الهلال والقادسيه ... بعد المباراه !!! السلام عليكم ورحمة الله وبركاته مبروك الثلاث نقاط ياهلاليين وأحسن الله عزاكم في الروح الهلاليه :( المباراه كانت شبه منتهيه لصالح القدساويين لكن قليل من الحظ وكثير من التمثيل (البلنتي) ساهم في الحصول على الثلاث نقاط !! بلاتشي برئ براءة الذئب (موب سامي) من دم يوسف !! اللاعبين بعضهم أدى وبعضهم قصّر ولكن للأسف المقصرين اكثر :( واللي يؤسف أكثر واكثر إن القتاليه من لاعبين من خارج الهلال :( بدرا والعلي (بعد نزوله) والحربي والشريده :) أنا ساحب السيفون على المباراه وعلى نقاطها :( المركز الاول وطار حتى لو نفوز في جميع مباراياتنا :( لكن الاهم عندي هو الحضور القوي ( لاحمد الحربي ) :) والله يستر عليه من بعض الناس مستوى الهلال يقول .. مافيه بطولة خليج :( وأنا أقول ولا دوري ولا كاس آسيا بعد :( الهلال صار ملطشه للي يسوى واللي مايسوى !! للأسف خنقتني العبره يوم شفت فرحة اللاعبين والجمهور بهدف التعادل :( بتقولون من الفرحه بقول لكم اي فرحه الله يرحم والديكم :( أنا خنقتني العبره يوم صار الهلال يفرح بهدف تعادل وعلى ارضه وضد فريق صاعد من الاولى :( وين ايامك يا صالح النعيمه والجيل اللي معك وحولك :( تعالو شووفونا نتعادل مع الصاعد من الممتاز (الرائد) وننهزم من القادسيه ( صاعد ايضاً) وننهزم من الطائي وفي الرياض بعد (صاحب النقطه الوحيده في الدور الاول العام الماضي ) :( تعال ياصالح وجب معك الجيل الذهبي وتعالوا شوفوا هلال سامي الجابر :mad: تعال ياصالح وشف الهلال يلعب دفاع قدام النصر :( <<--- هذا اللي ناقص :( حكم المباراه :) ما قصرت وعطيتنا بلنتي كان كفيل إن الجمهور يطلع من الملعب قبل يطقون لاعبين الهلال :( القادسيه :) هارد لك الهلال كان بحاجة الثلاث نقاط بحكم إنه هو الزعيم ((ارحموا عزيز قومٍ ذل)) الهلال .. وش أقول وش أخلي ؟؟ الدعيع حراسة الهلال تبي رجال والا الباب ياسع جمل !! وقوفك خلف الحائط في هدف القادسيه نعتبرها مقبوله من لاعب عمره 15 سنه :( أما تجي من عملاق آسيا !!!! الشريده والله خجلتني وأحرجتني والله مدري وش اقول يابو مبارك تقطع داخل الملعب وانت منتقل من القادسيه !! ولاعبين الهلال الاصليين يتدلعون !!! أقول والله ماقصرت تأبرني :) عبدالله سليمان !!! وش رايك ترجع للأهلي ؟؟ الدوخي بعض فلسفاتك في مناطق الهلال الخطره تجعلنا نقول لك العب زين والا جبنا مجرشي :( ماقصرت يابو فهد وخصوصا تمثيلية البلنتي :) الخثران :) وجودك في مركز غير مركزك يخلينا نقول لك والله ما قصرت :) سيدو بدرا :) من مباراه لأخرى تثبت إنك محور جامد ولا تعرف التدلع قتاليه واخلاص وتفاني ما لقيناها في لاعبين الهلال :( الغامدي :( الله يرحم مزنه تعطيل للعب وتمويت للكوره بدون داعي :( بس نوعا ما تعتبر لا لك ولا عليك :( الشلهوب :) مستواك اليوم ماهنا زود :( بس على الاقل ما تدلعت مثل بعض الناس اللي بيجون هالحين :) يعطيك العافيه يا محمد :) أحمد الحربي :) كنا نقول إنك أنتقلت لنادي كبير !!!! لكن إكتشفت إن الهلال هو اللي كسب لاعب كبير :) مستواك الراقي وقتاليتك وحماسك بيفتح لك الطريق للنجوميه وللمنتخب :) الجمعان :) شوّت على كيفك يابو حميد :( بس أهم شئ وحده تجي قول :) أضبط رجلك ولا عليك أمر :) موب كل مره بيجيك فاولات مثل اليوم :) حسين العلي :) إحتياط وتنزل ربع ساعه ومع ذلك هداف :) وش اقول يابو علي ؟؟ مهضوم ومظلوم .. بس الله يجازي اللي كان السبب:( نواف التمياط :) الحمد لله على السلامه يابو بندر :) مباراة اليوم تعتبر تسخينيه للعوده لمستواك :) سامي الجابر !!! انت يبي لك موضوع بلحالك :( والا تدري ؟؟ وشو له نخسر صفحه جديده علشانك :mad: تعال نكتب لك مع باقي اللاعبين وش زودك عنهم ؟؟ مستواك من سيئ الى أسوأ :( يوم صفر ويوم بالسالب :( برود وسرحان ولامبالاه ...!!! وتمشى في الملعب كأنك تدور فقع :( كنا نقول لك إن كرسي الاحتياط مهوب عيب !!! الان نقول لك إن الجلوس في المدرجات أيضا مهوب عيب !! راجع نفسك يابو عبدالله نحبك علشان الهلال ونحب الهلال علشان الهلال تاكد إن الجمهور مستعد يضحي بك اذا حس إن فيه من هو أفضل منك !! عتاب من أجلك لاني أحبك :) تحياتي / هلالي مقلع :) |
صح قلمك يا هلالي و خاصة في سويمي!!!!!!! |
ها انت ياخي الفاضل تعيد ما ذكرته انا عن سامي بعد مباراة الرائد عندما قام معظم المشاركين بنقدي وطلب طردي من المنتدى ولكن يبدو ان الامور بدأت تنكشف حول مستوى سامي ان لم يراجع حساباته |
رد: الهلال والقادسيه ... بعد المباراه !!! إقتباس:
من الغريب أن تجد اللاعب الجديد هو الأبرز .. قلنا راح يحتاج وقت عشان يتأقلم ويتفاهم مع اللاعبين .. لكن مهارة في استلام الكورة .. دقة في التسليم .. فنيات جميلة .. وتحرك واعي بدون الكورة .. بس مرة ثانية ما شاء الله عليه.. |
مع احترامي لك ماعندك سالفه لعيبة الهلال لعبو بروح عاليه وهذا يعود بعد الله لوقفة جماهيره معه داخل الملعب اما كلامك عن اللعيبه فالظاهر انك شايف مباراة الاهلي والافريقي ما شفت مباراة الهلال لان تحليلك من جنبها او انك ما .... كوره:confused: :confused: :confused: |
لا والله يا طارق إنت اللي ما عندك سالفة :(:( ترا والله كل كلمة قالها صحيحة وواقعية 10000000000% .. وخاصة كلامه في سامي .. إحنا نحب سامي وما نرضى منه هذا المستوى .. وإذا عنده اللي يشغله فلا يكون على حساب الهلال ! |
هلا وغلا بهلالي مقلع ياخي انت وينك عني من زمان تعال وانا أخوك ابي أحكي لك اللي بقلبي :cry: :cry: إقتباس:
يوم جاء التعادل .. ركبت سيارتي وطلعت بهالشوارع مثل الخبل وأدعي أن الحكم يصفر والنتيجه مازالت تعادل:eek: لا تطيرون عيونكم والله اني صادق .. ماصدقت ان الجمعان تجي منه وحده من خمسين طعش .. لا تلوموني ماابي الصحافه الخليجيه تقول : مهزوم من صاعد للدوري وجاي يبي ينافس .. ودي يقولون تعادل ونقول بالصف الثاني .. الصف الأول داسينهم للخليجيه :rolleyes: إقتباس:
