع مع الصغــآر .. بس انا العكس مـآ آستــآنس إلا إذآ كــآنوآ معي و مستآنسين :smilie47: إقتباس:
إقتباس:
me 2 + :) || يعطيكـ العــآفيه ع الموضوع , :rose: |
مشكور اخوي ع الموضوع شوف اخوي انا في الطلعات شويتين مزاجية يعني شهر اطلع ومستحيل اجلس وشهرين المزاج مو رايق بس بالنسبة لنظام العيلة عندنا يوم الخميس عند سني ام امي ويمكن مره او مرتين في الشهر يوم الاربعاء يكون عند وحدة من عماتي او عندنا او عند خالتي وطبعا كولوه اتفاق بين امي وخالتي اما عند ستي ام ابويا يوم الاربعاء والخميس يجتمون عندها وينامون بس احنا نادرا مانروح اما عن الاجازة فبحكم انو احنا من مكة فالوضع حلو الحمدلله ننزل مع خالتي لجدة وناخذ كباين يومين 3 ع حسب الوضع المادي والاجواء يعني في زواجات مافي او نروح للطايف لاستراحة يومين او نطلع كل نهاية اسبوع نجلس لاخر الليل وننرجع وباقي الاجازة زواجات ع سمرات بنات ع هرجة مغربية لبيت وحدة ع روحه للحرم آخر الليل ع س 2 ننصلي الفجر ونرجع او ننصلي المغرب والعشا بس القهر انو المدينة من 6 او 7 سنين ماعاد ننروح بعد ماكونا كل سنة ننروح ونصادف كل اقاربنا عاد انت تخيل الآجواء كيف << الحمدلله ع كل حال اما اجازة هذا الاسبوع فشوف انا جالسة اكتب داحين وامي تنادي عليا عشان ننجهز نروح لستي في القرية حنجلس عندها 5 او 6 ايام ومنها هناك حتكون سهره مع البنات لين الفجر كل يوم يعني انواع الفلة والحمدلله |
ههههههههههههههههههههه |
ونّست صدورنا يامالك للعافية ... للأسف حالنا مثل حالك :cry: والمشكلة اهلي سووا رحلات مكوكية قبل ولادتي العراق - لبنان - سوريا - تركيا - الرياض - ثمن الامارات 6 سنوات ( لأن ابوي مدرس مبتعث ) - ويوم انولدت رجعوا للشرقية وبعدها فالبيت ؟؟؟ الظاهر اني نحست العايلة :s5s والمشكلة ان بيتنا فيه حديقة كل ماقلنا نبي نطلع قالوا وش له هالحديقة ,, خلها على الله انت ودك واحنا ودنا ,,, ووووووووو لنا الله ~ بس جد امتعتنا :smilie47: |
والله حنا مانصدق يقولون بنطلعكم تلقانا جاهزين قبل المشوار بيوم >قويه :s5s: ونجهز للطلعه قبل اسبوع ونحسب لها متى تجي لأن طلعاتنا ناإادره والسبت على خير بنطلع>> أدعو لنا ان الله يثبتها شبابنا مزاجيين أخاف يهونون :s2::ap: اخر طلعه لنا كلنا مجتمعين وفليناها قبل شهر ومشكور اخوي على الموضوع :rose: |
إقتباس:
مانسب عايلتك بس نجاوب على استفسارتك:s2: - هل عند بعضكم نظام مثل نظام العائلة عندنا : ( وشو له الروحة والجية نقعد في بيتنا أحسن لنا ) نظام عايلتنا لا الحمدلله نطلع بس في ربوع القصيم:d يعني حومه تسبد اقعد ببيتنا احسن وبحوشنا وقدامي الشاهي والفصفص:cry: سفرات مافي الا لمناسبه:d يعني مكه نروح نعتمر..او الرياض نحضر زواج اوشي لعائلتنا الكريمه:s5s: - العطلة جتنآ وين رايح وين جاي ؟ ولا في البيت جيزك جيزنا يعني : ( مثلك مثلنآ ) حلوه جيزك جيزنا..