|
جمهور مع الخيل يا شقرا ..!! اتعجب من بعض الجمهور الهلالي وليس في هذا الوقت ولكن على مدى خمسه وعشرون عام ربع قرن ونا اسمع كلام يسم البدن عن نجوم كبار في السابق الاعب لايصله الا القليل القليل مما يقال ,نقاش كروي في المجالس ينتهي بنهاية المجلس الان الوضع اختلف ويلزم توضيح الصوره سمعت من يطالب بعدم اشراك نجوم كبار سعد مبارك حسين الحبشي مرورا بصالح النعيمه و فهد المصيبيح و سامي بسبب انخفاض المستوى حتى يوسف سمعت من طالب باخراجه اي شخص يمر بمرحلة انخفاض مستوى سواء كان لاعب ولا طبيب كل عمر له ضروفه وخصوصيته حتى خلال السنه الواحده... مستحيل يكون الاداء على وتيره واحده..... الشيء المشترك فيمن ذكرت انهم يعودون افضل واجمل واكمل مما كانو والشواهد كثيره, يوسف الثنيان في اخر موسمين له اصبح دخوله يعني قلب النتيجه بختصار لصالح الهلال...... سامي الجابر ما قدمه في اخر موسمين للفريق يعادل ما قدمه خلال حياته كلاعب وما يقدمه ابو عبدالله الان يثبت ان نادينا يسير في الطريق الصحيح على الامد البعيد الشيء المؤسف ان بعد هذا التوهج يكون الاعتزال ياسر محظوظ بان سامي بقربه فهو مر بهذه المرحله وشاهد الكثير من مرو بها كيف كانت نهايتهم.... ارجو ان تدرك الجماهير ان مشاركة ياسر بيد المدرب ولا يعنيه ياسر بقدر ما يعنيه نجاحه الشخصي, فشل اي مدرب في الهلال يعني العار في عالم التدريب من وجهة نظري.... من يشاهد المباراة مره واحده و لا يتابع الاعبين البعيدين عن الكره فهو يخطيء في حق فريقه عندما ينتقد بصوت يصل المنقود.... ياسر وزنه زايد وهذا شيء طبيعي الاي انسان يقبل على الثلاثين في العاده, جسم الانسان يتغير مع المراحل العمريه وليست فقط طفوله ومراهقه وشباب وكهوله. حل مشكلة ياسر حاليا بيد ياسر فقط لاننا لم نصل بعد في الهلال الى هلال الحلم ليس بالبطولات فقط بل في كل شيء ولاكني ارى اننا في الاتجاه الصحيح الى كيان اعتباري مستقل ذو سياده على املاكه باهداف غير ربحيه بهيكليه اداريه تحقق انجزات اجتماعيه ورياضيه وثقافيه..... جسم الانسان عباره عن اله تفنا وتعود الى اصلها سبحان من صنعها بيديه واكرمنا ان اودعنا في احسن تقويم الروح هي المحرك,,, في لغة اليوم يسمونها النفس... ياسر يتعرض الى تجربه اجزم انه لم يمر بها اي لاعب سعودي..... تصور يتم استدراجك ويكون كمين وينسب لك ماليس فيك في ما يمس العرض و يتم ترديده حتى من الاطفال..... ياسر رجل منضبط ورب اسره ولد ناس ويكفي انه غير مدخن ولم نسمع عنه كما سمعنا وعلمنا عن بعض الاعبين السعودين.... ما يتعرض له من حرب بكافة الاشكال والالوان لا يحتمله ويقف امامه الا رجل وليس اي رجل.... المدرب متمسك فيه والاداره متمسكه فيه وهو متمسك بالهلال ..... لماذا نشوش عليهم في كلام ما منه فايده؟؟؟ الاداره يهمها النجاح بغض النضر عن العناصر والمدرب يهمه الفوز ولن يسمحو لاحد ان يقف في طريقهم او تعطيلهم كل ما تقوم به هو شوشره على لاعب يهمك يكون ذهنه صافي للمباراة القادمه قريبا وفي النهايه قرار مدرب مو عاجبك الاداء؟؟؟؟ لا تحدد لاعب قل الفريق سيء لكن لا تقول فلان سيء ياسر لاعب كبير ومن طراز نادر حافضو عليه ولا تكونوا ضده في مرحلة التعافي والعوده ثثقتي في رجالات الهلال تجعلني اتصور مشاهدة ابو عبدالعزيز قريبا يكفي من مرجلة ياسر وقرر ان يكون النادي بختياره وليس من يدفع اكثر رغم انه حق لاحمد الدوخي لا اعلق عليه بشيء ومن يعلق فقد اخطاء ولكم في الخواتيم عبره. اعتذر عن الاطاله في الموضوع للزوم توضيح جميع جوانبه تحياتي للجميع |
يعطيك العافية اخوي وياسر يبقى المهاجم الاول بالكرة السعودية وايضا جمهور الهلال من حقه ان يعتب عليه لانه ياسر وايضا يجب ان نتذكر الحملة والهتافات ضد ياسر وياسر مثلا في مباراة الاتحاد لما نزل احمد علي ظهرت خطورة ياسر لانه فك الحصار عليه وياسر ايضا يفتقد لصانع لعب حقيقي بالاخير بالتوفيق للهلال وشكرا لك اخوي |
يا ليت قومي يفقهون يا/ (درجه اولى) لكن للأسف أنت ومن يؤيد تفكيرك معرض للهجوم من قبل جمهور المشاعر والآراء المتذبذبة قبل امس يرفعون في ياسر وفي غير ياسر اذا سجل هدف أو صد هدف أو دافع صح وبكره يقولون فيه كلام جارح وحاد وتقول لهم ليش, يقولون لا لا هذا نقد !! انا سويت موضوع قبل امس ورابطه موجود في التوقيع, وكالعاده جمهور النقد المقنع هاجموني, لسبب واحد لانهم ما كملوا قراية الموضوع كله بتركيز شديد, كنهم يقرون خبر في جريدة ع الطاير !! اذا الشخص يبي يناقش رأي الآخر لازم يقراه كامل وبتركيز كامل ولا النقاش هنا يتحول لمجرد كلام ما ينتج عنه أي شي. تحياتي لك ولأمثالك اللي يحاولون يمتصون الغضب ويهدون الأوضاع في مثل هالوقت الصعب اللي يواجه فيه النادي ضغوطات من جميع الجهات, فماله داعي نجي احنا يالجماهير ونزيد الطين مو بله بل 1000 لتر من البلات. تحياتي.. فهد/FaHaD |
.. يآسسر يمر بظروف يجب على ــآأ آلجمآهير الوقوف معه ومسآأندته بالتوفيق ل بو عزوز في قأإأإدم الآيآأم ..! :) |
اقول لله درك يا درجة اولى ياليت كل جمهور الهلال مثلك |
كلام سليم 100% يعطيك العافيه وبعدين اتمنى لو العالم تترك الانتقاد على جنب صار كل من هب ودب ينتقد تحياتي |
شكرا على المشاركه وفيه مثلي كثير كل هلالي ساند الهلال في نكساته يعتبر نفسه مشجع وفي |
كلامك جميل ورااائع المشكلة اذا قلنا مثلك او مثل اخوي فهد/FaHaD قالو أنت منت هلالي لكن يبقى ياسر نجم بلا منازع |
اللاعب ينخفض مستواه جوله جولتين خمسه شهرين لكن 3 مواسم منخفض مستوى ياسر :s5s: معليش اسمحلي كلامك على العين والراس لكن حنا نتكلم عن واقع ياسر انتهى الاصابات لعبت فيه نتأمل خيرا بشبابنا ان شاء الله يطلع لاعب من مدرسة الهلال ينسينا ياسر وسنينه |
هذهـ وجهة نظر المدرب و الله يوفق الزعيم |
