الرياض - مكة - مو مهم الاهم الكاس يا زعماء (( بقلمي )) - نادي الهلال السعودي - شبكة الزعيم

20 بنت الرياض 20 · #1 30/03/2011, 05:32 PM

بسم الله الرحمن الرحيم

السلام عليكم و رحمه الله و بركاته

انا اتابع المنتديات الهلالية

في موضوع نهائي كاس ولي العهد (( حفظه الله ))

الذي سوف سجمع الهلال (( الرياض )) – الوحده (( مكة المكرمه ))

انا موضوعي موب عن المبارة انا موضوعي عن شي وصل للجماهير الهلال

انا استغرب بكل ما تحمل الكلمة من معنى ؟؟

بصراحة يعني هذا اول مرة اشوف جماهير الهلال بالموقف هذا

(( انه النهائي يكون بالرياض و الا بمكة ))

يعني اول مرة امر بالمواقع الهلالية و اشوف هالكلام يطلع من جماهير (( نادي الهلال ))

للاسباب ::

1- انه على حسب راعي المبارة صاحب السمو الملكي الامير سلطان بن عبدالعزيز ال سعود – ولي العهد
وين يكون متوجد قبل النهائي يعني ممكن اذا كان مثلا في ابها عادي يروجون يلعبون في ابها

اما اذا كان خارج المملكة يرعى المبارة أي واحد غيره

لكن طالما انه سموه طلب منهم انه المبارة تقام بمكة ما نقدر نقول شي يا ابو خالد .

2- و هو الاهم انه المبارة لو كانت بالمريخ و الا بالفضاء عادي ما يفرق مع الهلال
لانه الهلال ما يهم وين يلعب لانه يهمه كيف ياخذ الكاس فقط
فلا اشوف فيها شي النهائي بالرياض و الا مكة و الا وين ما كانت عادي جدا

يعني يا جماهير الهلال لا تخلون جماهير و اعلام الاندايه الاخرى تعلب علي عقلكم و تاتر عليكم بالكلام الفاضي الي
ما له داعي و لا تخلون الفريق يتاتر بعدين يكون كل فكرهم وين نلعب و بعدين ما ناخذ الكاس و ساعتها وش نستفيد من هالكلام هذا كله ؟؟

عموم المهم في الموضوع انه يكون نهائي يليق بسمعة اسم صاحب المناسبة و راعي المبارة و الهلال و الوحده

و ان شاء الله الكاس يكون من نصيب هلالنا (( الرياض – مكة – وين ما يكون ))

بالتوفيق للزعيم

تحياتي

رجل مهم · #2 30/03/2011, 08:31 PM

معك واحد مؤيد وواثق من الكاس

تحياتي ..
والله يعطيك العافية

سموني مجنونها · #3 30/03/2011, 08:38 PM

الله يعطيك العافيه

وكلامك على العين والراس وانا معك

بالتووووفيق للزعيم

روح الوافـــي · #4 30/03/2011, 08:41 PM

.. بنت الرياض ..

كلام سليم .. ورأي واقعي وحقيقي ..

يجب أن نفكر في المباراة بغض النظر عن مكان الملعب ..

ولو نتذكر في سنة من السنوات ..

كانت مباراة الهلال والشباب على نهائي كأس ولي العهد ولعبناها في الشرقية .. ويومها خسرنا بهدف الشيحان ..

وفي سنة أخرى .. لعب الأهلي والإتحاد .. نهائي كأس خادم الحرمين الشريفين في الرياض .. رغم إن كل الفريقين من جدة ..

أماكن إقامة المباريات النهائية يقررها القادة السياسيون .. ومكان تواجدهم .. وليس القيادة الرياضية ..

الله يوفق زعيمنا .. وإن شاء الله نفوز في المباراة ..

ودعوة لجميع الجماهير بالمؤازرة ..

والهلال في أي مكان يعتبر يلعب على أرضه لأن جماهيره في كل مكان هم الأكثر والأغلبية ..

يعطيكـ العافية أختي ولا هنتي ..

لكـ جل دي ..

أخوكـ

.. روح الوافي ..

fayz alwalan · #5 30/03/2011, 08:46 PM

الله يعطيكي ألف عافية ،طرح جميل أوافقكي فيما قلتي ،وللمعلومية (الزعيم أخذ البطولات بكل مدينة من مدن المملكة إلا مكة المكرمة فأناأتمنى أن يكون النهائي بمكة ليكتمل هذا الرقم الجميل)،جهد تشكرين عليه فشكرا لكي.