وبعدين وش هالعطله الي 6 شهور وحنا ماندري:d اي بكرا طيارتي لباريس من بيروح ولاتخافون على حسابي:s2: لاالله يسلمك في بيتنا وواصوات طقطقة العمال تشكل لي احسن موسيقى تروق مزاجي<<عمال يشتغلون بعز الظهر عند شباك الغرفه والله على احسن نومه:s5s::cry: - هل أنتم من النوع الي يحب يروح ويجي ويطلع ويوسع صدر أهله مثلي ؟ > بس مآ يقدرون التعب اي احب اروح واجي بس مااحب اروح واجي بالقصيم:s3s: اصلن مدري وين اروح كله مجمع واحد الي عندنا:d وحديقه وحده والثانيه تجيب المرض:laugh: الشي الوحيد الاستراحات عندنا حوالي 4 استراحات خلال هالاسبوع يعني الحمدلله بنطلع:s2: - مساحة حرة للجميع للحديث ... ثانكس على هالمساحه:d<<تعبانه على هالكلمه:s2: |
السلام عليكم ورحمة الله وبركاته اهلا اخوي رشود :d ههههههههههههههههههههه زين انها جت على منديل ولاعلى شي ثاني :laugh: - هل عند بعضكم نظام مثل نظام العائلة عندنا : ( وشو له الروحة والجية نقعد في بيتنا أحسن لنا ) عند امي فقط وبعض الاحيان عندي خواتي :smilie47::d - هل أنتم من النوع الي يحب يروح ويجي ويطلع ويوسع صدر أهله مثلي ؟ > بس مآ يقدرون التعب - مساحة حرة للجميع للحديث ... ايه والله قبلي اخطط لهم ولروحاتهم بس للاسف دايم يفشلوني :d ولا يعطوني وجه :s2::smilie47: لاتيأس من اهلك رح دور إستراحه وتعال قلهم لقيت إسترحه وغصب غصب تروحون معي يمكن تنجح هالحركه :s5s: |
ههههههههههههههه.. ماشاء الله أسلوووب رائع وسرد ممتع ومتصل .. ايه والله بعض الــآحيان ودك تطلع بس محد يعطيك وجه تـآخر الوقت بكره نطلع مبكر وهكذا كل يوووووم بكره .. إقتباس:
أهلك مثل اهلنــآ تقريبا .. إقتباس:
يعني والله اقعدوا عندكم بيت << هههههههه إقتباس:
ايه والله احب اوووسع صدرو آخواتي الصغار خصووووصا وبصراحة اهلك الله يصلحهم احد يعاف احد يوديه ويجيبه . وترى بصراحة الرياض تطفش الــآسواق زحمه وقلق ولـآ عندنــآ ملـآهي خطيييره ولــآشئ ولــآ حدائق واشياء حلوووه والـــآجواء بعد ترى مش ولـــآبد.. |
اهلاً وسهلاً فيك اخي المعاتب .. حياك الله .. جميل انك سويت اجتماع مع اهلك .. واهم شي طلعتوا بنتيجه ! :naughty: هذي فرصة للجميع لتغير الجو والسفر او ع الاقل الخروج للمنتزهات والشاليهات .. الجو مو شين مناسب .. ونازله راتبين .. واجازه ز. يعني فرصه ماتتكرر .. عني ودي اروح واجي بس دوام :cry: والاهل سافروا وشكلي بلحقهم لو يومين .. الواحد يمل من الروتين الممل .. دوام - نوم - استراحه - نوم - دوامي ثاني :to: اشكرك ع الطرح .. وان شاء الله سوو لك قتوه وانت معهم :naughty: وتقبل احترامي .. ودمت بخير |
ههههههههههههههههههههههه لبي قلبك يالمعاتب بس :smilie47::smilie47: يمكن اهلى نفس اهلك :cry::d:d ياخي اهلى قالوا انهم يبون يرووحون مكه والمدينه:smilie47: وجوني اخوياي قالوا امش معنا لم الشراقيه :d:cry: قالت لهم لا ايبي ارووح مع اهلى :d:razz: ويوم روحوا اخوياي... اهلى قالوا ماحنا رايحين مكه زحمه ومن هي السوالف الى الخ..:cry::d يعني لا انا رحت مع اخوياي ولا رحت مع اهلى :ranting::d والمشكله مابقي بالاستراحه حقتنا اللى انا واحد من اخوياي :smilie47::ranting::d وعاد حائل قلق في قلق :s4s::mad: مالك الا منتدي الهلال يوسع صدرك :wub::s4s: |