ياسر افضل الموجدين حاليا في هجوم الهلال وشفنا هاذا الموسم عندما شارك المحياني والجيزاني واخيرا احمد علي المقلب الكبير ومافي لاعب واحد فقط يتحمل خانة الهجوم وحدة الحل بدل الفلسفة في اختيار احمد علي هو احضار مهاجم كبير علية القيمة يشيل الفريق |
إقتباس:
ايه ان شالله انت بإذن الله اذا لعبت مكانه بتنسينا ياسر وسنينه :d ياخوي وش فيك على ياسر كنه سارق حلال ابوك الله مير يسلمك ويخليك, وش فيكم شابين عليه انت وغيرك هاليومين كنه لاعب نصراوي اعوذ بالله. الله مير يصلحكم جميعًا ويهديكم للطريق الصواب .. قل آمين بس قل آمين .. تحياتي .. ^_^ فهد/FaHaD |
الجمااهير الهلاليه بانتظااار عوده القناااص وهو مر بظرووف صعبه غير الهتااافااات اللي كل مباااره طرفهاا احد الاصفرين تطلع وبصووت العاالي نحن بنتظااارك يااابو عزوز وهذي مرحله وتعدي وباذن الواحد الاحد انك ترجع نفس اول واقوي |
ياسر كشخص على العين والراس لكن داخل الملعب فياسر متغير نعم الاصابات لها دور وتقدم السن له دور ولكن الروح ماعمرها تروح من اللاعب المسألة مو مسألة ان ياسر يسجل أو ما يسجل المسألة ياسر كيف تحرك وش عمل وين القتالية المعروفة عن ياسر أحمد علي لاعب مو هداف ولكن لاعب متحرك سواء لعب لوحده أو مع مهاجم ثاني بعطيك مثل للاعب هلالي شوف خالد عزيز لاعب أخطأ وانتقده الجمهور والاعلام أصيب ورجع من الاصابة ومستوى خالد أقل من عادي وصار لعب سهل المرور منه وتمريراته خاطئة وما احد انتقده لأنه يبذل مجهود في الملعب ويلعب بروح هذا اللي نبغاه من ياسر في الوقت الحالي أما تصاعد المستوى فمع الوقت |
شكرا لكل من شارك رغم انخفاظ مستوى ياسر لكنه حاليا الافضل اذا مقياس اداء ياسر في الملعب انه يجيب هدف فهذا ضلم كبير للاعب وللهلال واذا المقياس هل ياسر يؤدي ما يطلب منه داخل الملعب وهو مقياس عادل فياسر يستحق ثمانيه من عشره |
إقتباس:
طيب اذا كان هذامستوى اللاعب حقيقة يسجل في بعض المباريات ويختفي ويضيع كثير كثير اكثر من المعدل المحتمل ...؟؟ وش الدبره ...؟؟ كم ننتظر عشان نقول يمكن انه انخفاظ في المستوى ؟؟؟؟ كم ننتظر شهر شهرين ؟؟ ومنك اخي نستفيد .. |
إقتباس:
الله عليك قلت اللي ابي اقوله ولاحرف زياده على كلامكــ |
والله كبير يا درجه أولى كلامك في محلــــه 10000000 % لأهنت يالغالي |
طيب عن المدرب : بسألك إذا كان بالامكان " و نحن نعرف ذلك " أكثر مما كان ؟ وش معنى ذلك ؟ الهلال لديه الكثير و لكن المدرب جباااان |
مشكور على الموضوع لكن بعض من جمهور الهلال يقولون ياسر ممنوع الانتقاد حتى لو كان مستواه سيء جدا جدا امااللعيبه الثانيين مسموح الانتقاد لكن الصراحه ياسر مكانه الاحتياط |
كلامك سليم ويعطيك العافيه ......... |
