يجي بين الخل وخله

جفوات وفراق

والشطاره في الترضيه وتطبيب الجراح

وحصل لي مع من احب جفوه

وكان تبريره لعدم العوده

(انا خايف)

وكتبت هالكلام وارسلته له

ورضت على طول

تدرون ليه؟؟

لانها قالت انها لمست فيه الصدق بس....

بسم الله


احبك ....
نعنبو قلبك...
ما حسيت في حبي؟؟
احبك....
قلتها مليون..
و تخاف اللحين من قلبي!!
وليه تخاف؟
انا شسويت؟
لاني في الهوى مجنون؟
اغامر ما اعرف دربي؟
تري شرع الهوى يابنت...
نحب صدفة....
ما ندري شلون....
ولا نحسب حساب الغيب...
نتكلم كما العاقل....
ونتصرف كما المجنون.....
ونقول ان المحبه عيب...
وهي حلوه...
ونبي نبعد عن العادات...
وتجي الجفوه....
وارجع لك ....
بدون حساب....
حساب الغيب....
تردي ليه؟؟
لان راعي الهوى مجنون!!
ولاني يا الغلا مفتون...
بك وحدك...
وانا احبك ....
.......................
تعالي نشوف وش سويت...
حبيتك...
واغليتك....
جرحتك ثم راضيتك...
ورجعت اجرح ولا راضيت...
ورضيتي دون ما اطلب...
تنازلتي عن العزه...
رغم الجرح والهزه....
ورجعت اجرح ...
ثم اجرح..
اهنتك وانتي بنت القوم....
ورجعتي لي بدون اطلب....
وتركتك في جراحك يوم....
وبكره لك رجعت اجرح!!
طبيعي يالغلا هالحال....
وش يعني ؟؟
وش سويت؟؟
ما يكفي اني احبك؟؟
واني ساكن بقلبك؟؟
فليه تقول لي خايف؟؟
كأنك عارف وشايف...
وش تخبي ...
علوم الغيب...
ما يكفيك...
اني ياغلا احبك؟
.....................
غريبه صدفة الملقى...
واغرب منها الفرقى...
سبب تافه...
سبب من صغره نسيته..
ذكريني..
من اللي فارق الثاني؟
انا او انت؟؟
من الجاني؟؟
صبي او بنت؟؟؟
او هو القدر والغيب؟؟
او هو قل حال الجيب؟؟
والا السالفه اكبر؟؟
والا من الحصى اصغر؟؟
او ما به سبب مقنع؟؟
او منظر...
تشوفه انت؟؟
انا اشوفه سبب تافه..
لكنه قدر مفزع..
ما تدرين ..
ولا ادري...
ولكني اكاد اجزم..
باني كنت لك بلسم...
واذكر..
آه هل تذكر؟؟
زمان الامس..
كلام وهمس..
نكته ترسم المبسم...
وضحكه تغسل العلقم...
انا اذكر..
واذكر اني احبك...
وربي باقي احبك....
......................
تعارفنا اخذ يومين...
ودخلنا الحب في لحظه...
وما ندري الدروب لوين....
وكلن في الهوى وحظه...
وحظي يوم حبيتك....
وحظك ما اشوفه زين...
لان ربي بلاكم بي !!
ورزقني بك للرحمه...
تساررنا ..
وتصارحنا...
وتعاهدنا...
ولكن الفراق اقرب...
من الميثاق..
وانا جيتك ابي اطلب..
باسم الاشواق...
ترجع لي...
ابيك بدينتي شمعه...
وابيك لمهجتي دمعه...
وابيك لقصتي الاوراق...
ابيك انتي كما انتي...
عزيزه في زمان الظلم...
قويه كالجبال الصم...
حنونه مثل صوت الام...
وانا لك فارس الاحلام...
اجيك من ارض الرياض...
بفرس ابيض ..
ناصع الغره بياض...
وفوقه يالغلا شخصي...
بقلب ابيض...
كما الغره...
واضمك بين جنحاني...
واهمس لك...
انا احبك ...
..........................

والله مافي اسهل منها الطش لك حدى القصايد اللي بالنت ياكثرها
وصاحبك على نياته..

شكرا

هههههههههههههههههههههههههه

فكرت فيها ياصاحبي

لكن عيب تكذب على من تحب هههههههههههه

وما حد يعبر عن ما في داخلك قد لسانك


يعطيك الف عافيه

إقتباس وما حد يعبر عن ما في داخلك قد لسانك

عشان كذا اكتب له قصيدة من نسج افكراك وعذوبة مفرداتك وخربشة اقلامك
كذا يصير الحب اطلق شيء

كلك نظر ياحلو ههههههههههههه

إقتباس تعارفنا اخذ يومين... ودخلنا الحب في لحظه... وما ندري الدروب لوين.... وكلن في الهوى وحظه... وحظي يوم حبيتك.... وحظك ما اشوفه زين... لان ربي بلاكم بي !!

كلمات تقطر ابداااااااااع

لا تحرمنا جديد يا شاعر المجلس

والله من الدلاخة توني استوعب الموضوع الحين انت اللي كاتب الخاطرة
وانا ردي الاول كان اتهام لك على فكرة<< احسب انك لاطشها

اعذرني اخوي ,,
كلمات رائعة صراحة دخلت جو وانا اقرأ والاحلى انك تعنيت وكتبتها

إقتباس ونبي نبعد عن العادات...

صعبة هذي
::
بانتظار جديدك

هههههههههههههههههههههههه

حياك اخوي وربي منور