21/03/2011, 09:22 PM
|
| زعيــم نشيــط | | تاريخ التسجيل: 08/08/2009 المكان: فـي قـلب مـن احـب ..
مشاركات: 927
| |
|
فعلآإ .. يآإسرَ هآبط مستوآإهـ َ وآلدليل عنديَ !!
السلام عليكم ورحمة الله وبركاته 
مساكم الله بالنور والسرور يازعماء وهارد لك على التعادل الي كان غير عادل وبكل امانه لامن ناحية اخطاء تحكيميه وحتى كـ اداء فني كان الهلال افضل وبكثير .. ولكن باذن الله كلنا ثقه ان العوض هو درع الدوري والفتره الي قدامنا والمباريات ماهي سهله ابدا وتحتاج لضرب الف حساب لكل فريق نواجهه ايَ كآن .. !
مانب كاذب عليكم واقولكم ان موضوعي تحليل فني للمباراة او ماشابه ذلك .. واعتقد اغلبكم يعرف ان هالعضويه اصلا ماتكتب في المنتدى وبشكل كبير .. ولالها ذاك التواجد المبالغ فيه الا في المشاهده فقط ..
في تصفحي للمنتدى بعد المباراة الاخيره الي بين الهلال والاتحاد .. كذا شخص ذكر عن المباراة انها سيئه فنيا وان اللاعب الفلاني سيء وفلان نسقوه وفلان اتعبنا من ثلاث سنوات وفلان وفلان وفلان وفلان !! وماكانهم ياسبحان الله متصدرين الدوري بفارق 6 نقاط ومتاهل الى نهائي كاس ولي العهد ووصيف مجموعته في اسيا لاوقدامه بطولتين مابعد يكملها الي هي كاس فيصل والملك !! .. في مثل اسمعه من الشيبان اذا شافوا الولد على العشا وعقب ماخلص وبلع قام يغني ويدندن .. يقولون له على طول ( من شبع فسق ) .. يمكن هالمثل هو الاقرب والامثل والاكثر تصوير لحال الجمهور الهلالي .. مازلت استغرب طرح الاخوان في مسالة تنسيق فلان وترحيل علان واردد في قلبي واقول الحمدلله انك مانتب رئيس الهلال ولا كان علوم 
ياجماعة الخير .. مازال الطرح عن ياسر وعن ماقدم ياسر وانه هابط وهابط وهابط ومن هالكلام .. كلنا ندري ونعرف وبالارقام ان ياسر الاصابات هالموسم قتلته قتل .. والي بيرد علي ويخالفني في هالمساله يرد علي بمنطق وباسلوب وبدون اتخاذ الفاظ (يامطبل , انت اصلا ماتحب الكيان , اقول ليتك ساكت ) !! رد علي واقنعني ياخي وانا اقبل .. ياجماعة الخير ياسر غايب عن اكثر من 8 مباريات في الدوري او 9 ومع ذلك هو ينافس على الهدافين بـ 10 اهداف .. وبفرق بسيط بينه وبين الاول ناصر الشمراني .. والي بيرد علي ويقول انه هاترك قدام الفيصلي وهاترك قدام الحزم .. ماقلنا شي فرق صغيره لكن ترا مهب ذنب ياسر انه مالعب الدور الاول مع النصر ولا مع الاهلي في الدور الاول والثاني ولامع الشباب في الدور الاول !! هذي هي الفرق الكبيره الي تقولون عنها وتطالبون ياسر يبدع قدامها صح ؟ ! طيب ياسر مالعب معها
ليه نغيب الحقائق ونكذب على انفسنا ونمشي خلف الستار الاصفر الي يحاول يثبت ان ياسر مايسجل الا بالانديه الصغيره بينما هو اصلا مالعب مع انديه كبيره الامع الاتحاد فقط !!
اما مباراة الاتحاد الاخيره .. كلنا شفنا الفشل الذريع لكالديرون في تشكيلته الي قتل فيها ياسر .. مستحيل تبغا ياسر يجندل لك الدفاع الاتحادي واحد خلف الثاني وهو مهاجم صريح ولحاله .. مستحيل ياجماعه مستحيل الا اذا كان ذاك اللاعب الخارق بالمواصفات الجباره .. !! خلونا نكون منطقيين ياسر كان محاصر من تكر ومن المولد ومن الصقري ومن الرهيب غير ان كريري يرجع في كذا كوره يمسكها من ياسر .. معقوله ياسر تبغونه يسوي الهوايل بين هالدفاع .. بدليل انه دخل محمد علي اللاعب المصري وفك الحصار عن ياسر وصار ياسر يسلم ويستلم مع زملائه ويلعب على راحته .. لان فيه مهاجم اخر معه ويفك الحصار عنه شوي !!
خآتمه : يطولي اعماركم يازعماء .. الي ماقرا الموضوع كله لايرد ويكون افضل لو يكرمني بمشاهدته فقطططط .. والي عنده اي شي يخالفني فيه حياه الله وعلى الرحب والسعه !!
|
الوضع الشجري