هلالكم ماغير هالفنايل الزرق .. مره على المسعري ومره على ليوناردو واشكاله عقب ماكان يفتخر ولد النعيمه والحبشي وسعد مبارك وهذال والكوكبه الذهبيه إنهم لبسوا هالفانيلات .. بس يقولون باقي عندنا أمل :shy: إقتباس:
إقتباس:
فهذه مصيبه .. وان كان برئ فالمصيبة أعظم .. :eek: :eek: إقتباس:
خلهم خذوا حقهم النشاما وراحوا .. الله يذكرهم بالخير:cry: إقتباس:
بس ربك ستر .. وقعد عشان يثبت لهم انه مجموعة إخلاص إقتباس:
ياخي ماتلاحظون شئ ؟؟ اللاعبين اللي يجون للهلال من الشرقيه .. كأنهم ولدوا في الهلال ونشأوا في الهلال .. ياخي ورى ماينقلون النادي للشرقيه بدال العريجاء ؟ إقتباس:
بيجي بعد شوي .. عندما تتوقع منهم الإبداع والتميز وهم قادرون على ذلك .. تصيبهم أم الركب !! ودي أعرف وش سالفتهم .. مافيه أحد يقول لي ؟ إقتباس:
بس يبي له ثقه شوي .. وهاذي اول مشاركه وننتظر منه المزيد من التوهج إقتباس:
فيه شئ ودي انه في كل لاعبي الهلال وهو انه مايوقف ينتظر الكوره .. ولا يقف والكوره مع الخصم ولا يستلم الكوره على الواقف ويمد رجله ان جات جات .. وان ماجات قلعتها ..:rolleyes: ( حمش ) الولد يعجبني .. إقتباس:
بلاتشي !! إدارة الكرة !! إدارة النادي !! ياعالم والله لاعب وده يسوي شئ يكفي انه لاعب يتحدا نفسه والجمهور والمدرب:mad: إقتباس:
واعتبرنا اليوم بملعب الأمير سلمان بالنادي وهالمشاركه لفه على الملعب .. إقتباس:
ولن نوفيه حقه .. لكن اليوم له عندي نص سطرين .. ( سامي .. لا ننكر أنك أعطيت الهلال وجمهور الهلال .. ولكن ..ليس عيبا ان لم تعد قادرا على العطاء أن تقول وداعاً .. وسنقف إحتراما لسامي وتاريخ سامي وعطاء سامي ) وهاذي من عندي .. # بلاتشي لا تقتل يوسف .. فمن يرى ملامح وجهه على الإحتياط يقول أن هذا يحترق على أن يقدم شئ للزعيم وجمهور الزعيم .. فلا تمنع عطاء كريمٍ تعود على السخاء .. # منصور الأحمد .. إدارة الكرة ليست حضور وإنصراف .. إدارة الكرة وتدريب الكرة وجهان لعملةٍ واحده .. فحاول أن تطور نفسك .. ليكون لك دورك المؤثر حتى في معنويات اللاعبين .. وفي أبسط تصرفاتهم على أرض الملعب .. فقط حاول ذلك .. تحياتي أخوي هلالي مقلع واعتذر عن الإطاله:shy: :rolleyes: |
سامي الجابر كان يلعب وهو مصاب,,,وبعدين والله لو ينزل سامي الملعب ويقعد على قولتك يدور فقع كان جاب قول وحاس أم الدفاع. التجريح الزايد ماله داعي خاصة للاعب كبير جاب ثلاث ارباع بطولات الهلال. |
اللي يقول ان الهلال لن يحقق بطولة الخليج او آسيا شكله توه يشجع الزعيم لان جمهور الهلال الحقيقي يعرف ان شمس البطولات لن تغيب عن الزعيم وبعد بطولة الخليج وبطولة آسيا راح تذكرون كلامي:) |
إقتباس:
طااااااااااااااااارق الظاهر انت ماشفت المباره اذا هاذا المستوى الى عاجبك ماقول الا الله يرحم الكوره وبس ؟؟؟؟؟؟؟؟؟؟؟؟؟؟؟؟؟؟؟ |
عزالله انك جبتهاوهي غياب الــــــــــــــروح الهلالية المعروفة عنه وبس |
الوقت المعتمد في المنتدى بتوقيت جرينتش +3.
الوقت الان » 08:02 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd