السلام عليكم و رحمة الله و بركآآته
بســم الله الرحمن الرحيــم
هالحين من جد اقولها و انا اعنيها بكل ما تحمله الكلمه من معنى ( يآ قدميييه يا ايقونة موضوع جديد )
تصدقون حتى اني نسيت موقعها وينهي فيه رحت سألت ذآيب
يعلمني وينهي فيه
انا و انت و هو و هذاك كلنا تعبنا من اخويا المصلحه < اهم شي هذاك
الزمن هذا بصراحه ماله امان زي ما تشوفون الناس اغلبها صارت تصادق و تتعارف من اجل المصالح فقط
سواء كانت مصلحه ماديه او اجتماعيه < سيتم تحليل مقصد المصلحه الاجتماعيه لاحقاً في الموضوع
مثل الي يخاويك علشان موتر او لانك من عائله الله رازقكم بخير او حتى علشان شكلك
فيه ناس في يومك تخاوي فلان علشانه من العائله الفلانيه و العائله لها هيبتها وسط الناس < ولا تهون كل العوائل
ما صرت تدري من هو خويك و من هو عدوك و من هو الي يكون اشبه بــ( تكملة عدد )
فيه ناس حتى تخاويك علشان فلان بن فلان يكون من معارفك
و الفئه من الشعب ليست بالقليله و الله كثييير تجدهم في كل مكان في الشارع في المدارس في اي شي في حياتك اليوميه لازم تلقا هالاشكال هو يكون انسان غير راضي بما انجزه في حياته و يحاول ان يملئ فشله بنجاح من هم حوله
تنصدم بصراحه ان اعز خوي لك يسحب عليك علشان فلان معه موتر او يعرف فلان بن فلان الي معه الموتر الفلاني
و الله فيه عقليات في المجتمع بصراحه صعب تتصدق انها موجوده
مثلاً
انا خاويت لي واحد في ثاني متوسط كان اقصى الحوار بيني و بينه اخبارك
و مره من المرات كان فيه اجتماع اولياء الامور و العاده انهم يطلعوننا بعد الصلاه و انا نسيت ابلغ اهلي
و هو نفس الحاله
وقتها اخوي كان يدرس معي في نفس المدرسه و بصراحه اقولها كان اخوياه هيط المدرسه ( القديحه )
المهم واحد من اخويا اخوي شافني ملطوع عند الباب و ضرب لي بوري رحت له سلمت عليه و كذا و ابو الشباب شافني اسولف معه و انهبل
يوم قالي خوي اخوي اوصلك و كذا قلت لا ما يحتاج السواق جاي يعطيك العافيه و مشكور ما تقصر
من بعد هالموقف صدقوني صار يعاملني كأني اعرفه و يعرفني سنين من قبل و اخبار ابو خلود و مدري ايش
طبعاً انا سلكت بصراحه بعدين زهقت منه بصراحه و زبدتها في وجهه و سحبت عليه
فيه مواقف كثير حصلت لي و اكيد حصلت لكم
و تلقا ناس بصراحه ما تعرفهم الا وقت الحاجه < حاجته هو موب انت
تسوي له الي يبي و ما تسمع عنه اخبار لشهرين قدام
تنصدم بصراحه اذا كنت مخاوي لك خوي و سويت له جميل ولا كأنك
مثل بيت الشعر الي يقول فيه الشاعر < نسا اسم الشاعر
 | إقتباس |  | | | | | | | | | |
المشكله لاصرت تغلي لك انسان ماهو بداري عن قدر غلاته
تقوله زهقان طفشان ولهان يقولك شف جو الشتا وش حلاته | |  | |  | |
< كتبت البيتين على حسب ما اذكره
تفعل جمايل لشخص يقدرها غيره
خصوصاً ان الحين بصراحه فيه ناس مالهم اي شخصيه مع الاسف يفعل اشياء لم تكن بالحسبان
مثال بسييط جداً حتى ان الاخ الكريم ابراهيم
قادر على استيعابه بشكل جيد < بينجلد
عندك طلاب الثانويه اغلبهم يدور الوناسه و الفله و الفقعه من المدرسه و الجريات و يالله يا شنب ادعس يا زكرت و حركات
يجيك واحد على نياته ماهو مهايطي ولا هو سبك
قالوله ورا ما تجي معنا يقولهم لا لا ما ابي يقولون له خواف و مدري ايش
و ما تشوف وجهه الا آخر السنه في الاختبارات
فيه ناس صارت تمشي على كلام الناس حتى في السيارات معي ناس بالمدرسه تعجبه السياره الي تعجب فلان
بس كذا علشان تعجب هذاك اكيد السياره بطله اشبه بالخروف
نهاية الموضوع لان المخ قفل بصراحه
مجرد نقاش بسيط عطنا ارائك ، مواقف لك ، اي شي
الموضوع خرج عفويه بصراحه و اشكر الاخ مآلك و ذآيب بالافكار الي طرحوها < سحب عليهم سيفون خصوصاً ذآيب
< بيتشوت في المسن
تحيآتي لكم
كما لقبتموني سابقاً (
الشاطح الناطح
)
<<ثقافة غبية الحمدلله الشكر اللهم عافنا 
الوضع العادي