لكم مني خالص المحبة والتقدير

حسن8 · #6 30/03/2011, 08:56 PM

و ان شاء الله الكاس يكون من نصيب هلالنا (( الرياض – مكة – وين ما يكون ))

بالتوفيق للزعيم

تحياتي

м̶я.źєźǿ»20» · #7 30/03/2011, 09:01 PM

انا اششوف الامور هديت نوعآ مآء وانتي جيتي الحين تولعين هالموضوع ..

وما فرقت هي المباراة بالرياض ولا بمكـة ، والمباراة تكون بمكـة ازين ما تكون بالرياض ..
لان جمهور الرياض صايـر حضورهم ضعيف وانا عارف انة راح يكون ضعيف حتى ولو كانت مباراة نهائية ..
احسن شيء نقلت المباراة لمكـة لـ يستمتع جمهور الغربيـة بالهلال وان ششاء الله الكأس هلالي وانا اول الحاضرين بأذن الله ..

™ ḞǎĩṦằŁ AĹ-ĤĩĹąĻĮ · #8 31/03/2011, 04:23 AM

إقتباس

الرسالة الأصلية كتبت بواسطة м̶я.źєźǿ»20»


	انا اششوف الامور هديت نوعآ مآء وانتي جيتي الحين تولعين هالموضوع .. وما فرقت هي المباراة بالرياض ولا بمكـة ، والمباراة تكون بمكـة ازين ما تكون بالرياض .. لان جمهور الرياض صايـر حضورهم ضعيف وانا عارف انة راح يكون ضعيف حتى ولو كانت مباراة نهائية .. احسن شيء نقلت المباراة لمكـة لـ يستمتع جمهور الغربيـة بالهلال وان ششاء الله الكأس هلالي وانا اول الحاضرين بأذن الله ..

مع آني معجـب فيك بس هالنقطه ما اوافقكـ فيها

ان كان الحضور قليل بالرياض ,, قلتو هذ1 جمهورهم

وان كان الحضور كثـير قلتو هذولا المناطق الثانيه ,,

حتى سمعت واحد يقول جمهور الرياض في ذوب اهن 5% بس ,

يعني لو نقول الحضور 70 الف ,,

5% من 70 الف ,,

3.500 ,,

يعني 66.500 مشجع ,, كلهم من برا الرياض ,,

الله اكبر

,,

الله يكـثر من حضور جمهور الغربـيه

هند الشمري · #9 30/03/2011, 09:38 PM

ماكان ودي تنقل ، لكن الشكوى لله ..

.

عوافي

.

♡مجيد الملكي♡ · #10 30/03/2011, 09:45 PM

:/:
:/:

ألف شكر لكـ ,, يعطيكـِ العإفية ,,!
أنآ من سكآن مكة ,, الصرآحة أنا من المعارضين على المبآرآة إنها تقآم عندنآ ,,
لأن ملعب يتسع لـ 25 ألف متفرج ,, جمهور الهلال أكثر من هالعدد " على فكرة جمهور مكة متفآعلين أكثر من جمهور الريآض "
مشكلة جمهور الريآض ما يفللون الملعب وأغلبهم يتفرجون بدون تشجيع ..!
بإذن الله حآضر حآضر سواءً في مكة ولا في آلريآض حتى لو ينقلونه المريخ ,,
إن شآء الله فوز هلالي ,, ونفرح مع بعض في مكة ,, ونضيف البطولة 51 ..

:/:
:/:

ـأبو رنا · #11 30/03/2011, 09:54 PM

اولاً : ماأشوف ان الموضوع مسوي شغله للجمهور الهلالي

ثانياً : من وجهة نظري ماتمنيت يصير ها الشيء لسببين مرتبطات ببعض

1- ضغط المباريات على الهلال بواقع مباراة كل 4 أيام

2- بعد المباراة راح يطير الهلال لأبو ظبي لملاقاة الجزيرة الإماراتي أسيوياً

لذلك كنت أتمنى ماتنقل المباراة

لكن الحمد لله ع كل حال

وبإذن الله بنروح لمكة ونأخذ الكأس ونعتمر بعدها ونرجع للرياض ونحط الكأس ونطير للإمارات