بسم الله الرحمن الرحيم

السلام عليكم و رحمة الله و بركاته

مساكم الله بالخير و الرضا

ترى ذا اول موضوع لي بذا يعني ياليت تسلكون لي

ابحتسي عن موضوع استغلال الأشخاص بمفهوم الصداقه

كثير منا اكيد استغلوهـ اشخاص وهو مسيكين ماله إلا رب العباد .. الشكوى لغير الله مذله

خلون احتسي لكم بسالفه صارت لي اول ماطلعت بطاقة الأحوال

كنت مستانس و مبسوط و كان واحد من ربعي الله يهديه بس

المهم كلمن قال ابيك تطلع لي شريحة جوال قلت ابشر هي بس شريحه

المهم و رحت للإتصالات السعوديه و طلعت الرقم و عطيته ابوالشباب

المهم استانس و يدعي لي الله يجزاك خير الله يوفقك و انا ابتسامتي يشوفه اللي على بعد كيلو

المراد ان ابوالشباب بعد مدهـ صار يصرّفن

ابيه يسدد الفواتير ابوالشباب مره يقول مامعي مره يقول الوالد رافض يعطيني اسدد

انا لو هي على 100 او 200 سددت

لكن توصل 700 احياناً بدون مبالغه توصل 1000 .. والله لو ابحلف انه يكلم صديقه ابونورهـ كذا مسميه بالجوال و اسمه الحقيقي نورهـ

اجل مكالمة ابونورهـ تجلس ساعتين و شوي !!

اقل مكالمة 55 دقيقه تقريباً

المهم ابوالشباب مرهـ قلت له و قال ياخي ازعجتني ذليتني بالرقم اللي طلعته لي و من هالكلام و قعد يهاوش و انا بكل برود قاعد ارد عليه .. لدرجة اني احس انه بيذبحن بسبب هالبرود

المهم شيئاً فشيئاً بدا يسدد على خفيف كم فاتورهـ و ماصدقت على الله و رحت و اقطع الرقم على طول

الرجال زعل و قال هذا اخر مابيننا .. قلت بلعنتن تلعنك .. وقفت عليك .. فيه غيرك ارجل منك و اصرف منك

....

سالفه اخرى

ايام دراستي بكلية المجتمع تعرفت على شخص من عائلة كبيرهـ و زي مايقولون القراوى .. ياكلون على طاوله

المهم الرجال ماشاء الله تبارك الله ربك مغنيه


الرجال ماشاء الله من سيارة إلى سيارهـ

كان معاهـ بي ام تبع البيت لأنه مسوي حادث بسيارته لكزس is المهم بعد مدهـ قال لي فهد قلت سم قال ودي اشري موتر وش تشور علي .. قلت والله مدري عنك وش تبي موتر رياضي موتر كشخه وش بالضبط قال الكشخه مليت منهن .. ابي شي رياضي

على وقته كانت المكسيما الـ2010 تووهـ نازله ماله شهرين ... اشرت عليه بالمكسيما و ماكنت اعرف عنه إلا الشكل الداخلي و الخارجي و الإسم .. حتى القيمه ما اعرفه

الرجال جزم على الموتر و شراهـ و عند اختيار اللون قال ابي اسود قال انتظر 25 يوم قال طويله .. همن التفت علي و قال فهد وش تقترح لون .. قلت ابيض - فضي - عودي - اسود

اذا بتصبر خذ الأسود .. التفت على الموظف قال فيه عودي قال ايه قال اجل ابيه .. قال له اسبوع و تستلم الموتر

..

المهم مالكم بالطويله

الرجال ذا يقول كان متعرف على شباب

يخدمهم اكثر مايخدمونه

واحد منهم كان بيشري سيارهـ .. يقول دفعت ربع قيمتها كهديه من عندي .. و شريت له اللي يبي .. جنوط و باقي الخرابيط

واحد منهم كان بيشري دباب و دفعت قيمته كامل برضو كهديه

واحد منهم شريت له لاب توب و صلحت سيارته بالوكاله هديه و كلفت حوالي 9000 ريال تصليحات مع اللاب توب و مع ذلك عادي عندي اهم شي يستانس

