21/01/2003, 11:45 AM
|
| زعيــم نشيــط | | تاريخ التسجيل: 08/03/2002
مشاركات: 930
| |
|
إلى كل بنت تحب الملابس الفرنسيه
بسم الله الرحمن الرحيم
تحيه للكل وأود التنبيه إلى أنني لا أقصد أحد أو فئه وإنما قصيده قلتها وبس....
يا بنت ياللي تلبسين الفرنسي
وتمسسينه فوق الأرداف مسّا
حمستي قلوب المساكين حمسي
وكل من شافك طال ليله ولا أمسا
الناس يراها يا بنيه تحسي
لا تحسبين ان العرب ما تحسا
انتي عرضتي البضاعه وتعسي
واللي يطلب السوق مثلك يعسا
أبديتي شي كان لازم يدسي
اللي عن عيون الخلايق يدسا
لين اجتمع وايل وهيثم وعبسي
مثل البساس اليا اروحت ريح بسا
وجيههم مثل المرايات ملسي
وعيون مرط والمناخير فنسا
لا ما يلتفت كنه مجبس بجبسي
خايف على الغترة تعطف وتقسا
كنه مربط فوق علباه حلسي
ودك تسوقه بين الاسنان بقسا
بنت الرجال اللي على الخيل ترسي
اللي وراهم يشبع الذيب فرسا
صارت تغنج بين كذلك وجمسي
وانحمس قلبي من فعايلك حمسا
شومي عن الدندنه والمجسي
اللي اذا ذكروا الطيبين.. يخسا
نسيتي ان اللي خلق جن وانسي
يمهل ولا يهمل ولا هوب ينسا
قادر على انه يحبس الروح حبسي
في ساعة وكل المخاليق خرسا
اضفي العبايه خلي العود مكسي
حتى يجي لك عريس وعرسا
وتبنين جيل يغرس الطيب غرسي
جيل خذا من سلم الاجواد درسا
وسلامتكم
اخر تعديل كان بواسطة » ابوسليمان في يوم » 21/01/2003 عند الساعة » 12:26 PM |
الوضع العادي
