|
قصتي مع الثانويه السلام عليكم ورحمة الله وبركاته كيف حال الاخبار والعلوم ياخي المجلس ناآاآاآاآاآم نوم موب طبيعي ما ادري ليه وانا قلت خل اعطيهم وحده من سوالفي بسمالله نبدا : بعد ما درست 9 سنوات بالتحفيظ بنفس الزملاء, بديت الثانويه بمدرسه ما اعرف فيها احد ابد ابد, ورحت لمركز الاشراف لعلي القا واسطه ينقلن للمدرسه الي فيها كل الاقارب , لقيت واسطه , وبعد تنقيل الاوراق من مدرسه لمدرسه تم النقل بنجاح والحمدلله , نقلت للثانويه الجديده وما حسيت اني غريب لاني اعرف ناس كثارين . بعد مانتهى الفصل الاول خرجت بنسبة 87 % مع رسوب بالفيزياء . رجعنا للدراسه الفصل الثاني , وثاني يوم من الدراسه بالفصل الثاني رحت لمركز الاشراف ناوي اروح لثانوية التحفيظ , وكان خالي يشتغل بالاشراف وهو ال يضبطلي كل اموري , قلتله اني مليت من الدراسه بالثانويه العامه وانا اصلا كرتون بالدراسه يعني لو اجتهد لاقصى قوتي ما راح احصل نتيجه . قلي خلاص الاسبوع الجاي اكلم امك واعطيه خبر اننا نقلناك . الكلام هذا يوم الاحد من الاسبوع الاول , يعني باقي ثلاث ايام ويقضي الاسبوع الاول . خربت العلاقه مع جميع المدرسين والطلاب والوكيل والمدير وتاخر صباحي ونوم وغياب << كل ذولي سويتهن بخمس ايام ثلاث من الاسبوع الول واثنين من الثاني , كلم خالي على امي وقاله ان النقل صعب او لايمكن , يعني خلي ولدتس ينسى انه ينقل ويبلع العافيه فثانويته الي هو به الحين . قالت لي امي الكلام هذا , وانصدمت الصراحه لا المدرسه مالي وجه اكمل به ولا يوم , مافيه ولا واحد ما جدعت عليمه كم كلمه . اقتنعت ان مافيه نقل للتحفيظ ورحت للثانويه العامه . صرت دراستي بالثانويه كالتالي : اطلع الساعه ست ونص وانزل اخواني وآصل مدرستي سبع الا ربع , اول ما آصل اسدح المرتبه ونووووووووووووم لين الدرس الثاني او نهاية لاول , ادخل واكمل النوم لين الدرس الخامس , بعدين اسولف مع الي وراي لين نطلع من المدرسه . درست 3 اسابيع بدون كتب كتبي كلهن بقراطيسهن جدد . جت ايام الاختبارات , والدرجات مصفره كلهن , بعد يمكن 6 اسابيع جان وجع برقبتي , وجع موب طبيعي , هجرت السوني والكمبيوتر اسبوع عشان تطيب , والحمدلله خفت شوي , تدرون من وشو جان الوجع هذا , جاء من كثر النوم على الطاوله , و وضعية النوم خطا وانا اطول نايم بالفصل يعني تقريبا ساعه او ساعه ونص متصلات . كل المدرسين معطينن جوي وتاركينن انا على راحتي الا واحد . هالمدرس ذا هو كابوسي واكبر كوابيسي , هو مدرس الفيزياء , والي يقهرن زياده اني راسب عنده , وكل يوم انا وياه تحليت هرج , لين لقالي حل الي هو يتركن انام . انا على نياتي انه خلاص بخلين انام , لكن يوم شفت درجات المشاركه صارت مصفره مثل الاختبار . وكبر الكابوس لين صرت شايلن هم الفيزياء طول اليوم . واكره يوم السبت والاحد عشان الفيزياء لكن انا ودي القا حل الصراحه ان نفسي زهقت من هالمدرسه . وقضت السالفه لكن وش رايكم منب غبي يوم تسرعت وخربت العلاقه مع الجميع , صراحه اني تحسفت اني تسرعت . وسلام يالربع << على قولة المفقود اليامي < الا على طاريه هو وينه الحين والسالم خير ختام آسف على لاطاله :smilie47: |
