|| UCL || دور الـ 8 ||شالكه يصعق الانتر بخماسية,الريال يُسعد جماهيره بـ 4,البرشا يحسم التأهل في الكامب نو , المانيو ينتصر بهدف في الستامفورد بريدج || - صفحة رقم 3 - نادي الهلال السعودي - شبكة الزعيم

هلال هيوستن52 · #1 05/04/2011, 11:32 PM

الملكي يصل

وينتظر البارشا

وبرباعية في توتنهام

كلاسيكو جديد

ام يهرب البارشا غدا بالهزيمة

حراااااااااااااااااااااااااااااااااااااام

ضااااااااااااااااااااااااااااااااااااع السادس

ياهو الانتر محظوظ

محظوظ

Visca El Barca · #2 06/04/2011, 02:55 AM

مبروك للـريـال .. هاردلك للانتر

فضيحة كبيرهـ بحق حامل اللقب !
خلاص الريـال وشالكه لـنص النهائي الا اذا كانت فيه مفاجأهـ من الانتر !

جوليو سيزار !؟ كعابي ؟

هدف ستانكو

شفته بالاعادهـ ماكان واضح !
اول ماشفت مزززعه من نص الملعب قلت اكيد هذا الصربي

إقتباس

الرسالة الأصلية كتبت بواسطة هلال هيوستن52


	ام يهرب البارشا غدا بالهزيمة

يبيلهـآ تفكير ؟
حنا الحين نفكر كم ننهزم 5 او 6 قدام شاختار !! تعرف مالها داعي نلعب ضد الريـال وتجينـآ فضيحة كالعادة

Miho · #3 05/04/2011, 11:46 PM

ريال مدريد الأسباني Vs توتنهام هوتسبير الأنجليزي
4 / 0

انتر ميلان الأيطالي Vs شالكه الألماني
2 / 5

نهاية المباراتين

جماهير الريال صفقت لهدف راؤول (كلام مراسل الجزيرة باسل طبال)

اروع هدف

فتـى بريده · #4 06/04/2011, 12:01 AM

الف الف مبــروك الفوز .,

صــراحة أداء خورافي جداً .,

قـاسيــةُ بكل أمانة لكـن بالنهاية ما يصح إلا الصحيح .,

مدريد .,

توتنهام

<جبــر خاطـر .,

هلالي الكتلان · #5 06/04/2011, 03:35 AM

.

بطولة مثل دوري الأبطال كراوتش يرتكب خطأين بسسس يطرد والربع ساعة الأولى مابعد كملت

الكرت الثاني غريييييب !

الحكم للأسف أفسد المباراة !

الريال و شالكه بنصف النهائي ، ممكن بعد بكرا نشوف برشلونة يحسم مباراته ضد شختار ، وحتى أحد الانجليز ممكن يأكد وصوله من مباراة الغد !

دور الثمانية ينحسم من مباريات الذهاب يعععععع

راؤول

مبروك مدريدية مبروك أنصار راؤول ، هاردلك توتنهامية انتراوية !

Mr.Anfield · #6 06/04/2011, 12:23 AM

لف مبروك للريال

وشالكه .. هاردلك سبيرز وانتر

الريال بالأبطال غير وهو النادي الوحيد إلي ماخسر لحد الان
وصدق الكعبي .. من يوم حلق اديبايور وشال هذيك الكشه ومستواه حلو

عجبني بالشوط الأول الونسو (

) وبالشوط الثاني دي ماريا الوحش

نجم المباراه .. مارسيلو

الانتر .. مدري وش اقول صراحه

من هزيمه الديربي وغياب قلوب الدفاع وانا غاسل يدي حتى في ردي
الاول هنا قلت إني متوقع فوز شالكه

Royal Lover · #7 06/04/2011, 12:26 AM

،

4

مبروك الفوز الكبير والتأهل بنسبة كبيرة جداً الحمد لله .. اليوم الفريق قدم مستوى رائع وجميل ، محـد
كان يتوقع أن الريال يقدم هالمستوى في ظل هالظروف لكن بأبطالنا اليوم قدر الفريق يمتع ويفوز وبنتيجة
كبيرة بعد على منافس صعب ، مجملاً الفريق كان ممتاز مافيه شك ، عودة المصابين وخصوصاً رونالدو

و مارسيلو ساهمت بعد مشيئة الله بالفوز مع ألونسو ودي ماريا والهداف الأديب

وعقبال الإياب بعد
نعطيهم أربعه ثانية

..

