|[[ شخص طلب مني ايصال الرسالة لكم جميعا - الشغله فيها موت .!!؟ ]]| - نادي الهلال السعودي - شبكة الزعيم

اسير الشمال · #1 13/11/2010, 04:22 AM

بسم الله الرحمن الرحيم
السلام عليكم ورحمة الله وبركاته

.
.
،،

شخباركم ياحلوين .!؟
ان شاء الله في صحة وعافية

اكيد راح تكونون في صحة وعافية مو انتم اللي راح تنبسطون بعد كم يوم
راح تنبسطون كثير لسبب وحيد انكم راح تضحون فيني وفي جماعتي

عشان كذا لازم تكونون مبسوطين من قدكم ( عيد وطرب ووناسة وبالاخير لحم ولا فيه احلى منه )

خصوصا معشر السمن منكم واعني فيها باللغة العامية ( الدببه

) اي والله ياهم راح ينبسطون كثيير عشان ذبحتنا

اي وشسمة بعد تدرون حنا الحين وش قاعدين نسوي

ادري ماتدرون ولا تبون تدرون لان هالشي مايهمكم الله يسامحكم بس

حنا الحين كل واحد قاعد يكتب وصيته لاخوه ولا امه ولا ابوه
ياكثر الوصايا والله حرام عليكم قسم بالله شي يقهر

الحين تعالوا اسألكم بالله مو حرام .. وش ذنبي انا اترك حبيبتي عشانكم
ووش ذنب حبيبتي تعيش باقي عمرها من دوني يمكن يكون باقي لها سنة ويمكن شهر

ويمكن 6 شهور وتموت لكن حتى لو ؟؟

وش ذنبها تعيش باقي العمر من دوني ماتقولون لي . ووش ذنب الام تاخذون ولدها منها ولا وش ذنب الابو

كل يوم يروح ويتعب ويشقى عشان ولده واخرتها تجون تاخونه منه بسهولة لا وانتم تضحكون بعد

تدرون وش اللي قاهرني ..!؟

انكم زعلانين
اي زعلانين

طبعا اكيد مو عشاننا زعلانين

زعلكم كله عشان سعرنا غالي يعني بالله مو حرام كل هالمعاناه اللي نعانيها واخرتها تزعلون عشان سعرنا غالي

وتبون ارخص بعد والله صدق ناس ماتستحي قسم بالله لكن حنا راضين بكل شي لان هذا شي مكتوب وغصبن علينا نسويه

طيب بتقولون ليش زعلان ولك ساعه تهايط علينا اكيد
انا جالس اهايط عشان افضفض اللي بقلبي لان مابقى الا ايام معدوده وافارق الحياة !!؟

قبل ماقولكم الى اللقاء حاب اشكر ( اسير الشمال ) اللي ماقصر معي عطاني فرصة اتكلم معكم

طبعا هو مايفهم علي ولا انا افهم عليه بس جبنا ( مترجم ) ومشى الوضع

محدثكم :

هذي صورتي انا والشباب اللي بنودع هاليومين

انا اخر واحد عاليسار

وموتوا حررررره وان شاء الله اسعارنا كل سنة ترتفع فوق فوق فوق

الى اللقاء وكل عام وانتم بخير جميعا

،،

جوجوالهلاليه · #2 13/11/2010, 04:26 AM

هههههههههههههههههههههههههههههههه
خطيررررررررررررررررر ربي يسعدك من جد ضحكتني
وان شاء الله ربي يلحقنا العيد...

سموني مجنونها · #3 13/11/2010, 04:29 AM

ههههههههههههههههههههههههههههههه

الله يرجك

اجل انت اخر واحد على اليسار

هلالية والعز عنواني · #4 13/11/2010, 04:45 AM

..

وأنآ دآخله جو وبآلنهآيه يطلع خروف

وش زود الطمآط عنه خله يرتفع هو الثآني

هلاليــ دوت كوم ـــه · #5 13/11/2010, 04:55 AM

قولّه يَ أسير الشمآل : عيش هـ الكم يوم بسّ و أنبسط قبل لآ تفآرق الحيآة ! <~ نآس مآ ترحم

الهلالي دائماً · #6 13/11/2010, 10:15 AM

هلا وغلا اسير الشمال

ما اقول الا يا زين الدجاج

وأكل دجاجة وتقر بطني .. احب الى من اكل الخروف

بس عليك نظرات

تسلم على الموضوع الطربف

ازعاج · #7 13/11/2010, 01:12 PM

هههههههههههههههههههههههههههه

الله يرجك اجل انت اخر واحد ع اليسار

..

عاد تخييلوا ينقرضن الخرفان

وش نضحي فيه ؟؟

الف شكر لك

&لاتغرك ضحكتي& · #8 13/11/2010, 01:18 PM

ههههههه

الله يسعدك

بصرآحة صورتك عذآب هههه

كل عآم وانتو بخير

HILALYA ]~ · #9 13/11/2010, 02:40 PM

.

لا انا علبالي الموضوع واحد ينصح هع ض1 ..
المفروض هالسنه نذبح دجاج والا بط ض1 ..
ما تملون من اللحم انتم ض1؟
اجل الله يرحمك انت واهلك واخوانك وخوياك ض1 ..
ويجزاكم خير ع توسيع بطون بعض الناس ض1 ..