احرجتوني باشادتكم لكن الواحد كنه ينفخ في قربة مقطوعه ولا حياة لمن تنادي كل من يريد ينتقد ياسر اطلب منه طلب بسيط جدا روح الملعب ركز على ياسر اذا الكوره ماهي معه بعده تعرف ليهباقي الاعبين يلاقون مساحات للانطلاق من الاطراف انا ما امجد ياسر ولكن حتى وبعد انخفاض مستوه مقارنة بعطائاته السابقه يضل لاعب كبير بمستواه الحالي يشغل مخه ولاينتضر الكوره تجيه اتمنا من كل من ينتقد ياسر يكون عادل في نقده, انا قلت ان ياسر يستاهل ثمنايه من عشره على مشاركته مع الاتحاد ولو جاب هدف او صنع هدف لاصبح عشره من عشره ياسر يتعرض ما يتعرض له لانه هلالي وليس لانه القحطاني يعني يدفع ضريبة اختياره لكم ويعامل من البعض بهذا الطرح السيء ماهي من اخلاق الزعيم ولا اخلاق غالبية جمهوره |
اقول لله درك يا درجة اولى ياليت كل جمهور الهلال مثلك |
يالبى قلبك ياشيخ كلام كبير من عقليه كبيره الف شكر لك واتمنى لك الكتابه ليستفيد الاخرون عوافي ,, |
إقتباس:
أذكر بنقطتين مهمة أولها أن ياسر تحرك مع وجود أحمد علي وصنع كرة لأحمد الفريدي بعد مالقى المساحات وثانيا أن تحركات ياسر صنعت مساحات برضو لأحمد علي لكن كيف تعطي ياسر 8 من 10 ؟ على أي أساس تحكم ؟ تعال أراجعها معك واعذرني اذا نسيت شي ياليت تعرضها وتذكرني عرضية ولهامسون في نهاية الشوط الأول تعامل معها ياسر برعونة ولم يتركها لعبدالعزيز الدوسري القادم من الخلف ! استخلص كورة في وسط الملعب وحصل على فاول على اسامة المولد ! عرضية في الشوط الثاني لعبها لولهامسون ورجعت لياسر قدام المرمى ولعبها برعوووونة صناعة كرة لأحمد الفريدي 4 كرات في 90 دقيقة بواقع كرة كل 22.5 دقيقة بالله عليك كم تعطي تقييم للاعب مجهوده كله 4 كرات في مباراة كاملة أحمد علي كرتين في ربع ساعة تقريبا ولهامسون في اخر 10 دقائق احسب كم كورة استلمها أكثر 7 كور لي يونق عزيز رغم ان مستواه نازل الشلهوب الفريدي الزوري وأرجع وأقول أنا اعتذر اذا سقطت مني بعض الهجمات أو اللمحات لياسر سهوا أو نسيان تعرف وش الغريب في الموضوع أن ياسر هو اللاعب الوحيد اللي تنزل فيه مواضيع مدح دون غيره من اللاعبين مع ان الشلهوب انتقد وعزيز والعتيبي وولي من فترة كان الكثيرين يطالبون بالغاء عقدة والمرشدي وماشفنا حملة دفاع مستميته مثل ما حصل مع ياسر أوك كلنا نتغنى بأمجاد ياسر في الماضي مثل الثنيان وسامي وغيرهم لكن لما ننتقد ياسر على مستواه الحالي مو معقول نشوف حملة دفاع مستميته أرجع واتفق مع من يجرح في ياسر أو يتهجم فأنا وأنت وأغلب جماهير الزعيم بتتصدى لهذه الفئة السفيهة والحاقدة لكن لما اجي انتقد ياسر فنيا مثل أي لاعب هلالي لا يجي شخص ويقنعني بغير ماهو ظاهر أمامي ويعطيه 8 من 10 لمجرد أنه ياسر أعتذر على معلقتي واتمنى تعذرني فكل هذا حب للهلال ثم لياسر |
