الى متى ؟! - نادي الهلال السعودي - شبكة الزعيم

9 هلاليه ماركه 20 · #1 06/04/2011, 01:33 AM

السلام عليكم يا زعمآء

الف مبروك الفوز الهزيل نوعا ما كما سماه [ فيصل ابو ثنين

ولكن الاهم هي الثلاث نقاط وبإذن الله نواصل تحقيق الانتصارات
وهاردلك ل جيرانا الـ "متعوده دآيمن"

.. اللهم لا تجعلنا من الشامتين
المستوى اليوم حقيقة ماكان يطمن
ولا يمكننا ان نضمن الآسيويه ب هذا الشكل
دفاع غير منسجم ! , وباصات متسرعه , ومدرب متقلب التكتيك ... : )
ع العموم هذا مو موضوعي لان له مكان يناقش فيه
موضوعي هو مهازل القنوات اولا
الى متى قنواتنا العربيه ما يعلمون معلقيهم معنى كلمة " الحياد "
الكل يردد نفس الجمله بأن اسيا عقدة الهلال وانها لا تريده
من انت حتى تحلل و تتكلم عن امكانيات الفريق ؟! ياخي علق وبس !
يعني الصراحه يا بخت الي ف الملعب يشجعون ولا يسمعون صياح الخصوم ابداً
والشي الثاني هنا في المنتدى ...
هذا الموضوع شاغلني من سنين
المنتدى كل سنه او كل شهر يتطور ويتزايد عدد عشاق هذا الصرح العظيم
- الى متى و صور المباراه تجلس بالساعات ما تنزل في المنتدى !
ليه ما نصير مثل المنتديات الاوروبيه الرسميه حتى قبل نهاية المباراه تنزل الصور
ليه ما يصير فيه فريق تصوير رسمي للمنتدى وليس مصور فوتوغرافي يرفع الصور ويحمل ويتعب ل وحده
مابي اطول الكلام المعنى واضح كما ترون
والله اتمنى جدددددا ان ادارة المنتدى تنظر في هالموضوع بشكل جدي

ختاما عندي صوره كل ما نفوز ب 3 احطها سواء ف البي بي او المسن

وقلت هالمره شاركوني اياها لاني اليوم كنت اراهن ع الثلاثه

* بالتوفيق للزعيم دائماً وابداً و الله يدوم هالافرآح عليكم يالرقم الصعب ونحقق الفرحه الكبرى

وحدك آبيك · #2 06/04/2011, 02:59 AM

هذا الموضوع شاغلني من سنين
المنتدى كل سنه او كل شهر يتطور ويتزايد عدد عشاق هذا الصرح العظيم
- الى متى و صور المباراه تجلس بالساعات ما تنزل في المنتدى !
ليه ما نصير مثل المنتديات الاوروبيه الرسميه حتى قبل نهاية المباراه تنزل الصور
ليه ما يصير فيه فريق تصوير رسمي للمنتدى وليس مصور فوتوغرافي يرفع الصور ويحمل ويتعب ل وحده

آحب آقوولك آختي الكريمه آن موضوع تنزيل الصور موب خذني جيتك على طوول
يبي لهآ عدت شغللآت آول شي تقليل من حجم الصوره ثآني شي رفع الصور برآبط يعني 50
صوره يبي لهآ على آلآقل سآعه لو سرعه آتصآلك 8 ميقآ

مـٍلآمـح شمـآلـيّ · #3 06/04/2011, 03:03 AM

يآخوي المدرب يحاول انه ما يجهد اللاعبين عشان كذا مالعبو بكل جهدهم
اهم شي ثلاث نقاط من اقل مجهوود يالغلا

ناصر الثنيان · #4 06/04/2011, 03:04 AM

أختي ...
ترى تنزيل الصور مو سالفه هينه .. في شغالات كثير لازم يسوونها
عشآن تنزل الصور .. وبالعكس انا من وجهة نظري
ان مافي اي منتدى نادي عربي يقارن باحترافية ادارة شبكتنا .. وكثر الله خيرهم مو مقصرين ..

