المكان: لا أنا أنا ولا الزمان هو الزمان .! ولا المكان هو المكان .!
مشاركات: 1,022
ماوري يا أنيـــق
اعتقد برانديلي ظلم ماوري بالمركز اللي حطه فيه
ماوري برز هالموسم مع لاتسيو بشكل كبير مع ادواردو
بعد ماحطه صانع العاب او خلف المهاجمين وبرز بشكل
كبير بصناعة اللعب وفرق مع لاتسيو هالموسم كثييييير
لاكن برانديلي امس خلاه يميل للمهاجم الثالث على الطرف
وبكذا انهى خطورة ماوري اللي اعتقد انه مميز باللعب على
العمق اكثر من الطرف
ما ادري احس ان اكويلاني وماوري بتشكيل واحد لخبطه بالملعب
إقتباس
من ناحية الدفاع كيليني و بونتشي من أسوء قلوب الدفاع بالكالتشيو ! كيف يصيرون أساسين
بالمتخب ؟ رانوكيا المفترض يكون بدلاً من واحد منهم .. رانوكيا مستقبل الدفاع بالمنتخب الإيطالي
انت تتكلم عن الفريق كـ كل ولا عن هالاعبين بس ؟
اذا تتكلم عن الفريق انا معك لاكن هالثنين هذولا فوق النقد رجاءً
لاجد يعني كليني ماعتقد احد يختلف انه يستاهل اساسي بالمنتخب
لاكن اعتقد الخطأ هي لعبه قلب دفاع ولو كان ظهير افضل لأن لاعب
خبره زي كذا تحتاجه بهالمركز اللي مافيه احد يقدر يسد هالخانه بشكل مميز مثل الدكتور
وزي ماذكرت ان المفروض وجود رانوكيا بجنب بانوتشي للحفاظ على التفاهم المطلوب
الف الف مبروك لعشاق الماتدور الاسباني النقاط الثلاث للأسف ماتابعت
المباراه بسبب انشغالي , المهم ان المنتخب الاسباني واثق الخطوه يمشي ملكاً
لاخوف على الاسبان في هذا الزمان
المنتخب الانجليزي مااقدر اقول غير ارحل ياكابيللو لم يقنعني حتى الان المنتخب الانجليزي يملك افضل لاعبي العالم ومع ذلك يوم يلعب ماتشوف شي يبهرك , والفوز بالعافيه يجي , انا استغرب من الاتحاد الانجليزي يوم انه يوافق على استمرار كابيللو ؟ فشل في كأس العالم بغض النظر على اللقطه المعروفه الى ان تلك المباراه واضح انها للمانشافت والمنتخب الانجليزي لم يقدم شي يذكر في كأس العالم ومع ذلك المتخبط استمر !! المنتخب الانجليزي يحتاج مدرب يملك عقل انجليزي , مدرب درب اندية البريمر مدرب يعرف يوظف اللاعبين صح موب مدرب ايطالي اتمنى اسمع استقالة قبل يبدأ اليورو واذا استمر انا متأكد انه بيفشل لأنه ماراح يقدر يجاري منتخبات مثل اسبانيا والمانيا وحتى الطليان والفرنسين مع المدربين الحاليين لاحظنا تطور بشكل مبهر لكن الانجليزي مكانك سر الحاجه الوحيد اللي مشغل نفسه فيها كابيللو هي الكابتينيه , مشغل نفسه ومشغل الاعلام بالسالفه ذي علشان يغطي على فشله ولكن انا متأكد ان الامور توضح قريب
هاردلكم يا عشاق التانغو , الفريق ككل قدم مستوى كبير وخصوصاً في الشوط الأول كانت سيطره واضحه للارجنتين على أرض الامريكان .. شخصياً ميسي نجم المباراة لكن ما حالفه الحظ في التسجيل لكن قدر يصنع الهدف الاول لكامبياسو !
