ذكاء موبايلي الخارق وجماهير النصرالغبية التي شربت المقلب .. حلا محلي - نادي الهلال السعودي - شبكة الزعيم

waleed15 · #1 22/03/2011, 12:42 PM

السلام عليكم ورحمة الله وبركاته
كلنا شاف اعلان موبايلي الاخير بخصوص باقة حلا محلي ....
اعتبرها بعض الجماهير انها دقة قوية وتلميحة بما يسوقه الفكر النصراوي عن ان الهلال فقط محلي
وان العالمية حكر عليهم .. واللي يسمعهم يقول كل سنة مشرفيننا بالعالمية
هي مرة وبيضة ديك وشاركوا فيها يوم كانت البطولة Trail او Demo كما يعرف أهل الكمبيوتر عن هالمصطلحين ومن خلال الترشيح والتصويت .

عموما ماعلينا ...
موبايلي اطلقت هذي الباقة حلا محلي لانها تعرف انها ستنتشر بين اوساط جماهير الفقر كالنار في الهشيم خاصة
والجماهير الكارهة للهلال عامة
وهذا هو الهدف الاولي لكل اعلان هو الانتشار ومعرفة الناس عن هذا الاعلان وترديده ..
مما يجعل البعض يفكر يجرب هذه الباقة لانه سمعها تتردد بين الناس بغض النظر عن ميولة ..
وهذا هو الهدف الاساسي التي تبحث عنه موبايلي هو جلب العملاء لهذه الباقة والاشتراك فيها مما يزيد الدخل
الذي ينعكس على شريكه الاستراتيجي وهو الهلال ....

قد لاحظ بعضكم من بعض اصدقائكم وزملائكم النصراويين يتريقون على الهلاليين بهذه الباقة انها والله قويه بحق الهلال انه محلي ..وهو بنفس الوقت مايدري انه قاعد يسوق لهذه الباقة من دون ان يشعر ...
فقط رد عليه بهذا الرد وسيصمت ..
(موبايلي وضعت اسم هذه الباقة علشان مثلك واشكالك يسوق لها مجانا والهلال وموبايلي في الاخير كسبانيين من غبائكم ). احلق حواجبي اذاشفته مره ثانية جايب طاريها

.

وأكبر دليل ادخل منتداهم حاطين كليبات تريقه على الهلال المحلي وداخل الكليب جايبين كل الاعلان حلا محلي ...
ياسلام هذا المطلوب سوق ياغبي منك له .

واذا تبون رد آخر ملجم لهم بخصوص هذه الباقة قل لهم:
(موبايلي حطوا لكم هذي الباقة علشانكم ماقدرتوا على البطولة المحلي فاستمتع على الاقل بحلا محلي هع)

كلمة لجمهور النصر وغيرهم لمن يتهكم بمحلية الهلال .. اقول لهم الهلال ولله الحمد كل سنة مشارك في بطولة اسيا
مؤخرا .. بالاضافة الى حصوله الى ستة القاب اسيوية .. فالوصول للعالمية ليس طموح وليس هو نهاية المطاف لكل فريق في العالم .. وعدم الوصول لايلغي تفوق الفريق عن غيرة .. فالزعيم لم يسمى زعيما عبثا .. حصد جميع البطولات بكل مسمياتها سواء محلية أوعربية أو قارية ..على مستوى الفريق أو اللاعبين .
سؤال من نادي القرن الاسيوي ومن نادي العقد الاسيوي ؟؟؟؟

جاوب انت واياه ... وترى اللي منح هذي الالقاب نفسه اللي منح المطوع لقب الهداف اللي انتم طايرين فيه ..
مع انه اخذ اللقب من قبل لايشوف فقركم .. الله يعينه عليكم ...

شكرا