وبالنسبة للمعلقين .. الله يخلف علينآ .. يعني دولة بحجم المملكة العربية السعودية .. معقوله مافيها قناة متعصبه 100 % لاندية الوطن ..؟؟
يعني شي يقهر بصرآحه .. خصوصا يوم تم افتتاح لاين سبورت .. استبشرنا خير .. لكن الطامه الكبرى وبمباراة لفريق يمثل الوطن .. تروح تجيب لي معلق من نفس جنسية الفريق الخصم ... شي مايدخل الراس
وانا شخصيا استبشرت خير .. يوم سمعت عبدالله الحربي معلق بقناة الكأس .. لكن انصدمت من بروده .. شكله خش جو انه قطري صدق

لكن كل هالاشياء هذي والعوامل اللي تصير ضدنا نحن كمشجعين
عندنا نادي القرن بانتصاراته ينسينا اياها ..

آسف على الاطآلة ....

حمد القصيم · #5 06/04/2011, 03:06 AM

ادارة الموقع مو مقصرة في التغطيات .. جهود كبيرة يشكرون عليها

شكرا لك

9 هلاليه ماركه 20 · #6 06/04/2011, 03:12 AM

انا ماقلت الاداره قصرت
وادري ان رفع الصور ياخذ وقت
وعشان كذا لازم يصير فيه مركز رفع مخصص للشبكه وهذي اول خطوه
والامير بندر بن ثامر الله يطول في عمره لو دعم هالموضوع صار بسيط
يعني شوفوا الحين .. 5 ساعات مافيه الا موضوع واحد ل صور مباراه اليوم
حياكم الله

هلآليه للآبد .. · #7 06/04/2011, 03:20 AM

كلام صحيح ..

بالتوفيق لزعيمنـآ دومـاً ..

الله يعطيك العافيه , لآعدمنآكك

βđrе Зlееқ } .,, · #8 06/04/2011, 03:20 AM

انا ماراح اتكلم عن معلقين القنوات لاني تابعت المباراة فـ الملعب
..

أبي اتكلم عن نقطتك الثانية الي هي تأخير انزال الصور من مصورين الشبكة
بصراحة مالك حق تنتقدينهم عشان سبب تأخير ساعة او ساعتين
مصورين الشبكة الله يعطيهم العافية مو مقصرين الله يوفقهم ويبيض وجيهم
تركوا أشغالهم وانشغلوا عن أهاليهم من أجل الهلال ومن أجلنا ويتعبون من اجل وضعنا في الحدث
وأحنا بس جالسين ببيوتنا وننتظر الصور تنزل واحنا مرتاحين ، فوق هذا كلة تبينهم مايتأخرون بتنزيل الصور
مع اني مآشوف فيه تأخير يمكن اسرع شبكة عربية من حيث التغطية شبكتنا الله يخليها لنا
واذا على ساعه او ساعتين وش وراك انتي لو انتظرتي ساعه او ساعتين وانتي مرتاحة بالبيت
اقل شي نحسسس بتعب المصورين

( أتوقع أقل شي نسويه لهم , إننا نشكرهم وندعي لهم بالتوفيق )

عوأأأفي

-HM_1 · #9 06/04/2011, 03:23 AM

صدقتي وخاااصه المعلق اللي بلاين سبورت
ولاحظنا تفااعله مع هدف الجزيره الاماارتي

عاشق التسعاوي · #10 06/04/2011, 03:27 AM

ان اقول ان الي وصلنا لهالمستوى تسجيلن هدفين

في اول ربع ساعة وهاذي مشكلة يعاني منها الهلال بشكل

كبير والموسم يشهد والادارة ماسوت شيء لهالمشكلة

وبالنسبة للصور اعتقد يبيلها شغل كثير قبل ماتنزل

عـوافـي