وعليكم السلام الله يعينك على الدراسة :s2: والله إنك متسرع على طول خربتها إقتباس:
|
|
خلك آخلآق ..وتآدب مع النآس .. متى الجزء الثآني ..!!:s2::s2::smilie47: |
الحل يا طويل العمر تبدأ من الصفر تجتهد ثم تجتهد ثم تجتهد و رابعا تضغط على نفسك و تفتح كتبك و تدرس و تخلي عنك النوم ، و تغير أسلوبك و تصرفاتك ، على الأقل يقولون شد حيله شوي لاني ما اعتقد تنجح هالسنة و لاتندم على شي انت سببه |
^^ آلآسهم لهلآلي مدريدي :s5s: يَ زين خشيم آلولِيييد آللي بتوقيعك خخخ :D /~ مرحبا بَ ولد البدآيع :d آلصرآحه مآ تنلآم يوم خربت علآقتك بَ آلمدرسين يعني ضآمن آنك بتنقل لآزم تخربها :s5s: بس مدري ليه آحس آن مدرسك آلفيزيآ يبي مصلحتك دآيمآ آسآتذه آلفيزيآء جميليييَن :D الله يوفقك بَ درآستك و تجيب نسبه حلوه ؛) |
إقتباس:
إقتباس:
إقتباس:
إقتباس:
إقتباس:
انا اشهد ان مدرسين الفيزياء هم احسن المدرسي << امحق والله ما افسد حياتي الا مدرس الفيزياء |
خذ نصيحتي : فـــلـــهـــآآ وربـــك يـــحـــلـــهـــآآ >>> يبي يخرب الولد |
مساء الخير ,, كيفك ؟ اولى ثانوي صغنون :d > بتسوي كبيرة عليك :s2::ba1: إقتباس:
طبيعي تجيك فتره تكره الدراسة او المكان او المدرسة الخ تجيك فتره تصير حزين او مزاجك متقلب هيك شي > مو من راسي :yes: قلت لك هالكلام عشان تعرف إنك مو لوحدك , الأغلبية مروا بـ هالتجربة s121s,, 1- اهم شي إنت تبغى حل يعني عارف إن اللي عملته كان من المفترض مايصير :cry:,, وهذه اول خطوات النجاح ,, 2- إذا مارفعت راس امك :ba1: وافتخرت بـ ولدها إنه مجتهدة وشاطر ويعتمد عليه ترفع راسها بـ مين ؟ لاتخذل والدتك :ba1: 3- حط ببالك هدف توصل له اش تبغى تكون بكره ؟ (أقصد المستقبل ) لاتعيش حياتك بدون هدف يعني تاكل تنام تلعب الخ خطط لـ مستقبلك , لما تحدد هدف تتشجع وتهتم إنك توصله :ba1: http://vb.alhilal.com/t980934.html 4- لاتقول انا كسلان وكرتون وماادري وشوا من هالعبارات :s5s: لا ترسل رسائل سلبية لـ نفسك :cry: بالعكس شجع نفسك قول انا قدددها :ba1: تحدى ذاتك اعظم تحدي تحدي الذات :ba1: قول لنفسك اش زود اللي حولي عني ؟ وش ينقصني ؟ الرسائل الإيجابية تزيدك دافعيه وانتاج ,, مو كفاية اللي حولنا يحطمونا ؟ كمان نحطم نفسنا مايصير :cry: http://vb.alhilal.com/t877984.html 5- الصحبة لها دور لاتصاحب اللي مش ولابد ماوراهم إلا الدجة :d الصاحب ساااااحب , شوف المهتم الراقي الطموح فيهم صفات كويسة الخ لمعلوميتك بعضهم تلاقيه مو مهتم بدراسته لان وظيفته تستناه واسطة ولا لان عنده مين يصرف عليه يعني بالغالب ضامن نفسه فـ انتبه . >> لاتحسب كل اللي يشجعك على الاهمال وضعهم واحد !! 