كلامك صحيح وممكن يكون تقيمي خاطيء احسب معي ثلاث نقاط اللياقته البدنيه ثلاث نقاط عدم وقوعه في اخطاء مهاجم من تسلل او استسلام للرقابه نقطتين التزامه بتكتيك المدرب والي ساهم في اجاد مساحات للاعبين الاخرين الهدف او استثمار ربع فرصه هذا توفيق من الله اذا ياسر سيء انتقد المدرب الي اشركه وفي النهايه المدرب يهمه نجاحه الشخصي ولا يهمه ياسر يلعب ولا ما يلعب بقدر ما يهمه الفوز شكرا لك ولكافة الاخوة على الرد وكل مشاركاتي بهدف واحد الفريق قدامه استحققات وعليه ضغوط اعلاميه ومستهدف و ولايجب علينا نشوش على الفريق او نصنع فرص للمعادين للهلال في صناعة خبر مثل الجمهور الهلال يطالب برحيل ياسر |
صدقت جمهور مع الخيل ياشقرا فيه من يقول ياسر الافضل وقيه من يقول الاسوا شي عجيب امركم |
ياخي انت ممتاز وليس درجه اولى اتفق معك بجميع ماطرحت ومن حق الجميع يقول هذا الجانب سيء في ياسر لكن الاخ ابوحمد كانك تقراء كتابات فوزي خياط (ياسر انتهى) يمكن تطابق افكار |
يسلمك ربي يا ثائر نبي الفريق يركز في المبارات الجايه خوفي من خبر يطلع الجماهير الهلاليه تطالب بابعاد ياسر فريقنا مو ناقص شوشره ولكم في تعاملكم مع حسن العتيبي عبره |
إقتباس:
أولا بالنسبة للياقة البدنية ياسر لعب مباراة كاملة لكن بدون أي فعالية الا في كرات معدودة هل تقارن جهود ياسر في المباراة مثل مجهود ولهامسون أو خالد عزيز أو لي يونق ؟ أما مسألة التسللات ياخي ياسر ماتحرك أصلا عشان يقع في التسلل ياليت ياسر يقع في التسلل ولا يجلس ينتظر الكرة توصله أما مسألة التحرك بدون كرة هذي شفناها آخر ربع ساعة بس مع وجود لاعب متحرك مثل أحمد علي أخوي درجة أولى انتقدنا العتيبي وهوساوي والشلهوب وكثير من اللاعبين وما قرأت لعضو يقول انتقد المدرب اللي أشركه آمالنا كجماهير متعلقة باللاعبين السوبر ستارز في الفريق وكلهم نجوم ولهامسون كان في مستواه والعتيبي وهوساوي والشلهوب مع انه لعب في غير مركزه وحتى الزوري في ثاني مباراة يلعبها كان مبدع ولمسنا منهم الروح لخدمة الفريق هذا ما شفناه من ياسر وتقول لي لا تنتقده انتقد المدرب ؟ بالنسبة لآخر نقاطك في الرد أنا بنتقد ياسر مثل ما انتقد أي لاعب هلالي آخر عشان مصلحت الفريق لأن اللاعب لازم يعرف ان الجمهور زعلان من مستواه لكن لكن لكن النقد مايوصل للتجريح ولا بكائيات ومرثيات وكأن اللاعب انتهى الاشكال هذي من النقد كلنا بنتصدى لها لأن ياسر باقي يمتلك شي كبير ولم يقدمه بعد واعتذر للرد للمرة الثالثة |
من افضل الكلام الي قيل في ياسر . |
يعطيك العآفية أخوي وكلآمك هذآ لآ ينطبق على كل الجمهور بكل تأكيد :::: :::: |
من ياااسر ؟؟ !!!!!!!!!!! |
