03/04/2011, 07:08 AM
|
 | من كبار محللين العالميّة | | تاريخ التسجيل: 06/10/2005 المكان: قلبها, لبا والله قلبها .. !
مشاركات: 964
| |
السلام عليكم و رحمة الله وبركاته
مبروووووك لكل الميلانيستا الإنتصار المُستحق و بِلا أدنى شك . .
نقاط من اللقاء //
\\
- سيدورف سيدورف سيدورف << يوم عن يوم يثبت هالـ خال إنه إذا كان سيء, لأن مزاجه سيء و ماله خلق و مقفله معاه << يوم ورا يوم يثبت إنه على الرغم من تقدمه بالعمر و على مشارف الأربعينو لكنه لا يزال قادر على العطاء (متى ما أشتهى!) سيدورف من وجهة نظري و مع كامل الإحترام لآراء الجميع هُنا و كذلك رأي حبيب آلبي علي بن سعيد الكعبي, فـ سيدورف هو نجم اللقاء الأول . .
- فان بوميل << قطع كُل شيء على الإنتر و عكر صفو كُل شيء على اللاعبين << و جلد إبن جلدته جلد إلى ما شانت عليه << للأمانه يستحق الإنذار الثاني في تدخله الأخيره على شنايدر, لكن في حكام تمشيها و في حكام لأ, أكيد نجم بارز في اللقاء و علامه فارقه كذلك.
- بواتينج << يمكن لأول مره أشوفه بهالآداء الرائع و هالقتاليه الكبيره و هالمجهود الخيالي << في كل مكان تلقاه, ماشاء الله عليه والله ياهي لياقه عليه, تشوفه يقطع كوره من إيتوا في الخلف << و فجأه في ثلث الإنتر الأخير مع المرتده  والله دوخني البارح, للـ حظه حسيت فيه إثنين بواتينج بالملعب  ماشاء الله تبارك الله . .
- باتو << لو ماسجل و كانت منه لقطه إنفرادته الي إنطرد منها "كيفو " لـ كفته, إستلامه للكره و إنطلاقته و عكس مسار إتجاهه و إجبار كيفو على إرتكاب مخالفه يُطرد بسببها << شيء كبيــــر كبيــــر, و أثاريه مشبك بنت الريس حقكم
- زامبروتا << آآآآآآه على أيام الزمن الجميل, شيخ من شيوخ الكره الإيطاليه والله يا زامبروتا 
- لـ يـ ـونـ ـاردو <<< يوم عن يوم تزداد قناعاتي بأن بدري عليه جِداً يدرب فريق كبير و فيه أسماء كبيره, في لقطه له مع كيفو << مدري حسيت كيفو يعلمه وش الي جالس يصير و هو ماغير يهز راسه << الحين وسطك ضايع ضايع ضايع و الميلان بهجمه منظمه ولا بمرتده ماكل الأخضر و اليابس و الشوط الأول إنتهى بواحد بس, طيب تدارك الموقف و صلح الي إنت فيه وش جالس تنتظر بالله << تنتظر معجزه من إيتوا و شنايدر << مو كل مره بينقذونك هالإثنين مو كل مره والله يا إنتريستا .. !!!
من وجهة نظري المفروض و المفروض جِداً كان عنده حلين << الحلين بطبيعة الحال بسحب بانديف من بدري, و تنزل يا ظهير يسار يا قلب و تودي كيفو يسار << و تجيب خافيير في المنتصف يقتل أي هجمه ميلانيه و أي مرتده مع كامبياسو . .
غلطة ليوناردو تذكرني تماماً بخطأ إليغري في لقاء الريال بالستنياجو << يوم فتح الملعب بالطول و العرض و لعب بثلاثه مهاجمين .. !!!
- على العموم وجهة نظري تقول الدوري حتى الآن لم يُحسم, ولازلت أرى بأنه من الممكن جداً أن يخسر ميلان الصداره << لقاء الديربي و الروح العاليه للاعبين أمر و ما تبقى للميلان من لقاءات أمر آخر .. !!!!
اللقاء القادم سيكون علامه فارقه في ترتيب الدوري << ميلان سيحل ضيفاً على فيورنتينا << و من بعد هذا اللقاء ثلاثة لقاءات سهله نسبياً, سامبدوريا, بريشيا و بولونيا و من ثمّ إلى العاصمه روما فـ كالياراي و خِتاماً بأودني . .
بنظره سريعه, من الممكن أن يتعثر مع فيورنتينا, روما و أودني << للأمانه الميلان لو لن يحسم الدوري قبل موقعة أودني, في تصوري سيكون في موقف محرج للغااااااااايه .. !!!
\\
الليله سهره أخرى رائعه و عشق على وشك أن يُسدل الستار عن فصله الـ 31 هذا الموسم << و كُل الطُرق تؤدي إلى روما روما روما
على أمل متابعة لقاء رائع << و حدسي كبير في أن توتي سيكون قِمة في الروعه الليله إن شاء الله, أكثر من روعته في الديربي إن شاء الله ^__*
No Totti No Soul .. !
No Totti No Roma at All |
.. يوم جا يطلع قال انعم الله عليكم 
الوضع العادي