ألف مبروك

..

سيف الوفاء · #8 06/04/2011, 12:41 AM

مبروك الفوز للريآل

هدف دي مآريا الثالث

s.Milandini · #9 06/04/2011, 12:54 AM

يا شيخ ودي أطلع من دور الـ 16 بفارق هدف

ولا أني أطلع من دور الثمانية وأنا مرقوع خمسة

كييفو والطرد الثالث له هالموسم ألف علآمة استفهام ؟؟؟؟؟؟؟؟؟؟
رانوكيا ولقب خليفة نيستا لآزم ينسحب منه بأسرع وقت ممكن

أمممم وكأني أرى شعآرات الإنتر بدأت تتساقط من على صدره

Milane-92 · #10 06/04/2011, 01:07 AM

الف مبروووووك للفائزين
وهارد لك للخاسرين

والانتر انكشف انه مورينهو فقط لاغير
يعني مافيه اوروبا الا دربهم ولد مورينهو

وبالتوفيق للبلوز غدا ان شاء الله

BENZEMA10 · #11 06/04/2011, 02:10 AM

ألف مبروك فوز الريال و هاردلك للسبيرز .. أتوقع ريدناب غير مسؤول عن الخساره خصوصا بعد التغيير الطاريء بإصابة لينون قبل المباراة و ظروف الطرد ..
دخول جيناس غيّر شكل توتنهام المعتاد لأنه خسارة لينون تعني تغيير طريقة اللعب لأن بديل لينون بينار أيضا مصاب ..

مورينهو يعتمد في الذهاب و الإياب على الهجوم و سجل قد ما تقدر ما دام فيه إياب مع التركيز على حماية مرماك ..
و بالفعل هذا شي كان باين مع الثواني الأول إن توجيهات مورينهو للاعبين بالتسجيل و إنهم يدخلون أجواء المباراة بسرعه مع صافرة البدايه ..

المباراة كانت من بدايتها مدريديه حتى نجحنا بالتسجيل و بعدها الفريق إستمر لكن برتم أهدأ .. و أنهى الشوط الأول ..
خلاصة الشوط الثاني ريال مدريد عنده لاعب إكسترا و متقدم في الشوط الأول و أضاف الثاني في وقت مميز له و قاتل لتوتنهام ..
كل شي بعد كذا مشى بشكل طبيعي من جانب الريال اللي أضاف ثالث و رابع ..
لكن الغير طبيعي طريقة توتنهام في التعامل مع ظروف المباراة خاصة في الشوط الثاني
لا هو اللي قدر يدافع صح و لا هو اللي قدر على الأقل يسجل من الفرص القليله ..
و ممكن هالشي ما نلومهم فيه كثير لان الريال اليوم كان مركّز بشكل كبير و كان محاصر خصمه بإحكام ..

عندي تحفظ على تغيير (فارت/ديفو) مفروض إعتمد على الكوره الطويله لبال وحيد في خط المقدمه و خلفه 3 لاعبين عندهم كواليتي في التمرير (فارت/مودريتش/جيناس)
لكن قراءته كانت خاطئه و صار بين الوسط و المهاجم حلقه مفقوده ولا قدر المدرب يلقى لها الحل ..

الحكم صراحه كان سيء .. طرد كراوتش غير مستحق .. خصوصا البطاقه الثانيه لأن الكوره كانت تنافسيه بينه و بين مارسيلو ..
القرارت تختلف من دوري لدوري و هذي مشكله كبيره .. يعني في الليغا و البريمير و الكالتشيو ممكن نشوف قرارات مختلفه لـ لقطه مشابهه ..
يعني إندفاع بدني في البريمير و رتم و إيقاع سريع متعود عليه توتنهام قابله اليوم حكم ألماني شكل جذوره أسبانيه ..
كان يعطي كروت على إلتحامات عاديه .. و أقول عاديه لأن هاللعب البدني و الإلتحام يفرضه المكان و الوقت و حجم المنافسه ..
يعني متى راح يكون فيه لعب بدني إذا هذي المباراة ما تستوجب في تقدير الحكم ..؟!
غير كذا إلى الآن أبي أعرف وش الحكمه من الحكام الإضافيين ..؟! ما فيه أي شي تحسّن عن قبل ..

