يامسفر أنت وعاشق نواف يكفي نصب وإلا شغلكم عندي !!!!! - نادي الهلال السعودي - شبكة الزعيم

الغريب · #1 21/02/2001, 09:55 PM

مسفر المرزوقي قاعد يخرط علينا له كم يوم والظاهر إن الدعوة جازت
لفتى لندن عاشق نواف وبدا هو الثاني يطلق صواريخ أرض جو وكمل الناقص جابر العثرات اللي سوالي فيها الثنيان على عزه يوم إنه ماخلى أحد إلا وجر فيه لاوجاب هدف من نص الملعب " منتب عاقل ياكابتن ماجد " أنت وأخوك دحيم على بالكم عيال التمياط.
المهم جاكم العلم وقد أعذر من أنذر إذا تبون تستمرون بالنصب فأنتم ما راح تلقون بهالدنيا أنصب من محاكيكم وتحملوا مايجيكم من النصبات
" أصلا أخوياي مايسموني إلا النصاب من كثر ماأعطيهم من هالعلوم الزينة ".
تبون نصبة على الطاير " لأني مستعجل " خذوا هالنصبة السريعة :

تصدقون اليوم كنت داخل السوق أبغى أشتري أغراض وما دريت إلا البنات اللي في السوق يلاحقوني يبون يرقموني وأنا أرفض لأني ماأحب هالحركات
بعدين جت وقفتني بنت وقالت : ياأخي إذا كنت مصر ماتاخذ الرقم على الأقل أبيك تجاوب على سؤالي بكل صراحة .
قلت : بسرعة وش سؤالك ؟
قالت : بصراحة بصراحة عيونك هذي من وين جبتها ؟
قلت : والله عيوني هذي طبيعية وهذا الجمال من الله .
قالت : يعني مافيه أمل تعطيني وجه .
قلت : اسمحيلي ماأقدر بس إذا كان غرضك شريف كلمي أمي بالموضوع وادخلي بيوت الناس مع الباب لأني رجال ماأملك إلا سمعتي .

المهم طلعت من السوق بعد ماتدخل الأمن وفرق البنات عني وحلفت ماأدخل السوق إلا ومعي أمي أو أختي لأن جمالي دايم يحرجني مع البنات بس هذي ضريبة الجمال الزايد ولازم أتحمل .

خاتمة : <><><><><> يارب أصير زين لوشوي <><><><><><><>

ALRZEEN · #2 22/02/2001, 07:02 AM

هاهاهاهاها...

وانا أقول ليش الزحمه آثره أنت‍‍‍‍‍‍‍‌‌‌‌‌‌‌‌‌‌‌‌

الأولاني · #3 22/02/2001, 07:36 AM

كخخخخخخخخخخخخخخخخخخخخخخخخخخ

والله يالغريب اثرك انت مجنن الحريم يا ابو عيون جريئه

على فكره فيه وحده سالتني عنك وقلن لها في بنت متكلمه عليه والظاهر انه محجوز
وش رايك بالتصريفة لأنها البنت شينه
ههههههههههههههههههههههههههههههههه

بس فيه شئ انا مستغرب منه
وليه هيئة الأمر بالمعروف ماكلمتك ولا قالت لك شئ العاده كفين ويجرن بالجمس للمركز إلا انت تاركينك وش السبب
نتمنى الإيضاح
[عدلت بواسطة الأولاني التاريخ:22-02-2001 الساعة: 07:43 AM]

هـاجس · #4 22/02/2001, 09:29 AM

مرحبا بالشباب

هلا والله بالغريب حبيبي انا والله مهو من عاداتي اني انصب بس وش اسوي ذا اللي اسمه مدري والله بس اتوقع ان اول حرف هو س جالس ينصب على الشباب مع مغامراته على باله روبن هود والمشكله ان الشباب مصدقينه وموضوعه في تفاعل من الجميع قلت فرصتك ياعاشق ما دام الا (س ) مستغل الشباب بالنصب ورى ما تسوي مثله وهذا كل السالفه

وانت يالاولاني مشاء الله عليك كل مجال لازم تعرفه زين حتى سطرات الهيئه وركبات الجموس جربتهاااا

استاذي الاولاني ممكن سؤال

ماهو اقوى كف جاك ومتى ؟؟؟

الأولاني · #5 22/02/2001, 02:39 PM

والله السؤال محرج
بس عندي طلب مافي اختيارات

طيب مساعدات ... اتصال بصديق كخخخخخخخخ

والله اول كف جاني من مدرس اسمه محمد الزين ما انساه كنت في اولى الإبتدائي ومالي اسبوع داخل المدرسه

المهم رحت للمقصف وشريت بيبسي وكانت امي (الله يخلي لي) دايم تعطيني سندويتش بيض

وانا امشي وطالع من الزحمة طاحت من البيبسية وانا بكل برائه اخذتها من الأرض وفتحتها والببسية طاشت وعبت اللي قدامي وكان اللي قدامي هذا المدرس اله يذكر بالخير

وعطاني كف برم وجهي وما امداني استوعب الموقف إلا والكف الثاني معدل وجهي

وكانو كفين يعني 2 في واحد

الغريب · #6 25/02/2001, 01:58 AM

والله ياخوي الأولاني الدعوة نصب في نصب ولا لو السالفة صدق كان شفت الكفوف اللي تخدر خد الواحد اسبوع ..

أما أنت ياعاشق نواف فنصباتك تنبلع شوي كل شئ ولا نصبات ابن بطوطة سفر المرزوقي ولا نصبات " مارادونا الجرادية " جابر العثرات" .

الشبح الهلالي15 · #7 25/02/2001, 10:16 AM

احلى يالغريب يبو عيون جريئه ياجذاب البنات......