هجوم الارجنتين ( دي ماريا - ميسي - لافيتزي ) يتفنون في إضاعة الفرص , لو أستفادو من هالفرص وسجلوها كان سجلت نتيجة تاريخيه على الامريكان , لكن الاهم مو الفوز الاهم هو الرجوع لمستوى التانغو المعهود بعد إنحدار مستواه عندما كان بقيادة دييغو مارادونا .. ومحاولة الإستقرار على تشكيلة مثالية يُعتمد عليها في الكوبا أمريكا القادم وخصوصاً بأنه راح يكون على أرض الارجنتين !
الله من شين النفس عند لاعبي امريكا , اشوف خشونه زيادة على لاعبي الارجنتين والحكم كان مستاهل معها فيه خشونة لاعبي امريكا على ماسكيرانو وخصوصاً صاحب الفنيلة "8" وكذلك خشونتهم على دي ماريا في آخر الدقائق وكذلك ميسي تقريباً منتصف الشوط الثاني !
ابو حمييد حمستني بس من الردود للاسف ماشفت المباراه
اي احد عنده ملخص للمباراه او مباراه كامله تورنت يسعفنا
بالنسبه لـ الوديات
ايطاليا متقدمه على اوكرانيا 2-0
المانيا خسرت من استراليا 2-1
انجلترا حتى الحين متقدمه على غانا 1-0 والله من الدجه ياكابيللو
الهدف سجله كارول
فرنسا وكرواتيا حتى الان سلبيه الشوط الثاني
البرتغال متقدمه على فلندا بهدف ميرليس
المكان: لا أنا أنا ولا الزمان هو الزمان .! ولا المكان هو المكان .!
مشاركات: 1,022
ابو بلان بالله وش تحس به .؟
لعيبه لاعبين السبت بالتصفيات تلعبهم بالوديه الثلاثاء كلهم ماعدا كم لاعب مو مؤثر
طيب البنز مكروف له شهر مع الريال وهو يلعب بالاسبوع مرتين تلعبه بالوديه 90 دقيقه
وبالاخير خسر لاعبين اساسيين ومهمين خصوصاً البنز اللي ما اعتقد له بديل بنفس الكفائه
عـ العموم نلتمس له العذر يمكن يبي يلعب اكثر عدد من المباريات علشان يحافظون اللعيبه على رتم معين
التغييرات بالتشكيله كلها عاديه لاكن لفت انتباهي تغيير ممتاز جداً وهو جورجكوف out الو ديارا on
الطريقه اللي بدأ فيها بلان بخط وسط فرنسا قدام لوكسمبرغ خاطئه وسببت لخبطه كبيره بالنص ولو كان الخصم قوي كان من الممكن انه يحرج فرنسا
اخيراً اقتنع بلان انه نصري وجوركوف من المستحيل يلعبون مع بعض , نفس الادوار ونفس الامكانيات ونفس الشخصيه باللعب
ومع لوكسبرغ ما ادري منهو فيهم المحور ومنهو صانع اللعب لخبطه كانت بالنص وعك كروي مالوحظ لان الخصم كان ضعيف
وزي ماقال محمد انه نصري مقدم موسم ممتاز جداً بعكس جوركوف اللي يمر بأسوأ مواسمه نصري الاحق باللعب اساسي
مفيلا لاعب ممتاز لاكن اعتقد انه فيه لعيبه احق بهالمركز تولالان ديارا ديابي افضل مستوى وخبره
وجود محور دفاعي بحت شي ضروري وواحد من الثلاثه المذكورين فوق لازم يكون اساسي
فيه ايجابيه بعد برجعة ديارا اساسي الا وهي الكابتنيه رجعت له بعد ماكانت مع نصري
واستغربتها من بلان صراحه لاعب مبارياته الدوليه ماتعدا 25 وعمره مايتجاوز الـ 24 يمسك كابتن !
رغم انه منتخب شاب لاكن على الاقل يمسكها من اللي شارك بيورو 2008