أحبتي ,
قد يكون الموضوع متكرر وأبحرتم في تفاصيله من قبل , لكني سأعيد طرحه لسبب رئيسي , سأعيده
لـ وجهة نظر خاصه بي - أو طموح - بأن أغير , أو على الأقل الفت النظر , إلى الجوانب الإيجابيه العديده التي
يشملها الاختبار ,
****
تخيلوا معي , ولو أنه واقع قد حدث , وكان مرير, ومجهول الأسباب عند البعض لسنين !
" ثلاثة طلاب , حصلوا على نفس المعدل بالثانويه العامه - رغم اختلاف المدرسه واسلوبها التعليمي - وقدموا
طلبهم لنفس الجامعه , وقبلوا , وتخرجوا - وكانت الفروقات بالمستوى واضحه بينهم لكن الشهادة واحده - واستطاع
احدهم الظفر بـ وظيفة - وقد كان الأكثر اجتهادا و علما - , أما الإثنان فحصلوا على وظيفه بنفس تخصصهم , لكن
سرعان ما تبين لإدارتهم جهل الموظف الجديد و أخطاؤه المتكررة , و لم يلبث طويلا بالقسم حتى فصل منه ! "
نعم , رأيي بإن كثرة قبول الجامعات للطلاب دون معرفة مستواهم الثقافي يولد الـ " بطاله " للمجتمع ,
ونصبح بأمس الحاجه إلى المهنيين ولا يتوفرون لنا ,
في نفس الوقت الذي تتوافر فيه أمواج من الأدباء و المؤرخين و المحاسبين ووو ,
****
العلاج كان " ذكي " من أصحاب الشأن - لايمنعنا ذلك من القول بتأخره , لكن حمدا لله على قدومه على أية حال -
ألا وهو " اختباري القدرات و التحصيلي " , هذا هو المقياس الحقيقي لـ اجتهاد الطالب واطلاعه و قياس معرفته ,
وهو الفارق الحقيقي بين طالب حصل على شهادة معدلها - 96% مثلا - رغم عدم حضوره , و بعد أن
- استفاد من الدروس الخصوصيه من مدرس الماجه قبل الاختبار بيوم - , وبين طالب آخر حصل على معدل الـ 90 ,
وقد كان خير مثال للجد والاجتهاد والحرص ,
لا تنجح أي مؤسسة إلا بنجاح أعضائها أولا , و اعضاء المؤسسه لكي ينجحوا لابد من أن يكونوا ممن نجح باجتهاده ,
و نجاح المؤسسة , تلو المؤسسة , ينهض بمجتمعنا اجتماعيا , واقتصاديا ,
****
لم أقرأ أو أستمع حتى الآن نقدا عقلانيا خالي من المصالح الشخصيه للطلبه - سواء منهم أو من آبائهم -
حتى الآن ,
آمل أن يشارك كل من قرأ الموضوع برأيه ,
و آمل من طلاب الثانويه خاصة المشاركه ,
أعلم بإنه يتواجد بنفس القسم موضوع خاص لاختبار القدرات , لكني لا أظن أن ما طرحته هنا قد يكون مقبولا
بذلك الموضوع لكثرة الطلاب هناك , الذين يأخذون الموضوع بطابع " درامي " يتماشى مع موقفهم ,
عموما لن يضيع حق انسان ما دام الله قد كتبه له .
هلا وغلا ،، أتفق معك تماما بما طرحت وبحكم إني خضت تجربة القدرات قبل قرابة الأربع سنوات أو أكثر ،،
أشوف الاختبار مقياس حقيقي لمقدرة الشخص العقلية في اللغة والرياضيات والمنطق
على العموم حاليا فيه نظام التحصيلي وهو اختبار على مناهج الثانوي عامة وثالث ثانوي بشكل أخص وله النسبة الأكبر من القبول
يعني حاليا فيه ثلاث شروط للقبول ومنها نخرج بنسبة مركبة 1- التحصيلي وغالبا هو الأكثر 2- القياس . 3- الثانوي
والنظام هذا عادل لأبعد درجة ،، وبرضو بعد هالأنظمة كلها فيه سنة تحضيرية تؤهل لأفضل التخصصات حسب المعدل في السنة
المحصلة هي دخول أفضل الطلاب لأفضل التخصصات بعد مراحل تصفية كثيرة وهذا من صالح التعليم والمجتمع بشكل عام !!
وأغلب المنتقدين يتكلمون من عاطفة ووجهة نظر للمصلحة الشخصية وليس العامة ،، يا ما طلاب دخلوا تخصصات ممتازة
وكانت شهادتهم الثانوي بالغش ،، وهذا حقيقي وواقعي ومنتشر بشكل كبير سابقا وأعرف
أشخاص يتكلمون عن أن نسبهم العالية أتت بـ"التغشيش" من المدرسين بجميع الاختبارات !!
وهالسبب يخلي طلاب أفضل " علميا " و " عقليا " يدخلون تخصصات أقل من نظرائهم " الأقل " بسبب الغش والفزعات ^^
* اختبار القدرات والاختبارات الأخرى كلها تؤدي لتطوير " المخرجات " االبشرية وتطوير " التعليم " أيضا ،،
تحياتي لك كاتبنا الكبير وأهنيك على طرحك المتميز كالعادة .
والله بالنسبة لرأيي يختلف .. إختبار القدرات والتحصيلي لا تنظر للفائدة المرجوة منه .. بل إنظر للمحتوى الرئيسي , إختبار معقد , وصعب , وغير عادل !
هل إصبح مستقبلنا وطموحنا هو مجرد إختبارين وليست إي إختبارين كأنها نزلت من كوكب المريخ , ما يحتوي على قواعد وانظمة معينة من ناحية الإسـئلة , عشوائي , اغلب النتائج سلبية وعكسية ..
يعني المشكلة بالمحتوى , يعني لو كان إختبار نفس المواد .. ممكن تعرف وش تراجع وتدري وش راح يجيك ؟! هنا عشوائية بالأسئلة بالرغم من انها كلها إختيارات ..
الإستغراب يأتي ان الذي في صف الثاني ثانوي ستاتيه اسئلة خاصة لطلاب ثالث ثانوي , في هذه الحالة وش راح يسوي الطالب ؟! يعطونه اسئلة ما اخذها اصلاً ؟! ما تجي بالعقل المفروض كل فصل له اسئلة !
حتى يعطونه اسئلة يقولون انها ما تحتاج تستخدم الحاسبة خخخ بمعنى انها للإذكياء جداً واللي يحسبون بدون حاسبة وش شايفينا الخوارزمي ؟!
المهم اللي بوصله .. الفكرة والهدف من الإختبار جيد .. ولكن طريقة الإختبار هي المعضلة الكبرى .. طريقة مجحفة !
اشكرك Glamorous Madrid على طرح مثل هالموضوع المفيد
كلامك جميل وأتفق معك، لكن اسمح لي بالتعقيب على الأخ GALACTICOS
إقتباس
الإستغراب يأتي ان الذي في صف الثاني ثانوي ستاتيه اسئلة خاصة
لطلاب ثالث ثانوي , في هذه الحالة وش راح يسوي الطالب ؟!
لا يوجد أسئلة مخصصة لطلاب ثاني ثانوي ولا ثالث ثانوي. اختبار القدرات يقيس قدرات تم اكتسابها من بداية الالتحاق بالتعليم العام إلى المرحلة المتوسطة أو إلى الصف الأول ثانوي على أعلى تقدير.
إقتباس
حتى يعطونه اسئلة يقولون انها ما تحتاج تستخدم الحاسبة خخخ
بمعنى انها للإذكياء جداً واللي يحسبون بدون حاسبة وش شايفينا الخوارزمي ؟!
هذا غير صحيح " ليست للأذكياء جداً ". لأن الأرقام بسيطة وليست كبيرة معقدة. ربما ما أشكل عليك هو الأعداد الكسرية التي تعتقد أنها للأذكياء جداً بينما هي من أبسط المهارات الرياضية.
اهلاً glamorous .. موضوع مثل ما يقولون على الجرح خخ ، واتوقع بـ تتعب مع الردود اللي ما راح تتقبل كلامك ..
إقتباس
تخيلوا معي , ولو أنه واقع قد حدث , وكان مرير, ومجهول الأسباب عند البعض لسنين ! " ثلاثة طلاب , حصلوا على نفس المعدل بالثانويه العامه - رغم اختلاف المدرسه واسلوبها التعليمي - وقدموا طلبهم لنفس الجامعه , وقبلوا , وتخرجوا - وكانت الفروقات بالمستوى واضحه بينهم لكن الشهادة واحده - واستطاع احدهم الظفر بـ وظيفة - وقد كان الأكثر اجتهادا و علما - , أما الإثنان فحصلوا على وظيفه بنفس تخصصهم , لكن سرعان ما تبين لإدارتهم جهل الموظف الجديد و أخطاؤه المتكررة , و لم يلبث طويلا بالقسم حتى فصل منه ! "
نعم , رأيي بإن كثرة قبول الجامعات للطلاب دون معرفة مستواهم الثقافي يولد الـ " بطاله " للمجتمع , ونصبح بأمس الحاجه إلى المهنيين ولا يتوفرون لنا , في نفس الوقت الذي تتوافر فيه أمواج من الأدباء و المؤرخين و المحاسبين ووو ,
مثالك هذا لخّص علي اشياء كثيره في بالي .. يعني مثل ما ذكرت انت :
- سابقاً قبل اختبار القدرات كان سهل جداً ان الطالب الداج والسربوت يجيب نسبه عن طريق المدرسه الاهليه مثلاً .. ويدخل الجامعه " بـ فلوسه مش بـ جهده " .. - على العكس تماماً الوضع الحالي .. مستحيل تدخل الجامعه بـ الطريقه هذي ، اختبار القدرات والتحصيلي ايضاً موحّد على الجميع .. وخل المدرسه الاهليه تنفعك الحين ..
وما اتوقع فيه احد ينكر هـ الشيء .. القدرات اصبح مقياس حقيقي ومميز جداً ، ومستحيل احد يجيب فيه نسبه الا بـ قدراته ..
حالياً لو تسوي اللي تسوي .. في النهايه في اختبار قدرات وتحصيلي يحدد مستوى جميع الطلاب بدون تحديد وبدون ظُلم لـ اي طالب .. عكس الوضع سابقاً وانه الواحد يقدر يدخل مدرسه اهليّه ويجيب النسبه " بـ فلوسه زي ما يقولون " ويدخل الجامعه والقسم اللي يبي بـ اسهل طريقه وهو ما يستاهل ..
" موضوعك على الجرح بـ كُل امانه .. نادر جداً احصّل احد من الطلاب اللي معي في المدرسه او اللي في عمري يوافقني الكلام .. اخيراً حصلت على الانصاف خخ ..
ودعواتكم لنا يا شباب .. اختباري يوم الاحد 26 ديسمبر على ما اظن ، ربنا يعين ويوفق ..
الحمد لله لقيت واحد يمدح اختبارات قياس , اخوي شوف انا قبل فتره تخرجت من الثانوي واختبرت قياس ولله الحمد نتائج مرضيه جدا , واختبار زي ماقالوا اخواني الي قبلي علقوا يميز الطالب الي جايك بمدرسه اهليه ولا بقريه ويعرف المدير والمدرسين كلهم وجايب نسب خرافيه عن الطالب الي جايب نتيجه تعكس مستواه الدراسي الحقيقي , ونفس الكلام بالسنه التحضيريه , انا الان فيها وصراحه الهدف منها زيادة لغه , عندك لغه بتمشي زي المويه مع شويه رياضيات ومواد علميه , على كل اجدها خطوه ممتازه هه الاختبارات.
,
أنا أخالفك , و إختلاف الرأي لا يُفسد لـ الود قضيّة ..
/
بعطيك حادثة حصلت معي قبل سنتين .. في إختبار القُدرات , واحد من العيال في الفصل الله يذكره
بـ الخير , دراسياً سيئ جداً ! تقريباً من أسوء الطلاب في الفصل إن ما كان هو الأسوء .. مهوب
ذاك الإجتماعي و وضعه غريب ! الله يستر عليه و المسلمين أجمعين .. في إختبار القُدرات مـا
أذكر كم جاب بـ الضبط ! بس الظاهر إنها 78 أو 76 .. و أنا كنت جايب 69 , طبعاً هذا
كان أول إختبـار .. عطوا فصلنا ورقة كل واحد يكتب إسمه و كم جاب بـ القُدرات , وصلتني الورقة
و أشوف أعلى واحد كان هو ! كان باقي حول 5 طلاب بعدي تقريباً .. بس مسألة إن الأسوء في
الفصل يكون هو الأعلى ! الله يوفقه إن شاء الله ..
بعدها بـ فترة جت سالفة في الفصل عن إختبار القُدرات , المهم سُئل خويّنا عن درجته و كان ترتيبه
على الفصل الـ 4 من 23 طالب تقريباً .. معقولة الأسوء في الفصل دراسياً يكون الرابع في إختبار
القُدرات !؟ أشوف التوفيق ثم دعاء الوالدين و الحظ هم أهم أسباب التوفقّ في هـ الإختبار ..
,
التحصيلي !
هـ الإختبار أشوف سلبيّاته أقل من القدرات .. لأنه شي مُستخرج و مُستخلص من الكُتب الدراسية
الي درسناها و فهمناها و حفظناها و إختبرنا عليها .. بس الحين هل وقت يشوفون إنه مُناسب !
في أول أسبوع إجازة ؟ و بعد ثالث ! الطالب تعوّد على شي و صار عنده شي روتيني و طبيعي ,
بعد كل فترة إختبارات خلاص ينسى شي اسمه دراسه و يريح ‘ راسه ’ .. وشلون تجي في الفترة
الي هي من حق الطالب و تختبره في شي هو مُستقبله تقريباً !!! وقت جداً سيئ و غريب !
ثاني شي و هذا المهم ..
أنا كـ طالب أدرس في أيّ مدرسة كانت , مُدرسيّ لـ المادة الفلانية يوّزع مُلخص 20 ورقة في
بداية السنة و يشرح منه .. و نهاية السنة تصفى على 4 أوراق و يقول ذاكرها و ‘ تصمّهـا ’
في ساعتين ولا 3 / من 7 ساعات على الأقل مفروض إنك تكرف نفسك فيها كونك داخل إختبار
فاينل .. من المسؤول عن هذا ؟ وين من هم يبحثون عن مُستقبل طلابهم و أبنائهم !
ولا الي شاطرين فيه ’ حلّق شعرك ‘ - ’ ليش جاي 7:10 ’ - ’ الجوال ممنوع ! ’
’ المشروبات الغازيّة ما تدخل المدرسة ’ - ’ وش عندك طالع عن الحصة و رايح دورات المياه !
ترا فيه فسحة ’ ..
تبون الجد !؟ أشياء تافهة جداً جداً مُقارنة بـ الي يصير داخل الفصول الدراسية !
مرة من المرات جاء عندنا المدير و معه واحد من الوزارة الظاهر ! يحضرون حصة فيزياء عندنا ,
ولا واحد من الطلاب جايب الكتاب لأننا ما نستخدمه !!
جلس 20 دقيقة يمكن , و قبل ما يطلع قال للمدرس بعد أذنك أبي الطالب هذا ! و هو أنا !!
انا إنلخمت والله , طلعت و قال تدري وش فيه بـ درجك ؟! قلت لا والله !! قال فيه حب !
قلت أبشر بـ أشيله و منب مآكل حب مرة ثانية طال عمرك .. و مشى / و للأسف واحد
من عيال الفصل جالس مكاني و مآكل حب و نكبني .. ما علينا ..
الي أبي أوصله / ليش ما وقف الدرس و ناقش المُدرس بخصوص الكتب ؟ ليش همّه كله عن
الحب و الفصفص و الأمور الجانبية ؟! شي غريب يحصل في مدارسنا ..
نرجع لـ سالفة التحصيلي ! انا كـ طالب ذاكر 3 أوراق بس في النهائي ! و فـ التحصيلي تجيني
معلومات ما درسّتها وش ذنبي ؟ صح فيه مدارس ما تلّخص كثير ! بس تنعّد ع الأصابع ..
-
شددّوا على مدراسكم ! راقبوها ! إتركوا عنكم الشعر و الجوالات و الأمور الي بتضيّع مستقبل
طلابكُم ! و ركزوا على الدراسة الدراسة الدراسة ..
-
اممم أختلف معك ، بصراحة إختبار القدرات لايدل على جد و إجتهاد ولاهم يحزنون
وبضرب لك مثال لطالبين ، طالب جاب بالشهادة الدراسة 99% وطالب 92%
لأول جاب بالقدرات 63% والثاني 87% ولاحظ الفرق بين الإثنين دراسياً
الأول بذل الغالي والنفيس وقرأ الكتب وإلتحق بالدورات كي يستعد لإختبار القياس
والآخر لم يلتحق بأي دورة ولم يقرأ ومع ذلك حقق درجة أعلى من الأول
ليه يعني ؟ تشد حيلك وتشتري كتب ومنها كتاب "قياس - رائز" وتدخل العديد من الدورات
وإذا جاء الإختبار تنصدم بمسائل لم تمر عليك طوال فترة دراستك
على الأقل أضيفوا مادة تسمى بـ "تطوير القدرات" بدل الإختبار فعلاً راح تكون أفضل
مالفائدة المرجوة منه ؟ تجد أن الطلاب يختبرون ولا يخرجون بفائدة تذكر
على الأقل أشرحوا كل المسائل بعد الإختبار حتى نستفيد في الإختبارات المقبلة
يعني الهدف من الإختبار تعقيد الطالب ولكن يجدر بهم أن يكون الهدف من الإختبار هو تطوير لقدرات الطلاب حتى ننتج جيل واعي
وأنت تلاحظ في فترة الدراسة أن الطلبة متفاوتين في الذكاء ، فيه طلاب أذكياء وفي طلاب متوسطين
من الأذكياء من هو كسول لا يذاكر ولكن خصلة الذكاء كانت هبة من الله
والأخر متوسط الذكاء ومع ذلك يخلص ويقرأ ويجتهد ، فالذكاء متفاوت بين الناس والقياس يعتمد على الذكاء والحظ معاً
عموما بالأول والأخير المستفيد هي شركة قياس ، على مستوى المملكة طلاب وطالبات (وهنالك إختبار خاص بالمعلمين)
يختبرون سنوياً بالملايين ، في جميع القرى والمدن والمحافظات وعلى كل إختبار 100 ريال ،،
اهلاً glamorous .. موضوع مثل ما يقولون على الجرح خخ ، واتوقع بـ تتعب مع الردود اللي ما راح تتقبل كلامك ..
