الفودة مبررات لأول مرة في عالم التحكيم نسمع فيها !!!!!!! - نادي الهلال السعودي - شبكة الزعيم

معاند هلالي · #1 21/03/2011, 04:57 PM

هلا بجميع الزعماء

أكيد سمعتم تحليل الفودة ومواقفه معروفه ضد الهلال تعالوا أسمعوا التبريرات بأخذ أربع منها وأنتم أحكموا
الاولى ضربة جزاء مستحقة للهلال بعد لمس الكورة يد لاعب الاتحاد داخل منطقة الجزاء اللي نفذها الشلهوب

التبرير أن لاعب الأتحاد ماشاف الكورة وهي متجهة للمرمى
طيب قفزة اللاعب لين وصل للكورة ماهو اعاقة وتعمد تعطيل الكورة ؟؟؟؟؟!!!!!!!!!!
طيب وش رايكم نحشره في زاوية ونقول له نفس الحالة قال عليها بلنتي في مباراة التعاون والأهلي وعشانه لاعب الأهلي قال بلنتي وأسمعوا التبرير لان لاعب الأهلي شاف الكورة متجهة له وهنا تحتسب ضربة جزاء وقال الحق لانه نادي الأهلي مو الأتحاد

الثانية ضربة السعيد للفريدي
يقول الخبير التحكيمي الفودة الضرب المتعمد أو أستخدام القوة المفرطة سواء بالدخول أو الدفع القوي تستوجب الكرت الأحمر وبالتالي الطرد
هنا الفودة ينقض ينفسه لا وينتف نفسه بنفسه عندما قال أن السعيد لايستاهل الكرت الأحمر لانه دخل بالكوع بقوة فقط ويستحق الكرت الأصفر لا غير
عاد هاذي لاتعليق بقووووووووووووووووة

الثالثة الكورة اللي ردها اسامة المولد واللي كانت مشروع هجمة خطيرة وهدف لو عدت الكرة من اسامة وأتجهت لويلهمسون
هنا أختراع جديد للخبير الفودة يقول أن اسامة تفأجا بالكورة وانفجع المسكين منها عشان كذا لاتحتسب ضربة جزاء
يعني لو الكورة متجهة للمرمي هدف ولمست في يد المدافع وكان قريب نقول لاتحتسب ضربة جزاء ولايطرد اللاعب لانه تفأجا وردها من الفجعة (طيب مانلوم النزهان مع الأتحاد لما أخرج الكورة من الباب لان تفأجا بالكورة المسكين بحكم خبيرهم الاتحادي الفودة)

الرابعة ارتقاء ياسر مع تكر والمولد
يقول علامة التحكيم الخوذة قصدي الفودة
الثلاثة اللاعبين متجهين للكورة (صار سباق هجن) وفاز فيها تكر ودخول اسامة العنيف الغير شرعي في منطقة الجزاء والذي يستوجب ضربة جزاء ضد ياسر عاااااااااااااااااادي جدا !!!!!
تدرون ليه لانه اسامة قوي البنية والله معطيه العافية وعادي لو أعاق ياسر بالقوة الجسمانية
طيب ياشاطر لو تكر مافاز بالكورة الذهبية وراحت لياسر وش بتقول لاتحتسب ضربة جزاء

بصراحة وحدة من الثنتين ياهو متعصب للأتحاد ومنحاز ويضحك على عقول الجماهير ومتابعين لاين سبورت ولا ضرب حساب لاحد
او انه اغبى حكم على وجه الأرض ولايفقه شي في التحكيم ومفروض يحفظون كرامة الحكم السعودي من أمثاله
هل فيه أحد سمع مثل هالتبريرات من قبل ؟؟؟؟