6- كلها كم شهر وتنتهي السنة بخيرها وشرها كمل الباقي وبلاش تهمل , والحمد لله إن سنة اولى مو داخل بـ المعدل التراكمي . إذا تقدر تكمل تحفيظ من سنة ثانية خلاص لاتسحب الحين وإذا ماينفع اعتذر هذه السنة مو تشيل ملفك لا :mad: يعني روح عند المسؤل واعتذر عن هذه السنة وتوقع ورقة وهالأمور والملف ماتشيله والسنة الجاية من قبل تبدأ الدراسة اطلب نقل لـ التحفيظ اللي تبيه . إذا نقلوك خير وبركه وإذا ماقدرت أكيد خيييره لك فـ لا تطنقر :s5s: http://vb.alhilal.com/t854237.html 7- حط ببالك كل امر بحياتك يصير لك خيره (وعسى ان تكرهو شيئ وهو خير لكم) لاتندم على شي فاات لاتندم على شي فات :rose:,, 8- من المفترض ياعزيزي سواء كملت بـ المكان اللي إنت فيه أولا ماتخرب علاقتك مع احد لان : اكيد قد عملت امور خيره لـ زملاءك بـ موضوع لـ الدراسة او خارجه فتلاقيهم يذكرونك بـ الخير لو بعد 20 سنة بس بعد ماخربتها اول مايتذكرون اسمك حتى لو كنت قد سويت لهم خير بيقولون يوه من الولد شرس , فكة منه ومن هالكلام :d فـ عامل الناس كما تحب ان يعاملوك :rose: إنت ماتبغى احد يجرحك ولا يزعلك خلاص لاتزعل الغير,, حاول تقدم صفاتك الإيجابية وتظهرها , عشان ترتاح نفسيتك وتفرح الغير ويدعون لك ولان ماتعرف متى الواحد ينتهي عمره :cry: الله يعطيك طولت العمر . http://vb.alhilal.com/t914699.html 9- استاذ الفيزيا طبيعي اللي عمله . اعكس الأدوار حط نفسك مكان الأستاذة لو إنت تحضر الدرس وتصحى من عز نومك :cry: عشان تشرح لـ الطلبة والطالب بس يبغى ينام ومايبغى يذاكر يعني إنت تعطي وهو مايقدم لك شي !! أقلها يذاكر او يحل بـ الاختبار يحسسك بـ الاهتمام وإنت اللي تسويه ماراح هبا اش بتكون ردت فعلك ؟؟؟ بالله ماتتحطم وتنقهر ؟ الأستاذ يبغى مصلحتك وهالشي بتتذكره بعد سنين لما توصل لـ عمر الـ 20 تنضج اكثر وتتعدى مرحلة حساسة بعمرك :rose:,, زي ماتفكر بـ حاضرك فكر وخطط لـ مستقبلك http://vb.alhilal.com/t935445.html 10- ترى الأقارب مو دايم تواجدهم خير لك :d وحلو إنك تبعد عنهم تتدخل بمجتمع جديد , تتعرف على أشخاص جدد تزداد معارفك . تعلم وشلون بتعيش بعيد عن اقاربك لان مستقبلاً بيجي يوم وبتكون بعيد عنهم سواء بوظيفة او زواج . أتمنى ماتزعل من أي كلمة ذكرتها , كل ماذكرته كتبته لأن اعتبرتك اخوي الصغنن,, واهتم عشان تجيب معدل حلو يدخلك الجامعة ترى الجامعة تجنن غير المدرسة :wub: وإن شاء الله تستفيد من مواضيعي اللي اضفتها بين الكلام :rose:,, الله يوفقك ويسهل لك امورك ويفرح قلب أمك فيك لاتخذلها لاتخذلها :ba1:,, شكر لك بطلة |
عوآآفي أخوي .. ,, آلله يوفقك دنيآ وآخره .. ومثل مآقآلت إختي بطله أهم شيء تحديد آلهدف .. لك ودي ~. |
أنا أقول إنقل لمدرسة أهلية وريح راسك :) وإذا مافيه امكانية مالك إلا الصبر وعدل وضعك وصدقني أجزم لك إن اذا عدلت وضعك الجميع راح يمحي عنك الصورة السيئة ويبدون صفحة جديدة وبالتوفيق لك. |
حااااااااااااااااااااااااس فيك يااحلو تقبل مروري ودي |
آنقل لمدرسه آهليه وريييح رآسك :s5s: اذا كنت من شرق الريآض عندي لك مدرسسه :smilie47: تجيب نسبه فوق الـ 90 بالرآحه :rose: |