مثالك هذا لخّص علي اشياء كثيره في بالي .. يعني مثل ما ذكرت انت :
- سابقاً قبل اختبار القدرات كان سهل جداً ان الطالب الداج والسربوت يجيب نسبه عن طريق المدرسه الاهليه مثلاً .. ويدخل الجامعه " بـ فلوسه مش بـ جهده " .. - على العكس تماماً الوضع الحالي .. مستحيل تدخل الجامعه بـ الطريقه هذي ، اختبار القدرات والتحصيلي ايضاً موحّد على الجميع .. وخل المدرسه الاهليه تنفعك الحين ..
وما اتوقع فيه احد ينكر هـ الشيء .. القدرات اصبح مقياس حقيقي ومميز جداً ، ومستحيل احد يجيب فيه نسبه الا بـ قدراته ..
حالياً لو تسوي اللي تسوي .. في النهايه في اختبار قدرات وتحصيلي يحدد مستوى جميع الطلاب بدون تحديد وبدون ظُلم لـ اي طالب .. عكس الوضع سابقاً وانه الواحد يقدر يدخل مدرسه اهليّه ويجيب النسبه " بـ فلوسه زي ما يقولون " ويدخل الجامعه والقسم اللي يبي بـ اسهل طريقه وهو ما يستاهل ..
" موضوعك على الجرح بـ كُل امانه .. نادر جداً احصّل احد من الطلاب اللي معي في المدرسه او اللي في عمري يوافقني الكلام .. اخيراً حصلت على الانصاف خخ ..
ودعواتكم لنا يا شباب .. اختباري يوم الاحد 26 ديسمبر على ما اظن ، ربنا يعين ويوفق ..
ياعزيزي ، أختبار القدرات ماله علاقة بالمدارس أصلاً
يعني أنا أعرف لك طالبين في مدارس الفيصلية (أشهر مدرسة بالدف)
حصلوا على 99% وفي مدارس الفرسان الأهلية يُقال أن عدد من حصل على 100% 6 طلاب
الخبر الاول متأكد منه ولكن الخبر الثاني أشوفه خبر متداول بين الطلاب
أنا لأشوف أن الإختبار الممتاز هو التحصيلي لانه يختبرك عن أشياء درستها ، وهنا يظهر الفرق بين طالب الأهلي والحكومي
ولكن للأسف إختبار القدرات خرابيط
مآ يكفي اختبآرآت معقدة لآ وفوقهآ يزرفونآ 100 ريآل عن كل اختبآر <
جد يآ شبآب الفلوس كثيرة والله وين يودونهآ
أبو مبآرك
اتفق معك في إنهآ مهمة جداً بمآ إن المدآرس تدف دف مو طبيعي
لكن مآ آعتقد إن طريقة الاختبآر منصفة , تعتمد كثييييير على الحظ
يجيك أي وآحد دآشر ويسوي حقرة بقرة ويطق الـ 85 ! مآ صآر قيآس
انآ ضد اختبآر القيآس , أسئلة مدري وش تبي في الحيآة
وش أسويلكم إذآ عرفت في أي يوم تبدأ السنة يخرب بيت أسئلتكم
الأسئلة كوم والوقت كوم ثآني , أجل دقيقة تقريباً على كل سؤآل !
وشف كم سؤآل فيه كسور ويحتآج وقت , هيآ بالله وين نصرفهآ ذي ؟
التحصيلي أرحم لأنه يعتمد على أشيآء درستهآ , الظلم اللي تتعرض له هنآ
يكون بسبب المدرسين اللي مآ عطوك المعلومة الفلآنية
ونظآم " محذوف موب دآخل في الاختبآر " , هنآ يلآم المدرس
صح إن حتى التحصيلي تقدر تمشي فيه بنظآم حقرة بقرة
ولكنه بنظري يبقى أهون من القدرآت السآمج
الله يعيننآ ويآكم بس