اسمحوا لي اعلنها صريحه : ياسر هو سبب اعفاء سلطان بن فهد - نادي الهلال السعودي - شبكة الزعيم

[ البيرق الأزرق ] · #1 16/01/2011, 01:01 PM

سلام
...
كلا شاف الحمله الشرسه من الاقلام الصفراء ضد ياسر
...
واتهموه بـ انه سبب ضياع المنتخب
...
ولو ياسر غير موجود كان سجل الهزازي ضربة الراس والانفراديه
وكان ناصر الشمراني سجل انفراديتين بالمباراتين
وكان وليد عبدالله ما طلع بمباراة الاردن وترك الباب ع مصراعيه وتسبب بالهدف
...
لكن لان ياسر موجود بالمنتخب وكابتنه بالذات وترى ع فكره كبتنية الغنام ببطولة الخليج خلوها قضيه

:
صار عرض الباب قدام هزازي والشمراني متر واحد
وعكسه مع وليد عبدالله صار الملعب كله نص ومغطت المساحه
اللي يشوف خط النص ما يفرق معه هو داخل الـ 18 والا خارجه :niaaa:
ويوم شاتها لاعب الاردن تراه من داخل الـ 18 ولا هو من نص الملعب
لكن انتم يا عشاق ويامطبلين ياسر ترمون خطأ ياسر ع غيرهـ

وما تدرون ان الرؤيه انحجبت وتسببت بتلك العوامل الكوارثيه واسألوا حسن كراني ع انعدام الرؤية الصفراء

:

...
بعد كل ذي الكوارث من ياسر راح فيها سلطان الرياضه فـ شكرا ياسر ع انقاذ رياضتنا

:
...
ما ندري يمكن الزمن يدور ويروح فيها عضو الشرف النصراوي بسبب العابد

...

فمان الله

:noo:

غـرـرـرـرـريـم · #2 16/01/2011, 04:21 PM

انا مقتنع ان المنتخب كله كان سيئ بمن فيهم ياسر

الكل بدون استثناء كان سبب المهزله اللي صارت لنا من الرئيس للخفير

وباذن الله القادم اجمل

عاشـ يـ 20ــاسرــــق · #3 16/01/2011, 04:25 PM

احترم صراحتك .. لكن اخالفك الرأي ..

لا انكر ان مستوى ياسر لم يكن بالشكل المطلوب ولا انكر الحمله اللتي تم شنها عليه قبل البطوله شكلت ظغط وبحد ذاته جميع الجهاز الاداري والفني خذلو الكرة السعوديه .

اعتقد ان الاخفاقات المتتاليه وخسارة البطولات وعدم التأهل لكأس العالم والاموال التي دفعت من غير فائده ولا انجاز جديد هي الشاهد في اعفاء سمو الامير .

الزعيم mishary · #4 16/01/2011, 04:45 PM

يارجال لا ياسر ولا غيره الكل اللي خلى الامير سلطان يستقيل
اعلام ولاعبين وجهاز فني وادراري كلهم خلوه تحت ضغط والكل يطالب بالاستقاله
بس يوم استقال مافيه فايده كنك يابو زيد ماغزيت
المفروض الاتحاد كله يستقيل من رئيس ونائب وكل شي بس مافيه شي استفدنا منه
ويعطيكم العافيه ....

هلالية والفخر لية 2 · #5 16/01/2011, 05:20 PM

ماهو هين هالياسر انا بعد سمعت انه سبب في الانتفاضة الي صارت في تونس

fabri_4 · #6 16/01/2011, 06:10 PM

اجل فيه رئيس نادي يجي قبل بطولة مهمة ويتهم ياسر بلمنشطات ؟؟!
على العموم شيء متوقع الهجوم على ياسر في حالة الخسارة او الفوز ..

Blue.Heart · #7 17/01/2011, 01:19 PM

إقتباس

الرسالة الأصلية كتبت بواسطة هلالية والفخر لية 2


	ماهو هين هالياسر انا بعد سمعت انه سبب في الانتفاضة الي صارت في تونس

لوووووووول ههههههههههههههه

انتبه لاتسمعك فرنسا ثم تطالب بمحاكمة ياسر هههههههه

faisal_alzaeem · #8 16/01/2011, 06:38 PM

والله كل اللعيبة ماكانو في الرتم ومن ضمنهم ياسر...بس لانه الكابتن اكيد لازم يواجه الضغوط هذي

Carizma · #9 16/01/2011, 06:44 PM

الحمله كلها مادرى عنهآ ياسر ،
وباذن الله سيقود السعوديه ضد اليابان " وإضغط المضغوط أكثر "

بالتوفيق لـ بو عزوز مع المنتخب والهلال ،

زعيمنا ياسر · #10 16/01/2011, 10:05 PM

بلالتوووووفيق للزعيم في القادم من الايااام

عاشق شمر · #11 16/01/2011, 10:32 PM

اجل فيه رئيس نادي يجي قبل بطولة مهمة ويتهم ياسر بلمنشطات ؟؟!
على العموم شيء متوقع الهجوم على ياسر في حالة الخسارة او الفوز ..

سلطان0 · #12 16/01/2011, 10:33 PM

جاني خبر من مصدر مسئول ان ياسر هو سبب اعصار تسونامي وبسببه توفي اكثر من 100 الف شخص

فيجو فهد · #13 16/01/2011, 10:50 PM

شر البلية ما يضحك
لاياسر ولاغيرة سبب مباشر ، انما حال الرياضة كلها وتدهورها سبب الاقالة.
الله يصلح الحال ويعود ياسر ورفاقة

هباله ازرق · #14 16/01/2011, 10:56 PM

اسمحلي اخوي القرار من الملك وش دخل ياسر صار كل شي ياسر الله يهداك بس لاتقول ياسر هو سبب طرد زين العابدين بن علي خاف ربك صرت مثل جيراننا

[ البيرق الأزرق ] · #15 17/01/2011, 11:18 AM

إقتباس

الرسالة الأصلية كتبت بواسطة هباله ازرق


	اسمحلي اخوي القرار من الملك وش دخل ياسر صار كل شي ياسر الله يهداك بس لاتقول ياسر هو سبب طرد زين العابدين بن علي خاف ربك صرت مثل جيراننا

ياشين اللي يجي مدرعم ولا يدري وش السالفه