فكرة وتصميم :: القيصر رهيب
اعداد وتنسيق :: الهنوووف
في حياتنا أيام لا تنسى ..
حملت بين جوانبها أحداث ومواقف شتى ،،
تحكي لنا .. عن ذكريات ماضية
في سطور سوف تبقى خالدة
فـ بكل الحب والمودة نرحب بأعضائنا وزوارنا الكرام في عدد جديد
من يوم في ذاكرتي
ويسعدنا أن يشاركنا في هذا العدد
ضيفتنا المتألقة: «¤¶ .^ العنود^ . ¶¤»
السلام عليكم ورحمة الله وبركاته ,,
اول شي انا مرره مستانسه لان المجلس اول مره يعبرني
ويستضيفني بشي ,,,
ثاني شي جلست افكر لما طلبت مني الهنوف ,
, وعصرت راسي وش اليوم الي بحياتي وماانساه
ومابي اختار لكم يوم محزن لان كل واحد وله همومه
وسألت صديقتي وش اليوم الي بذاكرتي ومو قادره انساه طبعا
قالت لي شايفتني عايشه معك 24 ساعه اجابتها غبيه وما فادتني بشي مالت عليها << بتقرا الموضوع
المهم وسألت امي قالت اكيد اول يوم جامعي لك ,, << بتعرفون ليه قالت هاليوم بالذات لي
تعريف عن عائلتنا انا بنت بين 7 شباب >>> قولوا مشاء الله
وبما اني البنت الوحيده فـ اعتبر البنت المدلعه شوي
كانت فرحة امي وابوي شي مو طبيعي أن بنتهم بتتدخل الجامعه ,,
وحالوا اني اسجل انتظام
بس نظام جامعتنا اذا عندك (و) راح تتدخلين ماعندك تحويل على عمادة الانتساب على طول
بدون تفاهم << ادري بايخ الشعار
وقبلها ماكنت اعرف انو الانتساب لازم يدامون كل سميستر 3 اسابيع << كثر الله خيرهم ادري وبما انه اول يوم اداوم فيه ,, امي وابوي كانوا موصليني ,,
حضرتهم موديني الجامعه ,, الساعه 1 الظهر وانا محاضرتي الساعه 4
اول مادخلت الجامعه شفت اشكال غريبه مو متعوده عليها بالثانوي ,
, بالثانوي كانت البراءه شوي فينا
عكس بالجامعه يعني تغير 180 درجه
عاد كانت عندي محاضره بالمبنى التاسع ,, وصلت البوابه ,, المبنى قدام البوابه
بس من زود الدلاخه أسأل الامن عاد تتطالع فيني وتضحك قالت شوفيه قدامك
طبعا امي وابوي انواع الاتصالات ومن زود حرصهم مارجعوا البيت
جلسوا ينتظروني برا
المهم دخلت المحاضره وكانت اول محاضره رياضيات
وكملت باقي المحاضرات لين ماخلصت الساعه 9 بالليل ,, جيت ابي اطلع ضيعت ,,
وادق على امي اقول لها يمااااه ضيعت مدري وين اروح
عاد اجابتها كانت تضحك تقول امشي ورا البنات لين مايخرجون الا اشوف وحده لابسه عبايتها
,, قلت اكيد بتخرج ويلا وراها
شوي الا انا بالمكتبهواشوف زحمه مرره واطلع منها
واجلس الف نص ساعه ,,
في النهايه البوابه قدامي اثاريها قدامي من اول وانا الف عندها
والحمدالله طلعت , , واحنا راجعين ابوي الله يرحمه وقف عند مكتبه قال يلا ننزل نشتري كتب
عاد طبعا ماعنده خبره ,,
المكتبه صغيره يادوب فيها الوان ودفاتر مو حقت كتب الجامعه
,, اذكر الهندي يطالع فينا ويضحك
ورجعت البيت بعد يوم شاق وانواع الاحراج فيه
اهم شي استانستوا معاي ,,
كل الشكر للهنوووف
جزيل الشكر والتقدير لـ المتألقة ^ العنود^ وبالتوفيق لك في مسيرتك الجامعية