لكن فجأهـ القاهم تغيرو علي

صارو يطنشون .. صارو يصرّفونن .. صارو مايبونن بمعنى اصح

انا فهمتها قلت بعد ما اخذو اللي يبون تركوني

الرجال وهو يحاتسين حسيت بكمية القهر اللي داخله قسم بالله

مرهـ من المرات قلت له مرن الله لايهينك ابدخل سيارتي للورشه اصلحه قال طيب .. كان بيحاسب و رفضت .. قال ليش .. قلت لاتحسبني مثل ذولي اللي خاووك و بعد ما اخذو اللي يبون تركوك .. ابخليك تحاسب .. اذا كنت مطفّر و على الحديدهـ و مالقيت أحد يسلفن هكالساعه ابخليك تحاسب عن تصليح السيارهـ او اي شي ثاني

قسمن بالله الرجال كل مادخلت سيارتي للصيانه يقول لي .. مستعد اشري لك السيارهـ اللي تبيه جديدهـ او مستعمله و انا ارفض

من باب المزح احد اخواني قال .. قل له يشري لي سيارهـ .. انا من باب المزح برضو قلت له اخوي يبيك تشري له سيارهـ قال تم و هديه من عندي بس وش اللي يبي ؟

انا فوق راسي عشرين طعش الف علامة تعجب قلت له يبو امزح والله امزح .. والله لو ماحلفت له اني امزح ولا كان ابوالشباب بيشري لأخوي فورد جديد بحكم ان اخوي معه فورد

دعونا ننتقل للنهايه

وش الأسباب اللي تخلي الواحد يستغل صديقه تحت مسمى الصداقه ؟

فيه اصحاب .. كنوز بهالدنيا مايتفرط فيهم .. سواءاً من ناحية العقل و التفكير و ايضاً نضيف لهم المال .. هذولي لاتستغني عنهم مهما كان .. و لاتستغلهم مهما كان

و اعذروني على الإطاله

إقتباس خلون احتسي لكم بسالفه صارت لي اول ماطلعت بطاقة الأحوال كنت مستانس و مبسوط و كان واحد من ربعي الله يهديه بس المهم كلمن قال ابيك تطلع لي شريحة جوال قلت ابشر هي بس شريحه المهم و رحت للإتصالات السعوديه و طلعت الرقم و عطيته ابوالشباب المهم استانس و يدعي لي الله يجزاك خير الله يوفقك و انا ابتسامتي يشوفه اللي على بعد كيلو المراد ان ابوالشباب بعد مدهـ صار يصرّفن ابيه يسدد الفواتير ابوالشباب مره يقول مامعي مره يقول الوالد رافض يعطيني اسدد انا لو هي على 100 او 200 سددت لكن توصل 700 احياناً بدون مبالغه توصل 1000 .. والله لو ابحلف انه يكلم صديقه ابونورهـ كذا مسميه بالجوال و اسمه الحقيقي نورهـ اجل مكالمة ابونورهـ تجلس ساعتين و شوي !! اقل مكالمة 55 دقيقه تقريباً المهم ابوالشباب مرهـ قلت له و قال ياخي ازعجتني ذليتني بالرقم اللي طلعته لي و من هالكلام و قعد يهاوش و انا بكل برود قاعد ارد عليه .. لدرجة اني احس انه بيذبحن بسبب هالبرود المهم شيئاً فشيئاً بدا يسدد على خفيف كم فاتورهـ و ماصدقت على الله و رحت و اقطع الرقم على طول

السالفه هذه حصل لي مثلها جاني واحد من جيراننا ومن اعز اخواياي وطلبني قال ابغى شريحه واذا طلعت بطاقه احوال بانقله باسمي قلت ابشر ورحنا الاتصالات وطلعت الشريحه كلم فيها وبعد ماطلع بطاقه احوال فصلها وطلع شريحه ثانيه والفاتوره اللي عليها 700 السالفه هذه لها 8 سنوات والى يوومك هذا كل ماقلت له سدد قال مامعي فلوس الله يسامحه بس

مثل ما قالوا الآخوان الحياة تغيرت و انبنت ع المصالح و الماديات بس
و كثير من العادت انتهت ، و صار الواحد محتار منو يصادق
و كثير المواقف اللي مرت بحياتي خلتني انقص اصدقائي لشخص واحد فقط
يعطيك العافية و الله يوفقك انت وربيعك

.




وعليكم السلام ورحمة الله وبركاته ..
ما شاء الله ع صديقك , الله يخليكم لبعض ولا يفقركم ..
بالنسبه للاصدقاء المصلحه , هذولا موب اصدقاء جاين يبون منك غرض وانتهينا ..
فـ تشوفهم على اي سبب تافه يسون من الحبه قيه ذذذ , الله يشفيهم ولا يبلانا ..
موضوع رائع , شكرا لك و1 ..

إقتباس الرسالة الأصلية كتبت بواسطة الخبراوي بسم الله الرحمن الرحيم السلام عليكم و رحمة الله و بركاته مساكم الله بالخير و الرضا ترى ذا اول موضوع لي بذا يعني ياليت تسلكون لي ابحتسي عن موضوع استغلال الأشخاص بمفهوم الصداقه كثير منا اكيد استغلوهـ اشخاص وهو مسيكين ماله إلا رب العباد .. الشكوى لغير الله مذله خلون احتسي لكم بسالفه صارت لي اول ماطلعت بطاقة الأحوال كنت مستانس و مبسوط و كان واحد من ربعي الله يهديه بس المهم كلمن قال ابيك تطلع لي شريحة جوال قلت ابشر هي بس شريحه المهم و رحت للإتصالات السعوديه و طلعت الرقم و عطيته ابوالشباب المهم استانس و يدعي لي الله يجزاك خير الله يوفقك و انا ابتسامتي يشوفه اللي على بعد كيلو المراد ان ابوالشباب بعد مدهـ صار يصرّفن ابيه يسدد الفواتير ابوالشباب مره يقول مامعي مره يقول الوالد رافض يعطيني اسدد انا لو هي على 100 او 200 سددت لكن توصل 700 احياناً بدون مبالغه توصل 1000 .. والله لو ابحلف انه يكلم صديقه ابونورهـ كذا مسميه بالجوال و اسمه الحقيقي نورهـ اجل مكالمة ابونورهـ تجلس ساعتين و شوي !! اقل مكالمة 55 دقيقه تقريباً المهم ابوالشباب مرهـ قلت له و قال ياخي ازعجتني ذليتني بالرقم اللي طلعته لي و من هالكلام و قعد يهاوش و انا بكل برود قاعد ارد عليه .. لدرجة اني احس انه بيذبحن بسبب هالبرود المهم شيئاً فشيئاً بدا يسدد على خفيف كم فاتورهـ و ماصدقت على الله و رحت و اقطع الرقم على طول الرجال زعل و قال هذا اخر مابيننا .. قلت بلعنتن تلعنك .. وقفت عليك .. فيه غيرك ارجل منك و اصرف منك اللي مثل هذا بقلعته ما عليه حسوفه .. ابركها ساعه ساعة فرقاه .... سالفه اخرى ايام دراستي بكلية المجتمع تعرفت على شخص من عائلة كبيرهـ و زي مايقولون القراوى .. ياكلون على طاوله المهم الرجال ماشاء الله تبارك الله ربك مغنيه الرجال ماشاء الله من سيارة إلى سيارهـ كان معاهـ بي ام تبع البيت لأنه مسوي حادث بسيارته لكزس is المهم بعد مدهـ قال لي فهد قلت سم قال ودي اشري موتر وش تشور علي .. قلت والله مدري عنك وش تبي موتر رياضي موتر كشخه وش بالضبط قال الكشخه مليت منهن .. ابي شي رياضي على وقته كانت المكسيما الـ2010 تووهـ نازله ماله شهرين ... اشرت عليه بالمكسيما و ماكنت اعرف عنه إلا الشكل الداخلي و الخارجي و الإسم .. حتى القيمه ما اعرفه الرجال جزم على الموتر و شراهـ و عند اختيار اللون قال ابي اسود قال انتظر 25 يوم قال طويله .. همن التفت علي و قال فهد وش تقترح لون .. قلت ابيض - فضي - عودي - اسود اذا بتصبر خذ الأسود .. التفت على الموظف قال فيه عودي قال ايه قال اجل ابيه .. قال له