ليه هلك مانعينك تطلع انت رجال اطلع واستانس وسافر بكيفك |
حيآكم الله جميعاً .. أعتذر عن عد الرد عليكم أمس .. لكن أبشركم في تطورات صارت :d والثورة إن شآء الله إنها بتنجح .. بالنسبة لِ أخوي عاشق الهلال ومغرم به .. المشكلة مو فيني لو هي علي .. كان طول ليلي وأنا مع العيال بس انا اللبي كنت ابيه اطلع مع الاهل ابو الهش .. حبيب قلبي أنت تصدق نفس الوضع العيال قالوآ تعال معنا الشرقية قلت بروح مع أخخوي لقطر ثم بطلع مع الاهل وفي الأخير لا قطر ولا مع ربعي رحت لكن إن شآء الله مع الاهل بنطلع غصب :d الكلاسيكي شكراً لحضورك الراقي .. وموفق إن شآء الله :smilie47: كهرمان .. صدقت خاصة الصغار يرحمون .. مع إنهم بثرين وقشرين لكن يبقون أطفال ودك تفرحهم , وفرحة الصغار شف كيف تساوي عند الكبار والعجايز :smilie47: بلوكادي .. ههههههه نحمد لله أجل مآ جآني شيء أكبر .. لكل من مر هنا إن حصلت فرصة رجعت لكم , موفقين إن شآء الله , |
عن نفسي مآ آحب الطلعه من البيت ، لا لسفره ولا لعزيمة ، ولا ولغيره ! مادري هل إدمان على الكمبيوتر ولا وش السبب ، لكن الطلعة دايم ازعاج وقلق ويا فلان ويا علان وحالة ! آقضب أرضك اصرف لك |
والله الي موب انت انا <<<< فهمتوا شيء :d انا ياخوكـ مانيب اطلع ولا اتعدى البيت ووشسمه <<< امي دايم تقول لي شكلك تبي تعرس :wub: اهلي ماشاء الله عليهم راعين طلعات وجيات واخواني مايقصرون بس بعض الاحيان تجيني تهزيئات قويه :cry: من الاهل انت ماتودي وانت ماتجيب انت مافيك لانفعه ولامنفعه << ودهم مشوارين تصير احسن ولد:s2: نجي للأسئله ::razz: 1/ هل عند بعضكم نظام مثل نظام العائلة عندنا : ( وشو له الروحة والجية نقعد في بيتنا أحسن لنا ) هذا النظام عندي انا دايم اقول لهم هالكلام بس اهلي لا :naughty: 2/ هل أنتم من النوع الي يحب يروح ويجي ويطلع ويوسع صدر أهله مثلي ؟ لا :s3s: |
- الله حيّ الدلمآويين كلهم خخخخخخ والله على طططاري المكآآفئآت مَ بغى بنك المتقاعدين ينزلونهآ :d:smilie47: مكرمة الملك للحين مَ سحبتها :razz: عسى مَ وشسمآ بس ض1 / يَ عزيزي الله مكثر هآلنظظآم بكل بيت يقبع بآلخرج و أهله خرآجآ اصل :s2: هذآ نظآم أبوي الله يطول بعمرهـ ض1 و هذآ الإجآآزهـ تصيح تقول انتم مَ تستاهلوني :d - أبد أبد رحت سوق [ صحارى :s2: ] شقيت قماش لأمي انا و اختي :s2: اليوم الثاني العصريه وديته الخياط مع امي :s2: و باقي الأيآم جآلسه اسوي الريبورتات للكوووليه :s2: أحد مطلوب منه ريبورت ترى بالخدمه :s2: بخلص حقاتي اليوم :s2: - للأسف انا من النوع اللي يمشي اهلي و كذآ بس بالحلم طبعاً :s2: و أنآ أسوق سيآرهـ :s2::smilie47: - يَ الله برآآد الجنه بس :d:smilie47: فيه صورهـ يومن من ايام االتعاسه :d:smilie47: قصدي الإجآزهـ ض1 [ حتى الإجآزهـ متبريه مني :s2: ] امسك :s2: / http://a1.sphotos.ak.fbcdn.net/hphot..._5534164_n.jpg و استروآ على مَ وآجهتوآ :s2::smilie47: |
كثير زيك ووسع الله صدرك وسعت صدورنا |
اهلاً راشد طقيت على الوتر الحسّاس الصراحه إقتباس:
