الهلال والقادسيه ... بعد المباراه !!!
 

صح قلمك يا هلالي و خاصة في سويمي!!!!!!!

ها انت ياخي الفاضل تعيد ما ذكرته انا عن سامي بعد مباراة الرائد عندما قام معظم المشاركين بنقدي وطلب طردي من المنتدى ولكن يبدو ان الامور بدأت تنكشف حول مستوى سامي ان لم يراجع حساباته

رد: الهلال والقادسيه ... بعد المباراه !!!
 

ما شاء الله عليه ..
من الغريب أن تجد اللاعب الجديد هو الأبرز ..
قلنا راح يحتاج وقت عشان يتأقلم ويتفاهم مع اللاعبين ..
لكن مهارة في استلام الكورة .. دقة في التسليم ..
فنيات جميلة .. وتحرك واعي بدون الكورة ..
بس مرة ثانية ما شاء الله عليه..

مع احترامي لك ماعندك سالفه لعيبة الهلال لعبو بروح عاليه وهذا يعود بعد الله لوقفة جماهيره معه داخل الملعب

اما كلامك عن اللعيبه فالظاهر انك شايف مباراة الاهلي والافريقي ما شفت مباراة الهلال لان تحليلك من جنبها او انك ما .... كوره:confused: :confused: :confused:

لا والله يا طارق إنت اللي ما عندك سالفة :(:(

ترا والله كل كلمة قالها صحيحة وواقعية 10000000000% .. وخاصة كلامه في سامي ..

إحنا نحب سامي وما نرضى منه هذا المستوى .. وإذا عنده اللي يشغله فلا يكون على حساب الهلال !

هلا وغلا بهلالي مقلع
ياخي انت وينك عني من زمان
تعال وانا أخوك ابي أحكي لك اللي بقلبي :cry: :cry:

والله وانا اخوك مادريت عن هالنقاط الا بعد نهاية المباراة بربع ساعه
يوم جاء التعادل .. ركبت سيارتي وطلعت بهالشوارع مثل الخبل وأدعي
أن الحكم يصفر والنتيجه مازالت تعادل:eek:
لا تطيرون عيونكم والله اني صادق .. ماصدقت ان الجمعان تجي منه
وحده من خمسين طعش .. لا تلوموني ماابي الصحافه الخليجيه تقول :
مهزوم من صاعد للدوري وجاي يبي ينافس .. ودي يقولون
تعادل ونقول بالصف الثاني .. الصف الأول داسينهم للخليجيه :rolleyes:
وعزاك وانا اخوك .. لنا سنتين نصيح نقول ياعالم إكرام الميت دفنه:cry:
هلالكم ماغير هالفنايل الزرق .. مره على المسعري ومره على ليوناردو واشكاله
عقب ماكان يفتخر ولد النعيمه والحبشي وسعد مبارك وهذال والكوكبه
الذهبيه إنهم لبسوا هالفانيلات .. بس يقولون باقي عندنا أمل :shy:
هاذي ماشفتها وانا اخوك مثل ماقلت لك فارقتهم عقب التعادل:mad:
بس تتوقع انه برئ من حجب يوسف ؟ وحسين العلي ؟ ان كان مهوب برئ
فهذه مصيبه .. وان كان برئ فالمصيبة أعظم .. :eek: :eek:
لا تكفى خلهم على ذكرياتهم الجميله .. تبي تغثهم معنا .. بهلال المسعري؟
خلهم خذوا حقهم النشاما وراحوا .. الله يذكرهم بالخير:cry:
لااااا .. ويالله يالله قعد السنه ذي .. كانوا يبي يزفونه
بس ربك ستر .. وقعد عشان يثبت لهم انه مجموعة إخلاص
وتنادي أحمد خليل معك ؟
ياخي ماتلاحظون شئ ؟؟
اللاعبين اللي يجون للهلال من الشرقيه .. كأنهم ولدوا في الهلال
ونشأوا في الهلال .. ياخي ورى ماينقلون النادي للشرقيه بدال العريجاء ؟
ياخي هذا اكبر لغز يواجهني بالهلال هو واللي
بيجي بعد شوي .. عندما تتوقع منهم الإبداع والتميز
وهم قادرون على ذلك .. تصيبهم أم الركب !!
ودي أعرف وش سالفتهم .. مافيه أحد يقول لي ؟
ماقصر .. ومكسب .. مكسب .. مكسب
بس يبي له ثقه شوي .. وهاذي اول مشاركه
وننتظر منه المزيد من التوهج
رغم ان ابو حميد فيه أشياء ماتعجبني بس
فيه شئ ودي انه في كل لاعبي الهلال
وهو انه مايوقف ينتظر الكوره .. ولا يقف والكوره مع الخصم
ولا يستلم الكوره على الواقف ويمد رجله ان جات جات ..
وان ماجات قلعتها ..:rolleyes:
( حمش ) الولد يعجبني ..

هذا اللي تأكدوا من المسئول عن دمه ؟؟
بلاتشي !! إدارة الكرة !! إدارة النادي !!
ياعالم والله لاعب وده يسوي شئ
يكفي انه لاعب يتحدا نفسه والجمهور والمدرب:mad:
ابو بندر انت الثمرة التي ننتظرها بفارغ الصبر
واعتبرنا اليوم بملعب الأمير سلمان بالنادي
وهالمشاركه لفه على الملعب ..
ابو عبدالله كتبت عنه وكتب عنه غير من الجمهور الهلالي
ولن نوفيه حقه .. لكن اليوم له عندي نص سطرين ..
( سامي .. لا ننكر أنك أعطيت الهلال وجمهور الهلال .. ولكن ..ليس عيبا ان لم تعد قادرا على العطاء أن تقول وداعاً .. وسنقف إحتراما لسامي وتاريخ سامي وعطاء سامي )

وهاذي من عندي ..
# بلاتشي لا تقتل يوسف .. فمن يرى ملامح وجهه على الإحتياط يقول أن هذا يحترق على أن يقدم شئ للزعيم وجمهور الزعيم .. فلا تمنع عطاء كريمٍ تعود على السخاء ..

# منصور الأحمد .. إدارة الكرة ليست حضور وإنصراف .. إدارة الكرة وتدريب الكرة وجهان لعملةٍ واحده .. فحاول أن تطور نفسك .. ليكون لك دورك المؤثر حتى في معنويات اللاعبين .. وفي أبسط تصرفاتهم على أرض الملعب .. فقط حاول ذلك ..

تحياتي أخوي هلالي مقلع
واعتذر عن الإطاله:shy: :rolleyes:

سامي الجابر كان يلعب وهو مصاب,,,وبعدين والله لو ينزل سامي الملعب ويقعد على قولتك يدور فقع
كان جاب قول وحاس أم الدفاع.
التجريح الزايد ماله داعي خاصة للاعب كبير جاب ثلاث ارباع بطولات الهلال.

اللي يقول ان الهلال لن يحقق بطولة الخليج او آسيا شكله توه يشجع الزعيم
لان جمهور الهلال الحقيقي يعرف ان شمس البطولات لن تغيب عن الزعيم

وبعد بطولة الخليج وبطولة آسيا راح تذكرون كلامي:)

طااااااااااااااااارق الظاهر انت ماشفت المباره


اذا هاذا المستوى الى عاجبك ماقول الا الله يرحم الكوره وبس ؟؟؟؟؟؟؟؟؟؟؟؟؟؟؟؟؟؟؟

عزالله انك جبتهاوهي غياب الــــــــــــــروح الهلالية المعروفة عنه وبس