الان أولى ثانوي درجاتها على ما أعتقد أنها ما تدخل في المعدل التراكمي لـ شهادة الثانوية بـ شكل عام , على حد علمي . أنت الان شد حيلك وحاول تتعدى مرحلة أولى ثانوي بـ أي معدل . في ثاني ثانوي أبدأ صفحة جديدة سواء في مدرستك أو غيرها أنا أعرف شخص أكبر من مني بالعمر ولكنه متأخر درسياً لانه كان يرسب في المتوسط والابتدائي لكنه في الثانوي شد حيله وجاب معدل تقريباً 98% ودرجة جيدة في القدرات والان هو في السنة الثانية في كلية الهندسة بـ جامعة الملك سعود . معانتك هذي مسويها ولد عمتي الان هو في أولى ثانوي ومخرب أوم أمها في النصف الاول كل اسبوعين يحظر مره وفي الاختبارات النهائية فقط يسلم الورقه فيها اسمه و دوره في قاعة الاختبارات نقل المعلومات بين أصدقائه , الان سحب ملفه وحاول ينقل لـ مدرسه أهليه و رفضوا والحين جالس بالبيت (نوم ولعب بـ كود 6 :s3s:) ويقول بـ أعيد أولى ثانوي السنة الجايه وللاسف هو المفروض الحين يدرس بـ 3 ثانوي لانه قد رسب في المتوسط . ولد أختي كان يدرس في البدائع عندكم في مدرسة تحفيظ القران أبوه تعين في الرياض وأضطر يدرس في مدرسة عاديه وهو الان بـ ثاني متوسط ويصيح عند أمه و أبوه يقول ما أبي المدرسه العاديه (يقول يكروفوني بالواجبات) مب دلع زي التحفيظ على حد قوله , نحاول معه يقتنع و يقتنع بعد فترة يرجع لـ نفس الموال , أنا قلت لـ أختي أتركيه فترة وساعديه بـ حل الواجبات و تنظيم وقته و راح يتعود على الكرف والتغير . المهم أن الشخص مـا يتحطم لانه فشل بالعكس يحاول يعيد الكره ويعرف أخطائه ويتفاداها , ولاتفقد الثقة بـ نفسك أنت وش تفرق عن غيرك من الي نجحوا وحققوا نسب عاليه , الفرق فقط أنه كان يركز بشكل جيد ومجتهد أكثر في التعلم والمذاكره . بالنسبة لي أتمنى منك أن تستمر بالثانويه العامة "علمي" وتشد حيلك وتجتهد صحيح أنك راح تواجه صعوبه في بعض المواد مثل "رياضيات - فيزياء - كيمياء - انجليزي" لكن تستطيع أن تتغلب على صعوبة هذي المواد بالتركيز عليها من أول الدراسه ومذكرتها بـ شكل دوري حتى لاتتراكم عليه (وصدقني المعلومات الي فيها ماهي بذاك الصعوبة) وتستطيع أن تستعين بـ مدرسين خصوصيين أو دورات تقوية في هذي المواد حتى تفهم بعض مواضيعها . أفضلك أن تستمر بـ تخصص العلمي لانك إذا تخرجت من هذا التخصص راح تتاح لك كل التخصصات اذا كانت معدل متميز . إذا كنت لك ميول واضحه جداً و واثق من نفسك انك تستطيع التميز فيها مثلاً عندك ميول في اللغة العربية والنحو فـ أنصحك بـ اكمال تعليمك في القسم الشرعي وتتخصص في الجامعه بـ تخصص لغة عربية وهكذا . |
إقتباس:
إقتباس:
امزح امزح إقتباس:
إقتباس:
بطلة : تراي قريت كل ردتس واستمتعت فيه واقولتس شووكرا بس فيه كلمه افسدت كل ردتس اتوقع عرفتيه إقتباس:
إقتباس:
يعني محنب مثلكم يا اهل الرياض إقتباس:
إقتباس:
إقتباس:
سلم لي على ولد اختك |
| الوقت المعتمد في المنتدى بتوقيت جرينتش +3.
الوقت الان » 01:56 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd