السلام عليكم .

هذا اول موضوع لي بالمنتدى العام .. صراحه اعجبني هالمنتدى بيغطي حبه على منتدى الجمهور

طبعا . لاحظت بالقسم تتكلمون عن عدة امور ونقاشات .

وفيه نقاش بيني وبين صديقتي ( اردنيه ) عن المجتمع السعودي بشكل عام . وصرنا نتناقش الى ان وصلنا نقاش حاد وشوي ولا نتهاوش

طبعا هي كانت تقول . ليش المجتمع السعودي ينظر للمجتمعات الاخرى بفوقيه .

طبعا انا قلت لها مو يعني انك في هالمدرسه وقابلتي كم بنت مغروره وشايفه نفسها تعممين على اكثر من 27 مليون شخص انهم مجتمع ينظرون للمجتمعات الاخرى نظره دونيه . وانهم هم مجتمع يعتبرون انفسهم فوقيين ( الناس تحت وهم فوق ) .. واصابعك مو سوى

هي قالت لي هالكلام وضربت لي عدة امثله

قالت ياختي ليش تروحين بعيد شوفي الحين البنات بالمدرسه . لما يشوفون بنت مصريه يتطنزون عليها ويقولون فول وطعميه ووو الخ . لما يشوفون سودانيه قالو عجازه ... الخ


هي كانت تقولي عن مشكلتها اول ماسكنت السعوديه . تقول ان بالمدرسه محد يعطيني وجه ولا يتكلمون معي ليش يعني لآني من جنسيه ( عربيه ) ؟

وتعرفون انتم النقاش يوصل الى عدة نواحي .

من الامثله اللي ضربتها لي . تقولي ليش الشباب السعوديين مايتنازلون يشتغلون اي شغله . مثلا لاقلتي له ليش ماتشتغل الشغله الفلانيه . قال ليش شايفيني هندي او مصري او او اي جنسيه اخرى



طبعا انا تكلمت معها . وقلت لها يمكن انتي دخلتي هالمدررسه وشفتي بعض البنات يعاملونك كذا عممتي على كل الشعب . وشوفيني انا سعوديه لكن اسولف معك وانتي صديقتي ومستحيل يوم من الايام قللت نظرتي فيك او الخ


انا احسها مااقتنعت . لكن انتم وش رايكم بكلامها ؟ بصراحه جاووبو مو بعاطفه

أعتقد أنها ما قالت إلا الحـق! فئة مو سهلة بمجتمعنا يشوفون بعض المجتمعات أنهم ولا شي!
وللأسف تراهم كثــير. أنا عن نفسي ما ودي أعترف بحقيقة مثل هذي، لكن الاعتراف ماراح يقلل مني. بالعكس هو الطريق عشان نصحح مشاكلنا ونعترف أنه مالنا فضل على أحد والفضل لله سبحانه وتعالى.

إقتباس من الامثله اللي ضربتها لي . تقولي ليش الشباب السعوديين مايتنازلون يشتغلون اي شغله .

هذي النظرة السائدة عن الشباب. لكن حبة حبة بدينا نخلع الرداء هذا وصرنا نشوف الشباب السعودي في كل مكان وكل مجال.
وطبيعي أي مجتمع ناجح ومتقدم لازم تكون الوظائف البسيطة من نفس أبناء البلد.

/،

هلا وسهلا فيك فالمجلس وان طالب لس المكان عاودي.

^^^
عشت
ياليل ذا ابو اكثر من 25 حرف

اهلين اختي هلاليـه ..وحياك في المجلس ..
بالنسبه للموضوع للأسف كلامـها صحيـح ..
ماقلت الا الصدق " .. الله يردنا اليه رداً جميـــلا ..

قسم يالله اني فقعت ضحك

عندنآ زول حق التصوير بالكليه واقوى تنتيف
نتفنآه لمآ قلنآ بس

اظن مجتمعنآ يحب " التنتيف " يعني يحب الاستهبال
حتى بيننآ يالسعوديين نذب على بعض

اظن النظره الفوقيه الي قلتي عنها منتشره بيننآ
واظن كل المجتمعآت مثل هالوضع ، قد استثني شرق اسيا منهم

وقولي لـ خويتك الاردنيه مآفيه مثل الاردن استصغار واستنقاص
وزرف للسعوديين خاصه
فلآ ترمي النآس بالحجر اذا بيتك من زجآج
لآ ابرر الخطآ الي حآصل عندنآ ولكن لآ ينطبع ويرتّكز بـ مخيلتنآ
آن النظره الفوقيه موجوده عندنآ فقط

إقتباس انا احسها مااقتنعت . لكن انتم وش رايكم بكلامها ؟ بصراحه جاووبو مو بعاطفه

المساله ليست مسآله من اقنع الاخر
ولكن هالشي صاير بكل مكآن .. وان حصل منآ
قولي لهآ العذر والسموحه .. اقلهآ على كلآمهآ قابلت سعوديه
مثلك مآ تنآظرهآ باستصغآر

انا رديت عليها بكلامها اللي يقولون صح هي صادقه

اولا . بالنسبه للسعودي اللي يرضى يشتغل اي شغله

نعم واقولها ليش السعودي يرضى يشتغل اي شغله براتب اقل مايقال عنه ليس طموح المستقبل ممكن يكون 1500 او تحت ال 4 الاف بشكل عام ! ليش . ومن ضمن هالغلاء العالمي وش بيكفي الراتب
دامك في دوله غنيه تقدر تعطي يوميا كل شخص من افراد هالشعب اكثر من الفين ريال .
دامك بحضن دوله غنيه تصدر النفط ويعيشون الملايين من خير هالدوله

ليش مانقول . نعم لايستحق السعودي انه يشتغل اي شغله دام الدوله اللي عايش فيها دوله غنيه

لو قارنا هالكلام بالاردن . ضروري الرجل بيدور اي شغله بأي راتب دام ان دولته نفسها فقيره او ماتقارن بالسعوديه
شي طبيعي بيدور اي شغله سواء كانت من طموحاته ولالا لآن الدوله فقيره ماتقدر تأمن مصاريف شعبها

..

هذا من بعض اللي قلته لهاآ .. يعني ماتعتبر فوقيه من الرجل السعودي

كلامها سليم وفـي قمة الصميم

ولــكــن اهم شي لا نعمم الكل ولــكـن يوجد اكثرية التكبر او اذا لهـ اسمي ثاني يمكن

ولــكــن لماذا شباب وشابات المملكة يتصفون بهذه الصفات

مشكووووورة ..

و الله وجهة نظري ان الاجانب هم اللي جابوها لانفسهم

ابسط كلمة تنقال عن السعوديين
المتخلفين و من طقتها

و رب البيت اعرف اجانب

من انولدوا و هم هنا

و من كلام امهم لامي انهم كانوا ماديا جدا ضعفاء

و السعودية عزتهم و رفعتهم

و مع كذا ما زلنا ف نظرهم متخلفين

الله من فوق سبع سماوات يشهد ع كلامي

عشان كذا طبيعي كردة فعل لاي شخص عنده احساس

انه يترفع عليهم !!

^^^^

أنا معاك في الي قلته .. كلامك سليم ..

بقولك شي ..

الشعب عندنا مختلط يعني .. بعض البنات تشوفين فيهن جرأه ووقاحه عجيبه وقلة حياء ماتشوفينها بالمجتمعات الثانيه ..

وبعض الشبآب سآذج وتافه وغبي ماتشوفينه ايظن بالمجتمعات الاخرى ..ولمعلوميتك

مو كل الاجانب نسوي لهم كذا ..

بعض الاجانب يخلونهم فوق روسهم ..
وبعضهم يستحقرونهم حتى لو كان مسلم على حساب نصراني عادي ..اهم شي المصلحه

هلا هلالية
قوليلها تقولتس قهوجية ألفقيها و لا يكثر
أن ما اقتنعت همسكي النباطة و بأقرب حصاة

للاسف كلامها صح
الشعب السعودي بشكل عام ينظر لأي انسان عربي
انه افضل منه !! وانه مسكين ماجاء للسعوديه الا يدور الريال !!

بخصوص الشغل والعمل
انا لو عندي شركه ماوظفت ولا سعودي
نبي تعرف السبب ؟ راجع دائره حكوميه الصبح
اخلاق صفررررر ويالله يتكلم معك .

بالنسبة لصديقتك الاردنيه كلامها سليم ميه ميه مااعمم لكن للاسف هذا الغالب في مجتمعنا
حتى لو واحد خاوى مصري والا سوداني
والله مايخلونه فحاله
يالمصري ..هههه مخاوي الصعايده انواااع الذب
وخذيلك مثال انا كان فقسمي مجموعة اوربيين يدرسون معنا ويتكلمون عربيه فصحى وواحد منهم مدري وش قال اظاهر اريد قلما
وشف انواع الضحك والتعليق الضعيف تفشل..
هو المشكله ميب عالفوقيه وبس انهم ياخذون فكره غلط عننا كعرب ومسلمين
انا نحاول نحسن الصوره من جهة وناس تخرب من جهة ثانيه الله يصلحهم
حسيت بربرتي واجد يعطيك العافيه مواضيعك دايم في الصميم
دمتي بخير
Just hilaly