تمر اجازهـ تبدأ و تنتهي ماحسينا بإجازهـ طبعاً اغلب الوقت انا اللي اطلع و اسافر لحالي اما الأهل الله يهديهم جالسين بالبيت ان تسان حصلت و مسكت معي دورت استراحه و حجزت و خلصت و لادخلت البيت قلت ترى فيه استراحه اليوم الفلاني يالله ضبطو وضعكم ولا عادي جالسين اللهم يمارسون هواية الشوبينق بحياة مول او اسواق اخرى .. اهم شي يطلعون للسوق و بس حتى لو كان العثيم هع هع إقتباس:
ماغير تردد على الأقارب بالقصيم و الخرج بس كانت لي نيه اروح لقطر هالإجازه ذي مع بعض الشباب اللي يدرسون بالبترول و المعادن .. بس مالله كتب إقتباس:
حدنا يامنتزهـ الديره ولا الثمامه ولا خريم و مع ذلك احياناً اتورط لاطلعنا للثمامه و انا طالع للدرب او الطريق اغرّز .. طبعاً بما أن موتري صغير لاهوب موتر بر .. خذ انواع التسفيل .. انت تبي تذبحنا انت و انت و انا منب احب هالشي .. شكرياتي راشد على هالموضوع و الفضفضه |
ههههههههههههههههههههههههههههههههههههههههههههه طيب وبعدين؟؟ ياااخي اطلع من ماسكك رح مع اخوياك مع عيال عمامك/خوالك عيال الجيران اهلك مايبون يطلعون كيفهم رح وسع صدرك ولابغوا الطلعه قالوا لك |
إقتباس:
بالضببط:s5s: إقتباس:
جيزنا جيزك :d إقتباس:
اي والله كلنا ودنا نروح ونجي بسس اهلنا:cry: هههه وربي ضحكتني الله يسعدك طرح رررائع ومرتب .. |
حتى انت لا لا انت شكلك متـأأأأأأأأأأأأأأأأأأأمر مع اهلي اليوم جالس معهم اتقهوى وهم ماسكيني ليه ماتودينا وليه ماتطلعنا ويطقطقون علي خخخخخخخخخخخخ وقالوا اقل شي ودنا لاخوك الكبير >>موظف بالشرقيه قلت عندكم النقل الجماعي ههههههههههههههه |
ابوي عادي يطلعنا ... لكن الازم امي تكون معنا ولا مافي :( وامي ماتحب تطلع كثيير وبالاجازه يا بيت يامزرعتنا .. وقهر اني ابي اسبح بالبركه ماهم راضين .. الاني مريضه ... وبرد ياثر علي .. اه ياقلبي :( |
شكراً جميعاً لِ حضوركم الطيب وتفآعلكم .. |
هههههههههههههههههههههههههه الله يعينكــ |
إجآزتنآ ضآعت في ذا الزوآجآت والشبكآت<يآكثرهآ مآشآءالله:s5s: عآد صرآحة الأهل فكروآ نروح استرآحة بس طلعت محجوزة عالأسبوع كله حتى من قبل تبدأ الإجآزة واللي مكلف بالاختيآر يقول يآذي الاسترآحة والا فلا عآد بنعوضهآ الأسآبيع الجآية بإذن الله إقتباس:
إيه وبعدين وش صآر عليهم الدكتور طآرق وديآلا< تآبعت الجزء الأول وسحبت على البآقي :ap: رشود موضوعك جميل وأسلوبك رهيب في السرد:yes: يعطيك العآفية وربي يوفقك:rose: |
ذا الاجازه ضاعت في المناسبات الله يعين العضو اللي توقيعه فيه مدونه لبنت توفت الله يرحمها شكرًا و جزاك الله خير أثرت بي. حيل |
لاتشكيلي ابكيلك..:(:(:( اهلي يعشقو البيت ..:s5s: ياشيخ فيه كنوز الارض وانت ماتدري ..يؤ لازم نحرسه..:s5s: واذا احد تشجع وجاب سيرة الخرجه ..:d الجواب: ليش تطلعو ماله داعي ..:cry: مو لازم :cry: ماتطفشو من الطلعات:cry: <<<كأننا طلعنا عشان نطفش:s5s: :cry::cry: |
| الوقت المعتمد في المنتدى بتوقيت جرينتش +3.
الوقت الان » 02:36 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd