[c]

السلام عليكم
ومساكم الله بالخير
انا عندي موضوع يميل للطرافة والهزل شوي يعني أتمنى ماحد يزعل منه

الموضوع باختصار :

عودوا بالذاكرة قليلا لايام الدارسة بالمدارس ( طبعا هذا للي تخرج)

وتخيلوا انكم باقي طلاب في المدرسة وانا ودي اطرح بعض الأسئلة عليكم :

1- البارق حاطه المدرس عريف الفصل وش تسوون فيه ( هذا للمرجوجين بس) ؟

2- وين المكان اللي تجلس فيه في الفصل ؟؟
( طبعا الزاوية اللي عاليسار محجوزة لابو الذهب)

3- يوم من الأيام جاكم المدير (الكنز نواف) وطقك بدون وجه حق ؟؟ وش بيكون موقفك لو قابلته بالعصر ؟؟

4- فيه مدرس اسمه (صمت العيون ) تحس انه يحقد عليك انت شخصيا من بين الطلاب ودايم يوقف لك ؟؟ وش موقفك منه لو مرررت السنين وقابلته بعد بعد خمس سنين في مكان عام ؟؟

5- وكيل المدرسة (الجنرال فيصل) دايم طايح في الطلاب ضرب وطق وماعنده رحمة ابد وش تسوي له ؟؟

6- مدرس اسمه(يزيد) دايما مزوح مع الطلاب ويحبهم ويخدمهم ويساعدهم وتلقاه محبوب من الطلاب مرت 20 سنة وقابلك وانت ماعرفته ؟؟ وقال ليش ماتسلم يافلان ولا نسيت ؟؟ وش يكون موقفك ؟؟

7- انت مدرس في المدرسة وكنت مراقب في الاختبارات وش موقفك لو اكتشفت (شموخ) معه برشام


نجي للبنات

1- ريانة العود حاطتها المدرسة عريف الفصل وش تسوون فيه ( هذا للمرجوجين بس) ؟

2- وين المكان اللي تجلس فيه في الفصل ؟؟
( طبعا الزاوية اللي عاليسار محجوزة لوحدة هي عارفة نفسها زين)


3- يوم من الأيام جتكم المدير (المملكة) وطقتك بدون وجه حق ؟؟ وش بيكون موقفك لو قابلتيها بالعصر ؟؟

4- فيه مدرسه اسمها (العنود ) تحس انها تحقد عليك انت شخصيا من بين الطالبات ودايم توقف لك ؟؟ وش موقفك منها لو مرررت السنين وقابلتيها بعد بعد خمس سنين في مكان عام ؟؟

5- وكيلة المدرسة (الهلالية لابد) دايم طايحة في الطالبات ضرب وطق وماعندها رحمة ابد وش تسوي له ؟؟


6- مدرسه اسمها(الماسة الزرقاء ) دايما مزوحة مع الطالبات وتحبهم وتخدمهم وتساعدهم وتلقاها محبوبة من الطالبات مرت 20 سنة وقابلك وانت ماعرفتيها ؟؟ وقال ليش ماتسلمين يافلانة ولا نسيتي ؟؟ وش يكون موقفك ؟؟

7- انتي مدرسة في المدرسة وكنتي مراقبة في الاختبارات وش موقفك لو اكتشفتي (شذى الهلال) مع برشام



الدعوة مزح والزعل ممنوع مع اعتذاري للاخوان والأخوات اللي شملهم الاختيار
[/c]

1- أتلزق فيه علشان ما يكتب اسمي مع المشاغبين

2-بالكرسي اللي جنب البارق ;)

3-أطق الكشره وأعزمه على فنجال قهوه ( يقالي أبحرجه )

4- أسلم عليه ... وأصارحه باللي كنت أفكر فيه .

5-أروح أنسم كفرات سيارته ...

6- أعتذر منه ....لأن هذا النوع هو اللي يستاهل الواحد يسلم عليه ..

7-أقوله دخل البرشامه بسرعه قبل لا أحد يشوفك يالدلخ ( يا غش صح ولا لا تغش )

صديقي البارق
بجلس اخر الفصل علشان اشوف الكل
اطقها لطمه وامحطه على غاربه بلوح والا قوطي ببسي معفوط واحط رجلي يعني وحده بوحده وماخذ الثار معذور:p
طنش تعش
عندك سيارته حط حرتك فيها
اسلم عليه و تأسف منه
بتركها معه لا نه مسوي برشامه حق ماده ثانيه يعني ذكي الولد

مشكور كنز بيك

هلا وغلا بالكنز

موضوعك فعلا حلو

وفيه توسيع صدر

إقتباس البارق حاطه المدرس عريف الفصل وش تسوون فيه ( هذا للمرجوجين بس) ؟

والله في هذي الحالة أشوف كانه ماشي معي تمام أدبس معه

وكانه مستقعد أولع بالفصل و أمشي

إقتباس وين المكان اللي تجلس فيه في الفصل ؟؟

الزاوية الثانية

إقتباس يوم من الأيام جاكم المدير (الكنز نواف) وطقك بدون وجه حق ؟؟ وش بيكون موقفك لو قابلته بالعصر

ما أسوي له شي لأنه لو كان غير الكنز طقيته بس تبي الجد

أتركه بحاله <<<<<< كثر منها

إقتباس فيه مدرس اسمه (صمت العيون ) تحس انه يحقد عليك انت شخصيا من بين الطلاب ودايم يوقف لك ؟؟ وش موقفك منه لو مرررت السنين وقابلته بعد بعد خمس سنين في مكان عام ؟؟

أروح لمه و أقول تخبر كذا وكذا ,, اذا اعتذر حلو ولو ما أعتذر أجلس أتشمت فيه الين يمشي

إقتباس وكيل المدرسة (الجنرال فيصل) دايم طايح في الطلاب ضرب وطق وماعنده رحمة ابد وش تسوي له ؟؟

بكل بساطة اذا شفته أنحاش

إقتباس مدرس اسمه(يزيد) دايما مزوح مع الطلاب ويحبهم ويخدمهم ويساعدهم وتلقاه محبوب من الطلاب مرت 20 سنة وقابلك وانت ماعرفته ؟؟ وقال ليش ماتسلم يافلان ولا نسيت ؟؟ وش يكون موقفك ؟؟

يزيد ... يزيد ...يزيد ........ وين شايف هالأسم ........ إيه أسمي

والله أقوله عارفك بس بشوف أنت بتعرفني ولا لا

إقتباس انت مدرس في المدرسة وكنت مراقب في الاختبارات وش موقفك لو اكتشفت (شموخ) معه برشام

شموووووووووووووووووخ ........... لا لا حرام .... آخذها منه وبس .



و أخيرا أسمح لي جاوبت على سريع

ولو أني فاضي كان عطيتك الأجوبة المليحه ...... و أحاوب عن البنات بعد

إقتباس الدعوة مزح والزعل ممنوع مع اعتذاري للاخوان والأخوات اللي شملهم الاختيار

تمون يالغالي



وعلى قولتك كلها مزح

يعني المعلم لازم يحترم في كل الأحوال


تشكرات الكنز

1- البارق حاطه المدرس عريف الفصل وش تسوون فيه ( هذا للمرجوجين بس) ؟
مافيه مشكله صديق البارق دفه بسندويش بيض عيون وصدقينى بيغمى عليه الى الدرس الاخير .

إقتباس ( طبعا الزاوية اللي عاليسار محجوزة لابو الذهب)

يسار يم الجدار ولا يم الشباك ترا ماابى الا اللى عند الجدار

إقتباس - يوم من الأيام جاكم المدير (الكنز نواف) وطقك بدون وجه حق ؟؟ وش بيكون موقفك لو قابلته بالعصر ؟؟

اه بس اشوفه ياانا بأخلى شموخ يشفطه ببراطمه

إقتباس 4- فيه مدرس اسمه (صمت العيون ) تحس انه يحقد عليك انت شخصيا من بين الطلاب ودايم يوقف لك ؟؟ وش موقفك منه لو مرررت السنين وقابلته بعد بعد خمس سنين في مكان عام ؟؟

عاد اتوطى فى حوض بطنه

إقتباس 5- وكيل المدرسة (الجنرال فيصل) دايم طايح في الطلاب ضرب وطق وماعنده رحمة ابد وش تسوي له ؟؟

افا هذا الملا فيصل مانقدر نقول له شي :sad: بس لو سواها بنسم كفرات سيارته

إقتباس 6- مدرس اسمه(يزيد) دايما مزوح مع الطلاب ويحبهم ويخدمهم ويساعدهم وتلقاه محبوب من الطلاب مرت 20 سنة وقابلك وانت ماعرفته ؟؟ وقال ليش ماتسلم يافلان ولا نسيت ؟؟ وش يكون موقفك ؟؟

عاد طاحت الميانه

إقتباس 7- انت مدرس في المدرسة وكنت مراقب في الاختبارات وش موقفك لو اكتشفت (شموخ) معه برشام

اصلنا مايمديك تكتشف شى وهالبراطم ممتده 7 متر

هلا هلا
هذي المواضيع اللي تفتح النفس

البارق حاطه المدرس عريف الفصل وش تسوون فيه ( هذا للمرجوجين بس)
طبعا رايح يكون صديقي وبعزمه على الفطور كل ربوع

وين المكان اللي تجلس فيه في الفصل ؟؟
في الزاويه اللي على اليمين


يوم من الأيام جاكم المدير (الكنز نواف) وطقك بدون وجه حق ؟؟ وش بيكون موقفك لو قابلته بالعصر
طبعا بيكون جنبي ابوي بعد الصلاه وبخليه يتفاهم معه


يه مدرس اسمه (صمت العيون ) تحس انه يحقد عليك انت شخصيا من بين الطلاب ودايم يوقف لك ؟؟ وش موقفك منه لو مرررت السنين وقابلته بعد بعد خمس سنين في مكان عام
بعلمه من اللي كان يحقد عليه

وكيل المدرسة (الجنرال فيصل) دايم طايح في الطلاب ضرب وطق وماعنده رحمة ابد وش تسوي له ؟؟
طبعا ماني قايله شي لانه راح يطيح فيني طق !!


درس اسمه(يزيد) دايما مزوح مع الطلاب ويحبهم ويخدمهم ويساعدهم وتلقاه محبوب من الطلاب مرت 20 سنة وقابلك وانت ماعرفته ؟؟ وقال ليش ماتسلم يافلان ولا نسيت ؟؟ وش يكون موقفك ؟؟
راح اسلم عليه واحب راسه بعد ........ لاتصدق


انت مدرس في المدرسة وكنت مراقب في الاختبارات وش موقفك لو اكتشفت (شموخ) معه برشام
بقوله بصوت خفيف اذا خلصت من البرشامه تعال معي لغرفة المدير



مع اعتذاري للجميع
وتسلم يالكنز على هالموضوع الحلو بس وش اسم المدرسه

1- انا مؤدب ما احب اشاغب وانا في الصفل الاول

ههههههههههههههههههههههه

2-بسلم عليه وبقول ابوي يبيك في الشارع

بترفع في بطنه

هههههههههههههه

3-بقوله اللي نساك انساه

وش دخل امها في السالفه
خخخخخخخخخخخخخخخ;)

4-يلعب فيه تيكوندوا

لوووووووووووووووووووووول

5- والله انا شاك في وضعه لانه مافيه مدرس يسوي كذا
الا اذا له شي .....................;)

6- وجحدر هذا دايم مخالف الناس ياخوي غش زين

مسكين بسامحه بس اذا تعودها تربقت في بطنه




اما البنات

.
..
.
.
.
.
.
.
.
عييييييييييييييييييييييييييييييييب

ومشكور يالكنز على الموضوع الحلو

هلا الكنز ..

1- ريانة العود حاطتها المدرسة عريف الفصل وش تسوون فيه ( هذا للمرجوجين بس) ؟
بتمصلح معاها وأعلم عن اللي يتكلمون( خبركم تموت بالنذالة) علشان تحطني مساعدة لها ..

2- - وين المكان اللي تجلس فيه في الفصل ؟؟
الزاوية اللي على اليسار أنا حاجزتها قبل اللي عارفة نفسها .. كلش ولا أفوت النوم عندي خبرة بهالزاوية دفا ونوم وياليت أطول بنت بالمنتدى تحجز اللي قدامي علشان تغطيني ..

3- يوم من الأيام جتكم المدير (المملكة) وطقتك بدون وجه حق ؟؟ وش بيكون موقفك لو قابلتيها بالعصر ؟؟
كل شي ولا المملكة لو تقطع راسي ضحكت لها يالله السلامة بس

4- فيه مدرسه اسمها (العنود ) تحس انها تحقد عليك انت شخصيا من بين الطالبات ودايم توقف لك ؟؟ وش موقفك منها لو مرررت السنين وقابلتيها بعد خمس سنين في مكان عام ؟؟
بطلع حرتي فيها .. آه بس لو اتفرد

5- وكيلة المدرسة (الهلالية للابد) دايم طايحة في الطالبات ضرب وطق وماعندها رحمة ابد وش تسوي له ؟؟
دامها ما جتني وش دخلني فيها .. تبيني أدور على نفسي ..

- مدرسه اسمها(الماسة الزرقاء ) دايما مزوحة مع الطالبات وتحبهم وتخدمهم وتساعدهم وتلقاها محبوبة من الطالبات مرت 20 سنة وقابلك وانت ماعرفتيها ؟؟ وقال ليش ماتسلمين يافلانة ولا نسيتي ؟؟ وش يكون موقفك ؟؟
والله لي الحق ما أعرفها .. بس بلعب عليها وأقول اللي بعمرك كبروا وتغيرت ملامحهم وأنتي بعدك شابة .. عاد هي بتنبسط وتنسى ..

7- انتي مدرسة في المدرسة وكنتي مراقبة في الاختبارات وش موقفك لو اكتشفتي (شذى الهلال) مع برشام
حرااااام عليك ما لقيت الا شذى تغش .. شذى لو معها برشام كان راحت علمت على نفسها .
<== واثقة بنفسها بزيادة ..

مشكوررررررر كنزوه على الموضوع الحلو ..

إقتباس إقتباس من مشاركة جنتلمان الكنز وش فيك هاليومين على الرجّه ;)

عودوا بالذاكرة قليلا لايام الدارسة بالمدارس ( طبعا هذا للي تخرج)

وتخيلوا انكم باقي طلاب في المدرسة وانا ودي اطرح بعض الأسئلة عليكم :

1- البارق حاطه المدرس عريف الفصل وش تسوون فيه ( هذا للمرجوجين بس) ؟

والله اول شي بسويه باخذ لي طباشير وادور الدوافير واحذف عليهم ثم احذف عليه

2- وين المكان اللي تجلس فيه في الفصل ؟؟
( طبعا الزاوية اللي عاليسار محجوزة لابو الذهب)

في وسط الفصل لاسباب استراتيجية

3- يوم من الأيام جاكم المدير (الكنز نواف) وطقك بدون وجه حق ؟؟ وش بيكون موقفك لو قابلته بالعصر ؟؟

امممم ايزي برووح له وبطقه طق وراح يتسامح مني

4- فيه مدرس اسمه (صمت العيون ) تحس انه يحقد عليك انت شخصيا من بين الطلاب ودايم يوقف لك ؟؟ وش موقفك منه لو مرررت السنين وقابلته بعد بعد خمس سنين في مكان عام ؟؟

اها والله المسامح كريم


5- وكيل المدرسة (الجنرال فيصل) دايم طايح في الطلاب ضرب وطق وماعنده رحمة ابد وش تسوي له ؟؟

الله يعينه علي لانه كل يوم طاقن ذا الفيس عنده

6- مدرس اسمه(يزيد) دايما مزوح مع الطلاب ويحبهم ويخدمهم ويساعدهم وتلقاه محبوب من الطلاب مرت 20 سنة وقابلك وانت ماعرفته ؟؟ وقال ليش ماتسلم يافلان ولا نسيت ؟؟ وش يكون موقفك ؟؟

اوووووبس والله مشكلة

7- انت مدرس في المدرسة وكنت مراقب في الاختبارات وش موقفك لو اكتشفت (شموخ) معه برشام

ايزي بأخليه مثل مااستعملتها انا خله يستعملها


مشكووووووور اخوي الكنز على هالموضوع

إقتباس - البارق حاطه المدرس عريف الفصل وش تسوون فيه ( هذا للمرجوجين بس) ؟

الله يعينه على الطباشير اللي برجمه به

إقتباس - وين المكان اللي تجلس فيه في الفصل ؟؟ ( طبعا الزاوية اللي عاليسار محجوزة لابو الذهب) ؟؟

تحت سنون الذهب حقت ابو الذهب

إقتباس - يوم من الأيام جاكم المدير (الكنز نواف) وطقك بدون وجه حق ؟؟ وش بيكون موقفك لو قابلته بالعصر

كنز والا غيره
اقرب حصااااااااااااة اخذها وافلقه في راسه عشان مايطقني ثانيه ولد الذينا

إقتباس فيه مدرس اسمه (صمت العيون ) تحس انه يحقد عليك انت شخصيا من بين الطلاب ودايم يوقف لك

احده واخليه يرقى اقرب رصيف

إقتباس 5- وكيل المدرسة (الجنرال فيصل) دايم طايح في الطلاب ضرب وطق وماعنده رحمة ابد وش تسوي له ؟؟

اعزمه في مطعم واحط في الاكل حاجه تلعب في بطنه واروح عنه واخليه هو اللي يحسب ..ويادار مادخلك شر

إقتباس - مدرس اسمه(يزيد) دايما مزوح مع الطلاب ويحبهم ويخدمهم ويساعدهم وتلقاه محبوب من الطلاب مرت 20 سنة وقابلك وانت ماعرفته ؟؟ وقال ليش ماتسلم يافلان ولا نسيت ؟؟ وش يكون موقفك ؟؟

ابوس على راسه واقول بيض الله وجهك ..انا اشهد ان امك جابت رجال

إقتباس - انت مدرس في المدرسة وكنت مراقب في الاختبارات وش موقفك لو اكتشفت (شموخ) معه برشام

امسكه
والزخه
الزخه
الزخه
الزخه
الين يقول ربي الله
وبعدين اقوله تراني رحمتك ومنيب معلم عنك

هلا اخوي الكنز ...

إقتباس 1- ريانة العود حاطتها المدرسة عريف الفصل وش تسوون فيه ( هذا للمرجوجين بس) ؟

برسلها بطاقه وبكتب فيها احبك في الله >>> تتمصلح شوي ..

إقتباس - وين المكان اللي تجلس فيه في الفصل ؟؟

قدام في الوسط لأني دافوره ;)

على طاري الدوافير ..
أذكر يوم كنت في اولى ثانوي الأستاذه طالبه منا نحفظ معادلات( كيمياء) ولا حفظتها..
ويوم جاء اليوم الثاني وتقوم البنات ولا وحده جاوبت وقالت إلي ما ذاكرت توقف اختصار للوقت وإلي ذاكرت ولا قامت بقومها أسألها ..
من زود ا لثقه في النفس ما قمت وأزعجتها بكلمة انا استاذة وانا ما ادري وشي الإجابه
ويوم سجلت اسامي البنات إلي ما ذاكروا بقي اربع بنات بس إلي جالسين وانا منهم واخذت اسامينا وعطتنا درجات من غير ما تسألنا ..>>> وناسه الشخص ياخذ درجات من غير ما يذاكر..

إقتباس - يوم من الأيام جتكم المدير (المملكة) وطقتك بدون وجه حق ؟؟ وش بيكون موقفك لو قابلتيها بالعصر ؟؟

بقول لأمي يمه شوفي هاذي تراها المديره إلي طقتني الصبح وبتستلمها امي وتتناقش معها لين تقول تبت

إقتباس 4- فيه مدرسه اسمها (العنود ) تحس انها تحقد عليك انت شخصيا من بين الطالبات ودايم توقف لك ؟؟ وش موقفك منها لو مرررت السنين وقابلتيها بعد بعد خمس سنين في مكان عام ؟؟

مدري ..
لكن اتوقع إن الحره إلي فيني خلاص خفت مع السنين
وبتصير من الماضي ..
وبروح اسلم عليها
وإذا شفتها عطتني وجه قلتلها إنك غلطتي علي يوم كنت تلميذه عندك ..>> ما عندها جريئه
عاد إذا كان عندها دم بتطلب إني احللها

إقتباس 5- وكيلة المدرسة (الهلالية لابد) دايم طايحة في الطالبات ضرب وطق وماعندها رحمة ابد وش تسوي له ؟؟

بقولها ترى البنات مو عبيد عند اهلك
وبقول لأبوي وهو يتصرف من فوق

إقتباس 6- مدرسه اسمها(الماسة الزرقاء ) دايما مزوحة مع الطالبات وتحبهم وتخدمهم وتساعدهم وتلقاها محبوبة من الطالبات مرت 20 سنة وقابلك وانت ماعرفتيها ؟؟ وقال ليش ماتسلمين يافلانة ولا نسيتي ؟؟ وش يكون موقفك

اكيد بستحي على وجهي اجل استاذه الماسه اقابلها ولا اعرفها
وبقولها النظر ضعيف عندي والعذر والسموحه..

إقتباس - انتي مدرسة في المدرسة وكنتي مراقبة في الاختبارات وش موقفك لو اكتشفتي (شذى الهلال) مع برشام

بمسكها مع إذنها وبقولها ما هقيتها منك أنتي يطلع منك كذا اجل ما نشره على باقي البنات إذا غلطوا


وألف شكر لك يا اخوي
تحياتي للجميع ..

تحياتي للجميع على ردودهم الحلوة واحلى مافيها
الشباب طايحين في بعضهم تقطيع

انا طبعا ارد عن الشي الخاص فيني بس

وبالنسبة للأخوات الكريمات شذى الهلال والماسة مشكورات على ردودكم وطبعا الموضوع نسائي بين البنات بس
وشكرا لكن



وبالنسبة للردود :

إقتباس كنز والا غيره اقرب حصااااااااااااة اخذها وافلقه في راسه عشان مايطقني ثانيه ولد الذينا

بسيطة ياجحدر
ملفلك تلقاه بكرة في الشارع

إقتباس امممم ايزي برووح له وبطقه طق وراح يتسامح مني

تطقني مررررة وحدة
شكلي مدير مدرسة دار الاحداث

إقتباس اسوي عاقل وما اسوي شي واقعد اسولف معه يعنني على نياتي.... بس ينتظرني اخر السنه وش اسوي فيه

الاساليب هذي قديمة
شف لك اسلوب ثاني

إقتباس على حسب المكان اللي ابقابله فيه اذا قابلته في المسجد ابسرق نعاله واذا قابلته عند البقاله طبق البيض موجود

انت اعقل من غيرك ياجنتول
اذا على النعال اسرقها بكيفك !!
أهم شي مافيه طق

إقتباس الكنز وش فيك هاليومين على الرجّه

بالعكس انا انساااان هادي مررررررة
بس اللي يمشي مع صمتووووووه يصير كذا مرجوج

إقتباس بسلم عليه وبقول ابوي يبيك في الشارع

يارجال ابوك يبي الفكة منك

إقتباس طبعا بيكون جنبي ابوي بعد الصلاه وبخليه يتفاهم معه

هذا الأدب ولا بلاش

إقتباس اه بس اشوفه ياانا بأخلى شموخ يشفطه ببراطمه

عاد الا شمووووووووووخ الله يرحم والديك

إقتباس ما أسوي له شي لأنه لو كان غير الكنز طقيته بس تبي الجد أتركه بحاله <<<<<< كثر منها

ماشاء الله عليك عااااقل ةتعرف لنفسك !

إقتباس اطقها لطمه وامحطه على غاربه بلوح والا قوطي ببسي معفوط واحط رجلي يعني وحده بوحده وماخذ الثار

والله اني واثق انك كنت تشوفه من جهة وتجي من الجهة الثانية

إقتباس بالكرسي اللي جنب البارق

لا ياشيخ
شف انا متأكد انك كنت تجلس في الصف الأول ودافور بعد !