الى أن نلقاكم مع عدد( آخر ) وعضو ( جديد )
(¯`·._) الارشيف لـ يوم في ذاكرتي ][ (¯`·._)
\
/
تقبلوا أرق التحايا وأطيبها
من مشرفي و أستشاريي المجلس العام
::
الله يخليلك هلك يارب
هم متحمسين يدخلونك جامعة
وانا اقط جيهاني عند هلي عشان ادخلها ولا من معبر <<البداوة وماتفعل
المهم
بالنسبة للجامعة اكيد كبيرة وحوسة
واشين شيء فيها
البنات كلهم كبار ومدري طفش
وتلقين كل وحدة حاطة السماعات على اذونها ولازم طبعا كل ثانية ع المراية تعدل المكياج
ياشينهم بس مب مثل الثانوي
لبى الثانوي بس ليت ايامه ترجع
الله يوفقك وتكملين دراستك وتسعدين هلك
شكرا لصاحب الفكرة ولكل من بذل مجهود
حتى اللي ردوا فوق
كان هنا : اروانو وفي الدلع اروى
أهلا بالمنتدى الإستشآري .. و أهلاً بمن إنضمت إليكم مجدداً أختي العنوود .. يوم خفيف , و أكيد لا و لن ينسى !! .. رحم الله وآلدك و غفر له .. و أمَد لوآلدتك طَوآل العمر .. آمل من المولى لك دوآم التوفيق و النجآح .. دمت على خير .. عادل
بداية أسال الله ان يتغمد والدك بواسع رحمته , وان يجمعكم به في جنات النعيم ,, / يوم ملئ بالفهاوة والدلاخة , بس الجد .. ما الومك فيه لأنه اول يوم لك بالجامعة .. لان وقتها يكون بالك مشغول بامور واجد , ومو فاضي يعلمك وش الصح من الغلط .. دايم اي مكان تروح له اول ما يمححى من ذاكرتك , حتى لو ما صار لك فيه اي مواقف محرجة .. رغم مرور كم سنة على اول يوم لي بالوظيفة , الا اني اذكره بكل تفاصيله واذكر حتى احساس الغربة اللي انتابني وقته .. / يعطيك ربي الف عافية على اليومية , والله يجعل ايامك كلها سعادة ,,
\
ألف شكر القيصر والهنوف على الفكرة والاعداد والمتابعة والتصميم ,,
لدينا مشرف لا اعني ( ماجد مقبل ) واستشارية وبالتأكيد لا أعني ( الهنوووف ) .. لديهما شبكة علاقات اجتماعية واتصالات مكوكية .. تعد مرجعا ونبراسا لممتهني الاعلام والعلاقات العامة
يأتون ببعض الاحبة الاعضاء كأنهم ذهبوا للبحث عنهم في احراش انهار الامازون اللاتينية واحضروهم من هناك من بين فكي افعى ( الاناكوندا ) من اجل كتابة موضوع ! مع وعد منهما لـ ( الأناكوندا ) باعادة العضو اليه مرة اخرى
من وين طلعت ( العنود ) ؟
اعتقد ان الموضوع القادم من يوم في ذاكرتي يتطلب ان تكتب لنا الهنوووف قصة الوصول الى العنود وكتابة هذا الموضوع !
سبحان الله .. لدينا عينات بالاستشاري فظيعة
اهلا وسهلا بالـ عنود
قصة اليوم الاول بالجامعه كان خيارا موفقا .. لأنه دوما الخطوة الأولى في مرحلة ما أو عمل ما تقترن بمواقف لطيفة وظريفة تحتفظها الذاكرة طويلا
ولكن ان تبحث وقت طويل عن بوابة المغادرة وهي بالقرب منك .. هذه قصة أخرى
سعدنا بمشاركتك يا العنود .. ونفتقد موضوعاتك الجميلة التي كنت تتطرقين اليها في وقت سابق
نتمنى لك التوفيق ،،،
نشكر الهنوووف على جهدها الجميل
ويبقى السؤال : اين الـ قيصر رهيب ؟ ومن يكسب التحدي بين ابن مقبل والهنوووف