مــوضــوع تُشكر عليه .. فيه نقطة بسيطة وهي : مسألة الوزن الزائد عند ياسر؟؟ ليس ضروري أن يكون لتقدم السن يد فيها , مثال بسيط من ضمن أمثلة كثيرة : الثنيان وسامي من طلعوا لين أعتزلوا وأوزانهم شبه ثابتة إلا في بعض الأحيان بعد العودة من الإصابة وهذه حقيقة ثابتة لا أحد ينكرها , أما ياسر لنا عيون ونرى ولله الحمد كان سريع وسريع جداً والآن أحكم بنفسك؟؟؟ هذا عدا عن مستواه لا أحد يستطيع إقناعنا بأنه ياسر زمان ومن كم سنة ومستواه في هبوط حاد وبالطبع لا أحد فوق النقد وأنت توافقني في هذا الأمر بالتأكيد .. أنا لا أتبع رأي أحد إلا إذا كانت وجهة نظره توافق وجهة نظري .. ورأيي هــو لن تجدي آرائنا بشيء إذا اللاعب نفسه لم يلتفت لما يقدمه هل هــو يوازي مكانة الزعيم الذي شرفه بارتداء شعاره وشارة قيادته؟؟ تــحــيــاتي لـكـ .. |
ياسر انخفض مستواه وكان نجوم قبل ياسر انخفض مستواهم مع وقفت الجمهور ارجعوا لمستواهم والله يوفق ياسر مع الزعيم |
كلام جميل ورائع عووووووووووووووووووووووووووووافي |
كلام سليم 100% يعطيك العافيه وبعدين اتمنى لو العالم تترك الانتقاد على جنب صار كل من هب ودب ينتقد تحياتي |
بس لا ننسى ان سامي هبط مستواه ورجع صانع لعب ... ياسر بالعربي رجل يسهر كثير ياسر ماهو منظبط في جدوله حنا نتابع ولا نطبل يهمني النادي اكثر من اي لاعب ياسر يجب مراجعة نفسه دام الجمهور يبيه ومتحمس لعودته ياسر امام الاتحاد انا متأكد انه كان سهران واضح من اداءها بالملعب انا ما انتقد ياسر كل لاعب يمر بظروف لاكن يجب الاهتمام من اللاعب اكثر .... كلنا شفنا احمد علي امامم النصر كان له بصمه بالمباراة وبداء يدخل مع اجواء الفريق .. وفجاءه رجع للاحتياط وجاء ياسر اساسي انا لي تحفظ عن ابعاد احمد علي عن التشكيل الاساسي امام الاتحاد تقدر تشرح لي.... يعني وش المشكله اذا صار احمد اساسي وياسر احتياطي دام اللاعب يجتهد .......!؟؟؟؟؟؟؟؟؟ |
اول شي اشكر صاحب الموضوع على الطرح ثاني شي لازم نكون صادقين في كل شي نقوله يعني حاليا نحتاج نخلي ياسر في الاحتياط لان احمد علي افضل منه وثالث شي اذا بتقارن ياسر في سامي ويوسف والنعيمه فانت غلطان مع احتراامي لك يااسر يحتاج يسوي نفس الي سواا وزياادة عشان يوصل لذولي النجووم |
|
مشكلتنا ببعض الاعضاء يجيك مطفي النور ويرد مسوي ذيب او يتذيكى فيه فرق بين لاعب تأدبه دكة الاحتياط ولاعب ذبحته الاهازيج والنقد الجارح السام من جمهوره ياليت الاذكياء يعرفون يفرقون بينهم، مشكلتنا بانصاف الاعضاء الي وجودهم غثا بال على المنتدى واللاعبين |
إقتباس:
كلامك خطير واتحدى اذا عندك دليل لايكون ياسر يسهر وانت معاه، يالكاتب الصميم اتهامك لاي لاعب يالسهر فهذا انتقاد للجهاز الفني والاداري للفريق فكيف لاعب راعي سهر ويكون اساسي واسطه يعني، مشكلتنا انا قلتها واكررها ماعاد نفرق بين الي ينقد لمصلحة لاعب او لتدميره انا متاكد مليون بالميه لو بنزل موضوع يخصك انت وعباراته كلها اهازيج مسيئه لك وتخيل لو كل عضو سوى معاي هالحركه والمشرفين يتفررجون علينا بتتكب موضوع او ترد على موضوع اتحداك، هذا هو الي حاصل بالضبط لياسر بالملعب يافاهم. |
| الوقت المعتمد في المنتدى بتوقيت جرينتش +3.
الوقت الان » 12:05 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd