رجال الامر بالمعروف والنهي عن المنكر تفضل ابيك بكلمة راس >> - نادي الهلال السعودي - شبكة الزعيم

alzeemm · #1 25/03/2011, 05:29 AM

السلام عليكم ورحمة الله وبركاته ..
اول شي قبل ماتكلم انا اشكر رجاال الدين والهيئة بالتحديد .
اي مطوع او شغال في الهيئة على عيني وراسي لاكن انا بفهمكم شي بسييط ..
انت على عيني وراسي تنصحني ونصيحتك احطها على راسي من فوق ..
لاكن اللي قاعدين نشوفه ماهو نصيحه .. اشياء غريبه تحصل ..
انا راح اقولكم امثله والله واجهتني ,, ماراح اتكلم بلسان شخص ..
ذاك اليوم باكر اختي من المدرسة الا 2 سيارتين هيئة ويهاوشون ويدخلون بين البنات وادخلي الله يحفظكي ؟؟
باي اساس انت تدخل بينهم والله ياشباب انا مادري بنيته لاكن باي اساس يدخل بينهم بشكل مقزز ويدفهم ادخلو يابنات .. >> ( تدخل فيما لايعنيه ) ..

شوي الا بنت قاعده على زي الجلسة المرتفعه والبنت متغطيه غطا كامل ومالها في احد بس انها وهي قاعده بين الشراب والعبايه طالع شوي من رجلها .. وشف الهواش اللي جاها من رجل الهيئة اقسمبالله البنت قاعده تصيح ودخلت جوا .. > ( تدخل فيما لايعنيه ) 2 ورفع الصوت والترويع ..
3- بنت وولد قاعدين يتمشون وشاكين بوضعهم عند الاشاره .. الزبدة والله من دون كلام شالهم العسكري ومعهم رجال الدين وضرب وهم حتى ماكلموهم ضرب وهم بيركبون السياره يضربون ويجلدون ..

والله لو البنت والولد مايعرفون بعض بس ماهو بهالطريقه قدام العالم ..

اخر شي انا اقول الله يجزاكم خير وانا كلامي هذا مابغى تروح الهيئة لا والله بس يحسنون معاملتهم ويصيرون بدون عساكر وبدون سيارات معروفه .. يصير زي الامن السري ..
لان اقسمبالله اناس صارت تخاف من شي اسمه هيئة ..

الدين النصيحه وليس الضرب والتاديب ورفع الصوت ..
انا اطالب بحد للهيئه يعني يغلط عليك تشتكي عليه ..
ماهو على كيفهم يرفعون صوتهم ويضربون .. بأي حق ؟؟ حنا دولة قانون ..

المختصر المفيد : لانريد زوال الهيئة لاكن يجب تحسين تصرفاتهم مع الشباب والبنات ويجب وضع قوانين لايتعداها رجل الهيئة ..

النهاية ( الدين النصيحه ) وليس الترويع والضرب ورفع الصوت ..

الى اللقاء

alzeemm · #2 25/03/2011, 05:33 AM

واللي يقول الهيئه ماراح تجيك اذا انت ماسويت شي ..
ياخي في وقت المراهقة تسوي اشياء غصب عنك ليه يحرمونا من مراهقتنا .. ؟

Dexter Morgan · #3 25/03/2011, 05:37 AM

إقتباس

الرسالة الأصلية كتبت بواسطة alzeemm


	واللي يقول الهيئه ماراح تجيك اذا انت ماسويت شي .. ياخي في وقت المراهقة تسوي اشياء غصب عنك ليه يحرمونا من مراهقتنا .. ؟

يعني لو غازلت بنت باحد الاسواق ماتبيهم يسوون لك شي ؟

موج الخليج الأزرق · #4 25/03/2011, 02:48 PM

إقتباس

الرسالة الأصلية كتبت بواسطة alzeemm


	واللي يقول الهيئه ماراح تجيك اذا انت ماسويت شي .. ياخي في وقت المراهقة تسوي اشياء غصب عنك ليه يحرمونا من مراهقتنا .. ؟

مع إحترامي لك أنت وأمثالك من اللي يحاربون الهيئة
عشان الهيئة ماتخليكم تغازلون على كيفكم

ليه يحرمونك من مراهقتك أجل !!!!!!!!!!!!!!!!!!!!!!!!!!!!!!!!!

ليه تبي الديرة تنقلب صياعه لعيون مراهقتك !!!!!!!!!!!!!!!!

أسود الهيئة لكم بالمرصاد

STS2005 · #5 25/03/2011, 03:16 PM

إقتباس

الرسالة الأصلية كتبت بواسطة alzeemm


	واللي يقول الهيئه ماراح تجيك اذا انت ماسويت شي .. ياخي في وقت المراهقة تسوي اشياء غصب عنك ليه يحرمونا من مراهقتنا .. ؟

لا تزعل ولا تشيل هم بكره ان شاء الله لما تكبر بتعرف ان كل شي تسويه الهيئة لمصلحتك انت واختك .

وان شاء الله تعدي فترة مراهقتك على خير ما يرام باللي يرضي الله سبحانه وتعالى ويرضي رسوله

وشي طيب انك تقول وجهة نظرك لان الهيئة الآن جهة حكومية زيها زي المستشفيات والدوائر الحكومية فيها اخطاء.

وعلى فكر فيه موقع رسمي للهيئة تقدر تدخلة وترسل لهم اذا كان عندك شكوى او ملاحظه او بلاغ.

وهذا هو الرابط

http://www.pv.gov.sa/contactus/Pages/cu.aspx

يعطيك العافية .

مقطوع راسي · #6 25/03/2011, 05:52 PM

إقتباس

الرسالة الأصلية كتبت بواسطة alzeemm


	واللي يقول الهيئه ماراح تجيك اذا انت ماسويت شي .. ياخي في وقت المراهقة تسوي اشياء غصب عنك ليه يحرمونا من مراهقتنا .. ؟

يحرمونك من مراهقتك !
صحيح المفروض يخلونك وباقي المراهقين تلعبون وتسرحون في اعراض الناس ، مراهقتكم !
<~ مادري اذا كنت تقصد كذا ، لكن اتكلم بشكل عام .
المرآهقة لعب فلة كل شيء متآح لك بس بحدود دينك ياخي !

المشكلة إننا نترجم اللي نشوفه بتفكيرنا ، وبالظروف اللي نعتقدها حنا ..
وش يدريك عن سبب ضربهم للشاب والبنت ؟
كيف عرفت إنهم حكموا عليهم بالمظهر ؟!
يمكن لهم سآلفة طويلة ، يآ آستفسر ، ولا تتكلم

آذكر قصة ذكرها الشيخ العريفي ، مختصرها مهرب خمور يطآردونه الهيئة ..
المهم مسكوه بآخر المطآف ونزلوه من سيآرته وحآول يقآوم وآنجلد ، يجيك واحد من هاللي يترجم على حسب ما يشوف ..
ويقول " لا تضربونه بيصلي بيصلي " !! طبعاً كان على وقت صلاة يوم يمسكونه ..
شايف ؟ مثل هالأشياء كثير ، ماندري عن الظروف ونتكلم ..
صحيح يخطون مثل دخولهم على البنات في المدرسة ، لكنهم بشر بالنهاية !
المشكلة الهيئة تتعرض لحرب آعلامية عنيفة ، مستحيل تشوف مقآل آيجابي عنهم بالصحآفة

على العموم ، بالنهاية مدى قوة آيمان الشخص بيحدد نظرته للهيئة ،،

3ash8.alz3im · #7 29/03/2011, 11:28 PM

إقتباس

الرسالة الأصلية كتبت بواسطة alzeemm


	واللي يقول الهيئه ماراح تجيك اذا انت ماسويت شي .. ياخي في وقت المراهقة تسوي اشياء غصب عنك ليه يحرمونا من مراهقتنا .. ؟

هههههههههههههههههههههههههه ,,

يعني المراهقه خلاص تسوي الي تبي ؟؟؟؟

تسوي غلط ومنكر ولاتبي احد يقولك شي ؟

انت ترضى ع اختك ؟ يجي واحد ويغازلها ويقول مراهقه مراهقه ,؟؟!

الله يهدي الجميع

m7md.mc · #8 01/04/2011, 02:17 AM

إقتباس

الرسالة الأصلية كتبت بواسطة alzeemm


	واللي يقول الهيئه ماراح تجيك اذا انت ماسويت شي .. ياخي في وقت المراهقة تسوي اشياء غصب عنك ليه يحرمونا من مراهقتنا .. ؟

مراهقتك , يعني تروح تغازل ؟!
غريب منطقك

alzeemm · #9 25/03/2011, 05:46 AM

ياحبيبي اانا ماقصد كذا
بس كل الامثله الي جبتها مافيها اي غلط..
وبعدين ياخي بهالعمر الولد الى الان مانضج مخه نضج كامل وصار يفهم كل الامور ..
فهالامور طبيعيه جدا بهالعمر .. والسؤال ليه يواجهونا الهيئة بهالاسلوب !!

