بسم الله الرحمن الرحيم

السلام عليكم ورحمه الله وبركاته



والله من زمان عن المنتدى والسوالف الي فيه والضحك والهبال حتى ماجد مقبل غير اسمه

وعيال الحته ما ادري وينهم بس الي اعرفه اغلب صبايا اول اعرسو والشباب في المغرب



باقي حوالي شهرين وعليها على اجازه الصيف بس البلا وين نروح ؟؟



اول كانو بعض العائلات يروحن للشرقيه ومنها على البحرين للسينما ويشوفون الجنس الاخر
والحين قفلو علينا حتى بحرين ما فيه ما صرنا ما نشوف الا عيون والباقي اسود طيب عبايه زرقا لا صح وقتها
بنصير كاننا في كابول = افغانستان المهم حطو اي لون الفكره الستر بس حتى لو سوها لازم البحرين ترجع.




دبي رحت الاجازه الي راحت كل العالم فيها والله امشي واسلم والله العظيم من دون مبالغه شفت فوق 40 شخص
ويوم رجعت جتني اتصالات تقول شفناك هناك حسيت اني مشهور وش رايكم ارشح نفسي في انتخابات مصر





مصر اسئل اهل جده عنها كلها سباحه وهم واصلين وحركات الاهرمات والخيول الي هناك والتشبيك العلاقات السياسيه وقفلوها مؤقتا بس بترجع ان شا الله بس ما اتوقع بيتغير وضعها كثير ....




بيروت واسئل اهل الرياض عنها يا زين جعيتا ولا صخره الروشه والي شفتها هناك عاد وقتها
اقول لجدي شفها زينها ابيخطها ووقتها قعد يهزئني يحسبني صادق يا حبي له يقول ما تدري الي في بطنها لك ولا لغيرك الحين مانعين السفر لها حزب الله واليهود يرمون صاوريخ على بعض والحين مشاكل داخليه




الحين لو كلنا بنروح بعيد وخوينا ابو داحم عنده شقه في امريكا والسكن موجود بس والله يالفيزا تطول والابلكيشن حقهم حق الفيزا طويل والله اني متعيجز اعبيه ويالله مثل ما سمعنا في المطار انواع الشرشرحه يابو متعب شف لنا حل




لو قلنا اوربا صدق فيها فيزا وصرفيه لانك باليورو كل شي اضربه ب 6 بس والله عقب ما دخلت فرنسا في ليبيا
والله يا خوفك القذافي يخربها ويطلق لك كم صاروخ على اوربا يا حبيبي يا زنقا زنقا



طيب لو نروح جهه البرازيل والارجنتين والعيال حقين الكوره اول شي هناك انواع الاختطاف مالها داعي بكره
نازل موضوع في المنتدى نمر15 مخطوف وطالبين فديه وحاطين حساب جمع تبرعات ..الخطه اتي اروح لها

2014 بيكون كاس العالم هناك وانواع الفله والتان والبحر ونغني سوى اه يالاسمر يازين اه يا الاسمر يازين بس يبيلها نادي ونضبط الجسم هذه السفره بتكون اخر سفره قبل الزواج كل الطاقات بتطلع هناك بس تتوقعون المنتخب بيتاهل





الوالده يوم فتحت لها الموضوع قالت اقضب ارضك احسن لك واستغفر ربك يا حبي لها
دقت علي الساعه 4 الفجر الحين القلوب شواهد



بالنسبه للاغلاط الاملائيه انا عرفوني في الشباب من وقتي وما احب اراجع سلكوها زي ما سوو شيبان اول

باك سريع وتعديل خفيف اشوف فيه نكات زهريه وش السالفه

تشــــــــــــــــــــــــــاو