صوره مع التحيه لإدارة الهلال : أجانب النصر يقودونه لإنتصارات ساحقه !!!!
 

الى إدارة الهلال مع التحيه / هل تعلمون أن أجانب النصر يقودونه من انتصار الى آخر وأي إنتصار بل انتصارات ساحقه وكان آخرها هذا اليوم عندما سحقوا النجمه بـ 6 / 0 ( يازينها على قلبي بسبب حويرسهم ) وكان لللاعبهم الأجنبي الجديد خمسة أهداف ( صوره لسوماليا وربعه !!)
في الوقت الذي نشاهد فيه أجانب الهلال يتسببون في تعادلات إما بإضاعة الفرص السهله والتي لو سجل نصها سوماليا لأصبح هداف الدوري هذا العام والعام القادم وإما أن يتسببوا لنا بالأهداف في مرمانا كما فعل بدره في ضربة الجزاء ضد الرائد للأسف !!!!
الى متى يارئيس الهلال ونحن نعتمد علىالسماسره الكذابون ؟
لماذا لاتذهب أنت أو من ينوب عنك لتشاهد النجوم وتجلب لنا الأفضل ؟
نريد هدافا لا هد يد يف !!!!
نريد لاعبا يحترق من أجل الفريق لا لاعبا يحرق الفريق .

الى لاعبي الهلال / لماذا لاتغارون من نتائج النصر الأخيره؟
لماذا لاتحترقون من أجل شعار الهلال ؟
هل لاعبي النصر يستلمون رواتبهم مثلكم ؟لاوالله بل أنتم أفضل منهم في استلام الرواتب وفي التدليع ولكن هم أفضل منكم في حب الشعار والإخلاص للفريق !!!!
لاتفشلوننا وترجعون بدون كاس الخليج ( الله يستر )
يالاعبي الهلال متى تحسون بجمهوركم الذي يحترق وأنتم لاحس ولا خبر ؟
أعيدوا لنا هلال زمان
أعيدوا لنا الروح الغائبه عن الفريق
أعيدوا لنا الإبتسامه تكفووووووووووووووووووووووووووووون

مدري وش اقولك والله

بس خلها على ربك !

نطالب بعلي كريمي و طارق التايب

وينهم الادارة

شكل الادارة تتصفح منتديات النثر والاتهاد
ومنتدانا مجحووووووووووووووووووووووووووووووووود

عوووووووووووووووووووووووووووع بالمحترفين الاجانب
نبي ترجعون الروح للعيبه الموجودين فيهم الخير بس روحهم ماهي موجوده



ما اقول الا الله يستر ويوفقنا بكأس الخليج

صدقت والله ياهلالي الحفر...

أجانب الهلال ماعندك أحد.. وإلا جايبين لنا هالصاموليه طويل ومحلق زيرو ولاجاب ولا هدف براسه

ويضيع الكور قدام الباب كنه مدافع... العله في الإدارة اللي مفروض يشوفون اللاعب على الطبيعة

ولايفرطون في اللاعبين اللي يفيدون الفريق إلا اذا كان البديل أفضل منه ولا تنسى.. سيرجيو...

ادميلسون... روني... وغيرهم

هلا بالحفراوي
هلا بريحة ديرتي ....
وشلوووووووووون الامطااااااااااار عندكم
والله الحفر لها وحشه>>>>>>>مسكت خط

عموما ياحفراوي ياحبيب قلبي ...
عين خير وانشاء الله لاحق يابعد قلبي على البطولات
هذا الزعيم ماهو لعب ياحبيبي انت

وبعدين خل النثر يستأنس شوي لان الهلال لو جاه ماعين خير

بس من جد اشكال النصراويين مع الفرحه غلط
ماتعودوا على الفرحه
يقوووووولووووووون واحد نثراوي اليوم طاير من
فندق هوليدي ان اللي بالحفر من الفرحه
الله يهنيهم
ومالك هم يالغالي ترى الزعيم يبي يحرقهم

اخوك / حماد الحربي
المحمديه....بترولما

صدقت أخوي هلالي حفر الباطن في كل كلمة قلتها .

زعيم القاره / اشكرك على المشاركه
وصدقني الدعوه على على رب العالمين وان خلت من رب العالمين الله يستر بس .

نواف 47
الخبير
اقهرهم ياثنيان / هلا فيكم وفي مداخلاتكم
اعزائي لو يجي علي دائي للهلال أضمن لكم كل بطولات الموسم بعد مشيئة الله وهو بالفعل ضالة الهلال لكن وين اللي يفهمون ؟

محب الورد / هلا فيك وفي الورد اللي تحبه واشكرك على المشاركه
نعم إعادة الروح للاعبين أهم من كل شئ لكن وش نسوي لاروح ولا أجانب يردون الروح !!!!

صويب الرأي / شكرا على المشاركه
نعم انا معك استغرب من إدارات الهلال التفريط باللاعبين اللي عليهم القيمه والتمسك بالغثيثين !!!!!

حماد الحربي / هلا فيك ياغالي وباللي يشم رائحة الحفر ويحبها
أبشرك المطر خير جانا من رب العالمين وآخره ليلة الخميس سيل طيب
الأرض ربعت والفقع طلع بس في انتظار زيارتكم , لكن الزعيم هو اللي مكدر خاطرنا هاليومين .

شبيه الريح 2002 / هلا فيك وبمشاركاتك
وأشكرك على الإطراء واتمنى أن أكون صادقا دائما في نظر الهلاليين .