بطلة · #10 25/03/2011, 08:07 AM

إقتباس

الرسالة الأصلية كتبت بواسطة alzeemm


	ياحبيبي اانا ماقصد كذا بس كل الامثله الي جبتها مافيها اي غلط.. وبعدين ياخي بهالعمر الولد الى الان مانضج مخه نضج كامل وصار يفهم كل الامور .. فهالامور طبيعيه جدا بهالعمر .. والسؤال ليه يواجهونا الهيئة بهالاسلوب !!

لو بنت غازلت بتقول امور طبيعيه بـ هالعمر لانها مرحلة مراهقة على قولتك ؟
ولا الدعوة بس الرجال اللي يغازلون

؟

** **

والهيئة يبون مصلحتك, يمكن اوقات يخونهم التعبير وكل إنسان معرض لـ الخطأ

الله يهدي الجميع

,,

شكر لك
بطلة

أبوسعد 99 · #11 25/03/2011, 10:01 AM

أنا معك أنه في تصرفات للهيئة .. ماهي محسوبة ..

لكن في النهاية وهم يعملون ..وعملهم معرض للخطاً .. فأحذر أن يكون الخطاً في وجهك ..

يا اخي كل القطاعات في المملكة العربية السعودية تخطئ .. وكل الجهات الناس تسبها ..

لكن مجرد غلط من الهيئة قامت الدنيا وما قعدت ..

والناس ما تتحمل اخطاء الهيئة لأن مراقية الهيئة في أمر حساس .. وهو الشرف

اقسم بالله لو ما فيه هيئة يمدي الدعوووة " دعثي "

الله يحفظ لنا الهيئة ويوفقهم لأداء مهمتهم على أكمل وجه

™ ḞǎĩṦằŁ AĹ-ĤĩĹąĻĮ · #12 25/03/2011, 11:45 AM

لـ نفترض آن نـادي الاتفاق او اي نادي لعب خارجيا ,, و احد لاعبيه المحليين اخطأ خطأ كـبير ,,

هل يفـسر اخلاق جميع اللاعبين السعوديين ؟

,,

اذا رجل واحد من الهيـئة فاهم الدين غلط

لا نعـمم ,,

انا تعاملت مع رجال كثير من الهيئة ونعم فيهم ,,

الهآووي · #13 25/03/2011, 12:46 PM

آخوي شف ::

1- نآس من الهيئة تلقآهم مو على طول يضربون لآ حكيمين يشوفون وش صآير وش تقربله زوجته مو زوجته

2- نآسس عجله لآ تنآقش على طول ضرب ويتصرفون تصرف غير لآئق بالهيئة

يعني مو كل رجل هيئة مثل الآخر

™ṂṒḤĂṂṂĂĐ · #14 25/03/2011, 01:36 PM

يعني تبي ولا واحد مايخطأ .. او ولا واحد يفهم غلط !!

اي عمل معرض للخطأ .. وهذا شي طبيعي ..

والرسول صلى الله عليه وسلم اخطأ اخطاء كبيرة وهو افضل الخلق !!

طيب عندي لك مثال .. الحين القذافي مثل مايقولون (خبل) .. يعني الشعب الليبي كله صار خبل ؟

واتمنى ان ماتتغير نظرتك عن الهيئة .. وهم (يأمرون بالمعروف وينهون عن المنكر) هذي الجملة مايبيلها توضيح اكثر !

الزعيييييييييييييييم · #15 25/03/2011, 02:12 PM

إقتباس

الرسالة الأصلية كتبت بواسطة الفارس الازرق 8


	والرسول صلى الله عليه وسلم اخطأ اخطاء كبيرة وهو افضل الخلق !! !

اخوي ..

الانبياء والرسل معصومين ..

فمادري على اي اساس تقول ان الرسول اللهم صلي وسلم عليه اخطأ ! وكبيره !!
الرسول انسان وينسى "كما قال" ولكنه معصوم عن الخطأ ..

حبيبي ..

أنت تدافع عن اناس أحياناً ينفرون الناس من الدين ووقعت بخطأ اعظم وهو سبك للرسول اللهم صلي وسلم عليه !