MrMlok · #12 06/04/2011, 02:18 AM

مثل ما قال حكيم رابطتنا

مو كل لاعب كبير فـ السن زانيتي يا موراتي !

ساحرهم,, · #13 06/04/2011, 03:01 AM

ليو اكبر مدرب مايفهم وماعنده خبرة ابد الحين الدفاع دخل فيه ثلاثه من الميلان وخلاه نفس الدفاع ماغيره ليييييش ما ادري يعني الثلاثه موب عاجبته ولا ايش
اسوأ مباراة للانتر منذ اكثر من خمس سنوات بكل اختصار اليوم شفت اشباح الانتر

أبو فيصل الأسكندنافي · #14 06/04/2011, 03:17 AM

الأفضل فاز بدون شك
مبروك للمدريدية المستوى و النتيحة
الحكم كان دون مستوى المباراة بدون شك
الأديب سجل بالتخصص في الدجاج
و كذلك عودة جميلة لكاكا أيضاً
...
بخصوص ممثل إيطاليا لا تعليق !!
نجوم الفريق خصوصا شنايدر و كمبياسو قدموا مستوى غريب جداً

بإنتظار استكمال المتعة غدا

Q.Abdullah · #15 06/04/2011, 04:12 AM

الف الف مبروك لعشاق مدريد سليم وكل اللي اسمهم عبدالله

وجهاد وابوتولين وانس وكل الشباب , مباراه كانت من طرف واحد , بكل امانه ماكنت متصور ان توتنهام يظهر بالشكل ذا , مدري هل السبب الطرد او النيه كانت الخروج بأقل الخسائر عن طريق الدفاع , ابو تولين توقعها وقال مباراة الاديب وفعلاً هي مباراته

جميع لاعبي الريال نجوم اليوم باستثناء اوزيل ماقدم المستوى اللي كنت انتظره منه ممكن اعذره لأن اللاعب واضح انه مُرهق

توتنهام اذا بيتأهل بالاياب لازم يلعب بأربع مهاجمين

بكل امانه صعب جداً يتأهلون واتوقع ان الريال بيلعب الاياب بنفس اسلوب الذهاب

مثل ماقلت سابقاً كنت انتظر متعه من الطرفين لكن للاسف ماحصل هالشي وان شاء الله الاياب نشوف متعه اكثر

كأني سمعت ان بيبي بيغيب عن الاياب بسبب الكرت !! بالنسبه لـ مارسيلو فـ عيب اتكلم

لاعب بمواصفات مهاجم ماشاء الله عليه حرث الملعب اليوم

معقول موب اساسي بالسامبا !!

مباراة الانتر ماشفت منها الا لقطات بسيطه وبكل امانه خساره كبيره بحق الانتر ومن وجهة نظري ان الانتر خلاص فقد الامل بـ التأهل صعب جداً انك تسجل بالاياب 4 اهداف بدون مايدخل مرماك اي هدف وخصوصاً ضد فريق الماني , اعجبني هدف الانتر الاول اللي سُجل بغباء حارس

لاعب مع لاعب يطلع ليش ؟ واعجبني ايضاً وفرحت كثيراً بتسجيل راؤول الهدف الثالث , الكبير يبقى كبير وبرضو ننتظر شالكه بـ السيمي فاينل

ماكنت متوقع ولا واحد بالميه ان الانتر يدخل فيه اكثر من هدف

لكن واضح ان الفريق ماتجاوز خسارة الديربي , عموماً هاردلك لعشاق الانتر هدهد واحمد وكل الشباب الانتراويه

لي باك ان شاء الله بعد مباريات الغد

عموما مبروك مدريديه ويالله ننتظركم بالنهائي