اسبوع و تستلم الموتر .. المهم مالكم بالطويله الرجال ذا يقول كان متعرف على شباب يخدمهم اكثر مايخدمونه واحد منهم كان بيشري سيارهـ .. يقول دفعت ربع قيمتها كهديه من عندي .. و شريت له اللي يبي .. جنوط و باقي الخرابيط واحد منهم كان بيشري دباب و دفعت قيمته كامل برضو كهديه واحد منهم شريت له لاب توب و صلحت سيارته بالوكاله هديه و كلفت حوالي 9000 ريال تصليحات مع اللاب توب و مع ذلك عادي عندي اهم شي يستانس لكن فجأهـ القاهم تغيرو علي صارو يطنشون .. صارو يصرّفونن .. صارو مايبونن بمعنى اصح انا فهمتها قلت بعد ما اخذو اللي يبون تركوني الرجال وهو يحاتسين حسيت بكمية القهر اللي داخله قسم بالله مرهـ من المرات قلت له مرن الله لايهينك ابدخل سيارتي للورشه اصلحه قال طيب .. كان بيحاسب و رفضت .. قال ليش .. قلت لاتحسبني مثل ذولي اللي خاووك و بعد ما اخذو اللي يبون تركوك .. ابخليك تحاسب .. اذا كنت مطفّر و على الحديدهـ و مالقيت أحد يسلفن هكالساعه ابخليك تحاسب عن تصليح السيارهـ او اي شي ثاني قسمن بالله الرجال كل مادخلت سيارتي للصيانه يقول لي .. مستعد اشري لك السيارهـ اللي تبيه جديدهـ او مستعمله و انا ارفض من باب المزح احد اخواني قال .. قل له يشري لي سيارهـ .. انا من باب المزح برضو قلت له اخوي يبيك تشري له سيارهـ قال تم و هديه من عندي بس وش اللي يبي ؟ انا فوق راسي عشرين طعش الف علامة تعجب قلت له يبو امزح والله امزح .. والله لو ماحلفت له اني امزح ولا كان ابوالشباب بيشري لأخوي فورد جديد بحكم ان اخوي معه فورد خويك هذا وينه ما يجي نتعرف عليه قوله اللافندر مره يحووبك <<< يبي يتمصلح والله هالخوي بيض الله وجهه .. مو لانه يدفع ولا يشري ولا غيره من هالامور .. لكن هالشي يدل انه كريم ابن كريم وانه لايبخل على الاصدقاء بشي ان كانوا بحاجه له .. عموما الله يحفظكم لبعض ويجعل حياتكم قائمه عالود والمحبه في الله وان شاء الله هذا الذي اعتقده فيك .. بدليل انك لم تستغله عندما ادخلت سيارتك لورش السيارات فهذا يدل انك اصيل ابن اصيل .. وصديقك حق فيه قول الشاعر :: ان قال قال ويتبع القول ,,بأفعـال وفعله كما ورود(ن)تعطّر بها البيد دعونا ننتقل للنهايه وش الأسباب اللي تخلي الواحد يستغل صديقه تحت مسمى الصداقه ؟ فيه اصحاب .. كنوز بهالدنيا مايتفرط فيهم .. سواءاً من ناحية العقل و التفكير و ايضاً نضيف لهم المال .. هذولي لاتستغني عنهم مهما كان .. و لاتستغلهم مهما كان و اعذروني على الإطاله

اما الاسباب التي تجعل الشخص يستغل صديقه تحت مسمى الصداقه .. اعتقد انها دنائة النفس وخستها لها الدور الاكبر .. واللأمه لها دور لابأس به ايضا فكما قيل .. واذا اكرمت اللئيم تمرد .. فالنفوس التي تتصف بهالصفات تحتاج الى من يعالجها من هالداء العظيم الذي انتشر بين البشر ..

ولكن في النهايه كما قلت فهناك اصدقاء .. تزهوا الحياة بصحبتهم .. وتسعد القلوب بلقائهم
وتطرب الاذنان لهمساتهم .. فهنيئا لمن صحب امثالهم ..