السلام عليكم ورحمة الله وبركاته

حي الله اللي بالمجلس كلهم القهوه ياورع

مير الله يسلمكم من زمان ماكتبت موضوع هنا وادري انكم فاقديني
[ جتني رسايل من بعض مشرفين المجلس ] يقولون تكفين اكتبي بالمجلس ترى وقسم بالله ماصار احد يعطينا وجه ولا صرنا نشتغل ونحس اننا مشرفين ونعطي الاعضاء انذارات ونعدل بعض الردود ونمسح ونحذف يوم ماعدتي تكتبين

يقولون صاروا الاعضاء مايدخلون ابد ومن يدرون ان مالي موضوع يطلعون وسيدا لقسم الجمهور

عاد يوم شفت الحال يرثى له قلت يابنت شمري عن ذراعتس وتربعي وهاتي اللاب توب وخربطي عليهم

اليوم بتكلم عن موضوع ياجماعة الخير محيرني واعتقد اكيد اكيد فيه بعضكم مثلي

الحين الواحد لما يتابع مسلسلات افلام . بالله ماتحس انك تتأثر فيه ؟ ومن قوة التأثر اللي فيه تقلد حركاتهم بالمسلسل تقلد نبره الصوت تقلد مشية احد الشخصيات اللي عاجبتك

وانت ماشي تفكر باحلامك المستقبليه تشطح عليك لقطه من لقطات المسلسل او الفلم اللي انت خاق عليه

مدري احس اني انا انسانه اتأثر بأي فلم اشوفه او اي مسلسل ( بس مايكون عربي مخيس )


كلنا يعرف مسلسل Prison Break الهروب الكبيييييييير





هالمسلسل هذا بالذات للحين اهوجس فيه. مع انه من زمان خالصه مواسمه كلها

من قوة اثارته ومن قوة الاخراج الفكري والسيناريو والحوار اللي فيه حسيت اني امثل معهم

تجيني لحظات ياجماعة الخير اتخيل نفسي مايكل هههههههههههههههههههه

وقسم بالله اني احيانا موقف يصير معي بالطبيعه اتصرف فيه وكأني شخصية من شخصيات Prison Break


,

بعطيكم مثال ( طبعا محد يعرف وش بقول الا للي شاف المسلسل كله )

تذكرون لقطة نائبة رئيس الولايات المتحده يوم تلقي كلمه . ويجيبون لقطات على موية الصحه اللي بجنبها ( يعني انهم بيسممونها بالمويه ) ..


وتجي هي تشرب المويه .. بالاخير اللي سمموه الرئيس نفسه عشان تصير هي رئيسه


هذا الموقف اثر فيني هههههههههههههههههههه

ثاني يوم من متابعه المسلسل . رحت المدرسه وشريت مويه صحه ..
يوم جيت اشرب المويه تخيلت اللقطه ولاشعوريا طيحت القاروره حسيت اني انا اللي بتسمم ههههههههههههههههههههههه


..

الخلاصه

.. مافيه احد مثلي ؟؟ يتأثر بالافلام او المسلسلات اللي يشوفها ؟؟