السلآم عليكم ورحمة الله وبركاته !

خابرين موضوعي حق الدراهم اللي نزلته قبل كم يوم
أبشركم جاني رساله خآصه في شيك مصدق بقيمة .... ( حفاظاً على نفسي من العين ) !

دام جاء معي دراهم وتحسنت حالتي الماديه لازم ألعب الآن على وتر محبب للكل وهو الشهره وقررت أصير مشهور !

عندكم حقين الكوره فيصل بن تركي وعبدالرحمن بن مساعد ومن هم على شآكلتهم
جايين للكوره عشان يستفيدون مادياً أكيد الإجابه لا - كيف أصير مشهور آممممم لآزم أعّرف أكبر عدد مكن عن شخصي سواءً بإنشاء صفحه على الفيسبوك
للتعريف عن التفاصيل الدقيقه في حيآتي أو بالكتآبه على الكباري إنتخبو مملوح ( يفكر يدخل في الإنتخابات البلديه )
ينعن أم الونآسه أشوف صوري في كل جريده وفي المجلآت أنواع الفله - بس نكبه الـ CV حقتي وش آكتب لهم أكثر واحد يتبطح في الإستراحات وإلا أكتب لهم أكثر واحد يلف لف في المنتديات فاز في جائزة نوبل للسلآم كـ ( أكثر ) واحد يجلس على الكمبيوتر على غير سنع ههههه - هم من يشوفون ( أكثر أكثر يدرون إني نصاب هههه )
يأخي والله مشكله وخاف آستهبل يقولون ذا ملحوس !
وبكذآ أخسر أصوات إنتخابيه بس انا كلي ثقه بأعضاء شبكة الزعيم راح يصوتون لي ويكفوني أصلاً
يعني لازم إن أكون ثقل وأسحب على العالم والشماغ نشأ زياده وآكششن ما أحبه وبشت على اليد اليمنى ويبغالي أحفظ أكبر عدد ممكن من كلمات الكذب و النفاق ( سم الله يحييك - يطولي بعمرك - أرض في شمال الرياض - عندنا مسبح في البيت )

يعني بلآش تجاره وبلاش غطرسه خلنا على فقرنا وإستراحتنا ومن شيشه في شيشيه حسبي الله على من دخلها السعوديه على طاري أكثر أكثر أكثر - على كثر ما أجلس مع مدخنين ومشيشين إلا أن الله عاصمني منها الحمدلله بس الفائده تدرون وش هي إنشقت رئيتي العام بسبب التدخين السلبي وهو ( جلوسي مع مدخنين ) ..
لكن الحمدلله الوضع ضبط وبديت أمارس حياتي الطبيعيه - نرجع لمحور حديثنا في السطور القآدمه راح أعرفكم على نفسي طويل عريض المنكبين أشقر هههه رجال(ن) أحب التفكير قد أكون تعديت مرحلب الحب ووصلت لدرجة المحنه يعني محنة تفكير مثال بسيط ( واحد حذف علبة الفاين قدامي ) ردت فعلي بيني وبين نفسي تكون تفكير لو إنه حذف الفاين بالشكل الفلآني كان انقلب على جهته الفلآنيه ولو قام ووصل الفاين للشخص اللي أطلبه وما حذفه راح يكون كذا ( يعني تقدرون تقولون نفسيه هههه )
شخص ما أتكلم الا عن طريق شفرات كأني مدير الأمن العام
عمليه رقم 1 المقصود فيها كذا وعمليه رقم ثلاثه المقصود فيها كذا مثال بسيط ( عمليه رقم سته يا عبدالله ) المقصود فيها هنا صب لي شاهي هههه !
عشان محد يمسك علي شي ماحنا بناقصين سجون ومشآكل وأنتم خابرين اللحين الواحد مايضمن أخوه
المشكله الوحيده فيني إني ما عندي مقياس للأمرو والأحداث يعني أطقها وكيف ماتجي تجي وياكثر ما أكلتها في لحيتي !

* مايستفاد : ولا شي أعتبروها مقدمه أعتبروها فضفضه أعتبروها مصاله !

--------

س/ هل مازال هناك ضرب في المدارس ؟

الله يذكر زماني الأغبر جميع أنواع الضرب تعرضت له في الرجلين في اليدين في الظهر في المؤخره
بـ ( ليات ) بـ ( مساطر ) بس أنا أبموت وما أراح أنسى مدرس الفقه جعله يلقاها في عياله ويتعروض(ن) لأنواع الذل والإهانات ياكريم كنت في ثاني إبتدائي ماحليت الواجب أنا مخطئ لكن شوفو عقاب القذر
ضربني بلي غآز قسم بالله أني أبكي بكاء شديد طفل عمري 8 سنوات وش حليلي يضربني بـ ( لي ) غآز رحمني وقال أجلس 5 دقايق وتعال أكمل الضرب وأصيح مره ثانيه ويوم شافني صامل في البكاء
والمره الثانيه ناسي الواجب متعمد يقالي أبقهره ههه ما ضربني قال أبنزلك لصف أولى إبتدائي أطلع برا وهو يسحبني مع رقبتي كإني أصغر عياله والله وكليكم بكاء تسمعه من بعد 10 كيلو
وانا مصدق الآكششن إني أبنزل لصف أولى إبتدائي تكفى يا أستاذ في ذمتي ماعاد أنسى الواجب والله العظيم في صلآة أمي وأبوي ههههههههههه !!